Wednesday, December 23, 2009

يزى الوالدين : ان شاء الله الجنه

لى ثلاث ايام و قلبى طاير فى إنتظار
الجعده من سياتل
ونظرا للعواصف الثلجيه اللى إجتاحت
امريكا أوروبا
تكنسلت طيارته وتلخبط حجزه
بروحي أعد الأيام عد اللى بيقعدها عندي
الحين طارت من عطلته أربع أيام بس بهالمطارات
المهم وصل و قرت عيني فيه
ياااااا حلوه .... وياحلو كشرته
طبعا اللى عندي بالبيت يبونها فرصه علي
كلهم يتقامزون و يتناغزون علي وأنا حااااقرتهم
عمك أصمخ ..... وردي الوحيد عليهم
كلكم لكم يوم....!!!!! وتحسون كل اللى فى قلبي
وصل الجعــــــــــــــــــــده
الجعـــــــــــــــده حبه رعده

****************
وصلني ايميل ووايد عجبني
فيه واحد يقول : أبى هو الأفضل

فى عمر 4 سنوات : أبي هو الأفضل
و فى 6 : أبي يعرف كل الناس
و فى 10 : أبي ممتاز ولكن خلقه ضيق
و فى 12 : أبي كان لطيفا عندما كنت صغيرا
و فى 14: أبي لا يمكن أن يتماشى مع العصر
و فى 16 : أبي يزداد حدة
و فى 18 : ابي لا يحتمل
أستغرب كيف إستطاعت أمي أن تتحمله
و فى20 عاما : أبي يعترض على كل موضوع
و فى22عاما : من الصعب الأتفاق معه
هل ياترى تعب جدي من أبي عندما كان شابا
و فى 30 عاما: أبي رباني في هذه الحياة
مع كثير من الضوابط، ولابد أن أفعل نفس الشيء
و فى35 عاما : أنا محتار
كيف أستطاع أبي أن يربينا جميعا
و فى 40 عاما: ومع أطفالي
كم تكبد أبي من عناء لأجل أن يربينا ويحافظ علينا
و فى 45 عاما: أبي كان ذا نظرة بعيدة
وخطط لعدة أشياء لنا ، أبي كان مميزا ولطيفا
و فى 50 عاما: أبي هو الأفضل
جميع ما سبق إحتاج إلى سنوات طويله
لإنهاء الدورة كاملة ليعود إلى نقطة البدء الأولى
عند الـ 4 أعوام كان أبي هو الأفضل
وعند 50 تأكدت أن أبى هو الأفضل

**********
ما جنه تأخر واااااايد إلى أن عرف فضل أبوه
بالنسبه لنون النسوه أعتقد هن الأقرب للأب
والأكثر تفهما والأسرع لمعرفة فضله عليهن
من الشباب.......ليييششششششششش...؟؟؟؟؟
هل هالكلام صحيح ...؟؟؟؟
والإ غير صحيح...؟؟؟؟؟

المــــــــــــــــــــــهم
لا تنسون الدعاء لوالديكم يوميا و طول العمر
هم جنتنا ....وهم نارنا
ولنحسن إليهم قبل أن يفوت الأوان
ويحفظ الكويت من دواوين الفتنه
وسلاااااااامتكم

28 comments:

Mohammad Al-Yousifi said...

قرة عينج و بالتوفيق انشاءالله

ديري بالج عليه هني من المخيمات و الشاليهات

:)

Anonymous said...

قره عينج وتشوفينه معرس ان شاء الله

مشكوره علي نقل مقال الدعيج وايد عجبني

الكيل بمكيالين وايد منتشر

صكوا السور لأنهاتثير الفتنه لكن يا ويلكم لا قربتوا علي المدونات فهي حره تكتب اللي تبي ومحد له حق يعترض

انا ضد اسلوب جويهل وضد كل من اساء الادب
انا ضد اسلوب جويهل

كويــتي لايــعه كبــده said...

مار أرد السلام على أختي الغالية

قرة عينك والحمد لله على السلامة

كبرتينا في كلامك عن الوالدين
بعد ما كنا في نشوف الدنيا من عين الأبناء اليوم نقرأ المقال من زاوية الوالدين

جزاك الله خير على التذكير

ARTFUL said...

قرة عينج

ولدج الجده يدرس بره؟

اسم الله عليج

عسى ربي يعطيج طولة العمر يا رب :)

الام والابو اهم خير الدنيا عسى ربي يحفظهم

SHOOSH said...

قرت عينج

:)

ميمة السبيت said...

** قرت عينج يالغالية و الله يفرح قلبج فيه و اهو راد بشهادته و رافع راسج

و يزى الوالدين على الله الله يحفظ عيالنا و يبعد عنهم شياطين الجن و الأنس

mob said...

كل ماصديت جريتيني للكتابه
قررت عينا وانزاح هما
الي قاعدين يتغامزون عليك احذري منهم وعليهم من الغيره والتاريخ الكويتي والعالمي يحذر من التفضيل
اذا اردت حمايته ساوي الاشقاء وكبتي عاطفتك تجاهه اذا استطعت والا الثمن

غالي اسالي مجربين ولا حاجه للشرح اكثر

اما الايميل يقول الاباء
اليتيم من مات اباه لا امه
سامحونا يانساء العالمين البديل للام
متوفر وبكثره
حتى لو ان القلوب بدات تتشرط
شروط مستحيله للام البديله

عيني عليك واسرتك بارده

Anonymous said...

امبييييييه طلعتي وايد عوده !!

بنت الشاميه said...

ma6goog :

بويه نبيك
مشكور وما قصرت

والله الحافظ

بنت الشاميه said...

Anonymous

مشكور / ه
بويه نبيك
وااااازينه وهو معرس
بس الكبار طبعا قبله

(:
مقالا ت الدعيج الاخيره تبرد القلب
وصوره واضحه كل اللى يجري على الساحة السياسيه بالكويت

ياريت الكل يقرونها ويفهمونها عدل
الكويت محتاجه كل الحكماء والعقلاء فى هذه الايام
الاوضاع تغلي ومحد فاهم
ليش قاعد يصير كل هالشيئ
الا ..... فى نفوس وقلوب المؤزمين
الله يحفظ الكويت منهم ومن شرهم

بنت الشاميه said...

كويــتي لايــعه كبــده :

مشكور وبويه نبيك...والله فاقدتك
حبيت اتطمن عليك

شفت شلون هذا حال الدنيا
يوم لك ...ويوما عليك
اللهم احفظ والدينا وعيالنا من كل شر يارب

حياك الله....ولا تطول الغيبه
(:

المسقطيه said...

ياحلوه حياه الله عيل عندك اعتكاف وماراح نشوفك لما يرجع الله يحفظه

Nikon 8 said...

الحمد الله على لم شملكم مع الغالي
الجعدة
:)
قرة عيونج
والوالدين مهما إجتهدنا ما نطلع من يزاهم
يا رضى الله ورضى الوالدين
:)

بنت الشاميه said...

ARTFUL :

مشكور بويه نبيك
شفت شلون الجعده يدرس بره
ههههه
بس هانت فات الكثير ما بقى الا القليل

نعم والله الوالدين هم خير الدنيا
وما فيها
الله يحفظك زيخليك لزالدينك

بنت الشاميه said...

SHOOSH :

بويه نبيك
مشكورة يا حبيبة قلبي

بنت الشاميه said...

ميمة السبيت :

مشكووره بويه نبيك

اللهـــــــــــــم امين

يزا الوالدين بالجنه
واللهم ارضٍى عنهم و ادخلهم جناتك
بلا حساب ولا عذاب
برحمتك يا أرحم الراحمين

بنت الشاميه said...

mob :

مشكور بويه نبيك
اي والله طالت علي المده
ان شاء فات الكثر ما بقى الا القليل
بقول لك سر
فى مدونتى اكتب كل فضفضتي
وكل اللى فى قلبي بحريه
و اللى ما اقدر اقوله بالواقع

ادري بالعيال...!!!!..والله اني اراعيهم كلهم....وعلى قولة امي القلب دكان وكل من له مكان
وانا ازيد عليه و بالتسااااوي بينهم
بس هذا اليعده .... وارحمه
كل شئ الا التفرقه بينهم
اصلا اخاف رب العالمين فيهم
والقلوب يحق لها تتشرط
مو هى اللى بتعيش...؟؟؟
الحياة نعيشها مره وحده
حياك الله

بنت الشاميه said...

Anonymous 2 :

ههههه
شدعوه
ترا الجعده مو من اسرار
الدوله العظمي
تمشي بمدونتى وانت تعرفين كل شيئ

ترا تلاقطونا واحنا صغار
(((:

DiLLi O MiLLi said...

قررررررت عييييينج
الحمدالله على سلامتة
:)

ذكرتيني لما كانت عيونا تلاقط لما أيي أخو الجعده من أمريكا
والنغزات اللي نقطها علي أمي الله يحفظها
لووووول
:)

أذا شفنا شي تغير بالبيت
على طول : هااااا يماااا شي شي شنو هذا أستكانات يديده !! ما طلعت ألا لما وصل فلان
طبخة يديدة ،،، نغزناها
ريحة بخور بالبيت ،،، نغزناها مع أن عمرنا ما دخلنا عليها ألا ونشم ريحة البخور
لووووول
:)

قلـــــــــــــــــــــــــب الأم
محــــد يعرف هالأحساس ألا اللي عندة عيال
عسي ربي ما يحرم أحد من هالنعمة

أنا ما عندي ألا ولد واحد ،، ما عندي بنات
ولما ذيج السنة فكر يسافر يدرس بره
تخصرتله ،، وقلتله لاااا حتي تفكر أن بخليك تدرس بره
أنا أهني وما أقدر أنام ألا لا شفته ساري



آآآآآه يا قلـــــــب الأم

:)

Anonymous said...

قرت عينج بنت الشامية

لام الله اللي يلومج في غلا الجعده

الجعده حبه رعده كلمة الوالده

وحاطته نيك نيم لأصغر خواتي فتلفونها

وماحسيت بهالشي الا لمن صرت بمكانها

بنت الشاميه said...

المسقطيه :

هلا بالطش والرش
مشكوره بويه نبيج

وااااااي يهبل يااااااحلوه

انت قدمي طلب بالمقابله
وانا انظر بالموضوع
ههههههههههههههه
حياج الله

بنت الشاميه said...

Nikon 8 :

اللهم امين
مشكوره بويه نبيج
طاير قلبي عليه
(:
اما الوالدين ما نطلع من يزاهم
ما نبي الا رضاهم علينا

بنت الشاميه said...

DiLLi O MiLLi :

الله يسلمج
مشكوره حبيبة قلبي بويه نبيج
ميته عليه من الوله هذى روحته من شهر 7 .... ماخذ صيفي متاخر
لو شايفه حالتى برمضان
انعينت عليه عيااان..وخصوصا اذا دق يسالنى شلون يطبخ المجبوس
تصوري حالتي
الله كريم هانت بعد يبيلنا سنه
ونخلص....لووووول
والنغزااات خليها على صوب
بس ما علي منهم لااااا بستهم
هههههه
الله يحفظ لج وليدج و يبلغج فيه
ويجعله من الذريه الصالحه
ويخليكم لبعض
اللهم امين

بنت الشاميه said...

Anonymous 3 :

مشكوره وما قصرتي
الله يا فرحتى بدخلته...ردت روحي
والله ما افرق بينهم بس و لانه الجعده
يكسر خاطري..... والغربه كربه
بس الحمدلله على كل حال
الحياة تعلمنا كل يوم دروس وعبر
يزا الوالدين بالجنه ان شاء الله

مَـــــعْــــمَــــعَـــــه said...

قرة عينكم

الله يبارك لكم فيه ويطرح فيه البركة

الاوركيده said...

قرت عينج والله يفرح قلبج دايما يارب

وتفرحين بردته بالشهادة الكبيرة

يالغالية

:)

بنت الشاميه said...

مَـــــعْــــمَــــعَـــــه :

لا خلا ولا عدم
مشكور اخوي العزيز بويه نبيك

بنت الشاميه said...

دمعة المقهور :

الهمــــــــــم امين
مشكوره وما قصرتي يا الغاليه

ان شاء الله الله يبلغج بكل حبايبج

(: