Thursday, December 17, 2009

فى السمااااا غيم

بسناااااااا سياسه ....ملينااااااا
ماااااااكو فايده
أصدقاء اليوم .... أعداء الأمس
وأعداء الأمس ..... أصدقاء اليوم
هذا هو الموجع
فوجدت نفسى فى حالة ترقب وانتظااااار
*************
من أصعب اللحظات في هذه الحياة
هي لحظة إنتظار....إنتظار شيئ ما

لحظاااااااات
بارده .. طويله ..صامتة ..مؤلمه ..خانقه
ففيها يختلط الواقع بالخيال
وأحيانا تتسع بالأمال والأمنيات
وأحيانا أخرى يملأها الخوف و التشائم
من المجهول القادم
وقد تكون لحظات سعيده وممتعه
وقد تكون تعيسه حزينه
فهناك أشياء كثيره غامضه تعودنا أن ننتظرها
بين خوف وشوق
وبين تانيب ضمير وحسره وندم
فنعيشها أحيانا بامن وسكينه
وأحيانا بغضب وعصبيه
فنترقب قليلا .. وبالأمل وبالنجاح نتمسك
فتهون علينا طول لحظاااااااته
أمر بلحظات إنتظار.....أتمنى أن لا تطول
لقد مللت هذا الإنتظار
فهل الإنتظار هو الصعب...؟؟؟؟؟؟؟
أم ما بعد الإنتظار هو الأصعب...؟؟؟؟؟
وسلامتكم

25 comments:

Mok said...

أشلونج أنتي زينه؟

بنت الشامية said...

انا بكامل قواي العقليه
مليت سياسه...شبعت سياسه
بعض المدونات ما فيها الا السب وشتم
كلام ما اقدر أتحمله
لازم نغير المووووود

Mok said...

سويلج حملة اللي سوها من قبل الاخ بلوق عمتي


مالت نظافة التدوين او شيء جذي

السب من اجل الاختلاف الاراء مرفوض لكن ممكن اقاطع اذا وصل الامر الى هوسات وترك المباديء

المهم أنتي زينه؟

Enter-Q8 said...

العزيزة بنت الشامية ما ترينه هو نتيجه لذا لازم نعالج السبب
وسعي بالك و لا تروحين صوب الشتائم
خلك نفسي اقري من الريدر

عاجــل said...

عزميني على جدر مموش مع دقوس صبار

وانا ممكن اصبر لحد ما يطلع الزيتون في الكويت

ARTFUL said...

بنت الشاميه سويلج حمله اسمها بسنا سياسة


;p

دمعة المقهور said...

يسعدلي صباحج

شلونج بشريني عنج يالغالية

للحين مونايمة ومواصلة ما أبي انام اخاف يطوفني الجو الحلو
:)

صج ماينا من السياسة والمشاحنات خل نستمتع شوي بالجو والقليل من الراحة

ابو عبدالملك said...

اي والله طال انتظار اليوم الموعود

mob said...

سلام من الله
انت سيده تكتبين في الليل في السما غيم

وتستهل الامطار صباحا؟ تخوفين

""""
بيد المرء ان يسقي وجوده والا مات
كالشجر واقف
كيف ومتى ولماذا ؟ يحددها الصراع بين العاطفه والواجب وينعشها الخوف والا خوف وهنا يتخندق """" الانتظارررررر

>>>>>>>>>>>>>>>> >>>>>>>>
خلينا يابنت الغيم نشوف مطر الله من الشباك يسقي الارض العطشانه التي تنبت من دون تفكير ولا تحتاج جرأء
يحفظك الله

بنت الشامية said...

Mok :


اصلا ما اقدر اسوي اي حمله...لاني مسالمه....اللى اقدر عليه
اتحلطم وتقرطم بريحاتي ...واسمعكم اياه
هذا اللى اقدر عليه....وانتو تحملوني (:
حال بعض المدونات ما يسر عدو ولا حبيب

اما عني فانا باحسن حال
شكرا لسؤالك عني

بنت الشامية said...

Enter-Q8 :

الامور ما تتعالج بهالطريقه

وعمر اختلاف الاراء و تتقاربها ما تتعالج ايضا بهالطريقه
تحكيم العقل ووتحكيم العاطفه اول خطوه فى الطريق الصحيح للعلاجَ.

وتقبل الراي المخالف بكل سعة صدر
َهذى الخطوة الثانيهَ .

اذا كنا من صج نريد العلاج
مو بالسب والشتم وتصغير الاشخاص
والشك بحسن النوايا
بهالطريقه عمرنا ماراح نتحضر ونرتقي

اسفه للاطاله لاني صج محبطه من البعض

بنت الشامية said...

عاجــل :

هالايام ما يشبعك لا موش ولا دقوس صبار

والزيتونات ما نزرعها بالكويت
اهل الزيتونات ما يتفاهمون ولا يوسعون صدورهم لبعضهم البعض ....الى ان وصلت طرق تفاهمهم الى طريق مسدود ..... ما يتفاهمون الا بالقتل
.والاغتيالاتَ
اعوذ بالله منهم ومن زيتوناتهم

ولكن يالله الجنه احنا بالكويت ما نزرع الا النخل...وان شاء الله كله خلالنا برحي وخلاص

والنخل يبله صبر....حتى فروخ النخل يبلها صبر وصبر مو اقل من ثلاث سنين....هذا اول...قبل ما تتطور
زراعة النخيلَ
بس الحين كل فروخ النخل فسايل
والفسيله طريه وصغيره يبيلها من يعتني فيها ويرعاها ويحبها ويغذيها ويصبر عليها ويحميها من هجوم الامراض والحشرات الضاره عليها...وننطر طلعها
يمكن سنه تتنتج وسنه ما تتنج
مو نقوم نزعل ونزوع مرارتنا و نقطها ونزرع فسيل ثاني مكانها بس لانها ما انتجت
او بس لان انتاجها قليل
الحياة كلها انتظار وصبر واذا تبي زود عن النخل
عندك العم بو عمر هو معلمنا وخبيرنا فى زراعة النخيل....ويعلمنا شلون نصبر

على الفسايل الطريه الشابهَ .

واخيرا ....تحملنى ترا الى الحين ما خلصت

خف على بنيتنا شروق شويه
تراهاما قالت الا الصج وكل الصج
لانها صادقة النوايا

نصيحتة لك بالاخير
بس صج ترا خلصت
اقول لك ساااافر وغير جو
السياسه قامتتك واااااايد

اسفه جدا على الاطاله
هذا اللى بقلبي كله قلت لك

وشكرا لك انك تحملتني وبتحملني اكثر واكثر

سلااااااام
ترا ما احب الموش ولا دقوس الصبار
معدس ...نعم احبه ومستعده اعزمك عليه.....مع دقوس طماط وفلفل معبوش صناعه محليه.....ومن الخلال
ههههههههههههههههههه

أهل شرق said...

مافي غير البر الواحد يقدر يريح فيه

ويسترجع قواه العقلية والجسدية

والسياسة مالنا غناة عنها

صارت مثل الدم في العروق

بنت الشامية said...

ARTFUL :

تصدق صارت حياتنا كلها سياسيه

بس ما اقدر اسوي اي حمله
انا ضد الحملات
الا حملات الحج انا معاها
(:

بنت الشامية said...

دمعة المقهور :

يسعد لى مسائج

شفتى حلاة المطر والغيم....يرد الروح

متى بتيبين عيالي ....؟؟؟
وما راح اعلمهم السياسه..هذا
وعد منى لج
تراني زاهبه انطرهم
لووووووول

بنت الشامية said...

ابو عبدالملك :

عندي لك سؤال لو سمحت لي

عيزت ادور اي تعليق لك فى المدونات اللى حملت رايه الدفاع عن
نصر حامد بوزيد
ما لقيت اي تعليق....ليش...؟؟؟
هقيت ان هذا يومك

شكرا لسعة صدرك

ابو عبدالملك said...

هههه
ادري ردج في مقصد لكن ابي اصفي النيه


لالا في ردود لكن انتي ماجيكتي عدل؟؟

ثانيا
بما انج تدعين انج مسلمه يعني يجب عليج المدافعه عن الاسلام اشوف مالقيت لج ردود؟؟
الا اذا تعتبرين ان الاساءه للاسلام حريه راي فهذا شي ثاني

بنت الشامية said...

mob :

شفت شلون .....حطوا بالكم مني
تراني ما ني هينه
(:

بس خوش امطار اليوم خير ونعمه
صارت حياتنا كلها انتظار بإنتظار
ونعيش دائما هذه اللحظاااات
ونجيرها لنا الى الاحسن
وماندري الى وين بنوصل
.ما لنا الا الدعاء بان الله يحفظناَ

وينك على هالغطه....؟؟؟؟
اكيد مسافر...حمد الله على السلامه

بنت الشامية said...

ابو عبدالملك :

ههههه
لا والله حشى ما أمقصد اي شيئ
بس من جد ما لقيت اي رد لك

ومشكور على الرد

ابو عبدالملك said...

لالا في ردود
جيكي على مدونة الطارق
والاصاله
وفي جم مدونه مااذكر اساميهم

وعليكم السلام

بنت الشامية said...

أهل شرق :

صارت السياسه ادمان لنا والعياذ بالله
لذا يجب ان نجد علاج فورى لها
لان كثرتها تتلف العقل والقلب
(:

Nikon 8 said...

تفائلي بالخير
وكله خير من رب العالمين
ويا الله العفو والعافية
:)

Dreama .. said...

إي والله ، يالله العفو و العافية ^

بنت الشامية said...

Nikon 8 :


لا ما كو الا كل عافيه
والخير دائما من الكريم الاكرم
يكفى هالامطار كلهاااا خير ونعمه

بنت الشامية said...

Dreama .. :


شكرا وحياك الله