Monday, November 23, 2009

هلا شققت عن صدرهااااا

قايله ما أبي اتطرق لفتاوي السعوديه
ولا عن مفتيهم ... و لكني ما قدرت
بعض الاخوه المعلقين جزاهم الله خيرا
يقولون ان
**********
اذا هالفتوى صحيحه
فهى وااااايد قويه ومن جد حد مصدومه
الفتوي تحرم الإنترنت علي المرأه
والسبب
خبث طويتهاااا
لله اكبر الله اكبر الله اكبر
ولعهر المرأة ومكرهاااا
الله اكبر الله اكبر الله اكبر
هالا شققت عن صدرهااا
لتعرف هل هى خبيثه ..؟؟؟
هل هى ماكره...؟؟؟؟؟
نشتكي لمن ؟؟؟؟ وعن من..؟؟؟؟؟
والشكوى لغير الله مذله
لاحول ولا قوة الا بالله
لا حول ولا قوة الا بالله
تركتوا منافع الانترنت
وركزتواعلى خبث المراة فقط
لاحول ولاقوة الا بالله
وسلااااامتكم

45 comments:

daggero said...

بنت الشامية

محرمك يمج منعا للخلوة الألكترونية

بنت الشاميه said...

محارمي كلهم يمي
هههههه

عاجــل said...

حلوة

جزهم الله

BoHSaiN said...

في ناس ما تدري ان هذه الفتوى مكذوبة وملفقة..

ومن قراءة بداية الفتوى يتبين انها غير صحيحة

الزين said...

@@


حسبي بالله فيهم

فتاوي ملفقه

وكلام مكذوب

انا بعرف هاللي حاط المره براسه ووده يرجعها لعهد العبودية والجواري

شنو اللي حارق خبزته منا

عهر وخبث !!!


بنت الشامية ترى كلش مو خوش سالفه

وودي ارد بشكل ثاني


بس اخاف يقولون زياده عنا



وصباحج خير يارب

صوت الكويت said...

إذا حشى الشرع ..الكل ياكل .. ناشوز

يالله كل وحده قاعده بروحها تقوم وإلا أنادي محمد هايف

Anonymous Farmer said...

أي شي اييج من السعودية تحذفينة من الدريشة علا طول ، هذي ما يبيلها روح و تعال

Mok said...

للامانه انا سااا مع عثمان الخميس بأذني ينفي هذه الفتوى في احدى القنوات الفضائية

Danderma said...

كان عندنا دكتور بالجامعة ملتحي حار فينا إحنا البنات

اول شيء طلع قانون لحد يدخل عندي يراجعني إلا بمحرم

يعني انا ادق على ابوي اييبه من بيته عشان بسأل الدكتور سؤال بو خمس دقايق

رد قال لحد يوطوط مولية كلكم في مسن مسنجر كلموني

كلمناه في مسنجر رجع قال لالالالالالا خل استفتي قبل هل انا لمن اكلمكم في مسنجر خلوة شرعية و لا لأ

و نطرناه اسبوع على ما ياب فتوى و علقها عند الباب انها مو خلوة

و الريال كل هاللي فيه انه مرته تغار عليه

على ما خلصنا منه إلا شيبنا!!!!

alala said...

الله يهديح الفتوى قديـــمة وشوفي تاريخها من 2004

الفتاوي كثيرة و لكن الله تعالى كرمنا بالعقل عشان نميز و نعقل الامور و نوزنها

و الله المستعان :)

ARTFUL said...

بعد ما تأكدنا ان محارمج يمج الحين نكدر نسولف معاج غفر الله لج

اتوقع الفتوى تأليف

بس لو صج ودي اسمع فكر المفتي وشلون يعامل خواته بالبيت!!

ReLaaaX said...

سبحان الله !؟ حتى الفتوى قامو يقولونها مشايخ ماقالوها أصلاً؟

تدرين ؟ لازم يبصمون المشايخ ويوقعون يالله نتأكد من مصداقية الشي



احتريت لأن الكلام متقول !؟

إذا الرسول اللهم صلي وسلم عليه تقولو عليه .. فما أستبعد إن يتقولون على شيوخ



يقولج لحوم العلماء مسمومه .. صراحه محد كاسر خاطري إلا هاللي مصفف الحجي


أصلاً لا صيغة الفتوى مستحيل تكون من عالم من العلماء او شيخ من المشايخ لأنهم يعرفون الادب والرقي بالكلام ماعمري قريت فتوى فيها سب او طعن او سوء ظن بالناس عموماً



إلا جان مسليمة الكذاب صاحب التلفيق هذا له نيه إن يكون شيخ زمانه الله اعلم !؟


ودي احط استنتاجي للموضوع بس خل ادز لج اياه ايميل بعد اذنج عشان ماانذبح بالأشهر الحرم ;p

الراي الحر said...

السعودية ابو التناقض

الانترنت حرام على البنت .. الموبيل او الجوال على قولتهم حلال ما حرموه

الاختلاط عندهم حرام بالجامعة مثلا .. بس بالسوق اللي يشتغل بالمحل يكون رجل عادي مافيها شي ، وحريمهم يركبون مع سواويق هم هذي حلال

ReLaaaX said...

عفوا : يقولونها(إيقاولونها) يعني تتقول عليهم وليسو هم اصحاب القول بس باللهجة الكويتيه

بنت الشاميه said...

mtfa2el :

اسفه بالخطا مسحت ردك
وعلى العموم حطيت ردك بالبوست من اول ما شفت تعليقك
شكرا لك
واسفه مره اخري


mtfa2el
الشيخ عثمان الخميس من مشايخ الكويت الطيبين

و هالفتوى مكذوبة عليه

و هني انكاره لها


http://almanhaj.net/fatwaa/fatwaa_detail.php?fatwaa_id=222

{~المباركية~} said...

خوفج بعدين الحريم يغارون ويقولون لي لازم مرتك ولا اختك صوبك

DiLLi O MiLLi said...

وووويييييه يا بنت الشامية
هالفتوة طالعه من زمان
بس انتي عطبها طااااف
انتي بهالطريقه قاعدة تنشرينها
الله يهداج
فتاويهم اشكثرهااااا لاااا تعطينهم اهميه

Jako said...

فتوى قديمة صارلها سنين تردد لكن ماعندي علم منو الجهبذ الي أطلقها قبل غيره

ابو عبدالملك said...

لالا مو صحيح
ثانيا باين انها فبركه
لان الشيخ عثمان الخميس كويتي مو سعودي
وثالثا الفتوى فيها قلت ادب

ورابعا
الشيخ سعد الغامدي قارئ مو مفتي

ابو عبدالملك said...

ب

ابو عبدالملك said...

اللي اعرفه ان الفتوى تنزل باسم شيخ واحد مو اثنين

ثانيا
عثمان الخميس كويتي مو سعودي
ثالثا
الشره مو على اللي لفقه الفتوى الشره على اللي قاعد ينشرها
وهذا ان دل يدل على ان اللي ينشرها ماعنده ثقه بورثة الانبياء

واللي ماعنده ثقه هذا انسان ضايع تائه

نشر الفتاوى وااااااجب شرعي said...

لا بد من نشر الفتاوى في كل وقت وكل عصر وكل دقيقه

حتى لا يستغل كثثثثير من المسلمين

الغافلين الطيبين واللذين على نيتهم يرزقون

انتوا شفتوا انفسكم بالجزيره والخليج ...تعلمون كل شارده ووارده

ولا تريدون من في اندونيسيا والهند يعلمون ان هذه الفتوى صحيصحه او

خاطئه ...الفتوى ليس خبر رياضي او حادثه حتى نقول عنها ...انها قديمه َََََء

يجب الاعاده والنشر في كل وقت وعصر

حتى نعرف الصح والموضوع

لولا نششر هذه الفتوى الان في هذه المدونه """""جان انا واحد لا اعلم مدى صحتها او خطأئها

واذا انتم تعرفون عثمان الخميس و تفتون ان خطا ان اصدار الفتوه احاديه
فقط َََََْء
كيف تفتي بذلك ؟
كل العالم لهم مجالس افتاء للدوله والافراد ...اما الفتوى الفرديه لا ياخذ بها الا سائلها فقط

لك الف شكر والله يحفظك من كل سؤ

والسسلام عليكم

بنت الشامية said...

عاجــل :


جنها يايزتلك الفتوي...؟؟؟

الله كريم

بنت الشامية said...

BoHSaiN :


الاخ متفائل حط الرابط
الذى ينفي فيه الشيخ الخميس الفتوى
وانا نزلته بالبوست

بنت الشامية said...

الزين :


ما كو فكه منهم
قاعدين لنا قعده
ان شاء الله الله ويانا عليهم

لا تحترين منهم .... الله كريم
مساء ليلى يمطر خفيف يرشش على الويه
((:

بنت الشامية said...

صوت الكويت :

لا لا .... نقوم احسن
(:

بنت الشامية said...

Anonymous Farmer :

لا ما يصير لازم نتاكد من صحته
وخصوصا اللى يخص النساء
لان هناك تضيع ارواح وتتهدم اسر
وضعهم مخنلف عنا

بنت الشامية said...

Mok :

اشرقت وانورت شيخ الشباب عندنا

(:

شكرا للمعلومه
ما تقصر

بنت الشامية said...

Danderma :

بذمتج والله من صجج
لا لا لا مو معقول
وهذا هو دكتور واكاديمي
ولله بلشه ابتلشنا فيهم
لازم نطالب بكليه للشباب فقط
اسوة بكلية البنات
علشان امثاله يدرسون فيهااا

لانه هذه النوعيه معروفه عدل
ما يقدرون على انفسهم
الحمدلله اللى خلصكم منه

بنت الشامية said...

alala :

القضيه مو احنا بالكويت
القضيه اللى بالدول الاسلاميه المختلفه
لما يسمعون هالفتوي من السعوديه
ما تدرين شنو رده فعلهم لها..؟؟
وهذا هو الخطر
لازم تقنن الفتاوى
ولا تترك لكل من هب ودب

بنت الشامية said...

ARTFUL "

االاخوان قالوا ان الشيخ الخميس نفها عن نفسه بس
اما الشيخ الثاني ما سمعنا عنه شيئى ؟؟؟؟؟؟
وانا اتمناها اكثر منك
مو لاني امراة
بس حفاظا على مكانة وهيبة المفتين
لازم تقنن الفتاوى

بنت الشامية said...

ReLaaaX :

كلامج صحيح
بس هم اللى خلوا الناس تتجرأ عليهم
من كثرة فتاويهم وبالاخص
فتاويهم الغريبه
ما يصير كل من بفتي على كيفه
فى كل فضائيه وفى كل صحيفه وفى كل اذاعه.... مفتين.....شوشوا على الناس
وصعبوا الاسلام على الاخرين
خصوصا الغير ناطقيين العربيه
الاسلام دين يسر مو دين عسر

وايميلي مفتوح لج اربع وعشرين ساعه
حياج الله

بنت الشامية said...

الراي الحر :

السعوديه تختلف كليا عن
اوضاعنا بالكويت
فكل دوله لها خصوصيتها
ودمت

بنت الشامية said...

{~المباركية :


لا تحاتي شيئ الفتاوى كلها"عنا" و
الله كريم

بنت الشامية said...

DiLLi O MiLLi :

شلون اعطيها طاف
لا هذا ما يجوز
اذا الفتوى صحيحه خل يقولون انها صحيحه
واذا مغلوطه او مدسوسه خل نعرف
كل من بدا يتجرا على المقتين
و بفتاوى مشبوه
وهذى هى الفتنه

بنت الشامية said...

Jako :

الفتوى فتوى
وبعض الناس تاخذ بها
شوف لو هذى الفتوى تنتشر بباكستان او ايران او بالسعوديه ليش نروح بعيد
تخيل تخي ماذا يحدث من ماسي
ومن اللى بتصير فيها

بنت الشامية said...

ابو عبدالملك

ردك وايد متحمس الى درجه انك
ضيعت... وضيعتنا
اما ورثه الانبياء
الله يااااا كثرهم من يدعون انهم وزثة الانبياء هذه الايام..... ومن يتبعهم بلا فكر...هو الضايع التائه

بنت الشامية said...

نشر الفتاوى وااااااجب شرعي :

ما عليك زود واعادة الفتاوى الشاذه والمغلوطه والغير صحيحه
واجبه لقليلوا الفقه
وهى فكرة البوست
ولمثل تعليقك السديد
يعطينا الامل
ونستطيع ان نستمر بعالم التدوين
بخطوات ثابته
فشكرا لك .. ولدعمك المعنوي

بو حامد said...

اذكر اول ما اطلعت الفتوى نفى على طول ورجعت انتشرت مره ثانيه وهم طلع ونفاها

وانتي السبب اذا طلع ونفاها المره الثالثه :)

بنت الشامية said...

بو حامد :

لازم ننشر الفتاوى الموضوعه والخاطئه
لانها خاطئه
انتو بالكويت تدرون انها غير صحيحه ولكن باقى المسلمين بجميع بقاع الارض
من اين لهم ان يعرفون انها غير صحيحه وانه نفاها عن نفسه
فلازم ننشرها لكى يتاكد الناس ان لا توجد فتوى تحرم الانترنت على المراة
وان المراة والرجل
سواسيه بالاحلال والحرام
امام الله

ابو عبدالملك said...

بنت الشاميه

الله يااااا كثرهم من يدعون انهم وزثة الانبياء هذه الايام..... ومن يتبعهم بلا فكر...هو الضايع التائه

الله ماشاء الله قمتي تحددين اذا الشخص عنده فكر ولا لا

شرايج نحطج عضو بهيئة كبار العلماء

او نمسكج راية الجهاد

لان بصراحه وصلتي لمرحله من العلم قمتي تحددين منو الفاهم ومنو اللي مو فاهم بالعلم الشرعي

ماشاء الله
الظاهر الاخت احد طلبت بن عثيمين ولا انا غلطان

بنت الشامية said...

ابو عبدالملك :

رد حماسي مشوه ليس فيه
من الخلق الاسلامي شئيا
اضر بجميع علماء المسلمين واولهم
الشيخ ابن عثيمين رحمة الله عليه
المشكلة تشويه الاسلام بنظرتكم ""انتم"" الدونيه للمراه

والاسلام برئ من التائهين الضايغين

والظاهر خلافنا الفكري
ما راح يصل الى نهايه

ابو عبدالملك said...

المشكلة تشويه الاسلام بنظرتكم ""انتم"" الدونيه للمراه


ممكن تعلميني انا وربعي المطاوعه شسمنا؟؟




يكون بعلمج ان الاسلام لايقبل تعدد الافكار

الاسلام عقيده وحده توصلك للجنه اذا اتبعتها اتباع صحيح

اللي بينا وبينكم خلاف عقائدي

حنا عقيدتنا سليمه

لكن انتم عقيدتكم منحرفه

فهمتي
انحراف عقائدي

يعني انا بحياتي ماسمعت ان في صحابي او احد التابعين كان ليبرالي او علماني

وبحياتي كلها ماسمعت ان في صحابيه قالت نبي اختلاط او نبي نتبرج ونكون سافرات او تستهزء برجال الدين

وحتى من جانب الايات مافي ايات تدل على الاختلاط او تبرج النساء


امرج غريب

بنت الشامية said...

ابو عبدالملك :

جزاك الله خير
هذا هو الخلق الاسلامي بالحوار
ما قصرت

ابو عبدالملك said...

شوفي ماتقدرين تردين على كلامي

تصيدين اي شي علشان تردين رد علشان انج رديتي بس


اتحداج تردين على ردي

ماتقدرين