Thursday, November 19, 2009

كملنــــــــــــا اسبــــــــــــــــــوع

يوم الخميس اللى فات
يعني صار لنا اسبووووع
بعد اأن توكلنا على الله سبحانه وتعالى
وهو خير معين
أنا والعائلة الكريمه مع الجاليه الأسيويه
اللى الله سبحانه وتعالى بيسألني عنهم
وبعد صولات وجولات طويله لإقناع الكل
بضروة التطعيم ......قمنا برحله عائليه
إلى مركز الصقر بالعديليه....والحمد لله
و.. أخذنا اللقاح كلناااااااا
إنفلونزا الخنازير
H1N1
وانفلونزا الموسميه

بس خاااااامرين و ما علمنا احد
والحمدلله إلى الحين ما كو أي مضاعفات صحيه
كلنااااا بصحه جيده
حاطه إيدي على قلبي خايفه خصوصا على الجاليه
الأسيويه ...... لإنهم برقبتي
وبعد ماااا نشفت ريج الدكتور و الكاتبه والممرضه
طعمت أول حده........ وأنا سااااااكته
أنا كبش الفداء دائماَ للعائلة
والحين حقل تجارب للمدونات
بس صج تستاهلوووون
الحين طاف اسبوع
وإذا كملت الشهر..... وما صار لنا شيئ
طعموووووووا ولا تخااااافون
والله ولي التوفيق
إذا.....إذا شفتوا شيئ غريب بالمدونه
أو بتعليقاتي او تقصير مني
أو تأخرت عليكم
تراه من التتطعيييييييم

نكشششششه
النواب والوزراء الأفاضل طعموا والإ إلى الحين ؟؟؟

خل يطعمون يمكن ...يمكن ....يمكن
يشوووفون الوضع السياسي والإقتصادي
عدل بعد التطعيم
وتفتح شهيتهم للعمل التشريعي والتنموي لديرتنا

وخصوصا نائبنا المؤدب
اللى شهد له 53 وزير ونائب بانه مؤدب

ورفضوا عقابه
لاحول ولا قوة الا بالله
هذى أخرتها يصير حال مجلسنا جذي
ترا طفح الكيل
إن شاء الله ما كو الإ العافيه
ولا تنسون التطعيم
والله الحافظ
وسلاااااامتكم

24 comments:

Enter-Q8 said...

اذا الله كتب الاسبوع الجاي ان شاء الله
بس بغيت اسالك
اهم حددوا فئات عمرية و امراض معينة بس اللي تطعم
لأني بالبداية رحت وارفضوا قالولي لازم مريض سكر فوق الخمسين
بس وايد من الربع قالولي ترى عادي لأن شكله المخزون طاح بجبودهم

Nikon 8 said...

الله يبشرج بالخير
النواب قوموا الدنيا وهددوا وزيري
الصحةوالتربية بالإستجواب
وما رد عيالنا جاتهم الخنازير وهم ببيوتنا
؟
والتطعيم قاعد بالمستشفيات الناس خايفة منه
؟
الخبة عيل إشعليه
؟؟؟

ولاّدة said...

ماكو إلا العافية

أنا وولدي وزوجي طعمنا من أكثر من أسبوعين وما صار فينا شي


كلام انتر سليم أول ما نزل اللقاح حددوه بالحالات الصحية الخاصة فقط

ARTFUL said...

صج

الحمدالله على السلامه

اختي احس قاعد توسوسون

كل يوم تشوفون اجسامكم

لو تشوفين نفره طلعت بيدج تخافين

لو ترجف ريلج بشكل لا ارادي او تنفض بشكل طبيعي تخافين

الشعووور باايخ


;D

بس والله قويه الله يحفظج ويسلمج ويبعد عنكم كل شر

:)

خلج نشيطه ولا تقطعين من التدوين علشان تعطين صورة ما تعطين صورة سيئة لللقاح

:)

aL-NooR . said...

والله اني تشققت ..عسى ربي يطمنج عليهم و يطمت عليج وعلى العايلة كلها ..لا لا ماكو الا العافية بس الظاهر ..عندنا الرعب ببيزة


صبحج الله بالنور ..و النوير
welcome weekend :*

***********************

فريج سعود said...

ماكو تطعيم على شكل دهان ؟

ocean said...

no way !!!!

اعراض المرض ممكن تظهر بعد 10 سنوات !!!1


يعني مو على طول!!!

بس ان شاء الله ماكو شئ !!!

Anonymous said...

الله الحافظ

ZooZ "3grbgr" said...

الله يحفظكم من كل شر

ولا يحرمنا من تدويناتج يالغالية

:")

دمعة المقهور said...

ما كو الا العافية انشاء الله

انا طعمت ولدي وريلي بعد طعم

والحمد الله كل شي بخير

:)

بنت الشامية said...

Enter-Q8 :

اعقلها وتوكل

الحين يطعمون كل من يبي
الثنتين والا وحده منهم
وماكو الا العافيه

بنت الشامية said...

Nikon 8 :

اليوم قدموا الثالث
الله يستر

والله الوقايه خير من الف علاج
ما اكو الا العافيه

بنت الشامية said...

ولاّدة :

زين سويتوا
الواحد يحط ايده على خده ويخاف
ان شاء الله ما كو الا العافيه

بنت الشامية said...

ARTFUL :



لا والله وانت صاج
كل ما عطست قلت ابيه انكست
ما لى الا البندول.....ههههههه

الله يستر
مشكور .... ما كو الا العافيه

بنت الشامية said...

aL-NooR :

هلا بالشيخه
الفضل لزوجي
قال اذا انتوا منتوا مطعمين انا بروح بروحي.....عاد قلت ما فيهاااا
لازم نطعم كلنا
والله سبحانه عانى عليها
مشكوووووره
طعمتي...؟؟؟؟؟
هههه
لا تخافين

بنت الشامية said...

فريج سعود :

لا اكو لزقات
تنفع

بنت الشامية said...

ocean :

اذا الله احيانا
عشر سنين تراه عمر
الله يستر

بنت الشامية said...

Anonymous :

يالله العافيه

بنت الشامية said...

ZooZ "3grbgr:

مشكوره يالشيخه

بنت الشامية said...

دمعة المقهور :

زين سويتي الخوف بيذبحنا
الوقايه خير من الف علاج
شلون عيالي
(((:

دمعة المقهور said...

حبيبتي

عيالج زينين الحمد الله

بس للحين على كلمتج بعد الاربعين محتاجة شهر عسل يديد مو وايد 4 ايام تستقبلينهم

:)

بنت الشامية said...

دمعة المقهور :

افا عليج
تهني ...وستانسي انا بخدمتج
يا بختي من الحين انا زاهبه
بس واحد ايميل وتلقييني بحوووووشكم
(((:

Flona said...

The effect might not appear in you, but there is a chance in the next generation.
I work in Australia in the Medical Center and still we are hanging some adds seeking for volunteers for the N1H1 studies.
I don't recommend it since most of us don't need it, and we can be naturally cure from it.

Anonymous said...

برافو عليك التطعيم إيجابياته بالنسبة للحوامل والحالات المرضية المزمنة و الأطفال اللي أصغر من سنتين لا ُتقاس بالنسبة لسلبياته إحنا قاعدين نتكلم عن احتمالات الوفاة في مثل هذه الفئات و لو إنها بسيطة إلا أنها لا يمكن تجاهلها و اللي قاعد يروج لخطورهالتطعيم ما عنده ضمير لأن تصنيع هذا التطعيم خطواته هي بالضبط نفس خطوات و تقريباً مواد تطعيم الانفلونزا الموسمية و للتأكيد بالإمكان الرجوع لموقع مركزالتحكم بالأمراض
الأمريكي CDC
أو موقع منظمة الصحة العالميةWHO