Thursday, November 12, 2009

قال يافرعون من فرعنك ..؟ قال مالقيت من يردني

لا حول ولا قوة الا باللله
تم اعتماد راي طلال الفهد
بان مجلس اتحاد كره القدم من 5 اعضاء
ضد رغبة الشباب الكويتي
لاحول ولا قوة الا بالله
ما ينلامون الريايل اذا تكودت الديون على ظهورهم
هالقصه معيوده و تكررت

وبتتكرر فى كل زمان ومكان
وسوء اختيار الوقت .... والوضع الاقتصادي
يزيد من اعماق هالقصه وتوابعها
أوصي الريايل
كونوا على حذر ولا ترضون
او تتنازلون...او ترق قلوبكم
الدين هم بالليل ومذله بالنهار
الرك على الأولى
عاد موووو تشوبون علينا
يوااااش يواااااش علينا برضو الرحمه حيلووووه
يقـــــــــــــــــول الزوج
أول ما نزلنا بيتنا الجديدا فرشناه سجاد
المتر فوق 40 دينار
بعدها بجم سنه بدت الحنه
فقطينا الموكيت وحطينا بداله رخام

قلنا الحمدالله خلصنا .... وراضينها
و بعدها بجم سنه ردت الحنه
فكسرنا الرخام وحطينا سراميك
قلنا الحمدلله خلصناااا وهم راضينها هالمره
بعدها بجم سنه....حنه....حنه
كسرنا السراميك وحطينا سراميك إرتكازا وأبل
قلنا الحمد لله خلصنا... وبشوووف إلى وين ؟؟
وبعدها بجم ....... سنه
كسرنا سراميك ارتكازا وحطينا باركيه
قلنا الحمدلله خلصنا ..... وهذى الأخيره
بعدها بجم سسسسسسسنه
الحين .. تلوب تبى تشلع الباركيه وبتسوي
الأرضيات مساح يعنى يكون مودرن

أهني ماخلصنا ولا شيئ.... ولا همنى رضاها
انفجرت وشالت وشدخت

لإنها طبعا مو متعوده على الرفض
وعييييت عليها وقلت لها الباب يفوت جمل
زعلت وصيحت .... وشيشت العيال
وأنا وربها واحد ما راح أسوي شيئ
مت من الديووووووون وهى مو حاسه

والحين جنهاااا جنهااااا طخت.... واستحت
وإعرفت إنه من صجي و ما راح أخليها
الحين بس بتغير الستاااااير
أشقق هدومي....وهالديون من بيدفعهم
تبى تسنع بيتها قبل العيد طلعتني من طوري
مو بطر ومزامط وشحاطه
اللهم لاتاخذنا بما فعل السفهاء منا

وسلاااااامتكم
نهاية اسبوع سعيده مع هالبريداااات
اللى هلت علينا....يا بختناااااااااا

28 comments:

enter-q8 said...

نفس واحد من الربع قال حق مرته بعد ما اتهمته انه بخيل و من هالسوالف قالها اوكي انا بعطيك المعاش كله و تعطيني مصروفي بس
يقول ما طاف نص الشهر الا قالت له طني الفيزا
قالها تدلين بيتك اهلك و الا من الشهر الياي بتعطيني معاشج و تسددين اللي فسفستيه

ARTFUL said...

والله الحريم

يعلون بهالسالفه

ما يصير الأثاث يديد والله ما دار عليه سنه ونص

كل ابي ابي ابي

واللي يسمعهم الريال مقصر والله قاط ما وراه ودونه وزود ولا عاجبهم

نبوق ننهب

!!!

بو جويس said...

قلعته، هذا زوج لا مؤاخذه حمار. اكو ريال عاقل يعطي مرته وجه من الناحيه الماليه؟ لا و يقترض بعد علشان يغير الكاشي الي مو عاجبها؟

هذا على طول الطب النفسي لأنه خبل.

و دمتم

Anonymous said...

تصحيح المثل

قال يافرعون من فرعنك ..؟ قال مالقيت من يردني

التصحيح حسب اللهجه المصرية

آلوا لفرعون : أش فرعنك

آل ما ليئتش حد يصدني

بالنسبة لتبديل الستائر فأنصحهم بستائر سيدار

Anonymous Farmer said...

Words of wisdom.

Thank you.

أهل شرق said...

طلال الفهد لقى البلد فوضى

فلعب على كيفه وبصراحة مالقى

ريال يرده

Anonymous said...

الفسق مو زين والنعمه زواله

بس المره شافت شلون الريال يكت علي الاجنبيه وطوايفها وهو يضحك

شمعني حلال حق الغريبه وحرام علي بنت البلد

فريج سعود said...

اتزوج عليها ارخص

Anonymous said...

تم اعتماد راي طلال الفهد بالانتخاب او بالتعيين ؟

وشنو راي الاغلبيه ؟

وهل الديمقراطيه حلوه لما توافق هوانا ومو حلوه لما ما توافق هوانا ؟

ومنو الشباب ؟ ووين تصويتهم ؟

سايق باص said...

على سالفة طلال الفهد .. ما اقول الا لاتعليق

اما على سالفة الزوجه .. اقول ماعليه نتحمل انشوف آخرتها :))

Anonymous said...

بروك عليكم توقيع عقد انشاء مستشفى جابر الأحمد

ميمة السبيت said...

* ليش معطيها ويه من الأول المفروض هالأمور تتم مع بداية الزواج مو عق 6000 سنه

الله يهداه

اشوه انا فلوسي رايحه كله عالجمعية

الاوركيده said...

الصراحة هو معطيها وي

يعني لازم من الأول يكون موقفة جدي ويكون صاحب قرار

والمفروض عليها تراعي زوجها وظروفه

الله يعينة

daggero said...

بنت الشامية

الفرعونة اللى فى البيت يجب التعامل معها بالمبدأ الأولى اللى تعلمناه كذكور فى سنة أولى حب أو خطبة أو ملجة واللى يقول
المرأة اللى توافقها على كل شى فى النهاية راح تكرهك
فعندك أياها

نعم نعم لا نعم لا لا لا نعم
أو أي ترتيب عشواءى أخر

وطبعا هذه الطريقة راح تجعل المرأة تعتقد أن الرجل مخلوق غامض وصعب فهمه وتقضى وقتها بتحليل شخصيته( لأن المرأة تحب تحليل الشخصيات )بدلا من أن تستمر فى طلباتها الغريبة وهكذا تستمر الحياة بين الطرفين

بنت الشاميه said...

Enter-Q8 :

تصدق ما اقول الا الله يصبر
الريال اللى مرته جذي
ومثل ما وصيتكم كل الرك على اول وحده
ترا العين الحمره ساااعات واااايد زينه
ترا .... ما علي ... مو تبلشني
والله يعينكم فينا
(((:

بنت الشاميه said...

ARTFUL :

المثل الكويتي يقول
مد ريولك قدر لحافك
فما يحتاج يبوق ولا يتسلف
ولازم يعلمها ان هذا كل اللى عنده

والا تقضب الباب

اذا من اولها بتسوي جذي
عيل بعدين شبتسوي ...؟؟؟؟؟

ترا مو كلنا جذي
(((:

بنت الشاميه said...

بو جويس :

هو اول مسكين حاشمها وبيراضيها
بس هى ما احترمت نفسها
وما قدرت تعب ريلها بجمع امواله
واذا كان صاحبك حلو ما تاكله كله

بنت الشاميه said...

Anonymous :

شكرا.....كنت اعرف المثل
بس صرفته على اللى ابيه

حتى ستاير "" مريكن"" ما راح يخليها

بنت الشاميه said...

Anonymous Farmer :

حياك الله

بنت الشاميه said...

أهل شرق :

عمري ما فكرت ان اهد ديرتي واهاجر
بس من امس ... صج بدايت افكر
ما اقدر على القهر اكثر من جذي
حسبي الله ونعم الوكيل

بنت الشاميه said...

Anonymous 2 :

والله وانت صاجه النعمه زواله
اذا زا لاسراف عن حده


واصابيع الايد مو وحده
وكذلك الريايل
ومن صبر قدر

بنت الشاميه said...

فريج سعود :


انت اللى بتيب الشقا حق روحك

هههههه

بنت الشاميه said...

Anonymous 3 :

مبروك فاز بالانتخاب
.
.
.

اللى انت عارفه .... زيييين.. وفاهمه

بنت الشاميه said...

سايق باص :

اذا بتنطر اخرتها
تحمل اللى بيك...ههههه

بنت الشاميه said...

Anonymous 5 :

الله يبارك ببحياتك
متى بيخلص..؟؟؟؟؟؟؟؟؟؟؟؟؟؟؟

بنت الشاميه said...

ميمة السبيت :

مسكين حسباله ان الامر بيوقف عند حد
ام عياله ومو مضيق خلقها
بس هى الله يهداها
شقت وخيطت فيه
مهي قادره على نفسهاااا

بنت الشاميه said...

دمعة المقهور :

هلا بام عبد العزيز وغاليه

(((:

والله مشكله بالحريم اللى ما تقدر تعب وجهد ريايلهم
مساكين يشقون من الصبح الى الليل
وهى ما عليها الا تصرف و تزامط

الله يكون بعون ريايلهم
والله قلبي عليهم

بنت الشاميه said...

daggero :

وااااي واااي الله منك.... منت بهين
واثاريك طلعت وااااحد

فرعونه ...فرعونه.. ؟؟؟؟
الله كريم
اما سياسه نعم نعم لا لا نعم نعم لا اشوه توني اعرفها.... واسمع فيها
والله يبلكم عمر يالله الوحده
تعرف "" علم الرجل"" والله انه علم
صعب ويحتاج دراسات عليااااااا
والله يحفظ الجميع