Thursday, October 29, 2009

حواء....والمهمات الصعبه

جاءت إمرأة لأحد العلماء وهي تظنه ساحرا
وطلبت منه أن يعمل لها عملا سحريا بحيث يحبها
زوجها ولا يرى غيرها من نساء العالم
فقال لها : إنك تطلبين شيئا عظيما و ليس سهلا
فهل أنت مستعدة لتحمل التكاليف ؟
قالت : نعم
قال لها : أُريد شعرة من رقبة أســـــــــــد
قالت : الأسد ؟
و كيف أستطيع ذلك والأسد حيوان مفترس
وممكن أن يلتهمني أليس هناك طريقة أسهل ؟
قال لها : لن يتم لك ما تريدين من هذه المحبة
إلا بها وإذا فكرت ستجدين الطريقة المناسبة
لتحقيق هدفك وهومحبة زوجك
بدأت المرأة بالتفكير في كيفية الحصول
على هذه الشعرة
فاستشارت من تثق بحكمته فقال لها
أن الأسد لا يفترس أحدا إلا إذا جاع فعليها
إشباعه حتى تأمن شره
أخذت بالنصيحة وذهبت إلى الغابة

وبدأت ترمي للأسد قطع اللحم وتبتعد عنه
واستمرت على هذا الحال إلى أن ألفها الأسد وألفته
وفي كل يوم كانت تقترب منه اكثر إلى أن جاء

اليوم وتمدد بجانبها ، وهو لا يشك في محبتها له

فوضعت يدها على رأسه ومسحت على رقبته
بكل حنان وأخذت الشعرة من راسه بهدوء
وهو مستسلم لها
فأسرعت للعالم الذي تظنه ساحرا لتعطيه الشعره
والفرحة تملأ قلبها ..فأخيرا سوف يتحقق حلمها
لما رأى العالم الشعرة .... سألها
ماذا فعلت حتى حصلت عليها ؟؟؟؟؟؟؟
فشرحت له كيف روضت الأسد، بمعرفتها طباعه
فعليها أولا إشباع بطنه
ثم الاستمرار ...ومن ثم الصبر
بعدها يحين وقت قطف الثمار

حينها قال لها العالم : يا أمة الله
زوجك ليس أكثر شراسة من الأسد
افعلي مع زوجك مثل ما فعلت مع الأسد
فتملكيه
تعرفي على مداخل قلبه وأشبعي جوعه
تأسريه
وضعي الخطة لذلك.... واصبري
=============

فهناك أنواع عديده من قلوب الرجال
فهناك قلب محب مغرم عذب وعطاؤه فياض
هناك قلب كالذهبغالي لا يصدأ معدنه أصيل
هناك قلب شاب لايشيخ صاحبه وهوخبير بالحياة
هناك قلب مجروح مهموم لاينفعه طب أو دواء
هناك قلب قاسي حاسد أصم بخيل لايملك العطاء
فهل من السهل معرفه أنواع قلوب الرجال ؟؟؟؟
ومداخلها..؟؟؟؟
وهل هذه القلوب تستحق كل هذا العناء...؟؟؟؟
كم أنت مسكينه يااااااااحواء
وبالإخير
لاحد يسألني شصار بالأسد...؟؟؟؟

يمكن يمكن .... إلى الحين ينطرهااااااااا
قلبى عنده ......اللى يعرف شصار له يقول لى

وسلااااامتكم

34 comments:

نمووول said...

مسكين الاسد ومسجينة المرأة
والعالم مضيع لان الريال مو مثل الاسد

شكراً

ARTFUL said...

لا والله معرفة القلوب وما تحب

صعبه

ويبيله صبر


:)

مسقطية said...

لاتحاتين الاسد لقى واحدة ثانية دلعة وتسد مكان اللى راحت

الاوركيده said...

مسكينة المرأة

بس ترى والله الريال مثل الطفل اذا عرفتي شنو يحب وشلون تدخلين قلبة ونقطة ضعفة ملكيتيه

وهذي على شطارة الوحدة

:)

may said...

تؤ تؤ تؤ

المسألة مو بالبساطة هذي

الريال إذا مو معدنه طيب ، ما ينفع معاه طيبة ولا سنع ولا اي شي

وفوق هذا التوفيق من الله..

وشكرا

ananasah said...

أصبت نصف الحقيقه .... أنا اعتقد علاقة الرجل والمراه تنجح لماكل طرف يشغل مخه شوي ويفكر ويقرا ويتعلم عن الطرف الاخر مو يعتمد على المزاج في تحليل شخصية الطرف الاخر ...
باختصار التعامل مع الجنسين يحتاج حكمه وصبر وذكاء :)
اختيار موفق للقصة :))
بالتوفيق
؛)

reemas said...

قد يكون الرجل هو المسكين احيانا
و قد تكون المرأه هي المسكينه احيانا

enter-q8 said...

اللحين حواء اهي المسكينة
اللي قصت على اسد جارح شرس
بتقولي مو قاصه على امة لا اله الا الله
سبحان الله حريم ما في فايده هم ردت على الرجل و قالت و عادت فيه
الله سبحانه و تعالي اللي العظمة له
قال عن كيدكن عظيم
حتى بالقران سمى سورة كامله باسمكم
بس اهم شي ان من الخمس صفات فايزين بثلاثه و ركزتي على مسكنة المراه بالثنتين فقط من الصفات

يا ساتر عليك يا حواء

t.q8 said...

سمعت القصه اكثر من مره
بس مافكرت بالاسد المسكين

بعرف محد الف قصه شلون يرضي حواء

ليش دايما يصورونا ان احنا ميتين عليهم وميتين على رضاهم !؟

الزين said...

تدرين شنو المشكله يا بنت الشامية

:)


ان كل ريال على باله اهو اسد

ما يدري ان القطوة لاعبه بحسبته

لووووووول



صباحج عسل

:**

Q80 Blogger said...

هذي قصص تنفع لجيل ما قبل السبعينات
اما في الوقت الحاضر .. فالرجل هو الذي يبحث عن ذاك الساحر ليسهل عليه مهمت ترويضه لإمرته .. خصوصا وأن لكل حركه يقوم فيها مخالفه لحقوق المرأه واعتراض على الديمقراطيه ورجوع لعصور الجاهليه !!!

اما بالنسبه للطريق لقلب المرأه .. فأعتقد سيكون عن طريق جنطه فاخره .. هذا ما فعله بعض النواب .. وقد تم لهم ما أرادو !!!

يعطيج العافيه يا بنت حواء :)

دجاجه بولنديه said...

المكر اعطاه الله للنساء

واعطى الرجل في الايه الكريمه

واضربوهن

ايه صريحه لا لبس فيها

ف مالكنن الا مراشات الاسسد والصبر عليه بمكر ثم نتف شعره كله ..انشالله تحلقينه على الزيروووو لكن بالمكر

والا انا من مؤيدين تطبيق الايه الكريمه واضربوهن وخاصة المحجبات بالجنزات المحزأه وقواطي النيدوا وسنام البعاريرن برؤوسهن

والله ان الضرب هذه الايام اجدى نفعا
من لسان المراءه الحاد
التوقيع
دجاجه بولنديه

فيلسوف said...

القصه حكيمه جدا

بس التعليق اختلف معاه

ترا مو بس المراه اللي متعذبه

ومتوهقه

ترا حتى احنا مبتلشين فيكم

عاد تصدقين قاعد افكر الف مره بالزواج

لاني مالي خلق الحنه وسوالف الحريم

نظام ان كيدهن عظيم

عشان جذيه تبين الصراحه

الزواج هو مكون من شخصين

يعني مو كل واحد يبي الثاني يسوي كل شي و يراضيه وهو ولا هي فوق

لا لازم تنازلات بحدود المعقول

واننا نتعامل بما يرضي الله

يعني مثل ما البنت المفروض تدور على رضى زوجها

هو بعد لا يتعب بنت الناس معاه
لازم يدلعها و يراضيها

بس طبعا لازم يكون من الاثنين لانه لو واحد فيهم حس ان الثاني مو مقدر كل هذا

بيسحب سحبت قهر عليه


تقبلي مروري اختي بنت الشاميه

حسافتج يا كويت said...

أتمنى ان يطبع هذا الموضوع ويوزع في شوارع الكويت وسياراتها ومطاعمها وبالجرايد



بس وين اللي ينفذ

Anonymous said...

اختي بنت الشاميه
وين الاسد
اكو اسود بهالزمن
والله انا اذا تلفت يمين ويسار
ما اشوف ولااسد
محد من ريايل هالوقت اسد
اكو اسسسسسسدات
صج البنات اللحين هم الاسدات وازواجهم مغلوب على امرهم

شوفى جناينكم الصغار و جناين صديقاتج
وجناين اهلج وحمولتج

بالزمان الماضي

تقدرين تسوين اللي قاعدين هم يسونه اللحين ؟؟؟؟ ما اعتقد

ما اقول الا خلف الله على هالعيال
كل واحد فيهم بطوع مرته

بنت الشاميه said...

نمووول :

اكيد.... لان الاسد حيوان مفترس
(:

بنت الشاميه said...

ARTFUL :

كل شيئ يبيله صبر.....وخطه

بنت الشاميه said...

مسقطية :

يزاج الله الف خير
وما قصرتي والله بردتي جبدي
والا بس احاتيه مسكين

بس عسى مو انت اللى مجابلته
هههههههههه

بنت الشاميه said...

دمعة المقهور :

يعنى ما عندها الا هو ..؟؟؟؟

شتبدي هالمقروده لتبدي وخضوضا هالايام

ما اقول الا الله يعينهااااا
(((:

بنت الشاميه said...

مـي :

الهادي من هداه رب العالمين
احنا علينا ان نسعى ونصبر
والباجي على الله

بنت الشاميه said...

ananasah :

طبعا الحياة تختلف عن هذه القصه
بالحب والتنازل والتعاون والعطاء
والصدق والامانه
اكيد ما نحتاج الى شعرة الاسد ولا الى هذا العالم بكبره
اكيد التعامل يحتاج بما تقضلتي به
حياج الله

بنت الشاميه said...

reemas :

بهالزمن كلاهما مساكين
الحياة تغيرة كثيرا عن السابق
الله يعينهم

Anonymous said...

الاسد يسلم عليج ويقول
انه بايدي امينه ومرتاح بالغابه على كيف كيفه
الدقه اللى مو على كيفه
هاهاهاها

lawyer said...

يه يه يه خوووووووووش بوست

ببدع
:)

حسبه بسيطه يابنت الشاميه


تدرين شنو قدره المرأه في التغيير؟؟




فهناك أنواع عديده من قلوب الرجال
فهناك قلب محب مغرم عذب وعطاؤه فياض
هناك قلب كالذهب غالي لا يصدأ معدنه أصيل
هناك قلب شاب لايشيخ صاحبه وهوخبير بالحياة
هناك قلب مجروح مهموم لاينفعه طب أو دواء
هناك قلب قاسي حاسد أصم بخيل لايملك العطاء



شفتي هالقلوب يا بنت الشاميه

المرأه اييها الرجل
و يكون قلبه قاااااسي
ومع الوقت والدلال راح اتعرف انه قاسي
لانه كان مجرووووووح
وبعدها تخفف عنه
و راح يكون قلبه قلب شااب لانه تدرج في كل المراحل و جددت هذه المرأه قلبه بحبهاا


ويصبح قلبه هالذهب بعد ما صغلته هي
واخيرا يكون قلبه محب لهاااااا


بعكس المرأه الي من البدايه عشقت و حبت و غيرت



شفتااي المعادله يابنت الشاميه اشلوووووووووون تصير ويا المرأه و الرجل




غريبه هي المرأه و اناني هو الرجل

بنت الشاميه said...

Enter-Q8 :

اول شيئ هى ما قصت على الاسد
الاسد هو اللى على طريف
قطتت له جم لحمه فتعود عليها
ودخل المصيده بريولها
كل من كسله
يبي كل الناس تخدمه مصدق نفسه انه لازال ملك الغابه....مسكين راح فيهااااا
فلا تحمل المراة اكثر مما يجب

عاد تصدق يبلكم قلب كبر الكره الارضيه
يالله نقدر عليكم
عوينتي حواء ما عنده شيئ الا ....الاسد..؟؟؟؟؟
(((:

بنت الشاميه said...

t.q8 :

وعلي على حواء من يتفكر فيها
كل قصص التراث تقول انه على حواء ان تصبر وتستمر وتتحمل وتحط الاسد بعيونها و تخددمه وتحبه..و...و...و...و

لا حد يشيش علي
مو صج كلامي
((:

بنت الشاميه said...

الزين :

الحين زيون انت معانا والا معاهم..؟؟؟

خليهم مصدقين انفسهم انهم اسووووود

واحنا اللى عليه عليه
هههههههههههههههه

مساءج ورد وعنبر

بنت الشاميه said...

Q80 Blogger :

الله يا منكم
طول العمر وانتو اسووووود
بتحسدون حواء الحين
تحملوا شويه..خل ناخذ حقنا منكم
اصلا الساحر مات وغير موجود الحين
اكو ساحره ...تبيهاااا
لوووول
اقصر طريق لقلب المراة ...الامن والامان
والحب والموده.....ها اللى اعرفه
ما اعرف
اللى تقول عنهم

بنت الشاميه said...

دجاجه بولنديه :

اولا: المكر مو كل النساء تستخدمه
و ثانيا :المكر عمره قصير مثل الجذب ...عمره ما يعمر

ما يعمر الا الحب والموده والاخلاص والوفاء والعطاء ب
بهم نصل الى قلب الاسسسسسد
ونتربع فيه
وما يحتاج نقرعه او نحسنه على الزيرووو

وجنك مستانس على الضرب
وليش ما تكمل الايه...؟؟؟؟
ورسولنا الكريم اشار الضرب بالسواك مو بغيره
اللى اتفق وياك بس نبصه
على هالمحجبات بالجنزات المحزأه وقواطي النيدوا وسنام البعاريرن برؤوسهن
وبعد هم مو بالضرب بالاقناع والنصيحه اللينه الهينه
سسسسسؤال
بولندا عندهم دياي......؟؟
وشمعنه بولندا......؟؟
خف علي حواء شويه
(:

بنت الشاميه said...

الفيلسوف :

حياك الله وانا شاكره لك مرورك
كلامك كل عدل ما عليه زود
بس دايما القصص تختلف عن الواقع اختلاف كبير...والحياة مو سهله وصعبه
فلازم الطرفين يتحملون ويصبرون علشان المركب يمشي ويصل الى النهايه وينحني شراعه لكل العواصف والرياح التى تعصف بالحياة وايضا يتمتعون برحله سعيده مع هبوب نسائم البحر العليله
والله يوفق الجميع ويسهل امورهم
امين بارب

بنت الشاميه said...

حسافتج يا كويت :

مشكور وما تقصر
انا مستعده
لوووول

بنت الشاميه said...

Anonymous :

المراه ما سصارت اسسسسده
الا عندما تنازل الرجل عن دوره بالحياة اليوميه وخلها تتحمل اكثر من طاقتها فهى الام والاب بنفس الوقت
وهو كله ما له خلق وخايف يتصادم معها
فترك الحبل عالقارب لها
فيتحملون اسسسسود هالوقت اللى يجرالهم
الاسسسسسده ما اخذته منه بالقوه هو اللى تنازل لهااااااا عن حقوقه

اما انا فمستحيل اسوي اللى يسووونه اسسسسدات هذا الوقت
مع انه ساعات اتمنى ان اقدر اسوي مثلهم

بس هم ماااااا اقدر
ما تربينا وما تعودنا على جذي

كله اضحك واقول هذا كل نتاج العولمه
الله يوسع صدورنا
ونتحمل اسسسسسسدات هالوقت
(((:

بنت الشاميه said...

Anonymous 2 :

الله يبشرك بالخير
الحين ارتحت
بس منو اللى مو علي كيفه
ماااااا عرفته..؟؟؟؟؟؟
هههههههههههههههه

بنت الشاميه said...

lawyer :

لوير هذا كله من الصخونه والفلونزة الخنازير...هههههه
جان بنصير حكيمات
فاهلا وسهلا بالفلونزاااااااا

اليوم كله حكم بحكم
محاميه والحين صارت حكيمه
الله لا يحرمنا من طلتج علينااااا
مبدعه اليوم والله صج مبدعه
ما اقدر اقول شيئ
انت تقولين وانا ارد اقول امين
هههههههههههههههههههه
سلااااامات يالغاليه