Tuesday, October 27, 2009

نتمنى الإنتاج ....وترك.... المداحر

مع الإعتذار عن الصوره حتى لاتفهم خظأ
المقصود لا يتعاندون
********
الكويت تمر بأسوء حالتها السياسيه والإقتصاديه
والصحيه والتعليميه والرياضيه

اللى قاعد نسمعه من الأرقام الفلكيه التى تهدر
تحت مسميات لم يأتي الله بها من سلطان
ولاحسيب ولا رقيب
يقولون............ يقولون

هذا ثمن تسويات أكثر من كرسي بالحكم
فيا نواب الأمه

أجلوا خلافاتكم ومشاحناتكم وفتحوا عيونكم

ولا تعينونهم علينا بقبر الديمقراطيه للأبد
والتفتوا إلى التنميه
ما نبي الإ التنميه ....الديره مسمره
ترا تصريحاتكم الصارخه بالمسجات وبالجرايد

ما لها ريحه ولا طعم ولا ثمن
الشغل كل الشغل باللجان ..حرصوا على اللجان
وحفظوا الكويت لا تصيرون إنتو والزمن عليها
أجلوا كل اللى فى قلوبكم
ولايصير المجلس مكان لتصفية خلافاتكم
واخذ ثأركم وترس جيوبكم
لاتحدون السلطه على إملال الحلول والعشرج
ترا الشعب الكويتي طيب ومسكين
وهو اللى ضايع بينكم
ترانا ما فينا شدة هجره يكفى هجرة اهالينا بالماضي
فاللهم سترك وعافيتك واحفظنا من كل شر
وسلاااااامتكم

25 comments:

BeeDoO said...

لقد اسمعت لو ناديت حيا ولكن لا حياة لمن تنادي

lawyer said...

محدش حيسمع ياختي

ARTFUL said...

لا تحاتين الصورة معبرة 100%

;p

بقره سسارحه said...

تحطين لنا ثور

وتقووولين احلبوووووه


فمالله

حسافتج يا كويت said...

الصورة جدا معبرة

scarce313 said...

معكم في تمني الأنتاج


بس هنالك مثل

يقول

فاقد الشئ لا يعطيه


من لايملك الفكره

يستعصي عليه التطبيق


على فكره الصوره غير معبره

بدون زعل بنت الشاميه

أتصور كبيره عليهم


دائما مدونتكم متألقه

مشكورين

Nikon 8 said...

الله يسمع منك ويتركون المداحر
وتشتغل اللجان مثل ما نتمنى

MR.SMILE said...

اييييييييييييييييييييييييه
قلبه متروسة!!


والله يا وخيتي كل أهل هالديرة الطيبة زهقوا من الوضع الحالي لكن مثل ما قالوا لا حياة لمن تنادي!!


ولكن ما زال بصيص من الامل موجود وان شاء اللهما يختفي هالبصيص احنا على الله ثم على هالبصيص الي باجي لنا :$




---------
يشرفني زيارتكم =)
< مدونة ورقة >
http://wara8ah.blogspot.com/

ابواسعد said...

ماذا يصور البعض ان المجلس هو سبب التخلف الذي نحن فيه رغم ان الحكومة هي السبب الرئيسي لانها حكومة معدومة القرار و دائما تخاف من المحاسبة (لا تبوق ولا تخاف

reemas said...

والله شقولج اختي

لا يمكن نعتمد على ناس وصلوا عن طريق ديمقراطيه ناقصه
هذيلي ناس وصلوا عن طريق انتخابات تعتمد علي التعصب القبلي و الطائفي و العائلي و التمصلح
و ما منهم امل في انهم يصلحون شي
لان بيئة الفساد هي البيئه اللي يقدرون يعيشون فيها و يوصلون فيها

ديمقراطيتنا ناقصه و غير ناضجه
و لو عدنا الانتخابات الف مره راح نطلع نفس النوعيه
دام طريقتنا في الاختيار لا تعتمد علي الكفاءه و البرنامج الانتخابي
بل علي منو هذا الشخص و شنو انتماءه

تحياتي

اجار الدين كشمش said...

اشدعوه فيهم غاريه على البلد ؟

سسباق محموم اليوم اللي يستجوب قبل الثاني

حسبي الله على الشيطان ما يحشمون حتى الكلمات الساميه التي طالبتهم بالهدوووء ....اعنبوكم

صبرواا لو شهر بس شهر ...حتى لو بالجذب !!1
شالاخلاص اللي نزل عليهم ب اول جلسه
اشويه عليهم هالصوره لاااازم فيلين من جنوب افريقيا حتى مو من الهند

مجعفين !!1
والله انهم فصخوا الحيا
فمالله

بنت الشاميه said...

BeeDoO :

هم بنادي وما راح نسكت

والا .... بننفجر

بنت الشاميه said...

lawyer :

اكو سماعات ومكرفونات تبط اذونهم

بنت الشاميه said...

ARTFUL :

لا توهقني

بنت الشاميه said...

بقره سسارحه :

بعد اللى صار اليوم
صج انا الغلطانه
ما منهم فايده

بنت الشاميه said...

حسافتج يا كويت

ياحسرة قلبي...جنها صارت صج

بنت الشاميه said...

scarce313 :

بعد اللى صار اليوم
والاستجوابات صارت تهل
ما كو فايده منهم موليه
كان هناك بصيص من امل
ولكن عادت حليمه لعادتها القديمه

):

بنت الشاميه said...

Nikon 8 :

الحين ما صار مداحر
صار عناد .....وراس براس

ما يندرى الى وين بيوصلونا ؟؟؟؟

بنت الشاميه said...

Mr.Mask :


هم خلوا لنا بصيص امل
اليوم كحلوهاااا
وخصوصا العدوه بدع
الله يعينا على اللى بينا

بنت الشاميه said...

ابواسعد :


""ا"" الحكومه و اغلب النواب
يشتغلون حق مصالحهم الشخصيه ولكراسيهم

محد هامته الكويت

بنت الشاميه said...

reemas :

اول ما كانت ديمقراطيتنا ناقصه
ولكن الان بعد ما استشرى الفساد وشراء الذمم صارت ناقصه وعرجاء بعد

لان ربعنا ضدها وما يبونها
ويبونا نقول حتى احنا ما نبيها
وهذا حريمتهم

بنت الشاميه said...

اجار الدين كشمش :

كنت امني نفسي بامنيات وامنيات
اثاريها كانت احلام وخيال
لايمكن تحقيقه بارض الواقع

حسبي الله ونعم الوكيل فيهم بيضيعونا وبيضيعون الكويت
واحنا نطالعهم

أهل شرق said...

اتمنى من الحكومة والمجلس

يخلون للشعب وريد واحد يعيش منه

كويــتي لايــعه كبــده said...

البيضة والا الديايه أول؟

المستجوب والا المستحق للاستجواب؟

...
والا اللي يبي يوصلنا الى درجة الغثيان السياسي والكفر بالتمثيل الشعبي؟

لي فلتت خيوط الحبل
شوفبها وين تتلاقى

وسلامتك يا أختي الغالية

Khalid said...

mara7 t5al9een etha btg3deenlohom ga3da!