طفيتووووه والإ ما طفيتوووووه…؟؟؟؟هل التكيف مسبب لكم مشاكل صحيه...؟؟؟؟
فى البيت عندي خلاف بخصوص التكيف
ومتأكده إن كل بيت خصوصا هالأيام
يعاني نفس المشكله ونفس الخلاف
ناس ما تبيه وناس يموتون حر ويبوووونه
ويكسرون خاطري كل من يعاطس من صوب
فصار إتفاق ودي بينا بأن
نشب نص التكيف
ونطفي النص الأخر
والمتضرر يلجأ...... عندي
عن نفسي ما راح ألتزم بهذا الإتفاق
إلى أن تهب...... أول شماله
ويصب الشمالي إرهشته
ناس ما تبيه وناس يموتون حر ويبوووونه
ويكسرون خاطري كل من يعاطس من صوب
فصار إتفاق ودي بينا بأن
نشب نص التكيف
ونطفي النص الأخر
والمتضرر يلجأ...... عندي
عن نفسي ما راح ألتزم بهذا الإتفاق
إلى أن تهب...... أول شماله
ويصب الشمالي إرهشته
وبعدها ألتزم بقراراتهم التعسفيه
و أااااااطفيه
و أااااااطفيه
والبقاء للأقوى...إدعوااااا لي
وسلاااااامتكم
وسلاااااامتكم
32 comments:
هههههه
عندنا و عندج خييير
نفس المشكله كل سنه
ما بين مؤيد
للمكيييف
و معارض له
و يستمر الخلاف و التأزيم ((:
حتى يتكرم علينا الشمالي بـ إرهشته
فـ ينتهي التأزيم
(:
اللي ما يطيع يضيع وانا اخوج
صار لي اسبوع مطفيه و شغال مروحه
حتى الغانم مستانس مني شاري ثلاث مراوح من عنده
و الدوام طبعا جاكيت يمكن اول واحد شتى بين الموظفين
يبيله اعاده حق برنامج
سلامتك سلامتك نود لك سلامتك
تتذكرينه اكيد
http://www.youtube.com/watch?v=rrVT9gjN5rA
يا ربي احترنا!
طفينا المكيف خسنا
و شبيناه ثلجنا
الحل نبطله و نتلحف بجاكيت و كنبل لين الله يفرجها عليها و يحل البرد محل الرطوبة
ليش اطفيييه
ليش الثلج مضايقج
!!
صبحج الله بالخير يا شيخة الشامية كلها
:)
تصدقين انا كنت ناوية اسوي مظاهرات على هالموضوع
!!
الوالده الله يحفظها بعز الحر شهر سبعه وثمانيه ادش البيت ذايبه من الحر واهي اسم الله عليها متلفلفه بالكبت كله
فما بالج الحين؟
ودها تسكر السنترال اليوم قبل باجر
بس الحمدلله توصلنا لحل يرضي جميع الاطراف وعقدنا مؤتمر طلعنا منه ان اللي يحتر يروح جناح مسكرين السنترال واللي مايحتر عنده جناحنا العامر مع سنترال
:P
والله قللت حرارة السنترال
بس اني اطفيه امعصي
لين تفج عظامي من البرد
سيري ونحن وراءك
:")
يختج هواه مضر هالأيام
بس من غيره ما عم ناااام
عطيني حل
لازم داري تكون برودتها تضاااهي برودة الفريزر
وتحملي الشواخيص عقب
:))))
صباحج رطووووووبه
وغيم جذيبووو
* واي انا اتلحف بكمبلين و ريلي ميت حر و الله جسمي كله يعورني من لبرودة محد مكسرنا و عافس اجسامنا إلا التكييف
الله يحفظكم من الشر
انا احد المتضررين في بيتي
بس التكييف ما طفا في بيتنا الا يوم زاد عدد المتضررين ... وانضمت لي بنتي
هني... تم اتخاذ القرار من القيادة العليا بالبيت باتخاذ كفة الاجراءات والتدابير اللازمة لاغلاق التكييف والاعتماد على هوا ربي... ومساءلة كل من تسول له نفسه مد يده على السويتش مع تعزير وتغليظ كل العقوبات
بس اذا صب الشمالي رهشته... أمانه طرشوا ي كسيرة
أو اكلوها وثوبوها لي
نسيت آخذها معاي هالمرة
عن نفسي فالتكييف دائما محطوط على 23 صيف ولا شتا
وفي الشتا لانة اوتو فيوقف ومايشتغل ولا صار شهر 3 اشتغل بروحة
شخصيا ما اطيق الحر بتاتا واختنق وخلاص زوجتي تعودت
وبنتي المسكينة امس موديها الطبيب والسبه المكيف
اي والله كل بيت عنده صيحه من هالمكين ..
يا فجوه ..يا صكوه ..و اللي عليه البار امي المسكينة
:P
بس قولي متى نسكره ..اي وقت ؟
جنه شوي مبجر
***************************
الحين مارضيتي نحملك وزر صمت المحبين
والحين تقولين الدوام للاقوى وانا الراي الاخير
الله يعين اسرتك الكريمه الصغيره حشا مو بنت الشاميه نوريه الصبيح بالوزاره
محد يلبط
ههه
حبيبتي والله
ادعيلج وادعي حق نفسي
ان الله يصبرني على موقفي المعارض ضد
ابوي وامي يقولولي بنسكر وانا باعلى صوتي اقولهم راح اموت من الحر ولي فقصت ومت منو يشيلني وذاك اليوم جتني حراره خفيفه سالوني انصك وانا ثابته واقول لا لا يعني لا
الله يصبرني آمييييين
:(
مساء الخيير
هذي المشكلة السنوية مع شايبنا بس
هالسنة متحمل علشان انا حامل
ويقول فرصتي بالاربعين محد يناشبني على السنترال
:)
آنه كله مثلجة ومطفية
صيف وشتا كله التكييف مسكر
ماعدا بنك الصيف باوغست اشغله
يختج كله بردانه بردانه
ويا الحمال زادت السالفة ثقل الثياب مبين عليي قبل ثقل الحمال
لو آنه وياج ابييت ما نتوالم يا بنت الشامية
Ivo Serentha and Friends :
ما قصرت يالشيخ
thanks
Greetings from kuwait
أبوغرايم :
شهالقدره حتى التأزيم دخل بيوتنا
يالله ايب الشماله باسرع وقت
((:
Enter-Q8 :
من صجك لك اسبوع مطفيه
يابختكم شلون تقدرون تنامون بالحر
انا والحر قطبين متنافرين
مش اصحاب خااااالص خاااالص
الله يهنيك
Danderma :
بالنسبة لى ما عندي مشكله مع البرد
احبه وانا وياه اصحاااب ومتصالحين
هههههه
الدقه اللى يستبردون شنسوي وياهم
؟؟؟؟؟؟؟؟؟
ARTFUL :
ابد ما عندي مشكله مع الثلج
واناوياك ما راح اطفيه
esTeKaNa :
عسى الله يخلي لج الوالده
واحنا بالبيت توصلنا الى نفس اتفاقكم
بس الجزء اللى داري فيه لا, ولن , وليس
ولن نطفي السنترال فيه
وعلى المتضرر ان يلبس الكبت كله
ما اتحمل الحر ولا احبه اصلا استمرض منه
هههههههههه
ان شاء الله كلها ايام ويهب الشمالي
يارب
ZooZ "3grbgr :
الحمدالله اكو من يأيدني
لن اطفي السنترال
الى ان تهب الشماله
تفضلى زورني
البراد عندي اصلى
(((:
الزين :
اكيد من غيره كلنا مانعرف ننام
البراد يرد الروح
اما الحر فيعصرها عصار
وما عليه نتحمل الشواخيص بعدين
المهم ان ننام عدل
نوم العوافي يالشيخه
ميمة السبيت :
اكيد التكيف مكسرنا تكسر
بس مااا اقدر استغنى عنه
فاستحمل ضرره
بس ما استحمل الحر
موووووليه
كله ايام ويدخل الشتا
وتنحل المشكله
(:
دروازة :
الحمدلله فى البيت انا المتضرر الاكثر والاكثر عطاسا من الحساسيه
ومن التكيف...بس لن ولن اطفيه
الى ان تهب الشماله
وسلامتكم وسلامة الصغيرونه
من كل شر
الحين بهالرطوبه شنو الحال عندكم بالبيت
افا عليك بس كسيره
لا اطلب وتدلل
الرهش يوصلك الى مكانك
(((:
حسافتج يا كويت :
ما تشوف شر بنيتنا وما عليها الا العافيه
بعدين 23 حر خصوصا بالصيف اذا ما صارت 16 او 15
يالله احس بالبراد
اشوه اكو مثي وااايد ما يجبون الحر
امي الله يحفظها مطفيته
من رمضاااااان
وتبين اقعد ..واشرب شاي واسولف وياها
تصور وضعي
الحل
المهفه دائما بايدي
ههههههه
aL-NooR :
واااايد مبجر على تطفيه
الى ان تهب الشماله ونحس بالبرد
لا للحر ابدا
Anonymous :
الله ياهي بقلبك...!!!!ء
ماعلي ....وحده بوحده
(:
وبعدين انا قلت البقاء للاقوي
وادعواااااا لي
يعني مو انا الاقوي..وعلي علي انا دياية ام احمد وامشي تحت الساس
واذا رفضت قراراتهم التعسفيه
هذا اقل حق من حقوقي بالبيت
وهو...اطلب البراااااد
مااااا احب ولا اتحمل الحر
فلابد من التمرد
و الاستاذه نوريه الصبيح
جان زين انا ربعها
ترا ما ارضى عليها
((((:
t.q8 :
ههههه
تمسكي بموقفج ولا تتنازلين عن حق من حقوقك البيتيه وهو الاحساس بالبراد
وراح امدج بخططي الدفاعيه والهجوميه للاستمرار والبقاء اطول مده بالبراد
بدون ايقع الضرر على الاخرين
والله ولي التوفيق
ترا انا ماااا علي
ههههههههههههه
دمعة المقهور :
الله يهون عليج ويسهل ولادتج
يارب
وبعدين على راسي بعلج المصون ما قصر مقدر ظروفج الصحيه ....وبنفاسج خليه يشب الدفايه مو بس يطفي التكيف
هههههه
الله يهون عليج
أتيت متاخرة :
الله وناسه الله يكثركم
ونفرح كلنا بعيالنا
ترا حضانة المدونات علي فى مدونتي
ههههه
الله يهون عليج
بس علشانج اطفي التكيف
تستاهلين يالشيخه
Post a Comment