Thursday, October 15, 2009

اللــــــــــــــــهم لا حــــــــــــسد

هناك أشياء كثيره عند الرجل تحسده المرأة عليها
وهو يسويها بكل سهوله وسلاسه وهي ما تقدر
تقبلوا حسدنا لكم بشيئ من الرحابه وسعة صدر
بس صج صج يابختكم
***

المكالمة التليفونيّة تنتهي خلال دقيقتان
***

تستحم وتكون جاهزا للخروج في 10 دقائق
***

أمك ما تدق عليك تقولك وينك ؟ رد تأخرت
وبعد ما تقول لا تطلع اليوم عمتك بتزورنا
***

تقدر تسافر فى أى وقت وإلى أي مكان
***
وإذا بتسافر إسبوع تكفيك شنطه واحدة
***

الربع ما يهتمّون إذا زداد وزنك أو نقص
***

إذا طلعت من بيتك ما تحتاح الإ
إلى مفتاحك وموبايلك ومحفظتك
***
تترك غرفتك بدون ترتيب و هدومك على
الأرض وخصوصا الفوطه عادي... و محد يلومك
***

إذا نسيت وما عزمت أحد من أصدقائك لمناسبة ما
ماراح يكون هناك خلاف بينكم وصداقتكم تستمر

***
ثلاث أزواج من الأحذية الجديده
هي أكثر من اللاّزم خلال السنه
***
ما تحتر إذا محد لاحظ "تحسونة" شعرك الجديدة
***

شعر الشيب : هيبة وجمال
***
التجاعيد بالوجه نضج وحكمه
***

الريموت كونترول دائما لك وحدك
***

إذا شفت أحد لابس نفس ملابسك تستنانس
وتحس إن ذوقك عالي
***
قصّة الشعر ما تتغيرّ سنين وبنين
***

أنت في الرابعة و الثلاثين وغير متزوّج
يعني شنو..؟؟؟شفيها توك صغير و شباب؟؟

***
ترا أكو أشياء وأشياء وااااايده
بعد تبون أكثر والإ ...... كافي
يابختكم كله خفاف وسهلين ومستريحين
شلون ما نحسدكم على هالربيع اللى إنتو فيه
اللهم لاااااا حسد اللهم لاااااا حسد
عيونااااا بارده عليكم
وسلاااااامتكم

58 comments:

BeeDoO said...

المرأة تملك الرجل بالكامل

اللهم لا حسد

:D

BeeDoO said...

ولو بتحسبينها حسبة ثانية

المرأة لا تملك هم الرجل

تعب الرجل

كل ميسر لما خلق له

كويــتي لايــعه كبــده said...

كل هذا واللهم لا حسد!؟

"المكالمة التليفونيّة تنتهي خلال دقيقتان"
هذا "إذا" رديت

"الربع ما يهتمّون إذا زداد وزنك أو نقص"
انتي شايفة أشكال الربع؟

"إذا طلعت من بيتك ما تحتاح الإ
إلى مفتاحك وموبايلك ومحفظتك"
لا ومحفظتي أصلا بالسيارة لكن عندي موبايلين يعني نفس النتيجة

"إذا نسيت وما عزمت أحد من أصدقائك لمناسبة ما
ماراح يكون هناك خلاف بينكم وصداقتكم تستمر"
لا عاد "عندنا" هذه مشكلة

"ثلاث أزواج من الأحذية الجديده
هي أكثر من اللاّزم خلال السنه"
ثلاث يا فسقانة!؟
قولي زوج لثلاث سنين يمكن

"ما تحتر إذا محد لاحظ قصّة شعرك الجديدة"
قصة يعني شنو؟

"شعر الشيب : هيبة وجمال"
والله وطلعت جميل وانا ما أدري

"الريموت كونترول دائما لك وحدك"
آخذه معاي لي مشيت بعض المرات

"إذا شفت أحد لابس نفس ملابسك تستنانس
وتحس إن ذوقك عالي"
قصدك مو الكل يلبس دشداسة وغترة وعقال؟

"قصّة الشعر ما تتغيرّ سنين وبنين"
ذبحتينا بالقصة! ماكو قصة يا يبه


تبينا نعدد الأشياء اللي تعدي للنساء (علشان لحد يحتج على "حريم") وما تعدي لنا!؟

اللهم لا اعتراض

صوت الكويت said...

شصاير




ما أسمع

أهل شرق said...

بالمقابل نشق جيوبنا للحريم

ولا شرايج بنت الخاله

اللهم لا حسد

شاي الضحى said...

تستحم وتكون جاهزا للخروج في 10 دقائق
***

اي والله مو احنا نتسبح وعلى ما ينشف الشعر ونبدل الا يبيلنه ساعتين
***

وإذا بتسافر إسبوع تكفيك شنطه واحدة

انا بسافر اسبوع ومن الحسن احاتي الجنطه وشنو بحط فيها ولازم كل يوم بدله ههههههههه
***


بالنهايه بقول مشكوره على البوست الحلو


ويااااااااااااا بختهم :)

Nokhetha said...

هههههههه ...

وقانون الحجاب بالمجلس ما يمشي علينا ..
بس سالفة اذا واحد لابس نفسي استانس هذه مو صحيحة هههههه

دون كيشوت said...

كل هالمميزات هذي فينا ؟!!ء

الظاهر احنا متواضعين حيل واحنا ماندرى

t.q8 said...

صدقدتي
حدي محتره
قصبن علي احسدهم مو بكيفي
ابليسي بهل شغل اشطر مني


:((((((

مَـــــعْــــمَــــعَـــــه said...

الحمدلله هذي كلها نعم من رب العالمين

الفال لكم ان شاء الله

بس الحريم بدوا ينافسونا على الريموت

Catism القطويّة said...

قولي ما شاء الله، فالعين حق :)

عليهم بالعافية على العموم، ولا تنسي أنه ورغم كل هذا العز، فإن النساء يعشن أطول من الرجال! :) ولله الحمد والمنة والفضل.

جبريت said...

اهم شي انه ما نحمل خلاص وبعد الحمال اييبون الدهانه ومادري شنو وحسو تحلي فيه

احد يحلي بحسو؟؟؟


لكن تدرين المكملات للرجل المرأه

واذا رفيجاتها قالو لها زاد وزنج يعني تجملي حق ريلج ليش كله عبالكم حش؟؟؟


يمكن لي متنتي حلويتي ؟؟؟

على العموم تجملوا حق رياييلكم وكشخوا لهم بالبيت وكان الله غفور رحيم
تشوفينه يرد حق مرته الساعه 8 بليل ويقول لها طولت عليج

بس عاد الي عمره 37 مو متزوج شنو يقول ؟؟؟

الطائر الحر said...

مع كل هالصفات لا نستطيع ان نعيش من دون امرأه.........

بوست راقي

ARTFUL said...

انتوا يابين الشقا حق عمركم

!!!!

Anonymous said...

TO LOOK IS NOT TO SEE !!!

Happy week end .

mob said...

اه يا البنات ؟؟؟ نعمة من نعم الله

لكن ماعندي تاخر بالليل ولا سفر صديقات واللي تتاخرخ بالحمام عن الريوق بالسفر ما تنزل امشي عنها
كلشي قدرته الا الجناط والشحن وهالطاعون بلاك بري ينرفزني وانا بالقطار مايشوفون الطبيعه
بالرحلات
لكن لكن كلشي ينحل بالمال والعلم

الا الخوف من الثلاثين ما اقدر اشوف التلفزيون الحين وحنا قاعدين وانا احاتي يوصلون الثلاثين باقي وايد لكن
لكن والله جنه موايد

لاتحسدونا على شئ محاتاتكن غيم ولكنه ضيم

يالله السهاله

scarce said...

ماشالله

كل هذا عندنا

و ماندري

بديت أحسد نفسي


بس أبتسامة مرأة

تسوى كل هذا

هالحـــــزة said...

5/5 من عيونج

عاجــل said...

تبين قهر بعد

في الدنيا الملائكة معانا لما الزوجة تقول لا
تلعن والديها تلعن
---
في الجنة عندنا 4 زوجات غير مزعجات
والشهيد 70
---
روحوا موتوا احسن لكم
-----------

تبين ترتاحين
قال من ؟قال امك
قال من ؟ قال امك
الــخ
الجنة تحت اقدام الامهات
وكالة الكيد عندك

تشكل الثوارة والتسبه والخرفنة
نسبة كبيرة من الرجال

شتبون بعد تنهبون

حسافتج يا كويت said...

الغالية بنت الشامية



كل اللي ذكرتية شي عادي ولا يحسد علية

فالمرأة تقدر تسوي كل اللي قلتية إذا إتجهت للبساطة

حنا عادي بس انتو الله شاقيكم

صدقينا الرجل يسوي هالاشياء وهو مبسوط ولا يدرك انة مبسوط

لان الاشياء هذي عادية ومتاحة للجميع
لكن انتوا الله شاقيكم

وتدورون عوار راسكم



وعموما يا بختكم انتوا فالمرأة غير ملزمة بالعمل وبناء بيت وشراء الارض والصرف على الاولاد ومدارسهم ومرضهم والسفر

وإن كانت النساء تفعل هذا ولكنها غير ملزمة به

إلا ان الرجل فغصبٍ علية ويعيب علية عدم العمل وتأمين حياة مناسب للاسرة


يا بختكم لستم ملزمين بصلاة جماعة
يا بختكم قلة منكم من يحتك برفاق السوء
يا بختكم امدليلين من الاب على الاقل ومن الزوج احيانا

ويا بختكم الجنة تحت اقدامكم

ويا بختكم دعاؤكم مستجاب وقت الولادة

يا بختكم تمتلكون قلوب بها إحساس يوزع على كل الرجال بالعالم ثلاث مرات ويزيد

يا بختكم الرسول وصى عليكم ولم يوصي علينا قبل مماتة

يا بختكم فانتم تتزوجون رجل واحد
اما الرجل فمن الممكن ان يتزوج اربعة وتتضاعف علية المسؤولية ارع مرات

يا بختكم دزّه وشبكة واحنا اللي نكع

يا بختكم اعماركن اطول من اعمارنا


يا بختكم الجمال من صفاتكن


بعد ولا بس؟؟؟

ترى لاحظي كل اللي قلتية انتي تقدرون تسوونة لكن كل اللي قلتة انا لكم ما نقدر نسوية

فمن الممكن ان تأخذ المراة دوش بعشر دقائق ولكن من المستحيل ان يلد الرجل ويكون دعاؤة مستجاب في حينة

من الممكن ان تأخذ المراة مفتاح البيت والسيارة والبوك
ولكن من المستحيل ان تكون الجنة تحت اقدامنا



يا بنت الشامية

اللي فينا كافينه

لا اتحسديننا وخلينة

نواجة حياتنا ومصيرنه


وسلامتج

دمعة المقهور said...

اي والله صدقتي

عليهم بالعافية

بعد هذي الدنيا يحاسبون ومايتحاسبون

:)

بنت الشامية said...

BeeDoO :

وعلي علينا من تقدر تمتلك الرجل...!ء


المراه العاقل تريد عقل وقلب الرجل اكثر من جيبه

فاللهم لا حسسسسسسسسسد

بنت الشامية said...

كويــتي لايــعه كبــده :

هههه ...يحق لكم ما تردون على المكالمه

شفيهم الربع...ّّ!!!ء

والله ما ادري ليش اغليكم المحفظه بالسياره...ترا اكبر غلط
الخوف مو على الفلوس الخوف على البطاقه المدنيه والكروت...ترا من صجي لا تخليها بالسياره حط يالك

وبعدين القصه صلحتها....علشانك التحسووووونه ..الحين عدل
((:
والجواتي بذمتك تشري بس ثلاثه انا مخففتها لكم ادري تشترون اكثر

والريموت كونترول
اعتقد مسبب لكم مشكله ...ما ادري ليش..؟؟؟
كل الريايل بايدهم... ما ادري يحبون يمارسون السلطه والقوه بالبيت
ما ادري ليش...؟؟؟؟؟؟

بس الى الحين اقول من صجي ياااابختكم

تعليقك انت وحسافتج يصلحون بوستين
للرد على بوستي
مشكورين ووسعتوا صدري بالاجازه

بنت الشامية said...

صوت الكويت :

ما كو شيئ سلامة عمرك

يااااا بختكم

بنت الشامية said...

أهل شرق :

ليش كله تربطون المراة بالجيوب
؟؟؟؟؟؟؟؟؟؟
الحين المراه هى اللى تصك مخباتهاااا
عن بعض من انواع الريايل
اللى شاق مخباتها طول الشهر

الهم لا حسد

بنت الشامية said...

شاي الضحى :

اما هذى صج يابختهم الف مليون مره
10 دقايق لا غير
ههههههههه

اما الجناط فحدث ولا حرج
و الحين مع القانون الجديد لازم تكون مو اكثر من 23 كيلو
ما ادري شحط فيهاااااااا
بلشه...بلشه
الف مره يااااابختهم
وانت احلى من البوست

حباج الله

بنت الشامية said...

Nokhetha :

ابيه عسى ما تصيرون مثلنا

بس هم ياااابختكم
واللهم لااااا خسد

بنت الشامية said...

دون كيشوت :

كاني نبهتكم
انتو وااايد متواضعين
يااااابختكم و بدون حسد

بنت الشامية said...

t.q8 :

ههههه
اول شيئ سمى عليهم وذكري الله
وبعدين قولى يااااابختكم
وبدون حسد
(((((:

بنت الشامية said...

Catism القطويّة :

اكيد العين حق فالله يحفظهم ويخليهم
هم الخير والبركه
وطولة العمر نعمه من رب العالمين
ويالله العافيه
يااابختهم وبدون حسد

why me said...

ممكن أكمل البوست بليز

عاد انا بحسدكم لووول وبكم عين

لوووول



تردون متى ما تردون
واذا نمتوا برا عادي
محد يحاتيك ولا يسأل ليش تأخرت
القز كل يوم




;p

lawyer said...

لا بنت الشاميه انا بحسسسسسسدهم


انتي لا تحسدييييييين كيفج

بسسسسسسسس انا بحسسسسسدهم


بدقيقه في العمل يترقون و ما يقولون لهم ماكو ترقيه الاولويه للريال



و لا يحملون و يولدون
و لا يفكرون و يشيلون الهم مثلناا


و المرأه مسخره حياتها و دنيتها عشان اتداريهم


وماتبيني احسد !


بحسسسسسسسسسسسسسسدهم و نص

Anonymous said...

اليوم حسدتهم وطريتي علي بالي

عيزانه وطايح حيلي ودي امد ريلي وارفعها شويه استحيت

والشباب اللي يتمغط واللي رافع ريله علي الكرسي واللي يسوي سترشنق مع ان مجهودنا واحد

ليش يحق لهم وما يحق لي

reemas said...

بعد نسيتي الريال الاصلع اللي مثلي
هههههه
بدقيقه يغسل شعره
لا و يكفيه صابونه حتي مو شرط شامبو
وينشفه بفوطه
ما يبيله سيشوار و لا مشط و لا بروش و لا تمليس
و اي مناسبه قط الغتره و بس
مافي داعي ٣ ساعات بالصالون

:))))

raseel said...

والله كل اللي قلتيه صحيح ملابس هي نفسها نفس اللون ماتغيرت والغرفه الله لاويريك دمار الله يعين الوالده

Enter-Q8 said...

كل هذا علشان ما نتكلم عن حزمة او خمطة القوانيين اللي طالعه حقكم
اهب يالحريم جيدين يبون ياكلونا قبل ما نكلهم

بنت الشامية said...

جبريت :

شفيك هالله يهداك شطيت عن البوست
وتحط فينا
شفت حتى تزين المراة لريلها من صوبكم

يعنى بس هى تتزين له
وهو ليش ما يتزين لهااااا
انت شفت اشكال بعض الريايل
الله يكون بعون الحريم بس هذا اللى اقوله

بنت الشامية said...

الطائر الحر :

المراة تكمل الرجل
والرجل يكمل المراة
محد يقدر يستغنى عن الاخر

شكرا لك

بنت الشامية said...

ARTFUL :

واله وانت صاج
حتى لو بنغير الوضع مااااا نقدر
الوضع صعب ...الله يعينا

بنت الشامية said...

Anonymous 1:


نهاية اسبوع سعيده

بنت الشامية said...

mob :

هذى ميزه ثانيه لكم ما كتبتها
انا خلصت ...انطركم بالسياره واللى تتاخر امشي عنها... كلكم جذي...!!!!ء
لاحول ولا قوة الا بالله
احنا ما نقدر نسويها ابد...ابد

وبعدين
لا لا لا لا ما ارضى على البلاك بري لو سمحت انا من اشد منصارينه....انت جربه اول وشوف الفرق عن الموبايلات الثانيه وبعدين احكم عليه
ما ادري ليش معقدكم....؟؟؟؟

و لا اخاف عليهم من التلفزيون ولا شيئ
اللى يشوفونه بهالاب توب اخطر واعضم
بس قول الله الحافظ
حلوه ....محاتتكم غيم ...ولكنه ضيم
واااايد اعجبتني هالعباره
(:

بنت الشامية said...

scarce :

لا عندكم ميزاااات وايده مو موجوده عندنا...الله يهنيكم...اللهم لا حسد

بنت الشامية said...

هالحـــــزة :

عيون نون النسوه بارده
وقلنا اللهم حسد
بعد شتبون اكثر من جذي

بنت الشامية said...

عاجل:

انتو وحده مو قادرين عيهااا
هالمره 4 ...؟؟؟؟؟؟
عليكم بالعافيه
وكالة الكيد.. ما عرفها.؟؟؟
ما عارف الا وكالة كونا
وبعدين ما ارضى على اخواني الريايل
(((:
وحنا ما خلوقنا للنهب
خلقنا للعطاء
اللهم لا حسد

بنت الشامية said...

حسافتج يا كويت :

والله ما نقدر ...حتى لو حاولنا
والله ما نقدر صعب كل من ياكلك
خلها على الله
إلا ان الرجل فغصبٍ علية ويعيب علية عدم العمل وتأمين حياة مناسب للاسر
والله انك طيب وحليو
والله الحين يخليها تكرف وتشتغل بره وداخل البيت....هى المعيل الاول والاخر للاسره......بيوت واسرار مصككه
الله يعيمهاااا على امثال هالريل

وهم يابختكم واللهم لا حسسسسسد

بنت الشامية said...

دمعة المقهور :

الكل يتحاسب
(:
وعليهم بالعافيه

بنت الشامية said...

why me :

اي والله كملت البوست
ما قصرت مشكوره
بس بدون عين او حسد

عليهم بالعافيه

بنت الشامية said...

lawyer :

اسفرت وانورت باحلى محاميه

فطيم حرام عليج لا تعطينهم عين
لووووول

خليج طيبه وقلبك ابيض

بنت الشامية said...

Anonymous :

هذا اللى يسونه الحياء
وهذى اجمل صفه للمراة
والحياء نصف الايمان
فلا تزعلين و لا يضيق خلقج
الله يكملج بعقلج
وهم
ياااابختهم وبدووون حسد

بنت الشامية said...

reemas :

هذى اللى فاتتني
ههههههههههههه
اللهم لا حسد

بنت الشامية said...

raseel :

الله يعينها ويعطيها الف عافيه

بس الي متى وانت مبسط بالبيت...؟؟؟؟
لووول

اللهم لا حسد

بنت الشامية said...

Enter-Q8 :

الحين اقول لك اللهم لا حسد
بليز لا تعطيا عين
وعلى قولة اخوانا المصاروه خمسه وخميسه

DiLLi O MiLLi said...

لااااا بالله رااااحوووواااا جفي

:)

بنت الشامية said...

DiLLi O MiLLi :

ان شاء الله لا
اسم الله عليهم
بس هم يابختهم ...وبدون حسد

عزوبي said...

تترك غرفتك بدون ترتيب و هدومك على
الأرض وخصوصا الفوطه عادي... و محد يلومك



لا لا لا لا لا ما اعتقدعادي
ان دخلت امي الغرفه ولقت الهدوم والفوطه والهباب
على الارض

بيت الجيران بسمع صراخها

بذمتج انتي لما تشوفين هالمنظر شيصير فيج؟؟؟؟؟

والا يكمن انتي فقدتي الامل

انا امي للحين تحاول فينا بس مااعتفد انها بتنجح



خوش بوست

thegameq8 said...

للأسف هذا كان في الماضي
الحين الشباب مادري شلون صايروين وانا اعترف وخصوصا من ناحيه البس او الاهتمام بلمنظر وهذا شي زبن بلعكس لاكن له مضار
يعني يوم اروح السوق ويا رفيجي ونكون على ويه سفر
اشوف تيشيرت يعجبني واهو يعجبه في نفس الوقت اهني تصير المشكله منو الي يتنازل حق الثاني
وسالفه يوم واحد يشوفني لابس مثل تيشيرته تصير سوالف بعد
انت تقلدني لا انت الي تقلدني

بنت الشامية said...

عزوبي :

اه من الفوطه محد بيب اجلي الا الفوطه

صرت ادخل الحجره و واشيلها واعلقها وانا سااااااكته...لاني صرت اخاف على صحتي
):
نصيحتي للوالده انها ترفع العلم الابيض
الصحه مش بعزقه
(:

بنت الشامية said...

thegameq8 :


ابيه وصلتكم العدوى منا

لازم ما تستسلموا لها...حاربوها بكل قوة
لراحتكم والله لا تتنازلون عن راحتكم
والله يحفظكم