Saturday, October 03, 2009

حطوا بالكم ...لا تصير فيكم

أخضع بريد كرواتيا 1200 من موظفيه لاختبار
مستوى الذكاء لكن نصفهم لم يستطع تجاوز
الإختبار وقررت المؤسسة الحكومية نقل الراسبين
إلى مواقع اخرى وتخفيض حوالي 150 دولاراً من
مرتباتهم ما أثار إجراء الاختبار استياء الموظفين
بدعوى إن أحد لم يخبرهم بشأنه مسبقاً وبأن
النتيجه سثؤثر على وضعهم الوظيفي كما على
مداخليهم .بل على العكس فإن الإدارة أبلغتهم
لا تخافوا من هذا الإختبار لذا فإن الكثيرين
منهم ملأوا الإستمارة بسرعة من دون تفكيرولم
يستفيدوا من الساعتين اللتين أعطيتا لهم للإجابة
*********
تخيلوا لوهذا الإختبار طبق فجاءه فى
إحدى وزارتنا العامره حيث التكدس الوظيفي
والبطالة المقنعه والفساد الإداري
ما هي توقعاتكم للنتيجه .؟؟؟
وماهو العقاب الذي سيطبق بحق الراسبين ..؟؟
وما هي رده فعل نوابنا الأشاوس....؟؟؟؟؟
لإن لازم يكون لهم ردة فعل قويه و دور فعال
والإ ما يصيرون نواب أمتنا
اللهم احفظنا وخصوصا من ذكاء بريد كرواتيا
وسلاااااامتكم
سؤال غاصه فيه خارج الموضوع
ليش كله اشاعات صفقات شركة زين ما تطلع
الإ باجازة نهاية الاسبوع..؟؟؟؟؟؟؟؟؟؟؟؟؟
والله من صجي جان زين اعرف الجواب

29 comments:

Anonymous said...

اعطيح ياها كاااااش الاخبار كلها عن صفقه زين جذب في جذب

BeeDoO said...

لانها تطلع بالشاليه اذا صار الجو حلو بالليل وصارت السوالف خاثرة وشيشة يسطلون عليها

اهني تطلع الافلام

enter-q8 said...


يــالظـــالمـــــة

ليش الموظفين اللي بالوزارات
ليش مو مجلس الوزراء اهني عاد تطلع الصجية
هههههههه

reemas said...

معروفة نتيجة الاختبار
كل واحد ذكاءه اقل من المعدل راح يحصل على ترقيه
اما الاذكياء فهم يشكلون تهديد
و راح يحالون للتقاعد او التجميد

و هذي الكويت فيها اللي نبي

جبريت said...

الاشاوس مو الاشاوش

ثاني شي اعتقد اذا صار هالاختبار ردة فعلهم بتكون اعطائهم مرتب عشر سنوات جدام لما يلقا له وظيفه

SHOOSH said...

زين بروحهم يطلعون الإشاعات على روحهم

بنت الشاميه said...

Anonymous :

عيل ليش كل هالاشاعات...؟؟
من المستفيد منها..؟؟؟

بنت الشاميه said...

BeeDoO :

لا...لا ... حرام
امس السبت يقولون اغلبهم مدوميين بمكاتبهم....يقولوووون
وبعدين هذى فلوس اوادم مو لعب

بنت الشاميه said...

Enter-Q8 :

الله ياااكبرها عند رب العالمين
انا الظالمـــــــــــه

وبعدين
ما تدري اني خوافه
ودياية ام احمد

واصلا الضرب بالميت حرام
وسلام عليكم
(:

aL-NooR . said...

لا ما تصير فينا فجأة ..احنا قطاع خــــاص ..لان بكل بساطة كل يوم تصير

:p
**************

حسافتج يا كويت said...

نو واي يسوون الإختبار بالبلد لان إذا سووه الكل بيتفنش


أما بخصوص زين فهي إحدى السببين

إما السالفة جذب فهي تحاك بالشاليهات يومي الجمعة والسبت

وإما السالفة صج فيتم التصريح عنها قبل نهاية الإسبوع عند الهنود يومي الخميس والجمعة

سرحان said...

تهقين بيبقى أحد إذا سووا هالإختبار للحكومة و المجلس؟

ممكن أعضاء المجلس بعضهم يفلت من هالإختبار.. لكن الحكومة.. رئيسها أول واحد بيفشل فيه!

Mohammad Al-Yousifi said...

كلامج مو منطجي

انا مابي يطبقون هالاختبار عى موظفينا كونه قرار ظالم

بس ودي يطبقون الاختبار على حملة شهادة الماجستير و الدكتوراه

ودي ودي

Nikon 8 said...

كلشي ولا ينقص دينار من المعاش
أظن تقوم القيامة

Nikon 8 said...

وبعدين من يقول الإمتحان ما راح يتسرب كالعادة
؟؟؟

بنت الشاميه said...

reemas :

والله حاله

بس صج شر البلية ما يضحك
وعلي علينا...الله يحفظ الكويت
ويحفظنا وياها

بنت الشاميه said...

جبريت(عنيف سابقاً :

لا عيل هونا ...محنا مسوين لهم هالاختبار.....جذ ي اوفر
وشكرا يا استاذ

بنت الشاميه said...

SHOOSH :

تهقين...؟؟؟؟؟؟

بنت الشاميه said...

aL-NooR :

بس اشوه انتو تدرون
مو مثل هالمقاريد اللى ما كان عندهم علم بشيئ
والله يوفقكم

بنت الشاميه said...

حسافتج يا كويت :

الله كل هذا ما عندكم قناعة بموظفين الدوله...هههههه
وتحليلك يجوز اقرب الى الصحه
والله اعلم

بنت الشاميه said...

سرحان :

هههه
ما عندي تعليق....اخاف

بنت الشاميه said...

ma6goog :

الاختبار هذا كلش مو ظالم
لازم يتهيؤن نفسيا لمثل هالاختبارا
لانها مفيده لهم ولادائهم العملي

بس لازم نصنفهم على حسب الديره
اللى ماخذينها منها
لان بنشوف العجب

بنت الشاميه said...

Nikon 8 :

كل شيئ الا ويتسرب الامتحاااان
تبقى فضيحتنا بجلاجل
اي والله انت صاجا كل شيئ الا المعاش
ينقص منه شيئ.....نصير خبر عاجل
ههههه

اجار الدين كشمش said...

براك النون النائب الاسبق رافق مريض الي احدى الدول الاوربيه الاشتراكيه سابقا ما ادري بلغاريا او يوغسلافيا وطالت المده في العلاج ورجع المريض عري وما استفاد
والنائب رجع بشهادة الدكتوراه وسوى عزيمه وعزم امة محمد كلها واثناء الاستقبال قالو له اهل المريض العري ترى وصل السفير اليوغسلافي للتهنئه وهم يجذبون عليه ...النائب طاح بشته وانحاش داخل وتكرفس بالسجاد.. وصار فاصل ضحك محصلششش
فمالله

Anonymous said...

ليش لازم الللي عندها مدونة تكون جيكره ؟

كويــتي لايــعه كبــده said...

العقاب؟... ترقية الى وزراء في التشكيل الحكومي الشبه سنوي (كلش كلش مستشارين) يمررون عن طريقهم المشاريع والأموال

بنت الشاميه said...

اجار الدين كشمش :

ههههههههههههههههه
من صجك...؟؟؟؟ لا والله من صجك؟؟؟؟؟؟؟
لاحول ولا قوة الا بالله
بس ما قلت شنو تخصصه ....؟؟؟؟
عسى مو دكتوراه فخريه مثل غيره
والله عيب عليهم....دمروا كل شيئ

بنت الشاميه said...

Anonymous 2 :

ايي والله شيدريك....جان من السخونه
ربي يشفيك

بنت الشاميه said...

كويــتي لايــعه كبــده :

عاد هذي حاله
بالعون مو مخلين فلوس للاجيال القادمه
بيسحكوووونها سحاك