Sunday, September 27, 2009

ردي ..قضبي مينونج...أحسن لج

وصلني إيميل من أخت عزيزه دازينه لها
وقالت إقريه وشوفى شتقولين عنه
طبعا بعد ما قريته ضحكت وقلت وعلي علينا

كل من يتهمنا زور, بس رديت وقريته مره ثانيه
وبديت أتفكر بالإيميل عدل

هل هلإيميل صحيح ....والإ مزيود..؟؟؟؟؟
والإ يبون يتندرون عليهم...؟؟؟؟؟
وإذا صج هل هذه فكرتهن عنا إحنا بنات الخليج
وبالخصوص بنات الكويت
من صجهم .....؟؟؟؟ والإ متحاملين علينا
اترك الإيميل لكم وأبي رأيكم......شتقولون
هذا الايميل
أخواتي الخليجيات
المشكلة الكبيرة إن نساء الخليج مايقدريون النعمة
اللي الله عطاهم , والميزات الإيجابية برجال الخليج
ما شاءالله الشاب الخليجي رجل بمعنى الكلمة
فهو يقوم بدوره في كل ما مفروض عليه
ببيت الزوجية : ينفق على بيته من أول لأخره
ما يخلي لا حرمته لا أولاده يحتاجوا لشيء
كل الحنان والحب يعطيه لزوجته
فهو يغير على زوجته من الهواء الطاير
يبغيها لنفسها لأخلاقها لجمالها وهذا الشيء
اللي تتمناه المرأة في زوجها
ولكن المشكلة الكبير هو أن المرأة الخليجية
ما تقدر هذا الرجل الخليجي , أول شيء تتكبر
عليه , وما تعطي وقت لزوجها نهائيا ,أغلبية
أوقاتها تتسوق أو مع صحباتها أو بالصالون

ياريت تمشي للصالون تتزين لزوجها
إنما تتزين علشان تتباها على صحباتها
ما تعرف تربي أولادها بنفسها ضروري
يوفر لها المربية والشغالة , وأكبر غلط تعمله
الخليجية في حق الخليجي إنها ماتعطيه وقته
غالبا يرجع من شغله يلقاها راقدة أو بيت أهلها
والسبب في هذا هو تكبرها وغرورها
دائما لازم تبين إنها أحسن من زوجها
إنما المرأة من بلدي غير ماشاء الله عليها
أول شيء أنوثة بمعنى الكلمة جمال وأخلاق عالية
وتحترم زوجها ما يهما لا تسوق ولا صحباتها
يهمها رضى زوجها و توفرله كل سبل الراحة
فهي تقوم بتربية أولادها بنفسها ما تحتاج
لا لشغالة ولا لمربية , وبرجوع زوجها من شغله

يلاقيها شيك وبالشكل اللي ينال إعجابه حتى
لو رجع لوجه الصبح يلاقيها بإنتظاره
تكون له الزوجة والحبيبة والصديقة والأخت

يا حظكم يا خليجيات ربنا أعطاكم نعم الشباب
بس مو مقدرينهم ولهذا إحنا بنموت على
الزواج من الخليجي والخليجي يموت للزواج منا
لإنهم يقدمون أحلى صورة زواج
ويعيشون احسن سعادة وحب

*********
ياحسرة قلبي هذا رايهم فينا
انصفونا ياأهل الرأي.....ودافعوا عنااااا
والإ بتصفون وياهم .....عليناااااااااا
وسلااااامتكم

70 comments:

طموحة مملوحة said...

الخليجييين الي يأيدون هالكلام الي مكتوب :


بعض الخليجيين خفان يرضى عربية أو اجنبية تدوس على راسه وتلحس فلوسه ومخه بس مايرضى بنت ديرته تسوي كل هالاشياء :)

يولون الي مو عاجبه محد طقه على ايده وقال له اخذ وحدة من ديرتك شاطرين يقولون اهلنا وجبرونا وبعدين يتحلطمون :p

الي موعاجبه ترا الحريم بالعالم بالمليارات طبوا وتخيروا والي مو يايزة له الخليجية ترا في وايد ميتيين على ظرفها بس لوووول حدي معصبة لووول

طموحة مملوحة said...

خرفان *

reemas said...

هههههه صارت

ماعتقد فيه قاعده في هالموضوع
و في كل مكان فيه الزين و الشين

و ممكن نكتب نفس هالمقال عن الكويتيين
هم فيه زوجات شايلين البيت شيل
من جمعيه و مدارس و ملابس و حتى سيارتها تصلحها
و الريال من ديوانيه لدوانيه او بالحداق او بالشاليه ويا ربعه

بس ممكن نستفيد من هالكلام للي توهم متزوجات انها تحرص علي بيتها
و تهتم بامور زوجها و الزوج بعد يدير باله علي الامانه اللي عنده
و الحياة الزوجيه لازم يكون فيها تنازلات من الطرفين

و في الاخر
المهم الاخلاق
:)))))

تحياتي

كويــتي لايــعه كبــده said...

من "بلدنا"... أي بلد؟

التعميم مصيبة عند الأخت ما أكبر منها الا التلزق

شكلها ملت من كروت الزيارة قالت خل اقص لي على خليجي على قولتها

حلاة الثوب رقعته منه وفيه

ma6goog said...

كلنا عيال قرية و كل من يعرف أخيّه

Anonymous said...

Kuwaiti women are smart, funny, and lovely. I cannot imagine myself getting married to another. Also, cuz as the guy said:

حلاة الثوب رقعته منه وفيه

The problem is not you, it's us. Many of us don't really grow up nor do we step up to our responsibility as husbands and fathers.

Getting married means taking on greater responsibility; spending time with the wife & kids is essential. A home is ruined without these things.

Frankly, I'm just glad you're still interested in us in the first place. Maybe we (Kuwaitis) are the best of the worst, next to men who physically or verbally abuse their wives.

After all, neglect (which we're expert at) isn't really abusive or as abusive.

بروفسور حمادو said...

تعليقي بيكون بقصيدة كنت كاتبها سنة 2002 على ما أذكر ، وللأمانة أنشرها أول مرة

و تقول

نزوة شباب و طيش لا تقول حبّيت

الحب لبنت بلادك اللي تصونك

البنت الزينة معروفة بنت الكويت

اللي على عهدك دايم ما تخونك

بنت الكويت بنت الخير والعز والصيت

لانها معاك الخلق شوف يحسدونك

سمرة جميلة و السمار أحلى جاكليت

منك و فيك و اللون هو نفس لونك

زينة الوصايف فيها كل ما تمنيت

ذوق و أدب و أخلاق صج يعجبونك

وحسن التعامل أويلاه عالإتيكيت

سنعة و ذربة بحضورك أو بدونك

تصون إسمك داخل أو خارج البيت

بنت الكويت ماهي من الـ يفضحونك

بنت الكويت ويّاها لو قلت حبّيت

ما ودّك لحظة انها تفارق عيونك


تحياتي

الزين said...

كويتي لايعة جبده

غير معرف

وبريفيسور حمادو


شكرا لقولكم كلمة الحق



والأخت اللي كاتبه هالأيميل قاعدة تسوق لنفسها تسويق رخيص

ويا كثرهم هالنماين

وودي واصل لها هالرساله

نسيتي فرق صغير جدا

حنا ما نسوق لنفسنا لأن بنات الكويت بنات عز وسنع وشبعانين

فلا تقعدين تعممين عيوب البعض على الكل

انتوا لو يحصل لكم جان صرتوا كويتيات مثلنا


والشرهه على اللي يعطيهم ويه

هيك عنز

بدهم هيك خرفان

مع الإعتذار للرجال المحترمين



وصباحج عسل اخيتي

aL-NooR . said...

, الله انا مصدوووووووووومة !!! شهالاشكال ..انا عشان اسوي ترويج حق بنات ديرتي اقعد اذم الخليجيات @@

ما اقول لها
الا
"وإذا أتتك مذمتي من ناقص ، فهي الشهادة لي بأني كامل "

:@

*********************

جبريت(عنيف سابقاً) said...

هذي اي ديره خل اروح اشوف اجس النبض هناك عندهم اسبوعين راحه وارد ويمكن ارد معاي المدام؟؟

esTeKaNa said...

هذي اللي كاتبه الايميل مو ناقص الا تقول:
خذ واحده والثانيه مجانا
!!
وي يا رخصك يا الغالي بس
الشمس ما تتغطى بمنخل
احد يسوي دعايه حق نفسه؟
ما شا ءالله شهالبني الفل اوبشن
:pp~
الواقع يقول:
بكل مكان فيه الزين والشين
واللي انا مؤمنه فيه:
حلاة الثوب رقته منه وفيه
واللي مونسني:
بروفسور حمادو

والله قريت حسيت ودي اصفق له
ضيفي كلامه على البوست شي عجيب الله يحفظه ويبارك فيه
:)

سيدة التنبيب said...

شكرا على البوست اللي يطرح مسألة مهمة ..

و ما أزيد على اللي قاله بروفسور حمادو

صح لسانك :)

nanonano said...

بنت الشاميه..كل عام و أنتي بخير..و صحه و سلامه..كل مره تطلعين لنا بموضوع مملوح..بس هالأيميل..ضحكني..أشكره..الزين عندنا و الشين حوالينا..ردي حقهم..خل يتنقعون..حريمتهم رياييلنا

ARTFUL said...

لا نجمع لا على الحريم ولا على الرياييل

حنا الخير والبركة وانتوا ملح الدنيا

;p

SHOOSH said...

إيه ده ؟؟؟؟

Anonymous said...

أنا شخصيا أعتقد أنه هذا كلام معمم
سواء على المرأةالخليجية أو الرجل لخليجي فهناك الصالح و الطالح و التعميم خطأ كبير في حق الجميع و لكن اللي أبي أقوله أن مافي أحدرح يفهمنا كثر الرجل الخليجي لأنه دينه و مبادئه و عاداته و تقاليده هي اللي تتلائم معانا , صحيح قد يكون هناك تقصير و أخطاء من أي من الطرفين أو من كلاهما
لكن بالحب و الود و الاحترام والتفاهم و التنازل للي هو أهم شي تنجح العلاقة باذن الله والله يوفق الجميع انشاالله

star said...

" على قولت أحلام
"الي ما يطول العنب حامضن عنه يقول

والله ما أدري شرد بس صج لي قالوا هذولا الي قاطين روحه أشكره

t.q8 said...

هذي وحده بس تبي تزوج


دورولها على ريال خليجي محد يبيه وعطوها خلها تتزوجه

Daddy's Girl said...

"
إنما المرأة من بلدي غير ماشاء الله عليها
أول شيء أنوثة بمعنى الكلمة جمال وأخلاق عالية
وتحترم زوجها ما يهما لا تسوق ولا صحباتها
يهمها رضى زوجها و توفرله كل سبل الراحة"

منو المرأة اللي من بلده؟ او بلدها؟

اضح اللي كاتب هالكلام قاعد يدلل و يسوي دلالة على حريم بلدهم اللي طايحين بكبدهم... و اللي لو كانوا عجبة الزمان ما اندز عنهم إيمايل أصلا

و بعدين مجرد التعميم نفسه غلط

مثل ما اكو حريم هايتات و ما يدرون عن هوى البيت و الرجل

اكو حريم شايلين البيت على راسهم شيل و لا عاد بالكويت اللي الريال يزبر و يروح الدوانية و المرأة ينقطون على قلبها اليهاهيل و البيت

اكو حريم تروح الدوام و تكرف و ترجع تدرس اليهال و تروح حق اهلها و توجب و تطبخ و لا أجدعها نايجلا لوسون و مبخرة معطرة مزينة تقط الطير من السماء ماشاء الله و شايلة البيت على
راسها و حاطة الريل و الحمولة بعيونها

و على الأقل عيونها متروسة و شايفة خير ما وراها جيش تبي توكله و تشغله عاى حساب هالمقرود

مفروض ما تدزون هالأيمايل السخيف عقابا لهم... و شحقه يندز من حلاته؟ و لا من زود مصداقيته؟

Enter-Q8 said...

هذا وين ينفع مدون خليجي دخل محدود و احتمال يسرحونه بعد خمس سنين لما يخصخصون مؤسستهم

خير ان شاء الله
لكل مجتمع مزايا و عيوب
ولو خليت خربت


بأختصار المرأه الخليجية هي أم و أخت
الرجل الخليجي

Enter-Q8 said...

بنت الشامية بعد ما قريت التعليقات قلت تصدقين يمكن في كلامها شي من الصح
ههههههههههه

Fahad Al Askr said...

ما أدري ليش محتجة

الكلام صحيح بس وين اللي يقدر؟

mob said...

عيدك مبارك وايامك سعيده

عليك طلعات تدقر الرجل الكويتي

الله يهديك ما معنى ان تقضب مجنونها؟

يمكن يمكن تجربة بعض النساءالمحليات مش الكل

انا كادت ان تكون لي تجربه مع عربيه تونسيه ولكني جبنت وخفت على اهلي
اعتقد اني ما اقدر اصرح اكثر لكن العربيات بعضهن يسسلبون لب الرجل
وطبعا جيبه ولكن هو راضي

وعساك من عواده ومو كل الكويتيات مثلك علم وثقل ورزانه

صوت الكويت said...

لا تخافون
الطابور الخامس أهو إلي ورا هذه الرساله :)
بنت الكويت وبس والباجي خس
صح يا رجال

سلة ميوّه said...

مادري ليش مادري ليش عندي احساس انه هذا الايميل من واحد خليجي مرته مو معطته ويه ومستحي يقولها ترى بتزوج ثانيه...
احســـاس :P




مساءج عسل

Anonymous said...

نسبة الطلاق بالكويت اكبر دليل على هالكلام.

dm3t _almghor said...

العزيزة بنت الشامية

وصلني هذا الايميل بس مو قاعدة ممكن الواحد يعتمد عليها في بنات اسم الله عليهم الله يحفظهم مدلعين الريال عدل في المقابل مو كل الرياييل بالخليج زينين بس الاجنبية حلوة في البداية وبعدين تي المصلحة والطلبات اللي لازم تصير مجابة

:)

بنت الشامية said...

طموحة مملوحة :

اسم الله عليج ...شفيج ياحبيبة قلبي
لا تعصبين ولا تحترين
ما كو الا العافيه....مو احنا اللى اندافع عن انفسنا...سكوتنا شهادة لنا
ولا يهمج احد...احنا معززين ومكرمين
فى بيوت اهالينا ويحق لنا نتشرط بعد
وسعي صدرج وما كو الا كل خير
مسائج ورد وعنبر

بنت الشامية said...

reemas :

وانت صاج فى كل مجتمع اكو فيه الزين والشين....واللى يحدد الفرق بينهم التربيه والدين والاخلاق الحميده
بس اللى حرني باللايميل النظره السطحيه لنا..للخليجيات
حسبالهم كلنا مولودات وبحلوجنا ملعقة ذهب.....ما يدرون التعب والمعاناة اللى تقدمها الخليجيه لاسرتها الصغيرة والكبيره.... وبالاخبر تتذكر نفسهاويمكن يمكن تنسهاااا من التعب
تحياتي

بنت الشامية said...

كويــتي لايــعه كبــده :

غشيت من الضحك....كروت الزياره
ههههههههه
ابيه كل من حاط عينه علينا
الله يكافينا شرهم
(((:

بنت الشامية said...

ma6goog :

بس العدل حلو

بنت الشامية said...

بروفسور حمادو :

وين خاش كل هالدرر
ياحلوكم ياعيال ديرتي
دوم تغسلون وتبردون الجبد
عساكم ذخر لأخواتك الكويتيات
تسلم يدك ما تقصر
تحياتي

بنت الشامية said...

الزين :

هههههههههههه
بدعت يالزين...غسلتها غسله ما تبي غيرهااااااا
ياحلوكم كلكم تهبلون
غشيت من الضجك ..ردت افعالكم تهبل
تدرين هذى نعمه من الله اننا كلنا لنا نفس الموقف .... ونفس ردت الفعل
الله لايحرمنا من بعض يارب
وحريمتههم عيالناااا
هههههههه
تسلمين

بنت الشامية said...

Anonymous 1 :

most important thing is that you are true to urself, but i think that once men are put in that position (being husband/father) they will step up and be good caring fathers. and i think kuwaiti men are one of the best in world and not best of the worst :)

الله يحفظكم ويخليكم ذخر لنا يارب

بنت الشامية said...

aL-NooR :

المشكله ان بعضهم متحاملين علينا
وما يقدرون لى انفسهم
بس ما اقول الا حريمتهم عيالناااا
بنصك عليهم
بدل لا صك على بناتك
بيصر صك على اولادك
هههههههه

بنت الشامية said...

جبريت(عنيف سابقاً :

ديرتهم بالقطب الجنوبي
واذا ما لقيت احد روح القطب الشمالي
لوووووووووووووول

بنت الشامية said...

esTeKaNa :

اليوم انت والزين مبدعين
خذ وحده والثانيه مجانا
شهالبني الفل اوبشن
هههههه
وايد عجبنى التعليق...غشيت من الضحك
الله لايحرمني منكم
اما برفسور حمودى ....ما قصر
كفى و وفى ما قصر
صج ياحلو شبابنا ما يرضون عليناااا
الله يحفظهم ويخليهم
سلامات كثيره ...((:

بنت الشامية said...

سيدة التنبيب :

انت المشكوره على زيارتج
وبرفسور حمودي يستاهل جائزه
على هالابيات اللى كتبهاااا
تحياتي

مردويسة said...

مساء الخير

هذا الغباء بعينه وعلمه في الايميل ذمت في بنات الخليجيات ومدحت في رياييلهم والغبيه مالاحظت انها امدحت في بناتهم وذمت في رياييلهم الظاهر ماعندهم رياييل في ديرتهم

حسافتج يا كويت said...

شهاليور وشهالعبو؟

المراة الخليجية ومن ثم المصرية هم اقوى نساء العالم تحملا للرجل بشكل عام


والله خير الرجل الخليجي بشكل عام طقة بالمرة وطقة بالطوفة



ذكب وافتراء

وبالاخير اصابعج مو سوى

وحـدهـ من البـشر said...

اممممم

وجهه نظر شافوها من مسلسلاتنا يمكن

لان المسلسلات هالشي اللي تعرضه ان المرا ماتدري عن بتيها و الخدامه مربيه اليهال


اوكي في جي بس مو الكــل

وبعدين كل مجتمع له عاداته وله اعراافه

ولو كل اللي بالخليج جذي جان ماعتقد في متزوجين الكل عزابيه و مطلقيين





موفقه حبيبتي

ميمة السبيت said...

** والله ماتخاذون الخليجي إلا بالسحووور و لطبووووب ميتيين عالفلووووس حمدالله عالنعمة والخليجي اللي ياخذكم بالسر من ورا اهله

ويييع ويييييع الاسلووووووب حده اي شي

فريج سعود said...

ما قالت ولا شي














غلط

إمـرأة لا تُنسـى said...

كلمة وحدة تنقال في حق الخليجيين والخليجيات، اللي مو قد المسؤولية.. خل يقعد في بيت أهله أبرك له

بنت الشامية said...

nanonano :

تقبل الله طاعتج

البوست وايد خفيف...وتغير عن غثا السوق والسياسه.....مو مخلينا حتى نبتسم.....,وانت صاحه الزين عندنا والشين حولينا
و الله كريم
تحياتي

بنت الشامية said...

ARTFUL :

شفت شلون ....هذا كله فى قلبها علينا
لاحول ولا قوة الا بالله
بس اللى شرح صدورنا ردكم عليهاااا
لاخلا ولا عدم

بنت الشامية said...

SHOOSH :

عينه صغيره من الحسد العربي

بنت الشامية said...

Anonymous 2 :

كلامج كله صح وعدل
ما عليه زود
بس للحق....انا ما عندي اي مصداقيه عن هالايميل...انا قلت يمكن مفبرك
والاكيد هو مفبرك
بس قلت انزله وشوف ردت فعل الشباب
بس صج بيضوها ويانا
تعليقج جدا اثرى البوست
تحياتي

بنت الشامية said...

star :


صج ...العنب حامض عليهم
ومااااا يطولونه
هههههه

بنت الشامية said...

t.q8 :

حتى هذا حريمتهاااا ...عيالنا غالين
هههههههه

بنت الشامية said...

Daddy's Girl :

هالنوعيه عاميه عيونها الفلوس
وحسبالها ان احنا عايشين فى نعيم
وعلى بحار من الفلوس
ما تدري ان الحياة عندنا شلون صارت صعبه وتعب وجهد...على الزوجه قبل الزوج....بس بالحب والتعاون والالفه
يهون كل ما كان صعب
واكيد هالايميل ما فيه اي مصداقيه
ومفبرك...بس قلت انزله للتغير
متنا من الغثا والسياسه
بس اندفاعج وايد عجبني
واللي عجبنى اكثر واكثر دفاعج عن خواتج الخليجيات
لا خلا ولا عدم
تحياتي

بنت الشامية said...

Enter-Q8 :

اول تعليق لك
كسرت خاطري وتعاطفت وياك
بس بعد التعليق الثاني
جني بهون
لوووووول

بنت الشامية said...

Fahad Al Askr :

فهد....صباح الخير
؟؟؟؟؟

بنت الشامية said...

mob said :

عساك من الفايزين والعايدين
وبعدين انا اخت الكويتي وبجانبه
عمرى ما ادقره....انت تبي تصيدني
وانا ماااا انصاد
؟؟؟
وبعدين الله فكك منها
هم ما يطالعون الا جيوبكم...بعدين تاتي الحياة عندهم...هذى هى السلامه
والله الحافظ

بنت الشامية said...

صوت الكويت :

ابيه اكو طابور خامس
الحرب العالميه الثانيه ما خلصت الى الحين
ههههه

بنت الشامية said...

سلة ميوّه :

ههههه
الحين اهو تزوج والا بيتزوج
المساله تفرق هني
اذا ما تزوج يعنى خايف منها وما يقدر يسويها
اما الثانيه ...جان زين اعرف زوجته
لووول

بنت الشامية said...

Anonymous 3 :

لا اعتقد هذا من احد اسباب عزوف الشباب عن الزواج من الكويتيه
والله اعلم

Fahad Al Askr said...

شنو هالمفارقة
قاعد أفكر هاللي يتابعون البلوقات بالبلاكبيري شلون يسوون جذي
قلت خل أجرب
وإلا أنا عندج بالبيت
المفارقة شيين
الأول إن رقمي من بين اللي دشوا على البروفايل 10000
والثاني إني كنت على الحب يم الشامية

هني يالج بالمتابعين وهني يالنا فيج

بنت الشامية said...

dm3t _almghor :
الحق ينقال الايميل خالى تماما من اي مصداقيه...ومفبرك
واكيد ما ياخذ كلامها بعين الاعتبار
انا اعتقد هو للمزاح فقط
تحياتي

بنت الشامية said...

حسافتج يا كويت :

انا اقول اليوم شفي المدونه منوره وااااايد....لووووول
ما عليك منها هذى تتحلم وتسوي لها افلام خاصه فيها
المراة اللخليجيه دائما تتحمل وتصبر فى اغلب الاوقات لاعتبرات كثييييييره ...بس اذا طفح الكيل
تصير وحده ثانيه
الصبر والتحمل له حدود
سلاااااااام

بنت الشامية said...

وحـدهـ من البـشر :

والله وانت صاجه
كله من هالمسلسلات التافه
اللى افضحتنا فى كل المجتمعات واحنا بريئين منها
كلها تهم واكاذيب وفكر مريض لا تشرح الا نفسية كاتبها
اللهم لا تشمت فينا عدوا و لا حبيبا
شكرا

بنت الشامية said...

ميمة السبيت :

ابيه ...سحور وطبوب
الله يكافينا ويكافي عيالنا شرهم
وشر سحورهم وطبوبهم
بس الصج ينقال البعض منهن
والله يحفظنا

بنت الشامية said...

فريج سعود :

و
الغلط علينا مسموح..؟؟؟؟؟؟؟

بنت الشامية said...

إمـرأة لا تُنسـى :

ان شاء الله الكل قدر المسؤوليه
ويعطيهم العافيه ويحفظهم

Kandroz said...

فديييييييييييت بنات ديرتنا :p
وفدييييييييييت بنات عايلتي :$

ويا حبذا الزواج من بنات الديرة :P
وبلا امريكية وبلا بطيخ :/

===> واحد من الشباب معاي بأمريكا مخطط من الحين بعد جم سنه ياخذله امريكية :/ مو بس لعنت خيره كاك تحسف انه قالي @@


قواج الله

وطال عمرج هذا من رايي انهم حاقدين على بناتنا :P
ولا بناتنا شزينهم ولو انهم وايد يصرفون ويفسفسون بس من حقهم :P

بنت الشامية said...

Fahad Al Askr :

اسفه تاخرت عليك بالرد
لاني طاقه لك حواش عند اشاره شويخ خايفه عليك يخطفونك بشارع الحب
(((:
والحل الامثل اذا بتستعمل البلاك بيري حط لك سايق او سايقه
وتسمت ورا.....مثلي
ههههههه

ما تبارك البروفيل الا اليوم يا
10,000
مشكور على هالدعوه الحلوه
ما تقصر

بنت الشامية said...

Kandroz :

الله يكثر من امثالك
ويزيدكم ويبارك لكم
هذا كان عشمي فى عيال ديرتي
ما يرضون على الغلط
مشكور

daggero said...

رجاءا

لاحد يجيب طارى نجيلا لوسون

ترا ما أرضى عليها

daggero said...

ولا حليمة بولند

ولا شوجىىىىىىىىىى

بنت الشامية said...

daggero :

اهم شيئ حليمة

لوووووووول