Monday, August 10, 2009

شطحاااااات اخر السفره

طلب العلم واجب..... حتى فى افغانستان
امتحانات اخر السنه بالهواء الطلق
مساااكين حسبي الله على من وصلهم الى هالحاله
وطبعا بناتهم محرمين من العلم
لاحول ولا قوة الابالله
مع قرب بداية العام الدراسي
جان زين طلبتنا يحمدون ربهم على
هالنعمه اللى عندهم ما عند غيرهم
********************

متى يسود السلام بالعالم وتتحول البوارج
الى منتجعات لقضاء الاجازات ولعب الغولف...؟؟؟؟؟
هل ينتصر السلام على الحروب والفتن...؟؟؟؟

مع نهاية الاجازه الصيفيه

*****************

هل القمر للبيع...؟؟؟؟؟؟

تهقون بيى اليوم اللى يشترون فيه القمر
ويصير حكرا لدولة ما ....وتتحكم فينا
واذا طلع عندنا ندفع لهم فلوس او ضريبه
وعلي علينا .... اكثر من بيفقده المحبين
الله لا ايب هاليوم....ياحسرتنا والله ما يندرى..؟؟؟؟
مع قرب هلال شهر رمضان

شطحاااااااااااااااااات سفر

وسلاااااامتكم

34 comments:

Mok said...

الشطحات علطول هنا
:)

كويــتي لايــعه كبــده said...

هل القمر للبيع...؟

""
لو الهوا منكم منعتم هبوبه
لاشك رزاق الملا رب الأرباب

لو المطر منكم منعتم صبوبه
لاشك رزق الخلق من عند وهّاب
""

مو ناقصين الخرافي يملكون البر والبحر والجو فوقهم... لا تعطينهم أفكار لا ياخذونها تنازل من أملاك الدولة

عنيف said...

انا مع كويتي متقطعه جبده

kandroz said...

يسوونها ليش لا !!

Anonymous said...

There just cannot be an end to war in the world. Wishing for an all encompassing peace is like wishing for an all encompassing evil; as long as we live and breath, there will be both war and peace, has to be.

We do our part though, like you did with your post.

aL-NooR . said...

شطحــــــــات انما ايه

اما الصورة مالت الامتحان
حرااااااااااااام :(
كسروا خاطري والله


و على القمر بجم سايمينا ؟

:D
************

أتيت متاخرة said...

وييييييي واعليه اكسروا خاطري

خل يشوفون الطلبة اللي عندنا النعمة اللي اهما فيها ويتحمدون الله


ببيعون القمر ؟؟؟؟
كل شي جايز يا خويتي في هالزمن الاغبر

Don Juan said...

انا مابي القمر ,, أبي الاهرامات ;D

ma6goog said...

في اشاعة ان صاهود يبي يفرز القمر و يبيعه

مجرد اشاعة

طبيبك said...

حتى تخاريفك صج
فعلا ممكن أن يشتري أي واحد أرض على القمر فتكلفة الهكتار 30 دولار يابلاش
http://www.lunarregistry.com/land/

esTeKaNa said...

عاد تصدقين انا بالشتا كنت اتمنى اقعد جذي بالهواء الطلق امتحن
:))
بس بالشتا
ولا بالصيف راح ننصهر
:)
الله يحفظج وعسى الكويت تنور بردتج

بنت الشامية said...

Mok :

مو احسن من غثا السياسه

بنت الشامية said...

كويــتي لايــعه كبــده :

سبحانه رب الارباب

هو العادل بين عباده

شوف خل نسوي حطه ونشتري احنا القمر قبلهم.....واذا ما كفت الفلوس نقترض من حساب الاجيال القادمه
استثمار طويل المدى

وعلي علينااااا....وعلى الاجيال

بنت الشامية said...

عنيف :


ابيه.... متقطعه جبده
اسم الله عليه...هو بس لايعه جبده
ههههههههههه

بنت الشامية said...

kandroz :

حريمتهم
احنا ان شاءالله قبلهم

قبل ناسا
لووول

بنت الشامية said...

Anonymous 1 :


تظل احلام واماني
والله كريم

بنت الشامية said...

aL-NooR :

كل وحده اكبر من الثانيه
ههههههههههههههههههه

مساكين .....هم امتحان وقاعدين
على الارض...وتحت الشمس

ذنبهم برقبة من حرمهم من الاستقرار والامان

الزين said...

:**


ويازينهم من شطحات


شكلنا انا وانتي بنكون على نفس الطياره


:)

بنت الشامية said...

أتيت متاخرة :

شفتيهم مساااكين يكسرون الخاطر
والاهم محد يقدر يغش من الثاني..لوول

والله جنهم قاعدين يبعون فى القمر هايام
واحنا ما ندري..ماخلوا شيئ
غربلوناااااا

بنت الشامية said...

Don Juan :

القمر احسن لك اغلى من الاهرامات

طيعنى وانا اخيتك

بنت الشامية said...

ma6goog :

فى اشاعة اقوي
يقولون بنت الشاميه هى اللى شرت بلوك فيه
(:

بنت الشامية said...

طبيبك :

مشكور ...ترا اشتريت استثماري


(((:

بنت الشامية said...

esTeKaNa :

نورت الكويت
حمدالله على السلامه

امتحان فى الهوا الطلق
ماكو احلى منه
الله يكون بالعون

بنت الشامية said...

الزين :

اذا سافرت ما ادري ليش تزيد شطحاتي
هههههه
جان زين نكون بنفس الطياره

:

:

:


بس السبل مختلفه...؟؟؟؟
توصلين بالسلامه

بوشهاب said...

اتصدقين كانو في ناس يبيعون اراضي بالقمر و ناس اصيد يشترون..
http://www.universetoday.com/guide-to-space/the-moon/moon-for-sale/
انا اقول مناقصه و اندزها ابطن لخرافي انصيد عليه

t.q8 said...

الله وناسه امتحان في الهواء الطلق
=)
يمكن تجيلي العصفوره وتعلمني الاجابه

يا ليلة دانه said...

الناس مو لاقية سكن على الارض عشان تشتري في القمر وبالنسبة للامتحانات الصورة تشبه قلوب الامهات الطايرة والعيال ما تعلم لو نقدم عنهم ونرتاح يعني قاعدين نسوي كل شي شمعنا دي يعني ؟؟

بنت الشامية said...

بوشهاب :

ما فينا شدتهم...
خلونا على جنوب السره احسن لناااا

(:

بنت الشامية said...

t.q8 :

اخاف تقول لج كلام ثاني
وتنسين الامتحااااان بكبره....لوووول

تحياتي

بنت الشامية said...

يا ليلة دانه :


اللى عنده فلوس وتحيره
يشتري حمام ويطيره
هذول اللى يشترون اراضى بالقمر

والله يكون بعونكم على الامتحانات ودراسة العيال.....والله صج عوار قلب
الله يوفق الجميع

Q80 Blogger said...

تدرين اكو كويتيين يدرسون باليمن ؟

الحمد الله على النعمه دايم .. لكن الكويت مثال غلط في التعليم

يعني انا ما استبعد ناس بهالديره راح يروحون يدرسون بافغانسان بعد فتره .. وهذا كله من فشل الكويت والتعليم العالي الي فيها

بنت الشامية said...

Q80 Blogger :

ليش عاد رايحين اليمن..؟؟؟
عٌمان اعرف انها ممتازه بتعليمها
عاد اليمن....!!!!!ء

باعتقادي المسؤل الاول والاخير عن تردي التعليم بالكويت...هي جمعية المعلمين
هدوا العلم....واشتغلوا يالسياسه
وسمموا التعليم وخربوه
هذا رائ الخاص
الله الحافظ

قلب طفله said...

خووووووش شطحات

الا شطحة افغانستان تعور القلب امتحانات و رمل و شمس وين تطلع الاجابه الله يرحم حالهم

):

و القمر ابي اروح رحله انا و طالباتي قبل لا يشترونه و يحرمونه منه كله يسالون ابله متى يخلونا نروح رحلات للقمر لووووول

بنت الشامية said...

قلب طفله :

شفتي شلون هذا الجهاد بطلب العلم
مو المدلعين اللى عندناااا

والقمر نيبه بكبره لج ولطالباتج
برسم الخدمه...هههههههههه
لان التكاليف وااايد غاليه
بس يصير ناجره يوم لكم
الله يعينج عليهن
((: