Tuesday, August 04, 2009

هل تعطي الخباز خبزه....أو.؟؟؟

الموضوع خاص للرجال
بس هم ما نستغنى عنكن
هل من الضروري الرجل داخل بيته يكون كلهم؟؟؟

والا مو ضروري معتمد على
عط الخباز خبزه لو باق نصه
مثلا....مثلا....مثلا يكون
نص نجار : يصلح باب طايح...يثبت ريل طاوله
ترقل ,يركب رف بالكبت....يصلح قفل باب
نص كهربائي: يصلح بلاك ...يغير لمبات
واير محترق...جرس البيت...الخ....الخ
نص صباغ : يصبغ طوفه...يصبغ باب
نص عامل صحيه : يصلح حنفيه تنقط
يغير فلاتر الماي, سخان ما يشتغل
يسلك بالوعه المغسله المسدوده...كرمكم الله
نص ميكانيكي : يصلح شتر خربان...يفتح غبق
السياره يشوف بس ...يشوف ليش ما تشتغل
يصلح جت سكي...يصلح قاري إمبنشر
نص طباخ : يسوى بيض, يشوي , يطبخ
طبخات خفيفه....سلطات
نص خياط : يثبت إزرار...يشف بنطلونه
نص عامل بناء: يبني دجه ,يصلح دريه منكسره
نص زراع : يزرع ورد ....يقلب ويسمد الحديقه
ترا ما أقصد الأعمال اليوميه من تنظيف
غرفتك او غسل هدومك وكويهم اوتنظيف الحمام
متأكده محد منكم يسوي شيئ من كل هذاااااا
ولاحد يقول لي أسويهم بس بالشاليه أو بالسفر
لا ..لا ... فى بيتك الخمس نجوم المخدوم المحشوم فيه
قصدي الفندق اللى تنام وتاكل فيه وتمش ايدك بالطوفه
عند اهلك والا فى بيت الزوجيه
لوووووووووووووووول

قولوا الصج......الصج لو سمحتواااااا
وسلااااااااااااامتكم

43 comments:

جبريت said...

انا ارتب داري صراحه بالاسبوع 3 مرات وانظفها

والشغلات الي ذكرتيهم يعني الي نتقنه على الاقل واحنا نسويه بالبيت يعني انا ما اعرف اطبخ مجبوس لحم وماني نص طباخ بس يعني والواحد يقزر وقته على الاقل بشي يلهييه

enter-q8 said...

حرام عليك و الله امس تارس الحوش صابون و قلبته تزلج بالماي الصليبي

شوفي اهو مو نص نص و لا ربع ربع

Mok said...

:) فوضوي

طااف

mtfa2el said...

انا حدي ساقط بهالاختبار

ZooZ "3grbgr" said...

ينفع بنيه بدلت بنجر؟؟

هذي انا

:")

وكل اللي قلتيه مجربه اسويه

من بلاغة الشف ما اخلي شي





شلون اجازتج؟؟

لان البانر يرد الروح

Icarus said...

حط فلوسك بالشمس واقعد بالظل

انا بنجر ما اعرف اسوي
!!!

كويــتي لايــعه كبــده said...

عن نفسي أحب أشتغل بالبيت وأشتغل بيدي بشكل عام ومن اللي ذكرتيهم أنا...

نص نجار
(بيبان الكبتات والارفف وغيرها)

نص كهربائي
(ليتات وسويتشات وفيوز الغسالة وتركيب شفاط المطبخ)

نص سباك
(بايب تغذية وصرف الغسالة يوم انفجر)

نص ميكانيكي
(الا ميكانيكي بالكامل بسبب عشقي للمواتر)

ولا حتى 1% طباخ
بس اعجبك بالاكل

لكني آخذ الأوامر من المدام
:)

ولا أفضل من الحريم لادارة المنازل

Anonymous said...

حتى الاوربيين ما يسسون اللي

انتي تبييينه ؟

يمكن لم تسسمعون انتم عن نظرية التخصص ؟

يقولون الكويتين اللي يقعدون ع الدجه ويشربون شاي

لو كل من جي ونجر

ما ظل بالوادي شجر

شكرا عالبوست الملغوم اللي تبين فيه الهواشات بين الازواج اليوم ؟

انا اعرف احجز حق السفر واصف الجناط واصرف دولارات طول السنه
اجممع حق العطلات

moodart.net said...

سعيد صالح يقول :
راجل بيزعء
فقط

@alhaidar said...

:)

Anonymous said...

أختي الكريمة

الغربة علمتني أكون نص من كل شي

حتى اللي استثنيتينا منهم :)

بس الميكانيك ... ميييييييح

أعرف بس أدوس بانزين وبريك

NewQ8 Bride said...

لا لا لا لا الله يخليج خليهم مرتاحين لا يحطون ايدهم بشي يبدعون و يخربون

الله يعافي العمال مساكين هذا رزقهم انا اقول خل يرتاحون ريايلنا في بيوتهم لا يشتغلون بشي

Anonymous said...

I'll do it, as long as it's not something girly :-)

For some reason, I love watching a woman taking care of her house & family. It's beautifully womanish.

Eng_Q8 said...

انا انسان ربادي واذا اخترب شي عندي مبدأ حط فلوسك بالشمس واقعد بالظلال

بس مرات اقعد احوس بالبيت واصلح او ابدل شي خربان اذا لي مزاج

إمـرأة لا تُنسـى said...

كامل المواصفات؟



.. ما اظنه كويتي



:)

ARTFUL said...

انا بالنسبة لي لازم الريال يكون يعرف يصلح بعض الشغلات بالبيت

يركب بعض الشغلات منها تقضي بعض الوقت وتطلع جدام مرتك الزين

ومنها توفير

;p

أهل شرق said...

عشرة ينظفوني ويسبحوني ويلبسوني

واي شي ابيه تحت ايدي يحطونه

عثماني said...

والله يا بنت الشامية انا ساعات اصير نص كومار .. يعني مطراش .. اودي و اييب

و ساعات اصير نص ميري .. اذا ياهل مفصخ البسه

:)

المسألة بسيطة و انا اخوج .. اذا اكو من يقوم بهالمسائل .. ليش اقوم فيها انا ؟؟؟

:)

Q80thug said...

أنا حاليا نص كهربشي و نص نجار و نص طباخ

و ناوي على بداية الشتى اصير نص زراع ان شاء الله

بنت الشاميه said...

عنيف :

على الاقل عندك شغلات تعتمد عليك الاسره فيها....وهذا هو المهم
قواك الله .....والاهم ترتب دارك
اعتقد انك عمله نادره
حط بالك على عمرك ....لا يخمطونك
لوووول

بنت الشاميه said...

Enter-Q8 :

ههههههههههههه
الصابون + صليبي =الله يعين الحوش

موووووووووولح

الله يعطيك العافيه..المهم ونس العيال

بنت الشاميه said...

Mok :

تحتاج الى دورات مكثفه

بالحياة ما كو شيئ اسمه طاف

بنت الشاميه said...

mtfa2el :

فيه دورات...ودور ثاني وثالث
الى ان تنجح
ما كو اي حجه...لووووول

بنت الشاميه said...

ZooZ "3grbgr" :

حمدالله على السلامه
وحمدالله على سلامة الوالده
نورت الكويت

والله يالغاليه ترا نون النسوه كله تحاول المستحيل اذا انحطت على المحك
على الاقل تسوي اشياء وتتقن اشياء
الدقه اغلب واو الجماعه.... اسهل شيئ عنده يقول...دقوا على الجمعيه
و...و... وعليج الباجي

يعطيج العافيه والقوة
سلامى الخاص للوالده

بنت الشاميه said...

Jako :

مو حجه ... لازم تجرب و تحاول
ساعات تحدك الظروف و الفلوس ما تفيدك هذيك الساعه
حاول

بنت الشاميه said...

كويــتي لايــعه كبــده :

اسم الله عليك والله تعليقك شرح صدري
الله يخليك لاهلك ومرتك....هذا اللى كنت اتمناه...اللى قبلك كلهم صدموني
ما لهم خلق يسوون شيئ
الله يعطيك القوه والعافيه
ويحفظك

بنت الشاميه said...

Anonymous 1 :

من قال ان الاوربي مو كل هذول او بعض هذول....روح محلات الهارد ورك
وشوف بعينك...كافي عندنا محلات اكيا
التركيب بفلوس...والاوربى ابخل منه ماكو مو مستعد يدفع

التخصص مو مطلوب التنويع هو الاهم
بس ادري ان هالحجي ما يمشي
على اللى يقعدون على الدجه
ويشربون شاي
بس كثر من السفرات و الدولارات
هذا المهم
((:

بنت الشاميه said...

moodart.net :
وعلي على سعيد صالح
خل ينفع نفسه اول
((:

بنت الشاميه said...

أحمد الحيدر :

يعني شنو..؟؟؟
رد دبلوماسي ما يمشي..نبي رد مباشر

reemas said...

الصج الصج اني انا الخباز
انا السباك و النجار و الكهربائي
و مرات الطباخ
احب اصلح و اسوي كل شي في البيت
و احب الطبخ
و مو عيب اني اغسل المواعين
واحط الهدوم بالغساله و اكوي ملابسي
اذا انا اساعد زوجتي
ما فيها شي

بنت الشاميه said...

دروازة :

بارك الله فيك...الميكانيكي مو ضروري
المهم هناك شغلات وايد تعرفها
انت افضل بكثير من اخرين

لوووول
الله يحفظك

بنت الشاميه said...

New Bride :

هههههههههههههههههههههه
والله العظيم اعرف شعورج واحساسج عدل
عدل ...عدل....عدل

خرابهم اكثر منهم....مت من الضحك
اشوه اكو مثلي

لاانا ما يذبحني الا اذا قام يصلح شغله
يطرش كل اللى فى البيت على انه قاعد يشتغل....هههههههههههههههه
فاهمتج صح ...صح....صح
الله يحفظهم

بنت الشاميه said...

Anonymous 2 :

اعمال البيت يوني سيكس
ماكو اعمال خاصه للرجل او اعمال خاصه للمراه
اذا حدتك الدنيا محد بيسويها غيرك
الحياه معمل تجارب

بنت الشاميه said...

Eng_Q8 :

لووول
ما كو فايده من الرباده
الحركه بركه...على الاقل اعتبرها
تمارين رياضيه


تحتاج دور ثاني

بنت الشاميه said...

ههههه
لا حرام اكو والله اكو مو كامل كامل
بس اكو وموجود
ويعداكو نص كامل المواصفات
اكو ربع كامل المواصفات

الله يحفظهم ويخليهم

بنت الشاميه said...

ARTFUL :

كلامك صحيح...لازم يكون ملم بهالشغلات
لان الواحد ما يدري ساعات الظروف شتحده عليه
وهم المراه تستاهل
((:

بنت الشاميه said...

أهل شرق :


الدنيا ماتدوم ...والاجتهاد واجب

واكبر مثال ايام الغزو...كلمن قام يشتغل بايده

بنت الشاميه said...

عثماني :

بس اكو شغلات بسيطه وصغيره بالبيت
ما يحتاج ايي واحد غريب
داخل البيت علشان يصلحها...او تتاخر الشغله ايام....علشان تتصلح
وبمقدورك انك تسويها
خل نصير عمليين مثل الاخرين
ونصلح اللى نقدر عليه بايدنا
الاب قدوه للعيال
الله يحفظك انت واسرتك الكريمه

بنت الشاميه said...

Q80thug :

الله يعطيك الف عافيه
عساك على القوة...هذا اللى نبيه من عيالنااااااا

بنت الشاميه said...

reemas :


الواحد لازم يكوت ملم بكل هالشعلات
لاهي عيب ولا حرام
المسالة مسالة كسل واعتماد
على الاخرين
وماكو شيئ صعب فى هالشغلات
هى احتياجات للبيت
والكل لازم يساهم فى تقديم خدماته للبيت

وبارك الله فيك وفى امثالك
والله يكثرهم
تحياتي

فريج سعود said...

انا اسوي نص الي ذكرتي بس بعد ست سبع اشهر

بنت الشاميه said...

فريج سعود :

ليش عندكم بيات شتوي
(((:

Anonymous said...

هاي
الرجل مستعد يسوي اكثر من اللي ذكرتوه بس بشرط ان المرأه تخليه بحاله, يعني ما تنكد عليه عيشته.
لكن يسوي كل شي وهم مسوده عيشته ولازم يمسك ايدها في الافنيوز.

خلونا ساكتين