Thursday, July 09, 2009

My Sister's Keeper

تتحدث قصة الفليم
عن فتاة تدعى "آن " فكر والديها بإنجابها
لتنقذ اختها "كات" المريضة بالسرطان
لكن مع مرور الوقت ومع التضحيات الصحيه
الكثيره التى قدمتها " ان" لاختها يستفحل المرض
بالاخت وتفشل كل المحاولات الطبيه
بإنقاذها ولكن تصر الام على اجراء العمليه
لابعاد شبح الموت عن كات
والثمن سوف تدفعه الاخت الصغرى آن
فتقوم آن بتقديم طلب الى محامي مشهور

ليمنع امها من التصرف بأعضاءها قانونيا

وبعد ذلك صار هناك جوا من التلبك العائلي
والخلافات الحاده التى تهز من استقرار العائله
فليم اجتماعي يتكلم كل فرد بالعائله

وعن موقفه من مرض كات
والمعاناة النفسيه اللى تعرض لها
ولكن بالحب والعلاقات الانسانيه القويه بينهم
يجتازون المصاعب والمتاعب
---------

-------
اللى إستوقفنى بالفليم موقف الأم
هل من حقهااااا ان تتصرف باعضاء جسم ابنائها
وتتخذ قرارات صحيه خطيره عنهم ...؟؟؟؟
هل هو الحب....؟؟؟؟؟

هل هى تتحدي المرض والموت..؟؟؟؟؟
هل هو خوفها من ان تفقد إبنتها الكبرى..؟؟؟

هل هوالخوف بإن الاخرين يتهمونها بالتقصير...؟؟
هل الام هى المريضة الحقيقه....؟؟؟؟؟؟؟

صج لما قالوا ......ومن الحب ما قتل
---------
المهم من أول الفليم وأنا أصييييييح

تفضخت عيوني من الإبجه....والمناااااشق
واللى حرني إن محد يصيح غيري
ماااا أدري إلى متى وأنا أبجي بالأفلام
الفيلم يستحق المشاهده وااااايد حلو

وسلاااااااااااامتكم

38 comments:

صوت الكويت said...

أتشرف بدعوتك لزيارة مدونتي

أهل شرق said...

اعتقد بأن الام كانت بتخسر الثنتين
المفروض تحوال تعالج المريضةوتحافظ على الثانية ،،
اما موقف البنت هذا من حقها تبي تضمن حياتها
_______________________________

انا ممكن اضحي ببعض اعضائي لانقاذ مريض بشرط ان اضمن الحياة بعد العملية

ممكن اسم الفلم

-mate said...

HALLELUJAH
وتنقرا: هلا-لوويا

esTeKaNa said...

يمه اسم الله على عويناتج من البجي
حبييييبتي انتي
ومناااشق بعد
ليش يمة ليش؟
كل هذا والفلم يستحق المشاهده؟
ليييييييش
ناقصين بجي ومناشق

تصدقين انا من تخنقني العبره بفلم ،اييني شي يون بأذني:
كله جذب كله جذب
في مخرج قاصين علينا
كلهم جذابين
لووووول
:))

بالنسبه حق الأعضاء:
اللي اعرفه ما يجوز التصرف بأعضاء جسم انسان ايا كان المتصرف الا بعد الموت وبإذن ولأغراض علمية وطبية

هذا قانونيا
وشرعيا اعتقد والله اعلم ان للجسم حرمه ولا يجوز التعامل فيه باي نوع من التعامل
:)
لكن موقف الام عوار قلب
عسى ربي يشافي مرضانا ومرضى المسلمين،مرض السرطان منتشر ووجوده في شخص بالعايله يأثر على كل العايله
الله يشافي الجميع يارب

ARTFUL said...

يبا نبي فيلم يضحك نبي يفلم يونس يشوق ما نبي كدر وبجي

مادري شلون تقعدون وتبجون وتطالعون لو انا اقوم اسكره شلي بضيقة الخلق


!!!!!!

lawyer said...

انشاء الله راح اشوفه قريب


لحظه فقدان اعز الناس بمرض
لايمكن للناس تفسير تصرفاتنا


من تبرع
من قرارات
من عملياات



مدري شي لايمكن تفسيره

beezo said...

وايد اثر فيج الفلم :) عليج بالعافيه

have a nice weekend

nanonano said...

مـــــــــــا قريت البوست

لأني أبي أشوف الفيلم

١ من ال ٤ said...

انتي اتصيحين على اشي وايد دلع

seven said...

واااو

مبيــن عليــه دراماا مو طبيعيه

بس ويــن هذا مو موجود بالسينما

الخيلاء said...

انا قبل سنه تقريبا قريت القصه
وايد اثرت فيني و حبيت الفكره
وطريقه تفكير الشخصيات

:
:

و الام يا بنت الشاميه

مره تعذرينها و مره ودج تذبحينها
صعب الموقف الي انحطت فيه بين نارين

نار وحده اتواجه الموت وحده تمرده بالوقت الغلط

:

لي الحين ما شفت الفلم بس اتوقع اتضاهي روعه الروايه

Nikon 8 said...

بأحاول أشوفة ومعاي علبة كلينكس
ولوإني خايفة لأني إذا بكيت ما أسكت بسرعة
!!!!
وبالذات في الأمور اللي تقلب المواجع

Um il sa3af wil leef said...

إن شاء بشوفه ..والله يا بنت الشاميه الحال من بعضه ..دمعتي على طريف بأي فيلم
:)

Anonymous said...

LoL

That's chicken soup for ya, movie wise, that is. It's funny how movies manipulate your feelings and coerce you into buying whatever it is the producer's selling, through audio/visual effects that made you, for example, bawl your eyes out :-)

That is exactly why I don't watch movies, especially Hollywood's.

DiLLi O MiLLi said...

ياااا بنت الشامية
أحنااااا نااااقصيين قثااااا ؟؟؟

ما درت عنج أمي ... جان يتلج زفة عدله
لووووول
:)
لا شافتنا نبجي بفلم ولا قاعدين نقرى رواية تبجي
على طول حجوتها : ينيتوا مووو زييييين .. ما تدروون أن هذا ينعكس على حياتكم الشخصية
وبما أن أمي دراستها علم نفس .. فكلمتها مسمار بلوح
:)
وأنا لاحظتة أن يومي كلة يكون فيني قمتة وأذا شفت فلم يبجي بالليل ما أقدر أنام


فخذي نصيحة أمي .. وتركي عنج الأفلام اللي أتبجي

:)





أما أبوي لادخل علينا وشافنه أنا وخواتي نصيح على فلم .. خاصة أذا البطل أو البطلة يموتون في آخر الفلم
تلاقينا أحنا في قمة الأندماج والبجي
يدخل علينا عرض
ويقول : ألحين هاللي مات وتبجون علية من أتوخر عنة الكاميرا يفز ويمشي على ريوله وكشرتة على كبر ويهه

وأحنا تلاقينا @@ يُباااااااا ..!!! خرررربت عليييناااا الفلم !!!ء


لووووووول
:)

كويــتي لايــعه كبــده said...

أولا مشكورة انك ما حرقتي الفلم

ثانيا أنصحك بفيلم
Transformers 2 (IMAX)
ما فيه عوار قلب

(أنا صحت يوم مات
Optimus Prime
بطل الأوتوباتس)


حنا بالكويت مو ناقصين هم

بنت الشامية said...

صوت الكويت :

تم قبول النداء
(:

بنت الشامية said...

أهل شرق :

صج كان موقف البنت قوي وصحيح
لان الام كان لازم تصحا....وتعترف ان ما كو امل فى شفاء بنتها الجبيره
بس تظل ام وعليها ان تتخذ قرار احساس الامومه
ما كو اصعب منه

"My Sister's Keeper"

بنت الشامية said...

-mate :

يعنى شنو ؟؟؟ ما فهمت
(:

بنت الشامية said...

esTeKaNa :

هذا اللى صار...مدحوه لى وقلت ما عليه خل اشوفه....بس ماهقيت بنفسي بصيح جذي...لوووول
الامومه احساس وايد صعبه
وان تتخذ الام قرار مصيري لشفاء احد اولادها....وعليها ان تختار
الله يكون بعونها..موقف ما كو اصعب منه

كان موقف الام واااايد صعب
عور قلبي وعيني عيان

وشكرا للمعلومات القانونيه
يا استاذتنا المحاميه

الفليم كان يناقش هل من حق الوالدين التصرف باعضاء ابنائهم القصر....وخصوصا ان البنت الصغيره من من ولادتها الى ان رفعت عليهم وهم ياخذون منها دم....ونخاع الشكوي مرتين لاختها المريضه...والحين يبون كليتها
فرفعت عليهم قضيه لتمنعهم
وتحمي نفسها
خوووش فليم
اللهم امين ويشفى مرضانا ومرضى المسلمين اجمعين يارب

بنت الشامية said...

ARTFUL :

والله وانت صاج
بس هذا اللى صار

بنت الشامية said...

lawyer :

كلامج صحيح
انا حطيت نفسي مكانها
وهذا اللى بجاني وفضخ عيوني

صج اذا قالوا الام ...الام..الام

بنت الشامية said...

beezo :

الله يعافيك

عطله سعيده

بنت الشامية said...

nanonano :


خووووش فليم
لايطوفج

بنت الشامية said...

١ من ال ٤ :

وانت صاج بس على كبر

بنت الشامية said...

seven :

فليم اجتماعي عائلي
بس انا تاترت فيه وايد
مو بالكويت

بنت الشامية said...

الخيلاء :

تقريبا القصه مثل الفليم
والام كان موقفها وايد صعب
مثل ما قلتي بين نارين
الله يكون بعون كل ام فى موقفهاااا
منورتنا

بنت الشامية said...

Nikon 8 :

لا ترا علبه كلينكس صغيره تكفي
لوووول
انا الله يهداني ما ادري شصار فيني
لانى حسيت بقلب الام والنار اللى شابه فيه....وتخيلت لو انا بنفس موقفها
شلون اتصرف....وهذا اللى صيحينى اكثر واكثر....بس اضحكوا علي الى ان قالوا بس
(((:

بنت الشامية said...

Um il sa3af wil leef :

شهالحاله الى متى واحنا جذي..؟؟

ميرك دمعتى صايره على طريف
على اقل الدون....ما ادري صغرت قلوبناااا....والا هو الكبر
لووووول

Sn3a said...

صج صج بخاطري اشوف هالفلم
مع اني ماحب كاميرون دياز
لكن احس اني بحبها لما اشوفها فيه

الام موقفها صعب
وبخاطري ابجي على فلم
متى بينزل عندنا

بنت الشامية said...

Anonymous,
Regardless of what the producers were trying to portray, the conflict that occured in the film is possible for any family. I believe it was a realistic possibility, and as a mother myself, it made me think of how I would act in the same position.

بنت الشامية said...

DiLLi O MiLLi :

شسوي يادللى..ما اروح السينما الا اذا سافرت
وما كان الا هالفليم...وقلت خل اشوف نفسي يمكن تسنعت...هههه
الا لقيت نفسي اردى من اول
عيني موقف الام
الله لايحطنا يهالموقف...يارب
وسلمي علي امج وابوج
وعسى الله يحفظهم ويخليج لهم

بنت الشامية said...

كويــتي لايــعه كبــده :

ان شاء الله باجر اروح له
واتزهب من الحين للصياح ....الصياح اهني يهبل
هههههههههههه

بنت الشامية said...

Sn3a :

بالفليم كاميرون دياز تهبل لا يمكن تكريهينها.....لانها ام مخلصه محبه متفانيه لعائلتها.....بس مرض البنت
اتعبها واتعبت باجي العائله

خوش فليم

أهل شرق said...

أشكرج بنت الخاله

Anonymous said...

Shamiya Girl,

Well said and I'm glad you got something out of it.

Note though: Movies - respectable movies - should never make us cry, but think and act. Try watching Hour of the Furnaces or even The Battle of Algiers (a more famous, more attainable film).

Hollywood movies (well most) numb you. They're mere spectacles.

بنت الشاميه said...

Anonymous,

Thank you for your comment, you bring out a good point.

and btw its Daughter of Shamiya..not shamiya girl :p

Anonymous said...

Yes ma'am, Bent Al Shamiya ma'am.