Friday, July 03, 2009

طال هجر الحبايب


طال هجر الحبايب واعذاب العليل
ايس القلب منهم وابخلوا في دواه
كل يوم(ن) يجيني اترجى الخليل
واقول يعطف على اللي ميت في هواه

ساهر (ن)واتقلب والمدامع تسيل
زاغ قلبي وانا متعذب(ن) في رجاه

في جفا من جفاني شلت هم ثقيل
والقضي مادرى بي ليت قلبي نساه

كل ماقلت اقبل لي وعيني تخييل
صد وخلى ضميري يلتوي في حشاه

ياريف روحي انا اللي صرت مثل الدخيل
ارحم اللي يحبك كل عمره قضاه
اهيف الطول خلي شبه ظبي السليل
كل ماشفت زوله فيّ تزايد غلاه

سيد كل البنات ونورهم هو والحصيل
هو بيامر وينهي وكلهم في هواه
*******
تختلف اسباب الهجر بين المحبين
فقد يتقلب الفؤاد
وقد يتغير الهوى
و وقد يبتعد الحبيب
وقد يسااااافر
وقد ينشط الوشاة
فيهجر الحبيب حبيبه ويجافيه
فما هو حال الأحبه ياترى..؟؟؟؟؟؟
اللى اقوله
الله يبعد عنهم طول الهجر واسبابه
والله يكون بعوووووووووونهم
اختى العزيزه كاريزما كاتبه بوست عجيب
هذا نوع من انواع الهجر
يا الله العافيه
يقال انها من كلمات عبد العزيز البصري
اللى عنده معلومه ....يصحح معلومتي
ولكم جزيل الشكر
يالله العافيه .....وسلامتكم

33 comments:

lefobserver said...

Unfortunately, I don't understand...
Greetings from Greece!!!

أهل شرق said...

شوقي وحبي..وبين جرح في أعماق قلبي

هجر الحبيب عن المحب عذاب

charisma said...

الشعر الى انا اخترته يمشى من اغنيتج
:))

لو حاطتها لنك
:))

عجيبه الكلمات بنت الشاميه
تسلمين على هلاختيار
:*

ReLaaaX said...

ساهر (ن)واتقلب والمدامع تسيل
زاغ قلبي وانا متعذب(ن) في رجاه


:/
عورني قلبي

nanonano said...

تصدقين يا بنت الشاميه

أنا واصله مرحله..اللي بيهجر و لا اللي بيرضى

على راحتهم..ما قمت أعور قلبي

بس..تعبت

Anonymous said...

اللللللللللللللللللللللللللللللللللللللله ياسلام

Um il sa3af wil leef said...

الله يبعد الهجر والبعد عن كل الأحباب وإن شاء الله يكونون دوم قراب

Little Bird said...

لاشئ مثل ان يكون الهجر مجرد "مزاجية"او ملل من البقاء معك
مدونة لطيفة

malak said...

حلووو


يعطيج العافيه :)

ARTFUL said...

الله لا اييب هجر الحبايب


;)

بنت الشاميه said...

lefobserver :

hiaaaaaaaa
bekl ahal Greece

thanks for your Greeting
wellcome to kuwait

بنت الشاميه said...

أهل شرق :

الله يبعد عنهم كل الم و عذاب
ويقرب كل ما هو بعيد
ويصلح حالهم
يالله العافيه

بنت الشاميه said...

charisma :

هلا بالشيخه ..اسفه تاخرت بالرد

الحين اضيفج ولا يهمج احنا جم كريزما عندنا....انت تامرين

انت المشكوره
(:

بنت الشاميه said...

ReLaaaX :

شفتي الم المحب المخلص واحساسه بالهجر

حتى هذا فقدناه بهذا الزمان
الاغنيه كلها عوار قلب
الله لا يبعد حبيب عن حبيبه
يالله العافيه

بنت الشاميه said...

nanonano :

بس جذي الحياة تكون صعبه
الله يكون بعونج

يالله العافيه

بنت الشاميه said...

حمودي :

هلا بشيخ الشباب
مشكور

بنت الشاميه said...

Um il sa3af wil leef :

اللهم امين
تصدقين حتى بالروايات والافلام
اذا ما تزوجوا المحبين يضيق خلقي
هذا كل منه نتاج الافلام الابيض والاسود
واحممممممممممممد ...و..مننننننننننى
هههههههههههههه

بنت الشاميه said...

مـــــي :

هجر من اجل مزاجيه او ملل
هذا اصلا ما كان حب
يمكن تعود ...تقضية وقت
اعجاب....له الف اسم و اسم
ما عدا ان يكون اسمه حب
حياج الله ومشكوره لزيارتج

بنت الشاميه said...

malak :

حياج الله
عبد الله فضاله يرد الروح
مشكوره

بنت الشاميه said...

ARTFUL :

اللهم امين
ويبعد الهجر عن كل المحبين

يالله العافيه

lawyer said...

يااااااااابنت الشاميه


القلب ايس منهم خلاص


يهجرووووووووون

وروحووووووووون



وتالي يولهون و يردوووووون
ويعاتبون و يلومون

وبعدها يرجعون و يهجروووووون

والقلب هذا اهو القلب لا سلاهم ولا نسااااهم








الله يبعد عنا وعنكم الهجر يارب


:******

جبريت said...

اي والله خووووووووووش سامريه بس لو حاطتها بصوت نوال الكويتيه جان علوووووووووم صارت تسلمين على الاغنيه الاكثر من رائعه

نصيحه تعمقي بالفن الزهيري بعد اتوقع يجوز لج

Anonymous said...

أصبتيني في مقتل

بنت الشاميه said...

lawyer :

عورتي اقصى ما فى قلبي
ما قوال الا الله يكون بعونهم...ويعافيهم
ويجمع شملهم....على الخير والحب
واللي يحب من كل فليه ..مايقدر يسلى حبيبه......ما يبله الا الصبر
والعافيه من الله
والله يقرب كل بعيد
اللهم امين

بنت الشاميه said...

عنيف :

مشكور كانت عندي بصوت عبدالله فضاله
بس ما قدرت انزلهااااا
لا يعلى على صوته
هو الاصل

اما الزهيريات قاعده ادور واحوس فيهم هالايام....لووووول
والله كريم

بنت الشاميه said...

دروازة :

انا جدا اسفه
بس الاغنيه ....عظيمه
الله ياجرك
ويالله العافيه

Mamloo7a Q8ia said...

الله الله الله
خووووووووووووش اغنيه
وايد احبها

الله يبعد الهجر والفراق بين الكل
ولا يحرمنا من احبابنا

ولهاااااانه وااااايد يالغاليه
:***

صوت الكويت said...

يشرفني دعوتكم لزيارة مدونتي

الزين said...

شلونها بنت الشامية

:*

بنت الشاميه said...

Mamloo7a Q8ia :

هلا بالغاليه... انا ولهانه بعد عليج
اتمنى ان تكونى
باحسن حال

اسعدني مرورج
اللهم امين ولا يحرم ااحد من محبينه

حياج الله

بنت الشاميه said...

صوت الكويت :


ان شاء الله
الشرف لنا

بنت الشاميه said...

صوت الكويت :


ان شاء الله
الشرف لنا

بنت الشاميه said...

الزين :

تسال عنج العافيه
بنت الشاميه باحسن حال
بس غسيلهاااا الى الحين ما خلص
لووووول