Friday, June 12, 2009

هذي اخرتهاااا....حشناااا دوانااااا

أظهرت دراسة حديثة أن النميمة تجعل النساء
أكثر صحة وسعادة من غيرهن
.
وقال الباحثون في جامعة "ميشيغان" الأميركية
إن النميمة تنشط هرمون بروغستيرون
المسؤول عن خفض القلق والضغط النفسي عند
النساء وتقوية الأواصر الاجتماعية بينهن
وجعلهن أكثر سعادة
فقد قسمت الدراسه 160 طالبة إلى زوجين
ثم طلبوا منهن التحادث مع بعضهن، اذ تبيّن
ان الفتيات اللواتي كنّ يتناولن في
أحاديثهن خصوصيات النساء الأخريات
ارتفع لديهن معدل هذا الهرمون بشكل ملحوظ
وقالت البروفوسورة ستيفاني براون
التي أعدت الدراسة
إن الكثير من الهرمونات التي تقوي العلاقات
بين الناس تخفض مستوى الضغط النفسي والقلق
********
دراسه تحليله بسيطه لنفسية الانثى عند النميمه

دراسه خفيفة طينه....واكيد اللى كانوا يقصدونه
النميمه الخفيفه اللى ماااا تضر احد
مو الغيبه والبهتان اللى تعور الناس

مع سبق الاصرار والترصد
امثلة حش نسائيه برئيه
شفتواااا اسيل شالبسه....نفس نفنوف شروق
من الحين بدا التقليد
*****
الله ياقوطي الروب اللى حاطته على راسهاااا
******
ترا هذى الدراسه بس حق نون النسوه
امـــــــــــــــــــــــا
جمع المذكر السالم......مااااا علينا منهم
والا ......شرايكم...؟؟؟؟؟؟؟
وسلااااااااااااامتكم

26 comments:

Mok said...

نميمة قد تجعل مصدر رئيسي للامراض بسبب القلق الذي يصيب المنمم

Q80 Blogger said...

والله مشكله الحريم

آخر مره اسولف مع امي .. تقولي اليوم والله رايحه حق فلانه بس الحمد الله الحمد الله الحمد الله محد حشششش .. اللهم بس على سلوى !!!

هذا انجاااااااز عند الوالده !!!!!

والله مشكله الحريم !

enter-q8 said...

اهب
اجل احنا
الواحد يوصل 35 سنة
يصير عمره 55 سنه من السكر و الا من الضغط و الا من القولون
لا و التأمينات تدرس تقصير المده التأمينية للنساء
يوبا و الله احنا اولى

MakintoshQ8 said...

انا وحده لاااااااعت جبدي من شي اسمه حش
وين ما اروح اسمع الاوادم تحش
اول هالشي مقتصر على الحريم الحين حريم ورياييل

Snow White said...

من وجهة نظري اهيا مرض

ولا أعتقد أنها تقوي الأواصر الإجتماعية بالعكس هي تفسدها وتسبب مشاكل

وللأسف النميمه منتشره بمجتمعنا بشكل كبير وخاصة عند المرأة أكثر من الرجل

esTeKaNa said...

يا مسا الدراسات الميشيغانيه
:)
الحين يوم سوت دراسه وحالتها حاله
هذا موضوع الدراسه واخزياه
!!
بعدين احب اقولج احنا خارج منطقه التغطية ما تنطبق علينا الدراسه وريايلنا يحشون هاليومين اكثر من حريمنا
:Pp~



على فكرة:
اشوة انج نزلتي بوست
توني بقلبي اقول وين بنت الشامية من غير شر،ما سمعتنا سامريه هالويك اند
:)
الله يحفظج ويبعدج عن الحش

Nikon 8 said...

حسافة أن ما في حش أبيض وحش اسود
المشكلة إنه كله حرام
!!!
ما في علاج ثاني مكتوب عليه حلااااال
:)

بنت الشاميه said...

Mok :

اكيد النميمه مرض
اللهم يكافيناااا شرهااااا
بس الدراسه لها وجهة نطر مخالفه

بنت الشاميه said...

Q80 Blogger:

والله كلناااا شحلوناااا
مو مشاااكل ولا يحزنزن
(((:
هذا يسمونه حش بريئ...مثل الجذب الابيض

بنت الشاميه said...

Enter-Q8 :

حتى بهذى تحسدونااااا
طالبوا بالمسااوة معناااا
وننظر بامركم
((:

بنت الشاميه said...

Makintosh :

حش الريايل..... ميرك زااايد
الله يكافيناااا شره

بنت الشاميه said...

Snow White :

خو اهم ما عندهم حرام والا حلال
الدراسة تتكلم عن اثر النميمه على الانثي......يعنى بس بهالمعلومه يختمون العلم كله....لوووووول
اكيد النميمه اكبر معول
هدم للعلاقات الانسانيه

Anonymous said...

والله يا اخيتي

في هالزمن


ضاعت المراجل

وكثر الهرج

وصارت مجالس الرجال ... نادرة

مجالس الرجال ... مدارس اختفت في زمن صارت فيه ميوعة الولد موضة ... والحش هي سوالف بعض الدواوين

الله يرحم الشنبات

بنت الشاميه said...

esTeKaNa :

تسال عنج العافيه
اصلا لما قريت بوستج امس....ضحكت كنت بنفس الوضع
بس خيالااااااتى موووو مثلج ابدااا
امى ترقع التفلون من هنى تقول وينج تاخرتي وسمعت سوفونية الزف المعتبره.عادي صارت عندنااا مناعه....وولدي يدق يقول وينج..؟؟؟
والهنديه ...تدق ماما ...ماكو حليب
هههههههههههههههههههه
بعد اكمل......اتغشمر وياج
والله مشغوووله وااايد
والسامريات ييلهااا بال صاااافي
ان شاء الله الاسبوع الياي
هالاسبوع اجازه
مشكوره يالغاليه

جبريت said...

والله بيني وبينج الحش الحين مو مقتصر على الحريم والبنات حتى الرياييل صارو يحشون شفت فلان شسوى وفلان شقال وشيحجي

وشباب الكويت طبعا لا يعلى عليهم بالحش المتخم بالطنازه والتذمر المضحك

واعتقد انه الدراسه خاطئه

esTeKaNa said...

ههههههههه
يا بعد قلبي قلبج انتي
اهم شي استانستي
:))
تبين الصج؟
ام استكانة واستكانة ما يوصولون العرس الا متناجرين
الله خير الماما لازم توصل بالوقت جنه محاضره
واستكانة عندها اهم شي توصل واهي راضيه عن اللوك عشتو
:))
الله يحفظ لج الغالين يارب
:*

بنت الشاميه said...

Nikon 8 :

هذى المشكله .....بس عندهم ماكو شيئ حراااام

بس الربع عندنا """نون النسوه وجمع المذكر السالم""" مو مقصرين
شغالين طول الوقت
(:

بنت الشاميه said...

دروازة :

لا .. ترا الشنبات لازالت موجوده
وسوالفهم ترد الروح وتحس ان الدنيا لازالت بخير
بس البعض الله يهداهم
صارت سوالفهم سوالف حريم واكثر بعد
صج حسافه عليهم

بنت الشاميه said...

عنيف :

الدراسه خاصه بالنساء فقط
وهى دراسه علميه....ما اقدر افتى في مدى صحتها

اما اللى يحر صارت الطنازه والتمسخر جزء من حياتهم.....وينسون انه نوع من انواع الحش والنميمه
الله يهداهم

بنت الشاميه said...

esTeKaNa :

ما ادري ليش اسنتعدنا لحفلة العرس...صارت متعبه....والاعصاب شاده
كله اخانق نفسى ليش انا كله شاااده
واحاول ان استرخي وهم ماااا كو فايده

بس لايكون انت بالحفلة اللى كنت
فيهاااا....وما شفتج
):
حساااافه طافنى النيو لوك
ههههههه

charisma said...

ههههههه غريبه الدراسه
استغفر الله مشكله الله يثبتنا
بس ويهدينا

:*

بنت الشاميه said...

charisma :

ما عندهم شغل طول السنه يدرسووون
ويسووون تجارب على مخاليق ربناااا
هههههههههههه
الله يهدي الجميع
منورتناااا

mob said...

الحمدلله ان اكو شئ علمي احنا سابقينهم فيه بصراحه الواحد يتنهد اذا خلص من حش واحد او وحده قامتينه
يحسس براحه شوفي ترى مانقدر انوقف حش ولا ماتصير قعدات البيت والسوق قعدات حلوه عاد انتي بتفهميني اتك ماتحشين مع ربعك ما اعتقد مبينه منت سهلى

المهم ترك عنك ملالوه السعوديه اشلك فيهم

مع السلامه الطويله

alala said...

hummm

الحش يريّـح استغفر الله و اتفق مع اللي قبلي ان الرياييل يحشون مثلنا ... يمكن من باب المساواة :P

و كثرة الفتاوي بتوافه الامور تقلل من قيمة المفتي مع الاسف

بنت الشاميه said...

mob :

مادري شفى واو الجماعه دخلت عليناااا
هذى الدراسه بس حق نون النسووووه
الله جذي الريايل يحبون الحش
لوووووول
انا احش حالى حال غيري
وخصوصا مع اللى قلبي يحبهم
اصلا الحش بهار القعده
بس حش عن حش يفرق....!!!!!ء
اكو حش والعياذ بالله يعور ويجرح ويفتن
عاد الصج هالنوع ما اعرفه ولا اتعاطاه

وبعدين بتروحون حفر الباطن..؟؟؟
يحافظ النت فى كل مكااان
((:
فى حفظ الكريم

بنت الشاميه said...

alala :

حتى اليهال هالايام عرفوا الحش...!!!ء
((((:

عندى المفتى له مكانه عاليه
وعليه ان يحافظ على هذه المكانه
وعليه ان لا ينزل الى مستوي العامه لانه يقلل من مكانته وهيبته
عليه ان يجيب على الاسئله العامه المفيده لكل المسلمين فى جميع بقاع الارض