Saturday, May 23, 2009

رشح .... صيف

امس .....غلبتهااااا
اليوم ......غلبتني

ما احب اروح الطبيب
انا طبيبة نفسي
هذول ادويتي وعندى غيرهم وايد
اصلا انا متخصصه بالادويه والصيدليات
ما ادري هذي هوايه يديده عندي
لان الحين الصيدليه توسع الصدر فيها كل شيئ
موشرط نشتري منها ادويه بس
االمهم لا يوصل الإلتهااااااب اذوني
عاد هني غصبا علي اروح الطبيب وأنا ما ادل طريجي

ان شاء الله اشوووفكم على خير
وسلامتكم
***********
شهادة مربي الحمام مرفوضة شرعا
فاذا كنت مطيرجي حمام فلن تقبل لك شهاده امام القضاء

68 comments:

DiLLi O MiLLi said...

سلاااااااماااات ماااا تشوفييين شرررر

:***

الزين said...

مساج الله بالخير بعد قلبي

داشين عليج انا وديللي

ديللي لابسه كمام

وانا يايبة لج معاي غرشة فكس يما اني من عشاق الفكس


:)))


ما تشوفين شر بعد قلبي

واجر وعافية

عليج بشاي الزنجبيل



:*

الزين said...

ديللي غطي خشمج ما تحبين ريحة الفكس انتي


:)

DiLLi O MiLLi said...

بل بل شنوووو هالريحه
من يااااايب فكس ؟؟؟؟ اختنقت



هذي انتي ياااا الزيين !!؟؟؟
يااااحبج للفكس
هذا وانا مغطية خشمي
حرتني عيني قمت ماااا اشووووف !!!!ء


انعميييييت
:(

الزين said...

لووووووووووووول

مو قلنا غطي خشمج



اقول ديللي يايبة معاي شوربة دياي ومترووووسه زنجبيل


حيااااج


:))


وجان مشتهية عصيده هم موجوده


نفسه حشا

:))



عطوا ديللي ماي باااااااارد

DiLLi O MiLLi said...

وااااااو
هالأكل اييييب المررررض
!!!!!

مابي مااااي بااااارد
ابي كماااادااات بااااارده
عيني ... عيييييني

طموحة مملوحة said...

ماتشوفين شر

الزين said...

وه وه قبررررره


والله مو قصدنا ياربي انتي داشة على مرضا


شلون يعني ما نحط فكس

:$


الإكسير السحري

لكل السخاين والمواجع

الا عوار القلب

لو يصلح جان صدرته لكل الإحم

:)))))



لحقي علينا يابنت الشامية

بلوقج راح فيها

سوينا اكتساح انا وديللي




باجي بس نقط خيوطنا ونحدق بالصورة اللي حاطتها فوق بالبنر

:))))

الزين said...

هااااو ديللي


شسالفة النحل اللي دش علينا


جني قمت اتحكحك


:))))



حيا الله اخيتي طموحه

حياج


ديللي صبي لها فكس



اقصد جااااااي

Cr8ivia said...

matshofen shar
ajir o 3afya

جربي دوا اسمه اكتا فاست .. بودر تحوسينه بنص قلاص ماي
تلقينه ببوتس

سحر

طبيبك said...

أحسن علاج للرشح الراحة والسوائل وعدم أخذ أي دواء وخصوصا المضادات الحيوية

بنت الشامية said...

DiLLi O MiLLi :
الزين :
طموحة مملوحة :

هلا بالحبايب.....ضحكتونى
وانا ما اقدر حتى ارفع راسي
انااا من عشاق الفيكس
صج تراه
الإكسير السحري
لكل السخاين والمواجع

تراااااااااا حتى حق,,,,, عوار القلب
ههههههههههههههههههه
مشكوره على الشوربه

دللى عندي شوربه خضاااار جان تبين

بس ما فيهاااا يرنزبيل

مشكورين على السؤال
والله يجير عنكم الشر

والله ونستوني
الحين لازم اروح اناااام
ارد عليكم لما اقوم من النوم

ريحتى كلهااااا فيكس
هههههههههههههههه

esTeKaNa said...

سلامات يا الغالي سلامات
غدا الشر من عقب السخونااااا
:Pp~
حبيبتي انتي ما تشوفين شر
انا يايه بطاولج مطاره الماي الحار
والادويه كلهم
بس شفت الثنائي ديلي والزين ماقصرو
انلام لي حبيتهم؟
طبعا احبهم بقلبي بس
بس
ماقدر اقرب ريحتكم كلكم فكس
:pP~
يالله نوم العوافي ان شاء الله تقومين وانتي احسن وتطمنينا عليج

Enter-Q8 said...

ما تشوفين شر و ان شاء الله عضو بالدائرة الاولى اللي يحوشه التهاب الاذن ولا انتي
قولي امين بس

charisma said...

حبييبتى سلالاماات يالغالى سلالاماات
هذى امرها هيين بس لا يوصل الموضوع لى مضاد

ان شاااءالله ما تحتاجييينه انتى بس ريحى نفسج وهالله هالله بشاى الزنجبيل يقوى المناعه وايد زين
وادويتج الى مسطرتهم
:)))

اجر وعاافيه يالغاليه
:*

Um il sa3af wil leef said...

سلامات يالعربي ..سلامات
أجر وعافيه

Um il sa3af wil leef said...

Enter-Q8
--------
ردينا على نائب الأولى ؟؟
:)
لي فات الفوت ما ينفع الصوت

Q80 Blogger said...

اشوه اني مو بالكويت

ولا جان الحين اول واحد بالفراش اعرف نفسي

abo3li said...

ماعليج شر ... شرايج ايب لج واحد من الاخوان يقرى عليج وحدة بوحدة خاصة اذا كان من الراسبين بالانتخابات .. واذا ما فاد ماعليج الا الدكتورة هدى ..
تمنياتنا لك ولجميع المرضى بالشفاء العاجل

Nikon 8 said...

سلامات وما تشوفين شر

مركبنا said...

سلامتج يا اختي وما تشوفين شر

lawyer said...

ماتشوووووووووووووفين شر


سلامااااات يالغاليه سلامااااات



فوحي ليمونه بالملللح و تغرغرااااي فيهاااا

وحده بوحده



و حيليج في الشاي الاخضر


و عصرااي عليه ليمونه هم زييين

انا مصلج لا يوووصل الالتهاب اذووووووني

لان اصلا عندي مشاكل في الاذن الوسطى

اذا التهبت
تفتر فيني الدنياااااا

أنا كويتي said...

يلا أدوية بلابطيخ.
دواك عند حسين بن عاقول. شعرة من أباط فيل، مع منقار ديك حول،تحطينه تحت المخده.
وإنسي شي إسمه مستوصف. ترى اللي يروح عشان فلونزا ما يطلعونه هالأيام.بعيد عن الجميع

مَـــــعْــــمَــــعَـــــه said...

ما تشوفين شر ان شاء الله

والله لا يهينج روحي المستوصف اخذيلج ابره وتقومين ابد ما فيج شي بلا ادويه بلا حجي فاضي

مَـــــعْــــمَــــعَـــــه said...

ما تشوفين شر ان شاء الله

والله لا يهينج روحي المستوصف اخذيلج ابره وتقومين ابد ما فيج شي بلا ادويه بلا حجي فاضي

`~MnO YeNSa! ~` said...

سلامااااااااااااات :**

يكافيج الشر
ماجووووووووووورة
:**

ANGEL HEART said...

سلامااات ماتشوفين شر يارب

اجر وعافيه

فريج سعود said...

سلامات

اشطاري عليج المطيرجية ؟

استاذ حمام وفراخ said...

هو كلامج صح

اذا الطير قلابي ويطق راس

اما اذا حمام دشي وحمام شمسي ...لا ما اعتقد الفتوى راكبه عليهم
وإلا جان اخوانه الزباره في ورطه ...!!!!1
شيربوون عيل ..دياي بياض

هذا شغل اهل البصره مو شغلهم

صديق مربين الطيور

Snow White said...

سلامات..ما تشوفين شر

عليج بشوربة الدياي مع اللومي والزنجبيل والبصل والثوم هذا دواج وعلى الله شفاج :)

الحــــٌر said...

أجر وعافية

وصباح الخير والسلامة

ARTFUL said...

ما تشوفين شر

عسى ما منتي من ال18 حاله اللي اكتشفوهم!!!!

Najmah said...

سلاماااات يالغالية سلامااات
اجر وعاافية
ديري بالج على نفسج
وشربي زنجبيل وليمون
وماعليج شر ان شاءالله
:*

عنيف said...

ما تشوفين شر يا بنت الشاميه

انشالله بنواب الخامسه عشان يتوبون من دشة الفرعيات
وال18 حاله الي اكتشفوها بنواب الرابعه والخرافي معاهم خل يوخر عن الرئاسه شوي

وعليج بالبرتقال والليمون تراه مفيد

حرف said...

افا

عساها باللي في بالي ولا فيج

lawyer said...

بشراااااااااي عسى اليوووووم احسن؟

Fahad Al Askr said...

كثري من الستربسلس ودهن بوفاس

أهل شرق said...

اهل شرق يتمنون دوام الصحة والعافية لاهل جبلة

سلامات واجر وعافية

daggero said...

بنت الشامية

أحسدوك هالحسودين أعداء المرأه من شافوا ربيعاتج أنجحوا ودشو الميلس

ما أقدروا يصبرون


وأنتبهى من الأنتكاسه الفايرس هالمرة قوى

سلامات سلامات

بنت الشامية said...

Cr8ivia :

مضكوره.... والشر ما ابج
ولا يدل مكانح
(:
ومشكوره على الدوا طرشت يشترونه لى

بنت الشامية said...

طبيبك :
علشان جذى ما رحت الطبيب مااا احب المضادات الحيويه

وشكرا للنصيحه...ياااطبيبنااااا

بنت الشامية said...

esTeKaNa :

هلا بالشيخه والله هالمره وااايد قويه

الى الحين ما ني قادره ارفع راسى
كله بالفراش
اما دللى والزين يااااابعد عمري ماااا يقصرون قول وفعل
واللى قصر منهم انت كملتيه
لا خلا ولا عدم
صح ياااااا بخني فيكم
الله لا يحرمنى منكم
((((:

بنت الشامية said...

Enter-Q8 :

الشر ما ايك
وانا اقول لك يووووووز عنه
ترا ما ارضى عليه
حراااااام عليك
(:

بنت الشامية said...

charisma:

مشكوره بالغاليه
مااا احب المضادات
علشان جذي ملازمه الفراش
ومابقى مطاره بالبيت مو يم راسي

والفيكس يبط الراس
ههههه
والكل بالبيت ساكتبن ومتحمليني
حبايبى ما يقصرون
مشكوؤة بالطيبه

بنت الشامية said...

Um il sa3af wil leef :

الله يسلمج من كل شر
مشكووووره
وما عليج من انتر كويت هو ما يحبه
لووول
ما يحب الا اسد المجلس

بنت الشامية said...

Q80 Blogger :


بس حط بالك على نفسك
اكره شي الانفلونزا بالصيف

بنت الشامية said...

abo3li :

مشكور
خلهم ينفعون انفسهم اول
هههههه
مشكلتى مااا احب الطبيب
علاجي كله بيتى
الا عند الشديد القوي.... لابد من الذهاب للمستشفى
حياك الله

بنت الشامية said...

Nikon 8 :

الله يسلمج من كل شر

بنت الشامية said...

مركبنا :

مشكوره الله يجيرج من الشر
حياج الله

بنت الشامية said...

lawyer :

علم وينفذ فورا
مشكوووووره على النصائح الزينه
ما تقصرين

بس دور الرشح هالمره وايد قوي
وما اقدر انزل من الفراش
باجر ان شاء الله اصير احسن
مشكوره لسؤالج
حبيبتى انت

abo3li said...

بنت الشامية فتوى عدم جواز شهادة المطيرجي ... يعني الشهادة التي نالها النائب الطبطبائي باحد محاضراته بخصوص الشيكات من مكتب السيد رئيس الوزراء ... باطله باطله باطله ...

شمسوية مع الانفلونزة ماتبين ماي مقري علية ... التوصيل مجانا

للجميع تحياتي ...

بنت الشامية said...

أنا كويتي :

هههه ياغردي شهالدوا
اكيد الانفلونزا بتنحاااااش منه
الله يعافيه خل حسين بن عاقول يقعد مكانه وانا فى مكاني
الظاهر انك تبينى اكشت
(((((:

بنت الشامية said...

مَـــــعْــــمَــــعَـــــه :

مشكور الشر ما ايك
ماااا احب المستوصفات
والاهم ....ما احب الابر
(((:
اخاف منهاااااا

بنت الشامية said...

`~MnO YeNSa! ~` :

الله يسلمج من كل شر
مشكوووره

بنت الشامية said...

ANGEL HEART :

الله يعافيج ويخليج
مشكووووره

بنت الشامية said...

فريج سعود :

السهر والمرض وجريدة الوطن

بنت الشامية said...

استاذ حمام وفراخ :

ما ادري ليش تذكرت نجيب الريحاني
لوووول
تصدق احتجت مترجم لغات
علشان افهم الطلاسم اللى كتبتهاااااا

بس الى الحين ما عندى رد
او بالاحرى اتحفظ بالرد

(((((:

بنت الشامية said...

Snow White :

مشكوره والله يسلمج من كل شر
واهم شيئ النصائح الغاليه
والحمدلله على كل حال

بنت الشامية said...

الحــــٌر :

صباح العافيه
الله يعافيك ويخليك
يا رب
مشكور

بنت الشامية said...

ARTFUL :

الله يجيرك من الشر
علشان جذى ما رحت الطبيب
خفت يبلشوووووني
((:

بنت الشامية said...

Najmah :

الله يسلمج ويخليك يالشيخه
المرض ما يحتاج الا الراحه التامه بالفراش
وهذا اللى انا متبعته هالمره
بس اليوم الحمدلله وايد احسن
حياج الله

بنت الشامية said...

عنيف :

الله يسلمك ويخليك
بس حراااام عليك ما احب اكون سبب فى اذية احد
ههههههههههههههه
مشكووووور

البرتقال نعم الليمون لا
(((:

بنت الشامية said...

حرف :

الله يعافيك
حرام خلها فينى احسن
ههههههههههه

بنت الشامية said...

lawyer :

الحمدلله والشكر لله
اليوم وايد افضل اقدر اقوم واتحرك
الله لايحرمنى منج يااااارب

*:

بنت الشامية said...

Fahad Al Askr :

شكرا دكتور فهد

بنت الشامية said...

أهل شرق :

الله يسلمك ويبعد عنك كل شر
لا خلا ولا عدم من اهل شرق
(((:

بنت الشامية said...

daggero :

مااا عليك منهم خلهم يولون

انا اقول يمكن من كثرة انفعالاتي بنتائج الانتخابات...وفرحتى الكبيره فيهم
جسمى ما تحملهااااا لان من زماااان ما فرحنا جذى....الفرحه نسيناها للوطن من زمااااان
بس صج هالمره الانفلونزا جدا قويه
ومن صج انا متحفظه على نفسي
يالله العافيه
مشكور

بنت الشامية said...

abo3li :

الحين شياب طارى المطيرجيه وشهاااداتهم
صج قاعدين بس ينبرون ويدورون امور
مالها سالفه ولا اي اهميه

والشهادات هلايام اشكال والوان
منها المضروبه والمغشوشه والمزيفه
وهلم جرااااا

اليوم الحمدلله وايد احسن
شكرا للسؤال