Wednesday, April 22, 2009

الثقافة الجديده قادمه...بسرعة الجت سكي


عندي إحساس قامتنى وقامت غيري
إن غالبية نوابنا القادمون سوف يقودون البلد
بعقلية.... سائق الجت
وما راح يعرفون يتعايشون مع ديمقراطيتنا
التى أسسها الأجداد والأباء
جنهم معزمين يغرقونا ....ويفرضون علينا

ثقافة سائق الجت سكي

واللى قامتنى أكثر وأكثر
مسجات هالأيام من زين""" الخبر"" وغيرها
و فضائيات الوطن والرأي وجريدة الرأي و الوطن
بتسميتهم الفرعيااات بالتشااااوريه
وإصرار مذيعينهم على هالتسميه

جنها صارت أمر واقع ومتعارف عليه

ومو طاحن عمري الإ """" بوفتين""" اللى
مو قاااااادر يطلع كلمة التشاوريه من حلجه
وهو يحاور الطاحوس
جنها قااااااصه ببلاعيمه ....حسافه عليك
حتى ولدنا يبونه يقلب علينااااااااا
و الحاااافظ الله
وسلااااامتكم

43 comments:

Mok said...

خبز خبزتيه يا رفله اكليه

:)

Anonymous said...

agoool..

yaaaabohom 3oun 9aaraw faraaaaa3na o tfar3enaw 3alaina o 3ala elqawaneen

o khubzin khabazteeeeeh........

DiLLi O MiLLi said...

تغير المسميات ما يعفي تجريمها
والفرعيات او التشاوريات .. على عينك يا تاااجر
جدام الداخلية .. وعقب سحبوا الفايزين منها
حققوا معاهم وطلعوهم بكفالة
لاااااا طبنااااا ولااااا غدااااا الشـــــر


ههههههههههههههه
طيب حتى الخسرانين مشاركينهم بالجرم
أشمعنى اللي فازوا بس أهم اللي سحبتوهم !!!؟؟؟
شـــــــــــــررررر البليــــــةُ ماااااا يضــــــحك

:)

Q80 Blogger said...

بو فتين يروح حق رايكم شباب احسنله

حياتي هدف مو عبث said...

ممكن اتوضحين قصدج
بعقلية ... سائق الجت
وثقافة سائق الجت سكي
:)

بوفتين نظارته وساعتة
اتسبب لي توتر وعدم تركيز

enter-q8 said...

ياريته يسوق جت سكي
الا ياكل جت

Anonymous said...

اهل الكويت الصجيين مايقولون عم الا لاناس معروفين وفيهم صفات معينة من الثقل والاصل والمواقف والسعدون مافيه الصفات هذه. هبه عم الى تارسه البلد تلوع الجبد. الكل صار عم. النيباري عم احمد الخطيب عم الان السعدون عم. نضحك ولا نبكي؟

إمـرأة لا تُنسـى said...

الكويت ما إترقــّع

Unknown said...

الفرعيه فرعيه حتى لو غيروا الاسم لان الفرق شاسع بين الفرعيه والتشاوريه

والله يستر من البرلمان القادم

ARTFUL said...

لا يا بنت الشامية احنا تعدينا صاحب الجت سكي

نوابنا بدعوا اكثر منه

!!!!

بس said...

لج الله ياكويت

الله يحفظها و يحفظ اهلها

بنت الشاميه said...

Mok :


الله الغني عن هالخبز

بنت الشاميه said...

Anonymous 1 :

كلامك عدل
لو يتطبق القانون محد يتفرعن ولا حد يز ولا يفر....ما اقول الا يااااعونةالله

بنت الشاميه said...

DiLLi O MiLLi :

شفتى قمته اكثر من هالقمته اللى احنا فيهاااااا

انا لو من الخسرين جاااان احتج
على الحكومه ليش ما سحبتنا مثل الفايزين
حتى احناااا نبى الشهره مو بس اهم
خو دعايه بلاااااااااااااش لهم
):

بنت الشاميه said...

Q80 Blogger :

مسكين احسه توهق

بنت الشاميه said...

حياتي هدف مو عبث :

شرح ثقافة سائق الجت سكي
واااسعه ......بس
بمعناها الضيق والمحدود جدا
ان على سائق الجت سكي ان يلبس المايوه والخوذه على الاقل من اجل سلااااامته
(:

بنت الشاميه said...

Enter-Q8 :

انت كله تقرا افكاري
((:

esTeKaNa said...

قامتني
يغرقونا
طاحن عمري
.
.
.
تعالي قعدي أهو
اسم الله عليج الرحمن الرحيم
!!
كل كلمات هالبوست مكتئبه
وكأني أراك عاقدة النونة
وبوزك الى الخفجي
حبيبتي انتي
الوضع يضيق الخلق
بس ميخالف الله كريم لا تفقدون الأمل
وخلج واثقه ان هالديرة فيها خير
.
.
تصدقين انا وايد احترم اللي راكب الجت سكي،مو هامة احد راكب بكامل اناقته
LOOOOOL

صباح الورد على شيخة الشامية
:*

بنت الشاميه said...

Anonymous 2 :


ما اقدر ان خرج عن اخلاق وادب معلم البشريه و رسول الامه
انت بتطلعين ....كيفج.... هذا رادلج

بنت الشاميه said...

إمـرأة لا تُنسـى :

ما ادري تبى دكتور تجميل
والا خياط مشهور
والا
والا
والا

الله كريم

بنت الشاميه said...

الطائر الحر :

هذا اللى يبونه
يفرضون علينا منطقهم
وبعدها.... تصير واقع اسود علينااااا

والله الحافظ

بنت الشاميه said...

ARTFUL :

ترا سائق الجت
بطل الجت سكي بديرته

والله يكافينا شر فن نوابنا عسى ما يصيرون بمستوى فنه

بنت الشاميه said...

بس :

امين ....والله كريم

nanonano said...

لا ينقمت قلبج و لا شي

أن شاء الله بوجود أشخاص بالمجلس

من أمثال

العم أحمد السعدون

و

العم عبدالله النيباري

و النواب الشباب

بعون الواحد الأحد

ما راح تيينا هالثقافه

kuwaitawy said...

ديري بالج لا يسحبونج امن الدوله


ماكو شي اسمه فرعيه


تشاوريه تشاوريه

لوووووووووووول

كويــتي لايــعه كبــده said...

على من يدعي انه أفضل من من ينتقد أن يثبت أنه الأفضل بعقلة وأخلاقه وعلى الأقل يبتعد عن التعميم

صاحب الجت سكي قاعد يستعبط

ويا كثرهم بالمجلس وبراه هالايام

والخبز اللي خبزته الرفله مو بس التجنيس العشوائي الا أكثر منه بكثير مثل التزوير والانقلاب على الدستور ومحاولات "تنقيحه" ومحاولات تفريغه من محتواه (مستمره حتى اليوم) وغيرها الكثير وجدير بالذكر ان جميع هذه المحاولات شارك بها بل وكان نجومها من جميع فئات المجتمع ومنهم اصحاب النظرة الفوقية

النظرة الفوقية والعنصرية من البعض يا اختي بنت الشامية هذه شنسميها؟
...مساهمة بـ"فرق تسد" والا

لي احترمنا نفسنا يمكن الآخرين يحترمونا

مع الاسف

وملاحظة: اذا العم السعدون ما يستحق الاحترام بـ"عم" من يستحق؟

Anonymous said...

أخيتي

أهديج بمناسبة بوستج

اغنية ميامي

راحت علينا

احنا شبيدينا

خلها على الله

يكفي اللي فينا

الدنيا دنيا

تدور فينا

مرة معانا

وعشرة علينا

بنت الشاميه said...

esTeKaNa :

شيختنا استكانه من قريتي وسميتي علي
وانا منشرح صدري .....الظاهر دربج اخضر......ياشيخه استكانه

يابعد عمري لاخلا ولا عدم

الكتابه ساعات تبرد القلب وتخفف الضغظ
لوووووووووووووول
باجر اذا شقتى البوست اللى بنزله
بتضحكين...وتقولين سبحان مغير الاحوال
وباجر الخميس لازم البوست يكون فرايحي
((((((:
كل ما تميتى مري علينا
وعطينا شوية دعوااااات تشرح الصدر
ومشكووووووووووووره

بنت الشاميه said...

nanonano :

الله يسمع منج
مع وجود امثال العم احمد السعدون والعم عبد الله النيباري
والشبااااب
الامل مااا زال موجود
الله يخليهم ويوفقهم لمصلحة الديره واهلهااااا

بنت الشاميه said...

kuwaitawy :

الله يخلف
خلهم ينقعون قانونهم ويشربونمايه

وانااااا ترا وراي رجاااااله يغطون عين الشمس
هذا ترا بس لك
((((:

بنت الشاميه said...

كويــتي لايــعه كبــده :

كلامك عين العقل
الله يكثر من امثالك بعقلك وامانتك وخوفك على الديره
هو ما ذابحنا الا هالفليستين اللى طفحت
عندهم صاروا ما يشوفون الناس
وسهل وايد يدوسونهم
ما يدرو ان الله يمهل ولا يهمل

والعم احمد السعدون هو الاصل
وياجبل مايهزك ريح
مشكوووور ياخوي

Anonymous said...

بو فتين ما غير جوتيه من اول حلقه !!!!!!

abo3li said...

جمبازية ومن العيارة الزايدة حتى الزواج اللي اهو زواج غيروه مسيار مسمار عرفي شهالجمبزة تبينهم بعد مايغيرون الفرعيات ربعنا ما ينقدر عليهم وخاصة اذا عطيتيهم الخيط ... الحبيب اللي على الجت سكي الظاهر ما مر علية شيئ اسمه وزار على الاقل يذكرنا بالماضي الجميل ويذكر الاخرين مع اني اشك فيهم ...

لاختنا بالمنطقة وللجميع تحياتي ...

بنت الشاميه said...

دروازة :

اخوي دروازه ما قصرت
وانا ارد واقول

شكواي للى يفتهمى شكوااااااي
راح الحبيب راح طول الغيبات

بنت الشاميه said...

Anonymous 3 :


عيل ما تركز على الحوار....!!!!ء

بنت الشاميه said...

abo3li :

الحمد لله انت متفق معاي ان ثقافتهم
قادمه بسرعة الجت

نبى حل جذري لنوقف هذا المد...؟؟؟؟؟
الشعوب تكتسب ثقافات اخرى لتعينها على التطور والتقدم والرقى
الا....الا....الا.... احنااااااا
ثقافتنا مثل سائق الجت
نرد قري
الله الحافظ

Anonymous said...

وين علي الراشد ؟؟؟؟

ليش مو حاطه صورته ؟؟؟؟؟
تراه يستاهل

Anonymous said...

واقع يجب العيش معه والنعايش أيضا

بنت الشاميه said...

Anonymous 4:

شكرا للتنبيه

بنت الشاميه said...

q8yeen :

من قال...؟؟؟؟؟؟

أهل شرق said...

بنت الشامية ليش زعلانه -- المخرج عاوز كده -- الناجحين في الفرعيات يعطونهم منصب نائب رئيس مجلس الامة ( فهد الميع )

وأرد واقول المخرج عاوز كده
وسلامتكم من الشر يا اهل الكويت

أهل شرق said...

للاسف ماعدنا مخرج يحترم هالبلد ويطبق الدستور

بنت الشاميه said...

أهل شرق :

لووول
بس زعلاااانه .... زعلانه شويه على اللى فينى .....الا مقهوره

ان شاء الله ندرس فن الاخراج على اصوله
ونطبقه بحذافيره
والله الحافظ