Sunday, April 12, 2009

ياااا علي ""رشيد البدر "" صوت بالصوت الرفيعِ


علي رشيد البدر ....شاااامي معتق
من عيااااااال الشاااااااميه
من البنك المركزي ...إلى البنك العقاري
إلى بنك الشرق الاوسط
إلى رئيس الهيئه العامه للإستثمار
بعد الغزو مباشرة ...يوم دقة حجايجهاااا
وعضو فى لجنة الإنقاذ الإقتصادي
واليوم بنك الخليج
همن يوم دقة حجايجهاااااا
تستاااااهل يابو رشيد
ديوان رشيد علم من أعلام منطقه الشاميه
ثم كبرت الديوانيه بكبر صاحبهااا
لايمكن لأي مرشح أو نائب أو إقتصادي
ماتمر ريوله ديوان رشيد
مااااا ادري ليش أشبه هذا الرجل
بابو الحكمه العم عبد الرحمن العتيقي
مستشار صاحب سمو الامير
و
العم حمزة عباس
مؤسس البنك المركزي
ومستشار إقتصادي بمجلس الإمه من الثمانينيات

ساااامحونى لازم أعجف له من الحين يمكن
احتاااااج قرض ....مايبيله أروح له البنك
أنطره براس العاير وأسد السكه عليه
ساااامحو عنصريتي لولد الشاميه
وأقول حق مساهمين بنك الخليج
بشروااا أسهمكم بترد دينااااار وأكثر
لإن أموالكم بأيدي أميييييييينه
وإن شاء الله إني متاكده إن أزمة بنك الخليج

قد إنتهت
وبيرد الخليج إلى تاريخه العريق ثاني أكبر بنك
تجاري بعد البنك الوطني بالكويت

الله يوفق ولد الشااااااميه والتيم اللى معااااه
للعلم فقط
مااااا أعرف علي رشيد البدر شخصياااااا
أو بالأحرى ماااااا يعرفني
لإنه شخصيه عامه وأنا شخصيه خااااصه
لوووول
مبروك إنت والعائله الكريمه
والنعم فيكم
بس الله يخليك ياااااابو رشيد
غير اسم سحب الدانه
الى سحب زينه
لإن اللى راحوااااا بلعوا الدانة من بنك الخليج
حسبي الله عليهم المفروض إنهم بالسجن الحين
ولكن الله يمهل ولا يهمل
مبروك يااااابو رشيد
عاااااااشوا عيال الشاميه
******

بوست الساحره مازال مفتوح للى يبي يعلق

((((((((:

54 comments:

lawyer said...

وامي تحببببببببج وايد

عشاااان كله تطرين عمها بالخير




صبااااحج عسل

:*

Shurouq said...

أهالي الجابرية يرفعون آيات التهاني لعموم عيال الشامية


والنعم فيه وثلاثة انعام

Mok said...

شامي المعتق؟؟؟؟؟



شاااامي؟؟

Hashemy said...

شامي معتق لوووووووووووووووووووول

مبروك عليكم

esTeKaNa said...

قبليه
طائفيه
شامية
ماكو فايده فينا عيال الكويت
:Pp~
ومبروووووووك لولد الشامية
عسى ربي يوفقه يارب
وتعجبني الحنكة ببنت الشامية
عيل تضبطين امورج ها
LOOOOOL
انا جدا فخورة بالشخصيه الخاصه يالله من فضلك
يالله قولي لي جم شخصيه خاصه عندنا بالكويت غيرج؟
مافي ابد
شرايج فيني وانا امدحج؟
بعد حجة وحاجة
اخاف ابي شي من عيال الشامية الا انتي واسطتي
ومنكم نستفيد
:pP~

حسافتج يا كويت said...

يستاهل


وربي يعينة

ولاّدة سابقاً ... رانيا السعد ...رانية المنيفي حسب الأوراق الرسمية said...

حظيت بشرف العمل المباشر معه
رجل والرجال قليل..مزيج من ذكاء وسرعة بديهة وذاكرة متيزة وصلابة وقوة مع خفة دم

مبروك على مساهمي وموظفي بنك الخليج

وتراه من أهل مشرف من فتحت عيني على الدنيا..لذا اقتضى التنويه

Nikon 8 said...

هونت عن سحب رصيدي من بنك الخليج لما دريت إن هذا الرجل الثقة راح يستلم رئاسة البنك
يستاهل ... والله يعينه على المسؤولية
ومبروك لكم يا أهل الشامية
:)

Hasan.B said...

Majlis el edara eb kobra fantastic

nanonano said...

العم علي الرشيد

و نعم الأختيار

بس صح كلام ولاّده

من سكان مشرف قطعه ٦

بعد

Anonymous said...

hello MY name is zeynep my web is http://vizenaturalmarket.blogcu.com we are turkish company.good days

بنت الشاميه said...

lawyer :

الطيبين عند ذكرهم

سلااااااااااااام خاص لها

بنت الشاميه said...

Shurouq :

وصلنا مراسلكم الجابري
فيه روائح طيبتكم معطرا بانفاسكم
ومشكورين لمشاركتمكم فرحتنااااا

بنت الشاميه said...

Mok :

انزين مو معتق ... اقتصادي محنك

مدري شفيهااااا هالكلمة..؟؟؟؟

بنت الشاميه said...

Hashemy :

لا يروح فكرك بعيد
لوووول
الله يبارك بحياتك

بنت الشاميه said...

esTeKaNa :

والله من فرحتي باختياره
من زمااان ما شفنا الرجل المناسب بالمكان المناسب
مو بس مناسب الا الصحيح بعد

عجبتج شخصيه خااااصه
والله والله والله انا شخصيه خاصه
ما لقيت كلمة ثانيه بدالهاااااااا
هذى ثاني مره يصير ويهى احمر منج
(((((((((((:

بنت الشاميه said...

حسافتج يا كويت :

ايي والله يستاااهل
ونعم الرجل بو رشيد

بنت الشاميه said...

ولاّدة :

الكل يثنى عليه مثلج
وخصوصا لانج عملتي معاه

ادري انه ساكن بمشرف
حاله حال اغلب شباب الشاميه
ولكنه لازال ينتخب عندنا اهو واخوانه

للعلم المناطق القديمه هى الاصل بالنسبة للشباب اللى تربوا فيهااااا
مو اللى اسكنوا فيهااااا
وللتنويه فقط:

وزير الداخليه ديوانه بالشاميه بس هو ساكن بره الشاميه
وعلى الخليفه ديوانه بالشاميه وساكن الضاحيه

مجلس ادارة جمعية الشاميه
اغلبهم ساكنين خارج الشاميه

وسعد السعد ديوانه بالشاميه وهو ساكن بكيفان

ونوابنا من عشرين سنه محد ساكن بالشاميه واحد بالبدع والثاني بالضاحيه
بس جذوووورهم نمت بالشاميه

وعلى العموم علي رشيد البدر قاعد يبنى بيته القديم
بالشاميه وقريبا راح ينتقل اليه

بنت الشاميه said...

Nikon 8 :

لحبي واخلاصي لبنك الخليج ماااا سويت شيئ لحسابي فيه مناول الازمه
والحين الحمد الله الادرة تغيرت
وصارت احسن من اول
والله يحفظ بنكنا ويكثر فليساتنااااااا
لووووووووووووول

الله يبارك فى حياتج

DiLLi O MiLLi said...

والنــــــــــــعم وثلاث أنعـــــــام

أنا أعرفه شخصيا .. وأعرفه كشخصية قيادية وطنية نزيهه



بقول حق أم رشــــــيد تقراله هالبوســــت


:)

بنت الشاميه said...

nanonano :

يستاهل بورشيد
وشوفى ردى عند ولاده
مشكوره

بنت الشاميه said...

Anonymous :

حااااضرين يا ست زينب

بنت الشاميه said...

Hasan.B :

يعنى هذا مدح والا ذم
ما فهمت...؟؟؟؟

بنت الشاميه said...

DiLLi O MiLLi :

يستاهل بورشيد
الكل يمدحه ويثني عليه
ويشهدون له بامانته
صج انه الرجل المناسب بالمكان المناسب

Anonymous said...

DiLLi O MiLLi

يعني أنا بنت بطنها

Anonymous said...

وّألله شي يفرح أن إلكويت فيهأ نقأط مضيئه وهو ولد ألكويت وولد ألشأميه

enter-q8 said...

بنت الشامية عن العيارة
ههههههه
قال ما تعرفه و تقول غير اسم السحب من دانه لزينة
اللي مستغرب منه ان اشلون بو رشيد رضى يقبل

للحين في بالي لما كان ناصر الروضان يحن عليه انه يقبل الهيئة العامة للأستثمار

ما اقدر اتكلم عنه لقربي منه و بحسبة والد

و عالفكرة باي ذا بوك حيل حيل

بس الله يهداك ما لقيتي الا هالصورة حقه

DiLLi O MiLLi said...

Anonymous

ههههههههههههههه
شـــــكووو !!؟؟
:)


بعـــــدين
ماكو شي أسمه بنت بطنها أو لأ
يا كويتي يا مو كويتي؟

وأنا كويتيــــــــــة ... وأفتخــــــــــــــر

abo3li said...

الشامية زاخرة بالمواهب في جميع المجالات خذي مثلا كرة القدم اول لاعب عمل له اعتزال رسمي هو اللاعب يوسف اليتامى ابو خالد طول الله بعمرة عبالزيز الشطي المشهور بالقندي محمد المسعود اولاد العمر منصور وجاسم لن اذكر لاعبين جيل الثمانينات لانهم كثر الطرب هناك سعود الراشد الرباح والملحن سليمان الملا ....المرحوم خالد النفيسي جوهر سالم محمد جابر كنعان حمد ...واترك لكم التكملة لعرض رجالات الشامية وان كانوا ابناء الكويت اولا والشامية ثانيا

تحياتي ...

بنت الشاميه said...

Anonymous 2 :

الحمد لله والله يكثرهم ويزيدهم
الكويت بأمس الحاجه لهم وخصوصا هالايام

بنت الشاميه said...

Enter-Q8:

الحين انا العياااااره
هين ....هين

ما فيها شيئ ....الدانه الى زينه قدوة بالبنك الوطنى ...وحساب زينه للتوفير
لووووووووووووول

يستااااااهل بو رشيد
وعاشوااااااااا عيال الشاميه
و ترا انطر الصوره لو سمحت

بنت الشاميه said...

abo3li :

شكرا لك على معلوماتك القيمه عن عيال الشاميه
يزاك الله خير
انت من عيال الشاميه..؟؟؟

Anonymous said...

e7em e7em
wain el 3am bu 3abdel3azeez
laish mo 7a6eta ma3a el rabe3 :(

Anonymous said...

عاشوااااااااا عيال الشاميه

شنو انتي طقاقة؟ الحمدلله و الشكر...اللي ما شاف خير مشكلة

Lucifer said...

yestahel walla

بنت الشاميه said...

Anonymous :

يستاهل العم بو عبد العزيز

بنت الشاميه said...

Anonymous :

يالله صباح الخير

تصدقين مت من الضحك
والله ماكو جملة مفيده بتعليقج

الناس عيل شيقولون
مااااتوا....ماااااتوا
اعوذ بالله ...اعوذ بالله
الحين الطقاقات هم التيار وهم اللى عندهم فلوس و خيييييييييييييييير

مع كل الضحك اللى ضحكته
ارد واقول
مااااا زالت الامراض متاصله فيج
الله يكون فى عونج

بنت الشاميه said...

Lucifer :

صج بورشيد يستاهل

enter-q8 said...

اللحين تنطرين مني صورة
عندك زينة

مو اقولك عيارة
ههههههههههههههههههههه

Tea said...

http://www.yaw-mi-yaty.blogspot.com

أتشرف بآرائكم

بنت الشاميه said...

ههههه
هههههه
هههههه
والله والله والله
الصوره طرشتها لى دللى
افااااا عليك
العياره اناااااا ما اعرفها موليه

;Pp~

بنت الشاميه said...

AlJareeh - الجريح:

ان شاء الله
بس كنت اتمنى انك تعلق عندي

DiLLi O MiLLi said...

Enter-Q8


هههههههه
لااااا وعللللييييه
:)

هالصورة أنا مطرشتها لها
أمس متأخر بالليل
وما حطتها ألا اليوم الصبح

هذا اللي يقولون : تيــك التهــايم وأنت نـــايم

:)

بنت الشاميه said...

DiLLi O MiLLi :

مشكوووووره يادللى
مو مصدقنى
Enter-Q8
شفتي شلون صج تيك التهايم وانت نليم
مشكوره لمساندتج المعنويه لي عليه

لووووووووول
;*

Hasan.B said...

Mad7 6b3n

Anonymous said...

اثريج عنصرية :)

اتغشمر

يستاهل

على الأقل رجل عنده كلمة وقرار

وله بصمة بكل الاماكن اللي اشتغل فيها

بس باجي الناس اللي بالمجلس معاه
ما يسعفونه

الله يعينه عليهم

اجار الدين كشمش said...

بنت الشاميه
يالله يالله
دفعوا اللي عليكم اول

انتي ونوابكم...اللزبيدي
ههههه
ماني قايل وصف مسلم البراك عن
منطقتكم!!!!0
العجاف مايمشي عند علي البدر

فمالله

abo3li said...

اختنا بالمنطقة نعم انا كويتي بالمقام الاول ومن الشامية بالمقام الثاني خذي بعض المشاهير من ابناء المنطقة عبدالله بوغيث طبعا سدرة العشاق المرحوم يوسف المطرف خالد الملا من ابناء الشامية عزيز السيب المرحومة مريم الغضبان واخوها اطال الله بعمرة الدكتور محمود الدكتور ناجي الزيد الدكتور محمد المشعان اللواء مساعد المشعان اللاعبين مساعد ونصيب الرندي مساعد العميري خالد الجحمه زهير عبدالخالق محمد الذاير صالح المسند قاسم حمزة بدر ناصر ... وايدين ماني مكمل
لكي لا افسد الموضوع واتقدم بالاعتذار من الزملاء لكوني جنحت عن الموضوع

للجميع تحياتي ...

بنت الشاميه said...

Hasan.B :

شكرا للتوضيح
من صجى ما فهمت قصدك اول مره
الله يوفق الجميع

بنت الشاميه said...

دروازة :

اول شيئ ليش نازل هناك
تعال عندي بالدائره الثانيه
انا قاعده بروحى بحديقة وهران
تصدق بنيمع اصوااااات وايده
اذا اتحدناااااااا
لووووول
وعلشان تصير عنصري اكثر مني
(((((:
يستااااهل برشيد

بنت الشاميه said...

اجار الدين كشمش :

ادري ان العجاف ما يمشي عند بورشيد
والحمدلله مااا عندنا احد يطالبنااااا
احنا اللى نبي منهم
لوووووول

وبعدين ليش نوابنا الزبيدي ..؟؟؟
نوابنا ملوك السمج كله اللى بالسوق واللى بالبحر
وانا المرشحه الوحيده الزوري بينهم بالدائره
;*

بنت الشاميه said...

abo3li :

ما شاء الله كل هذول عندنا بالمنطقه
اكو اسماء اعرفها
واسماء ما عرفتها بس اسمع فيها

اللهم زيد وبارك بشباب الشاميه وشباب الكويت كلهاااااا
اللهم مين

mob said...

هههههههه
عليك طلعات بالبوستات

فنتازيه اشلون فكرتي تسوين هذا بوست
انا من امس احاول اتصل بعلي
اسأله من الحين تبعزأ فلوس بو مهدي
باعلانات بلوغات منطقتكم ؟
وانا راح اتابع من هو\هي الفائز
القادم لسحب الدانه"""وان اطلع من الشاميه ؟؟
لا اخلي بو مهدي يشتكي عند الامم المتحده
ههههههههه
بوست مميز كما انت دائما

بنت الشاميه said...

mob :

بورشيد يستاهل
و انا استحق الدانه
لانى عميله مخلصه لبنكي الخليج ويمكن انا الوحيده اللى دقيت عليهم ايام ازمتهم ودعمتهم معنويا ولم اسكر حسابي عندهم مثل الكثيرين

اما سحب الدانه ففيها شبه
فما ابيهااااا
حتى من كثر النحاسه كتبت انت اسمك غلط
لوووول
وبعدين من قال هذى فلوس بو مهدي.!!!ء
(((: