Sunday, April 05, 2009

احذروا ذو الوجهين بالانتخابات

تـحـــــــــديـــــــــث

عَنْ أَبِي هُرَيْرَةَ رَضِيَ اللَّهُ عَنْهُ قَالَ:
قَالَ النَّبِيُّ صَلَّى اللَّهُ عَلَيْهِ وَسَلَّمَ
تَجِدُ مِنْ شَرِّ النَّاسِ يَوْمَ الْقِيَامَةِ عِنْدَ اللَّهِ
ذا الْوَجْهَيْنِ الَّذِي يَأْتِي هَؤُلاءِ بِوَجْهٍ وَهَؤُلاءِ بِوَجْهٍ
صدق رسول الله

ذو الوجهين من أشر الناس لإن حاله حال المنافق
إذ هو متملق بالباطل وبالكذب ومدخل للفساد بين الناس
وكذللك قيل فيه
هو الذى يأتي كل طائفه بما يرضيها فيظهر لها
إنه منها ومخالف لضدها
فصنيعه هذا نفاق ومحض كذب وخداع
وإحتيال على الغير للإطلاع على أسرارهم
وهي مداهنه محرمه

إنتهى النقل
وأناااااا أقول ..... هم كثيروووووووون
وخصوصا هالاياااااااام

هم شر فتنه عليكم بالإنتخابات
بالإنتخابات... بالإنتخابات..... بالإنتخابات
إحذرووووهم وإجتنبووووووهم هم الفتنه
****
فاللهم إكفنا ذو الوجهين
وإكفنا شره ,وباعد بيننا وبينه
ولا تجمعنا فيه لا بالدنيا ولا فى الأخره

اللهم امين
وسلااااااامتكم
************************
ماااااا قصرت يابو طلال بردت قلبي فيهم
أعلن بنك بوبيان عن اجتماع جمعيته العامة وقد
جاء في جدول الاعمال اعتماد التوصية
بعدم توزيع ارباح للمساهمين
والموافقة على توزيع مكافأة لاعضاء
مجلس الإدارة
لماذا هذه التفرقة؟ اما ان البنك حقق ارباحا فهنا
يتم توزيع ارباح للمساهمين
ومكافأة لأعضاء مجلس الإدارة،
واما إذا كان خاسراً فلماذا توزع مكافأة
لأعضاء مجلس الإدارة؟
هل هي تشجيع لأعضاء مجلس الإدارة على
الجهد المبذول لتحقيق خسارة؟؟؟؟؟؟؟؟؟؟؟؟
مساكين المساهمين
*******
صج انهم مساكين ومتفلعين

44 comments:

Mok said...

يا كثرهم
شيلمهن شيلمهن

enter-q8 said...

يا كثرهم سواء بالانتخابات او غيرها
انصح كل مواطن و مواطنة
بتبني نظرية خلك صريح و كاش
مع كل مرشح

ميمة السبيت said...

عاد الحين حق الأذية تلفونات و قرقة و لجة و ياريت احد فيهم سنع

أنا اقول بضرب عن الانتخابات و ماني معطيه احد .. كلهم مصالح شخصية

الحــــر said...

السلام على اهل الشامية..
المشكله يا اختي الكريمه ان الكثيرين اصبحوا يعلمون ان فلان مثلا ذو الوجهين ومنافق ولا يريد الا مصلحته ومع هذا تجدين انهم يصوتون له لانه في فتره الانتخابات مثلا يخدمهم بمعامله او البعض للاسف يبيع ذمته فالموضوع هو ليس ان نفتش لنعلم من هو ذو الوجهين الموضوع اكبر من ذلك فاصبحوا يعلمون من هو ولكن ما دامت المصالح مشتركه بينهم فلا مانع من التصويت له هكذا اصبح الكثير من الشعب يفكر..اينما اجد مصلحتي اذهب ورائها..

وشكراً

DiLLi O MiLLi said...

وييييييييييييييه بااااا بنت الشامية يااا حبيبتي
واااااااااايدييييين .. كـــــووووود
بنحــــــــــــــــــــــــاول .. أنتحـــــــــــــاشاهـــم

اجار الدين كشمش said...

الله يهديييج يالشاميه

هل الايام يسمونها مجامله ..ولا تجرح المرشح اللي تدري انه جذاب بوطير .. صير كووووول

انا ما اقدر ...اسكت !!!!1
عن الاحزاب ...الدينيه
بالذات لان القضيه فيها دين ...وانا على استعداد لمقارعة اكبر واحد فيهم بالدين !!!1
مااقدر ...لاني اشوف اسلوب موحش ب تعاملهم المالي ...طبعا مو كلهم البعض....اموووت قهر ....وزواجاتهم للزوجه الثانيه وبعضهم الثالثه

وعدله ...وعدله ...اعيييدها و عدله مع الزوجه السابقه لا حول ولا قوة الا بالله ؟؟؟؟
وهي مسكينه بعد عمري تبلعها و ايضا حزبيه معاه

بعض هؤلاء يستحقون الرد عليهم لانهم
ما عندي كلمه لهم

خل يقولون اللي يقولونه
ما اقدر اسسسكت
فمالله

Anonymous said...

هذول دم ضروسي

كويــتي لايــعه كبــده said...

يعني مثل اللي ينصح الناس ضد البنوك "الربوية" والعياذي بالله وهو يتعامل وياهم

والا اللي محرم كل شيء على المرأة ويصيف بشواطئ كانكون العارية

والا من ينسف تعديلات مجلس الأمة على قوانين الحكومة ببراشيم من تحت لى تحت

!؟!؟

Nikon 8 said...

الله يكافينا شرهم وشر أمثالهم
شكرا على التنبيه
:)

Um il sa3af wil leef said...

عاد سماهم في وجوههم ..تصدقين يبين عليهم.. بس على مين ؟

Um il sa3af wil leef said...

mok
----
فعلا شيلمهن

lawyer said...

المشششششششكله 99% منهم بوويهيييييييييييين

nanonano said...

ولا اللي يطالب بشي

و اللي يدعمونهم شي ثاني نهائيا

حسافتج يا كويت said...

نص الكويت بو ويهين والنص الثاني بو وية واحد بس مكرم السامع مغسول .....كملى عاد انتي





وبالنسبة للإعلانات عن المرشحات فتستاهل بنت الجسار والنعم في كلامها وفكرها

واسيل عين السيح هم تستاهل


أما رولا فهذي انا رافع عنها القلم

ولاني متكلم عنها

بنت الشاميه said...

Mok :

ادري انهم وايد
يكفينا ان نعرفهم ..... ونحذرهم
وهذا اضعف الايمان

بنت الشاميه said...

Enter-Q8 :

هذول صاروا جزء من الحياة
كل من عليه من نفسه بان
يبتعد عنهم ويحذرهم

الحين صريح فهمتهاااا
اما كاش فهذى يديه بتي علي
لووووول

بنت الشاميه said...

ميمة السبيت :

اي والله هذى المشكله
اول يدقون على البيت الحين على الموبايل
باي حق يدقون على الموبايل
صارت حوسه واختلط الحابل بالنابل
كلها ايام ونخلص

بنت الشاميه said...

الحــــٌر :

وعليك السلام
صارت النفوس ضعيفه ودنيه
صارت المصلحه الشخصيه اهم واغلي من مصلحة الديره
وهذا هو اللى حاصل هالايام
فالواحد يبدي بنفسه ويحذرهم ويبتعد عنهم وهذا اضعف الايمان
التذكره تنفع فى كثير من الاحيان
والله يكون بالعون

بنت الشاميه said...

DiLLi O MiLLi :

وانت صاجه تلقينهم بكل مكان
بس لازم ناخذ الحيطه منهم
ونبتعد ونوصي غيرنا عنهم
لعل وعسى ينفع
والله كريم

بنت الشاميه said...

اجار الدين كشمش :

اذا تقدر عليهم بيض الله ويهك
بس هم حبلهم طوووووووويل
وخصوصا بالجذبمن ايام الجامعه واحنا نعرف عنهم """"كذب لكي تصل"""" واذا وصلت سوى اللى تبي
هذه القاعده يشربونها لهم شراب
من نعومه اظفارهم
والف قتوى وفتوى تحلل هذا الكذب
خو احنا عندهم يهود خيبر
بس بسكت لا اقول اكثر
كلش مااااا لى خلقهم
والله يعينك عليهم.متنا واحنا ساكتين لهم
قواك الله

بنت الشاميه said...

حجر كريم :

صاروا واقع بالحياة

بنت الشاميه said...

كويــتي لايــعه كبــده :

اذا بتعد وتكتب لهم
بتترس البحر كتب وتسد فيها عين الشمس
الله يبعدهم عنا ومن فتنهم

بنت الشاميه said...

Nikon 8 :

اللهم امين
ويبعد الكويت من شرهم

بنت الشاميه said...

Um il sa3af wil leef :

والله وانت صااااجه
يبنوووون وخصوصا عيونهم لما تتلاقط
جنهم ثعالب
الله يحفظنا منهم
ويحفظ الكويت على طول منهم

عاجـل said...

الناس مقصة وهم بالدين بعد

Anonymous said...

الصورة خرعتني صج

بنت الشاميه said...

lawyer :

الله يبعدنا عنهم ويكف شرهم واذااهم عنا وعن الكويت
اللهم امين

بنت الشاميه said...

nanonano :

كلهم ذا الوجهين
الله يكافينا شرهم واذاهم وفتنهم
اللهم امين

بنت الشاميه said...

حسافتج يا كويت :

ابيه حسااااافتج جنك طبيت فيناااااا كلناااااااا

؟؟؟؟؟؟؟؟؟؟
(:

كل امراة راح ترشح نفسها بنزل صورتها واحط لها اعلان
لازم اسوووي لهم دعايه مجانيه بمدونتى
هذا اقل دعم اقدم لهن
يستاهلون نساء ديرتي

بنت الشاميه said...

عاجــل :

حسبالهم الناس الى الحين مقصه
اختلف الوضع الحين

بنت الشاميه said...

Anonymous 1:

عيل ما شفت اللى مسحتهااااااا

حسافتج يا كويت said...

كل إمراة سنعة مو هذي

أم الواسطات

خليني ساكت بس


حنا مع الحريم الزينين ولسنا مع كل الإناث

عزيزة قوم.....ذلت said...

صح لسانج يابنت الشاميه

انتى وابو طلال

شنو بكيفهم هم ياخذون
و ما يوزعون علينا ارباح احنا المساهمين

من بيدفع فواتير الفيزا والماستردكارت

لا بالله هالسنه مطينه بستين طينه

ويعرضون علي اليوم بعد اشتري اسهم بوبيان؟؟؟؟؟؟


انشالله البنك المركزى يتحرك ويعدل توصياتهم

ياخذها منهم ويعطينا

الصعب said...

بالفعل ان اسوأ الناس فى الارض المنافقين ولذلك النواب الذين بوجهين كثيرون ونتمنى من الشعب ان يحذروا ذو الوجهين فى الانتخابات الذين يظهروا عكس مايبطنوا ،انهم ينادون بالاصلاح وهم مخربين ينادون بالشرف وهم فاسدين نتمنى ان يكون شعبنا حكيما وان يعطى صوته لمن يمثله لا من يمثل عليه ..

DiLLi O MiLLi said...

يالله بالله !!! هذي اللي تسمى بالبنوك الأسلامية
وأهي على الطل
كل خدماتهم ومعاملاتهم مثل البنوك التجاريه
بس مسمى الخدمات عندهم غير
عشان يصبغونها بالصبغه الأسلامية

هالبنوك ينقال عنها بوجهين !!ء

DiLLi O MiLLi said...

بعدين يا بنت الشامية ليش مو حاطه لنك مقال بو طلال !!؟؟
أنا قعدت ساعه أفكر منو بو طلال منو بو طلال !!؟؟
عقب قلت قصدها محمد مساعد !!؟؟
خل أطل على القبس .. وعرفت ان اهو المقصود
:)
لنك مقال بو طلال

بنت الشاميه said...

حسافتج يا كويت :

رايك واحترمه

بنت الشاميه said...

عزيزة قوم.....ذلت :

الجمدلله على السلامه

وبعدين يااااابختج انت الى الحين عندج
فيزا وماسترد كارت غيرج قصووهم بالمقص من زماااااااان
ماكو الا تيمعين ربعج المساهمين وسوووا اعتصام...ونادوا محطة الراي والوطن وهم زااااااهبين لتصويركم
لووووووووووووووول
وان شاء الله اللى الله عطااااهم
يعطيكم
هين ...هين ...هين

بنت الشاميه said...

الصعب :

والله كلامك مااااا عليه زود
صح لسانك
ماااانبى الا الصالح ونظيف السريره
والله يعينااااا

بنت الشاميه said...

DiLLi O MiLLi :

ابيه انا اسسسسسسسسسسسسسسفه
والله من صجى اسسسسسسسسسسسسسسسسفه

ما هى الامجرد اصطلاحااااات واسماء هم مغيرين مسمياااااتها
وكله بذمتهم
شبعت كروششششششششهم من خير الكويت
ولازالوا هل من مزيد....!!!!!!!!ء
هذى اخراتها يوزعون الفلوس على انفسهم ويقطون المساهمين
ما جنه هالخير منهم
ننطر تحرك البنك المركزي
والله كريم

abo3li said...

شفيج عليهم يابنت الشامية شتبينهم يشتغلون ويلهثون ويهدون بيوت اللي خلفوهم ببلاش .. ولا تبينهم يصيرون شكل مدراء شركة فورد اللي تنازلوا عن مكافاتهم طواعية مع انهم يستحقونها قانونا ...

لديهم عبدة امريكا ولدينا عبدة الدينار

اي ويهين قولي كل ساعة بويه اذا مو كل دقيقة والله اذا ويهين الواحد راح يقبض منهم شيئ على الاقل ويحبل لهم حبلة عيار بس ربعنا من العيارة والجمبزة ماخلوا للابرة مقز

للجميع تحياتي ...

حسافتج يا كويت said...

بنت الشامية

شكرا



وبخصوص التحديث


إذا الدينين يسوون جذي عيل شخلوا للزقمبية؟؟


قلتلكم هدوني بهاجر

بنت الشاميه said...

abo3li :

والله ما فينى الا كل خير
بس حبيت اذكرهم بحديث رسولنا الكريم
لان الدنيا مااااااخذتهم وناسين ان اكو ثواب وعقاب بالحياة الاخرى الابديه
لعل وعسي ينفع ويحسووووووون
بس طفح الكيل منهم ومن نفاقهم
والله يحفظنا ويحفظ الكويت منهم

بنت الشاميه said...

حسافتج يا كويت :

على الاقل الزقمبيه والحراميه كاااااشفين روسهم
ومو مستحين لا من الله ولا من خلقه
فطبعا الزقمبيه احسن منهم