Thursday, April 02, 2009

دندنواااااا ويااااي شويه

أنا أدندن بهالإغنيه من سمعتها امس
وعيالي يتغامزون ويتناغزون علي
وأنا حاقرتهم ومسوي روحى ما سمع ولا أشوف
طبعا متعجبين منى .....حسبالهم إني ميح بالطرب
وعلي عليهم ما يعرفوني ومو متعودين أدندن
الطرب الأصيل الواحد ما يقدر يصد عنه
طولتها وهى قصيره
توا النهااااار توه.....لاتبعتد عني لا لا
خليك قريب منى .....واللى تبيه سوه

.....سمعوها وياي....وابتلشوااااا مثلي



شكر خاص
وصلتنى امس هديه غير متوقعه من قلب حنون
الله لايحرمني منه ولا من حناااانه
وااااايد فرحتني وخصوصا الاهداء

مشكووووووووووور والله يخليك لى ذحر
اللهم احفظه ووفقه
وعطه الزوجه الصالحه اللى تستاهله
ياااااااااااااارب العالمين

41 comments:

حياتي هدف مو عبث said...

مسمى الأولى يضيق الخلق
لاني من الأوليين ولا الثانيين

:

esTeKaNa said...

الله الله
صج احب هالأغنيه
احسه ماسك طرف ثوبها
ولا تبتعد عني
وخلك قريب مني
واللي تبيه سوا

سو اللي تبي ،بس لا تروحين عني

واهي؟
تتبوسم
ودها يروح النهار كله
واهي يمه
بس عاد تهقين لو قعدت كل النهار يمه
بيغني هالاغنيه؟
ولا بيقولها روحي تكفا
تكفا
:Pp~

الله يحفظ لج عيالج ويهنيهم بالمميمة الرومانسيه الزوقه
ويحفظ من اهداج هالاغنيه يسعده مثل ما اسعد قليبج يا الغاليه
:)

DiLLi O MiLLi said...

الله الله الله الله

هذي الأغنية أموووت عليها
كل سي دي منوعات عندي لازم هالأغنية تكون فية
ذكرتيني بوحدة من قريباتي في عرس ولدها وحيدها طلبتها من اسماعيل كرم
وولدها كان بالكوشه مع زوجته
وتنزل أوميمته وترقص عليها وتغنى وتأشر بأيدها لولدها
وتقول : لا تبتعد عني .. خليك قريب مني
وأصييييح ذاك الصياااح
والناس عيونها قامت تدمع


ربي يحفظ أعيالج وبيتج
ويبلغج فيهم وفي عيالهم
الله يعيني على زواج وليدي
ما أدري أشبيصير فيني بذيج الليله؟
عسى ربي يبلغني بذاك اليوم وأشوفه بالكوشه

Bloggerista said...

اللللله

عوار قلب هالأغنية

esTeKaNa said...

أسمحي لي يا بنت الشامية بقول شي حق دللي
!!
لو سمحتي عزميني على عرس ولدج
ترا مزهبه البجوة من الحين
الحين قريت سالفه اللي ترقص حق ولدها خنقتني العبره
تالي تذكرتج وتذكرت ولدج
قلبي عورني
الحين اشلوووووووون
بتعزميني ولا ابجي وين؟
؛Pp~

كبرياء وردة said...

اللللللله

يسلمووووووا

حسافتج يا كويت said...

يا سلام على الذوق

الجميري روعة كل أغانية حلوة

وهذي الإغنية لها طابع خاص ونكهة حلوة

ودائما اصفن لا قال
مايندرى شباجر هي تسمح ظروفك وعيوني بتشوفك


فعلا ما يندرى شباجر

DiLLi O MiLLi said...

esTeKaNa





يااا قلبي أنتي
:*
وأنتي أشحادج أتدورين على البجي وين .. وتروحيله!!؟؟
:)


أنتي صاحبة البيت ما تحتاجين عزيمه

:***

الخيلاء said...

اتينن هالاغنيه

ولا تبتعد عني
خلك قريب مني

ولي تبيه سواه
سوااااه

تو النهار توه

يبيله ثوب
:)

lawyer said...

واااااااااااااااااااااااي

الله يشرررررررررررررررررررررح قلبج دنيا و اخره


كانت الدنيا صج صااااااااااااااااااكه فيني بس من دشيتتتتتتتتتتت و سمعت الاغنيه

عرفتي الي مغمضه عيوووووووووني وحدي انطربت







هالاغنيه بالذاااااااااااااات لها مكان بقلبي ما ينوصف
احبهاااااا و اعشق الجميري



ايه ياااااااااااااااابنت الشاميه


وووووووووووووووالي تبييييييييييييييييه سواااااا سواااااااااااااا

تو النهار توه




وعسى الله يفرح الي فرحج و يرزقه مراااااده

Um il sa3af wil leef said...

هذه الأغاني لها طعم خاص ..وذكريات حلوه حييييييييل

أتيت متاخرة said...

وايه
سكتاي من يومين وآنه على اغاني الجميري
حدها على بالي
ومن الصبح ادندن فيها
سمعي بعد
هلا باللي لفاني يا هلا به
عدد دقات قلبي في غيابه
أمووووووووووووووت عليها
روحي يا بنت الشامية
ربي يفتحها عليج

مَـــــعْــــمَــــعَـــــه said...

والله انا قبل كنت احب هالاغنية بس من غناها خالد بن حسين وانا كارها حتى الجميري كرهته بعد

Q8EL5AIR said...

شالمزاج .. ماني خابر اليهال هذا مزاجهم !!

كل مزاجهم ميامي !!


بس امبين اليهال ذويقين :)

لهم مستقبل :)


عسى الله يخليهم لج :)



وتحياتي ..
ويسلموااااااااااااااااا :)

بنت الشاميه said...

حياتي هدف مو عبث :

ما فهمت شتقصدين

بنت الشاميه said...

esTeKaNa :

خوش فليم تصويري للاغنيه
ههههههههههههههههههههه
مت من الضحك قاضب طرف نفنوفها
مو هادهااااااااا
اكو مثله هالايام.]..؟؟؟؟؟؟
(:
الله الله على هالدعاء اللى يشرح الصدر
اللهم امين
ماااااا قصرتي يالغاااااليه

بنت الشاميه said...

DiLLi O MiLLi :

الله الحمد لله اذوقنا وحده بالاغاني

اموت عليهاااااا
عورتي قلبى....لا بعرس ولدي ماراح اخليهم يغنونها....عاد اذا نصيت ونزلت دموعي محد يقدر يوقفهاااااا
انااااا وايد نصاصه....ههههههههه

الله يبلغنااا كلنا بعيالنا
وا الله يبلغج بذاك اليوم
ويفرح قلبج ويعطيج الجنه السنعه اللى تغسل جبدج وجبد ولدج
اللهم امين
ترا انااااا معزومه من الحين
وبتعلم السامري علشان عرسه
لووووووووووووووووول

بنت الشاميه said...

Bloggerista :

من اجمل الاغاني....روعه

بنت الشاميه said...

كبرياء وردة :

مشكووووره

بنت الشاميه said...

حسافتج يا كويت :

الله يسلمج

وباجر ماااااكو الا كل خير
بس يبله صبر.....وبنشوف كل الخير
(:

بنت الشاميه said...

الخيلاء :

تامرين امر
فيه دورات تدربيه
لووول

بنت الشاميه said...

lawyer :


مااااا تشوفين شر
وانا اقولج
اللى تبييييييييييينه
سووووووووووووووويه
سووووووووووووووويه
تواااااا النهااااار

وعسى الله يفرح ويرزقج مرااااادج

بنت الشاميه said...

Um il sa3af wil leef :

لله يعطيج على نيتج ويحقق مرادح

بنت الشاميه said...

أتيت متاخرة :

اللهم امين
ويفتحها علينا كلناااا يارب

ومشكوره وانا من امس اسمعه

ميمة السبيت said...

هذي يبيلها ثوب زوي و ملعب و عليك يللي ماتظيع

ترى السامري حلو و اذا كنتي تحبين السامريات سمعي تيه افكاري غزال و عطيني رايج هذا اهداء خاص حقج و حق زيونه الحلوه

enter-q8 said...

تدرين شنو سبب اعتزاله
يقولك اطلعت اشاعه انه في تعاون بينه و بين
الشاعر
و
الملحن
و
الرياضي
و
الناشط
السياسي
الاجتماعي
الشيخ دعيج

بنت الشاميه said...

مَـــــعْــــمَــــعَـــــه :

بس الاغنيه حلوه
اسمعها باصوات غيرهم
واللى تبيه سووووه
لوووول

بنت الشاميه said...

Q8EL5AIR :

ههههههههه
عيالي كبار مو يهاااال
اري انك ما تدري

بس انت صاج ذوقهم الفني جيد
(:

بنت الشاميه said...

ميمة السبيت :

وملعب جبير....لوووول
يالله يكفينااااا كلنا

ومشكوووره على الهديه
احاول ن ادور عليها واقولج رايي فيهاااا...بس كل اللى ايي منج اكيد فن رفيع الذوق والمزاج
مشكووووووووووره

بنت الشاميه said...

Enter-Q8 :

ههههههههههه
من صجك....!!!!ء
ما ادري انه اعتزل الا لحين
(:

Hashemy said...

ياسلااااااااااااااااااااااام صج فن وذوقج راقي كالشاميه تماما


من الاغاني المميزه عندي فعلا ومشكوره عليها

@alhaidar said...

ذوق ورفيع بعد ما عليج من العيال :)

وبالتوفيج لصاحب الهدية ..

تحياتي :)

الخيلاء said...

هههه

ما قصرتي

انتي بس عطيني الثوب و انا بندعس بدويره بروحي اتدرب استحي على
الملا

:D

قـُـٍاتـٍـًلـٍـ الـًـٍقـًلوبـًـٍ said...

ما شوف الاغنية

موضوع مهم يعني ومشكوره

ReLaaaX said...

يالله ياكريم يوفقج ويبارك لج بعيالج ولايحرمج منهم ولايحرمهم منج ويوفقج وياهم ويسمح دربكم :))

بنت الشاميه said...

ميمة السبيت :

لماااا سمعتها عرفتهااا
بس هذى سامريه حقو حقيقي
وانااااا حدي علميه ....لوووووووووول
تسلمين عليكم السامري انت والزين
وانا بس اسمع واشووووفكم
هههههههههه
يا علي طرت عيونه
يخاف الناس يحسدوناااااا
سالم يا سالم يا سالم الله يا سلمان
تسلميييييييييييييييييين

بنت الشاميه said...

Hashemy :

حياك الله
و شكرا على ذوقك

(:

بنت الشاميه said...

أحمد الحيدر :

الظاهر كلهم سميعه..لووول
التوفيق ان شاء الله للجميع

بنت الشاميه said...

الخيلاء :


لو سمحتى اندعس وياج بدويرتج انتعلم انا اردى

هههههههههههههههههه

بنت الشاميه said...

mezkareko :

ما عندي رد
حياك الله

بنت الشاميه said...

ReLaaaX :

مشكوووره يالغاليه
الله لايحرمني منكم ولا من دعاااائكم
اللى يسعد القلب
حياج الله