Thursday, March 05, 2009

إنتخبواااااا بنت الشاميه



قوم تعاونوا مااااا ذلوااااا
قررت وعزمت بعد ما لزموا .. ها .. لزموا علي
وعلى بركة الله سوف أخوض إنتخابات
أمه 2009
من الحين حليت الشاميه.....عفوا الدائرة الثانيه
الله يخليكم يالعنصر النسائي لا تنافسوني
خلوني بالساحه برووووحي
وأنا أوريكم الشغل العدل
أول نائبه....و مدونه بتاريخ الكويت
ولكم منى ان احقق كل طلابااااااااااتكم
وكل من عنده معامله او طلب خاص خل
يزهبه من الحين أنا من عندى غيركم
فالرجاء من كل المدونين بالدائره الثانيه يحط باله
علي ويتواجدون بمقراتي الإنتخابيه بالحدائق
والجو الطلق للدعمى معنوياااااا ومااااااديا
أما باجى المدونين والمدونات بالدوائر الأخري
نبى همتكم بالدعايه الانتخابيه" لي" طبعا
لو سمحتوااااااااااااا
صار عندنا شاعر....المدون براك
وصار عندنا كاتب المدون... فهد العسكر
وصار عندنا مجلة الإكترونيه
مدونة جنوب السره
وصار عندنا محطتنا الفضائيه الخاصه بالمدونااات
مدونة عااااااجل فضائية الخط الأحمر بس بدون بث
وصار عندنا مدونة الدوائر الخمس
والحين صارت مدونة الدوائر العشر
و ان شاء الله يصير عندنا نائب او نائبه من المدونيين
او المدونااااات اللى هى اااااانا طبعا
والله ولي التوفيق

مرشحتكم بنت الشاميه
شكر خاص للاخ
enter q8
لمساهمته بتصميم الأعلان الإنتخابي الأول
لمرشحة المدوناااااات




تراها أضغااااااث أحلام
و اللى لزوموا علي .... ترا بس بيتنااااا

وأتمنى أن تتحقق هذه الامنيه من صج
لاي مدونه من الشاباااااات

بس مو أااااناااااا

68 comments:

ولاّدة said...

بالتوفيق
واحنا حاضرين نعين ونعاون
تبين كم بيت شعر مقتبس للندوة الانتخابية الأولى
بيت للندوة الختامية
بيت قنبلة
بيت يحر
بيت يجرح ويداوي
بيت يحنن القلب

تدللي

بنت الشامية said...

ولاّدة :


هههههههههههههههههههههههه

صج ونستينى ماااا تقصرين

ما اطلع من يزااااج


مشكوره

Q80 Blogger said...

نزلي بالأولى وانا معاج

بس لازم تغيرين اسمج لي بنت شيراز عشان تكتسحين عاشور


نسيتي الوزير المدون بو جيج
هذا قبلج دش القبه

!!

تره في فايده من حل المجلس .. يرجع النشاط لمدونه الدواير الخمس :)

nikon 8 said...

بنت الشامية دار عزيزة واللي فيها تحت أمرج
الجماعة عاجنين حنة حق باكر للشالية ويقول بالمرة حق إفتتاح المقر
بيحنون إيدهم وشعورهم... جود يلاقون رياييل بعد المراحيم رياييلهم
!!!
حنا من دائرتج
وإمي عزيزة تسأل بس كلام حلو ووعود حلوة
؟؟؟
ما في تنفيذ حلو
؟؟؟
ترى ملينا من الحجي

مبيوق said...

بنت الشامية

ممكن أنزل معاج في قائمة؟؟

بس المشكلة فلوسي راحت بالبورصة وأمت من الزهاقة دشيت واليوم تلجمت وطلع وخسرت اكثر

واللي باجيلي بحاول ايمعه علشان اشتريلي ارض ولا بيت

إذا استمر الوضع جذي ببيع سيارتي وأشتريلي وانيت وبكد علية


ترى أنا من صجي ودي اخدم ديرتي بس مشكلتي ما اطق الطار مقلوب

يعني ايني وزير غبي
ما اعبر ازنطة

إييني نائب مو متعاون ولا مثل دميثير وهايف وكابتن بو رمية
امووووووت عادي اسب واحذف المطارة

ايني واحد مثل بابا جاسم

اوووووووووووووووو
اربطة بالكرسي بغترتة

هذي مشكلتي ولا ودي ودي انزل


على الاقل خطتي إذا نزلت بسوي وبما إن الإيد الوحدة ماتصفق وإذا ما قدرت اسوي شي

كل يوم بنزل يوست عن الفضايح والبلاوي اللي اشوفها وموثقة ابتداء من بلاوي ناصر المحمد إلى خمال ديميتري


المهم اسوي شي

nanonano said...

ويــــــــــــــــــــــي

هذي الساعه المباركه

اللي تامرين فيه

صج أنا ما راح أقدر أصوت لج..لأني لي الحين بالدائره الأولى

بس بصير مفتاح أنتخابي

لأن حبايبنا وايد بالدائره الثانيه

أشرايج بحبايبنا

عشانج والله

لأني كلش مو حليوه

بس راح أصير حليوه عشانج و باعابل بالحريم

لأن الحريم بروحهم و أسألتهم السخيفه و طلباتهم يبيلها قلب ما يتعب

بس كل هذا يهون لج

و أذا بتضمين حق قائمتج

حسافتج

يصير الوضع ممتاز

عشان ما تتشتت جهودي

أحمد الحيدر said...

خوش ..

انا والمدام واخوي وجم صوت كلنا تبع الدائرة الثانية ..

ازهليها اخيتنا :)))

ReLaaaX said...

ليييييييييييييييييش

الحين يوم استانست وبصوت حق انسان تقريبا عرفته عدل قلتي اطغاث احلام


:/



ويوم ييت بكلم ادارة جمعيتنا يحجزون لج حدايقنا ;p


الله يسامحج


بس ماعليه ان عزمتي صج ترى صوتي لج :)

الزين said...

:))))


خلاص تم

عديني اول مفتاح انتخابي لج

وهذا اعلان ترشيحج وبحطه عندي بالمدونة

:**


يا زينج زيناه

Enter-Q8 said...

بنت الشامية اول شي لازم نعرف تمت تزكيتك من العايلة و الا نزلتي فرعي

Mok said...

لن اصوت لاي مرشح سواء انثى او ذكر ليس لهم حظوظ ولا اضيع صوتي لمنافس الجيد

كويــتي لايــعه كبــده said...

تستاهلين

بس العرف ان اللي يفوز من الدائرة لازم يوزع لحم

:)

وبعدين التاق "نهاية اخر الاسبوع" بالله شنو؟
يا نهاية يا آخر مو نهاية اخر الاسبوع
والا قصدك يوم السبت بالليل

:)

قلت أناشبك الحين قبل لا تصيرين نائبة الأمة وما تنتحاجين

:)

عثماني said...

كوني من ابناء الدائرة الثانية

فانا اعلن نفسي مفتاح انتخابي لاخيتي بنت الشامية

ترى من صجي

انتي بس عزمي

و احنا وياج

عاد تدرين ؟؟؟

بتيبين رقم زين

خو كل المدونين وياج

:)

Cr8ivia said...

تدرين لو تسوينها صج؟

ابصم بالعشره فايزه !

chandal/danchal!! said...

كاسيرو دلة اربع آنات ملة

:)

قاعدة احتفل ببنت الشامية على طريقة اهل الكويت قبل

بليلة النص من شعبان كانوا يدورون بالسكيك بطوس ويرددون هالكلمات

احياء لهذه الليلة وفرحة بقدوم رمضان

:)

وانا فرحانة بقدومج الحرملك (مجلس الامة سابقا)

:)

وعساها ما تنقطع من عادة... ادري ياركم النائب الكيفاني بكفرني وبقول بدعة

:)
-------------

بالمبارك المقر الانتخابي, بس يا حافظ جان حطيتيها بحديقة وهران, انفه عن هالتربة (اشتغلت دعالة الحريم)

:)

ANGEL HEART said...

ابركها من ساعه والله كلنا مفاتيح انتخابيه لج :)

بنت الشامية said...

Q80 Blogger :

حتى وانا بالثانيه ان شاء انت
وياي
صج نسيت وزيرنا الموقر ...اعتذر وبشده
الحين تزهب حق الدائرة العاشره
شكرا لدعمك لمرشحة الدائرة الثانيه
بنت الشاميه

بنت الشامية said...

nikon 8 :

هلا بدار عزيزه و بماما عزيزه
هى تطلب وتدلل
ان شاء الله ما تشوف الا كل خير
وكل ما يسرها
مرشحتكم قول وفعل
لوووول
ترا الحنه من الحين علي
ولج منى احقق حلم كل وحده ...بتوع المراحيمم
ههههههههههه

شكرا لدعمك مرشحة الدائرة الثانيه
بنت الشاميه

vancouver said...

حسااااافة انا بالدائره الاولى

بس ولا يهممممج

اشحن لج خيمه ثلجيه من كندا
فنتق
محد شافها من قبل بالكويت

الكل بيكون عندج
افوااااااج افواااج عشان يتبردون ويتطمشون
ايه
ومعاها بطرش جم كرتون ميبل سيرب
على قوله بربلوشه قيقب
هههه
عشان يزيد التفنتق


بس شكلج على الطلبات اللي بيجهزونها لج
بتصيرين نائبه خدمات
!

ما نبي نواب خدمات
نبي



نواب تازيم

هههههه

بنت الشامية said...

مبيوق :

يااااااا بختى ....ياااااا بختي
انا ودي فيك وانت تاج راسي

بس انت الله يهدتاك كله بتخانق
وبتعصب وبتربط الاوادم من غترهم
اول خل ننحج وبعدين سووووى كل اللى تبيه.....وحملتنا الانتخابيه ما تبي فلوس....امة محمد ما تقصر
بيعينونا ويعاونونا....لاتحاتى الفلوس
مااااا هى مشكله ابدا
بس متى الاجتماع علشان ننسق حملتنا الانتخابيه....؟؟؟؟؟
شرطي الوحيد هدي....هدي...عن التعصب
واهلا وسهلا بك بالدائرة الثانيه
وين بلقى احسن منك نصير للمراة

عمتك مرشحة الدائره الثانيه
بنت الشاميه

vancouver said...

نسيت
وبتوسطلج عند سيلين ديون
الكنديه

تحيلج ذيج الحفله اللي ماصارت و لا استوت

براااد
واكل
وطرب

بعد شيبون الناخبين
احسن من جذيه
:)

بنت الشامية said...

nanonano :

لا خلا ولا عدم والله انج قول وفعل
بس الله يخليج قطي على بطاقاتكم المدنيه
وانا انقلكم من باجر...لا تحاتين
ويبي معاج بطاقات كل اللى تعرفينهم
غيرنا مو احسن مناااااا.....هههههههههه

النقل ما ياخذمنى ثانيه
تراني واااااصله
هههههههههههههههههههههههه

شكرا لدعمك مرشحة الدائرة الثانيه
بنت الشاميه

بنت الشامية said...

أحمد الحيدر :

الله يكثر من امثالك
ومااااقصرت عساك على القوة
هذا العشم فيكم
وااااي تهبلون كلكم
شكرا لدعمك مرشحة الدائرة الثانيه
بنت الشاميه

بنت الشامية said...

ReLaaaX :

هههههههههههه

ما تدرين فينى دياية ام احمد
مشكوره على هالثقه فينى
وصوتج وصل.....حبيبتى انت

شكرا لدعمك مرشحة الدائرة الثانيه
بنت الشاميه

بنت الشامية said...

الزين :

شكرا لتفاعلج مع ترشيحى
وااااااي تهبلين .....يابعد قلبى
عساج ذخر لى على طول
كسبت اول مفتاحه انتخابيه لحملتى
حلوه مفتاااااحه
ههههههههههههههه

شكرا لدعمك مرشحة الدائرة الثانيه
بنت الشاميه

بنت الشامية said...

Enter-Q8 :

محد يقدر يدخل معاي بالفرعيه
اطوي رواقاته بسرعه و بجم فلس
انا المرشح الاوحد بالبيت
هههههههههههههههه
شكرا لك وما قصرت


شكرا لدعمك مرشحة الدائرة الثانيه
بنت الشاميه

بنت الشامية said...

Mok :

ما يمشى عندى هالحجي
لانى متاكده لما تقط الورقه
بتعطين صوت عور
شكرا لك مقدم لتصويتك لي

شكرا لدعمك مرشحة الدائرة الثانيه
بنت الشاميه

`~MnO YeNSa! ~` said...

بصيــــــر
مفتاح انتخابي


please


تامريني على شي
انا موجودة و بلوقي
موجود..و صاحبته
تحت امرج
:*

مستفسط said...

لا يبا
انا قررت هالسنة بروح ندوات الميانين اضحك

Eng_Q8 said...

لج مني 90 صوت عور

واذا عزمتي قوليلي عشان احوس على غيرهم

بنت الشامية said...

كويــتي لايــعه كبــده :


احنا نباتين ما توزع الا باجلا ونخي
من التراث الكويتى .....وهمن ارخص
التجعص من الحين...ههههه

وبعدين شفيك خرعتنى ...جذى الرقابه على النائب حاميه من الحين
ما تغفلون شويه وشويتين
بروحى غشيمه
((((((:
جم صوت بتعطينى
ببلش حسبه من الحين


شكرا لدعمك مرشحة الدائرة الثانيه
بنت الشاميه

بنت الشامية said...

Cr8ivia :

هذى شهادعتز فيها يالغاليه


شكرا لدعمك مرشحة الدائرة الثانيه
بنت الشاميه

بنت الشامية said...

عثماني :


عسى ربس يكثركم بالدائره الثانيه

ادري انكم قول وفعل
الله لايحرمنى منكم....ياااارب
لا خلا ولا عدم

مشكور وحياك الله
الاجتماع الاول بحديقة وهران
او ما تبقى من حديقة وهران

(:
شكرا لدعمك مرشحة الدائرة الثانيه
بنت الشاميه

بنت الشامية said...

chandal/danchal!! :

هذا التراث الكويتي الاصيل
اللى عرفناه من اهلنا
اما حجيهم خليه لهم
وبعدين ليش بس نائب كيفان

عندنا بالدائره الثانيه من هو اشد منه واكثر تزمت.....خلينا ساكيتن
الحين فتره انتخابات
وبقول كل الناس زينين.....النفاق على وذنه اشتغل من الحين...لوووول

وبعدين هم خلوالنا شيئ بحديقة وهران نتفوها تنتف....للمشروع اليديد
مشروع الانفاق......ههههههههه


شكرا لدعمك مرشحة الدائرة الثانيه
بنت الشاميه

chandal/danchal!! said...

اي والله صاجة

من امر عليها من الدائري الاول اغني اغنية الشاب خالد

وهران وهران رحتي خسارة ... ضجروا منك ناس شطارة
-------------

كل دائرة لا تخلوا من المشاغبين

بس ليش ان الشامية لزيجة كيفان...
طرا على بالي مشاغب كيفان

حتى بنجرجي ما عندكم... على الله وعلى بنجرجي كيفان

:)

kazmawy said...

انا الى خابره ان عيال الشيوخ ما يحق لهم الترشح بس الانتخاب :)**)

دروازة said...

الشاورمه علي ...

لحم ودياي

بس بييب ربع الديوانية كل يوم علشان ياكلون منها :)


هم علشان يترسون مقرج :)

Zaydoun said...

بنت الشامية

مثل ما قلت حق ولادة، اذا الانتخابات في شهر مايو... لازم تدفعين لي قيمة التذكرة
non-refundable
عشان انتخبك


اووو نسيت.... انا مسجل في الداذرة الثالثة

بنت الشامية said...

ANGEL HEART :


الله لا يحرمني منكم كلكم
والله رفعتوا روحى المعنويه ...جني بسويها صج....لوووول


شكرا لدعمك مرشحة الدائرة الثانيه
بنت الشاميه

بنت الشامية said...

vancouver :


الله يااااا بختي مساعدات خارجيه
ومن كندا..... خيمه وااااي وناسه

وباااااارده ...بخليها فى مقر الاصلي
فى حديقة وهران
واكيد بتتكلم فرنسي وانجليزي
مره وحده...تكنولوجياااااا يااااا بحتي
والله يافنكوفر ادري انتي مااااا تقصرين
يكفي مساندتج المعنويه لي

ومشكوره على المشاريب والحفلاتالخاصه
من الحين بخشهم كلهم حق وقت الفوز
والانتصار الكاسح اللى بيكسر كل
مرشح منافس
من الحين اشتغل الخش والدس وتخنصر المساعدات الخارجيه

من الحين انا اقر واعترف
انى ما راح اكون نائبة خدمات ولا نائبة تازيم......نائبة مخلط
لووووووووووووووووول

شكرا لدعمك مرشحة الدائرة الثانيه
بنت الشاميه

بنت الشامية said...

`~MnO YeNSa! ~` :


لا خلا ولا عدم منج ولا من مدونتج ولا من مساندتج لي.....والاهم ثقتج فينى واااااااي ياحلوكم حلوهاااااااااا
رفعتوا روحى المعنويه
مشكوره يا الغاليه


شكرا لدعمك مرشحة الدائرة الثانيه
بنت الشاميه

بنت الشامية said...

مستفسط :

اشدعوه ياحافظ....!!!!!!!!!!!!!!ء

بنت الشامية said...

Eng_Q8 :

يا بختى من الحين عندى 90 صوت عور

والله وناسه.....صج اقصى ما فنكم شباب تغسلون اى القلب
صج قول وفعل....لاخلا ولا عدم


شكرا لدعمك مرشحة الدائرة الثانيه
بنت الشاميه

اجار الدين كشمش said...

هههههههههههههه

كل جذي تاخذونه ضكك يالثانيه
واتعجعجون فيها بعدين

مبروووووووووووووووك

والله تستاهلين ..اللي بالمجلس

مووو احسن منج ..بس حطي بالك

مطالب الناخبين ما توقف عند حد

انا والله مابي شئ حقي ..بس اذا
نجحتي انشالله ...ابيج اتقعديين

زميلنا العزير احمد حيدر ...مات من الوقفه !!!1

فمالله

Fahad Al Askr said...

ولا عليج أمر، إذا من صوبج أو أي أحد يعز عليج، أبي أصير عريف الندوة النسائية، ماني متشرط وايد، إذا الدائرة الثانية ما ودي بالصليبيخات، وإذا الثالثة مو كيفان ولا خيطان، والدائرة الأولى أبي بس مشرف

أما الدائرتين الرابعة والخامسة، فالويه من الويه أبيض وسامحونا على القصور، ما يطلعون على الجي بي اس بسيارتي، أخاف أروح أضيع ما أرد

بنت الشامية said...

chandal/danchal!! :

اول حديقة وهران شحلوها....كله امشى فيها....الحين اخاف امر عليها
لوووول
وبعدين الحين لازم اكون حريصه بكلامي
ابي اكثر عدد من الاصواااات
(:


شكرا لدعمك مرشحة الدائرة الثانيه
بنت الشاميه

بنت الشامية said...

kazmawy :

لا تحاتي سالت قالوا لى
البنات ميخالف يرشحون
بس ما ينتخبووووون
عكس عيالهم
ههههههههههه


شكرا لدعمك مرشحة الدائرة الثانيه
بنت الشاميه

sologa-bologa said...

كان ودي اعطيكم صوتي
لكن صوتي بالدائرة الحولة
أقصد الأولى

لكن ما يمنع نعين ونعاون
وما يخدم بخيل
p;

بنت الشامية said...

دروازة :

مشكور ومنت مقصر لمساهمتك بالحملة الانتخابيه لبنت الشاميه
والشورما مقبوله لربعك
اما احنا نبى شورما خضار
لانا كلنا نحب الاكل الصحي

(:
حياك الله انت وربعك

شكرا لدعمك لمرشحة الدائرة الثانيه
بنت الشاميه

بنت الشامية said...

Zaydoun :

غالى والطلب رخيص
التذكره توصلك برسم الخدمه
بس قبلها لو سمحت البطاقة المدنيه
علشان انقلك و اسجلك بالثانيه
ترا فيهااااا بيوت اجار واااايد
ومحد احسن من احد
(:

شكرا لدعمك لمرشحة الدائرة الثانيه
بنت الشاميه

lwatan-ajmal said...

انا بالثالثه بس ودي اصوتلج .... بس على شرط .. تطلعين على الخرافي

kuwaitawy said...

انا اقول


لازم نسوي فرعية بين المدونين


وفرعية بين المدونات




واللي ينجحون من الفرعيات ينزلون بقائمة وحده


:)

Anonymous said...

ام سليمان المسقطى عقب هالكلام مالك الا النزول على رغبة الجماهير وسويها صج خل باقى المرشحين يخترعون لما يسمعون اسمك

بنت الشامية said...

اجار الدين كشمش :

تصدق الدائره الثانيه لها طعم خاص

والمطلب اللى اقدر عليه بسويه
واللى ما اقدر عليه همن بسويه
نبي رضى الجميع
لوووول
وبعدين انت باي دائره ...؟؟؟؟؟
اكيد بالدائره السادسه برووووووحك
وبعدين يووووووز عن ناخبين دائرتي
مااااااا عليك منهم


شكرا لدعمك مرشحة الدائرة الثانيه
بنت الشاميه

بنت الشامية said...

Fahad Al Askr :

النملة ما تمشى الا على الدسم
من الحين ندواتي كلها اختلاط

يعنى ما كو ندوات نسائيه. استريح
(:
بس انت ضيف الشرف فى مقري الانتخابي
الاصلى بحديقة وهران
شفت شلون عز الطلب....بالشاميه
تدلل جم بوعسكر عندنااااا

شكرا لدعمك مرشحة الدائرة الثانيه
بنت الشاميه

بنت الشامية said...

sologa-bologa :

اذا بتنقل قيدك لك عيونا
وكل طلباتك اوامر

واذا بتقعد بالدائره الحوله
نبي دعمك المعنوي لناااااااا
لوووول


شكرا لدعمك مرشحة الدائرة الثانيه
بنت الشاميه

بنت الشامية said...

lwatan-ajmal :


لا خليك بالثالثه احسن
مافينى شده الحيتان
انا تونى اقول ياهادي يا دليل
بعد هالمره الرئيس القادم
من الحين اقر واعترف مااااا اقدر عليه
ههههههههه


شكرا لدعمك مرشحة الدائرة الثانيه
بنت الشاميه

بنت الشامية said...

lwatan-ajmal :


لا خليك بالثالثه احسن
مافينى شده الحيتان
انا تونى اقول ياهادي يا دليل
بعد هالمره الرئيس القادم
من الحين اقر واعترف مااااا اقدر عليه
ههههههههه


شكرا لدعمك مرشحة الدائرة الثانيه
بنت الشاميه

بنت الشامية said...

kuwaitawy :

لا سلامه عمرك القانون يجرم الفرعيات
واحنا المدونين كلنا نمشي تحت الطوفه
والقانون فوق روسنا

لووووول
اخاف تسونها اروح فيهاااااا

شكرا لدعمك مرشحة الدائرة الثانيه
بنت الشاميه

بنت الشامية said...

Anonymous :
ام سليمان المسقطي :
هههههههه
شقايلج اسمى
كوندليز رايس
اصلا اسمي ما يخوف احد من المرشحين
ولا يحرك صرصوخ اذن احد منهم
انا زوريه فى بحر الحيتان
ما نبى الاهمتج انت وبيتكم كله لمسانتدى بالانتخابات....وبيوت يرانكم كلهم
ما تقصرين


شكرا لدعمك لمرشحة الدائرة الثانيه
بنت الشاميه

مبيوق said...

الوعد مايبيلة بعد حديقة وهران

منى التنسيق ومنج كرسبي كريم
ولا اقولج ما نبي كرسبي كريم أنا مقاطع المنتجات الخرافية

بنت الشامية said...

مبيوق :


ترا كل شيئ جاهز ومستعده فيه
بس اول وااااافقت على شروطي
الخناق بعد الفوز مو من الحين....!!!!ء

بعدين ما عندنا الا الاكل الصحي والمفيد
الصحة تاج على رؤس الاصحاااااء
وبيني وببينك .....اوفر لنااااااااا
ههههههههه

بنت ابوها said...

حطي بالج يا بنت الشاميه
ترا الدائره الثانيه فيها
ناس كبار ويشمخوووون
وما يغشمروووون

بس جنج راهيه عليهم.....من اللوبي اللى وراااااج..؟؟؟؟؟

بس كلنا وياااج ومع التغير

غروفنر هاوس said...

انا شخص لا ايد ترشيح المرأه انا اشوف ان المرأه تربي عيالها وترعى زوجها ! يمكن يصير مريض ويحتاجها شكرأ

shahad said...

بما إني وزيرة الثقافة المعينة من المدونة كويت

لج مني أرزج بالمناهج الدراسية عشان يلبحون اليهال على اهلهم و صوتونلج

بنت الشامية said...

بنت ابوها :

والله ادري.....ومافينى شدتهم
انا ام ناصر اللسان شطوله والحيل قاصر
ههههههههههههه
لابالله مااااا اقدر عليهم
تلفون واحد منهم يطيرني من الخوق

مشكوره لثقتج فينى

شكرا لدعمك مرشحة الدائرة الثانيه
بنت الشاميه

بنت الشامية said...

غروفنر هاوس :

ليش ...؟؟؟ ليش...؟؟؟
افا الى الحين اكو ما يايدون ترشح المراة وانتخابها

بس انا ادري من تارس راسك

هين ...انا ان ما قلبت راسك مانى
بنت الشاميه

هههههههههههههه

بنت الشامية said...

shahad :

هلا بالوزيره الموقره
مشكزره على جهودج الجباره
كل شيئ يه على بالى الا هذي
ههههههههههههههههه
بدعتي....يعطيج العافيه
ولج منى ما اخلي احد من النواب يستجوبج
مادام راسي يشم الهوا


شكرا لدعمك لمرشحة الدائرة الثانيه
بنت الشاميه