Tuesday, March 31, 2009

زيتونه .......عمة اوباما


"زيتونة" عمة اوباما مهاجرة غير شرعية
حكم احد القضاة على عمة اوباما بطردها
من امريكا بعد رفض طلبها كلاجئه

وتعيش زيتونة اونيانجو في مسكن تابع
للضمان الاجتماعي في مدينة بوسطن
واعلن باراك اوباما انه لم يكن على علم بأن
عمته الكينيه وتدعى زيتونة اونيانجو تعيش .
بطريقة غير شرعيه ....وقال اوباما
انه ينبغي تطبيق القوانين المتبعة في هذا المجال.
وفوق هذا متبرعه له لحملته الانتخابيه260
دولار.... وهذا ممنوع الا للامريكين
أو حاملي البطاقه الخضراء
او المقيمين الدائمين بطريقة شرعية.
وافيد بأن اونيانجو قد تبرعت على دفعات صغيرة
كان آخرها خمسة دولارات منحت في 19 سبتمبر

هذه هي الدول المتحضره المتقدمه
اللى تطبيق القانون
هذا هو الفصل بين السلطات
ليت يتعلمون ربعناااااا منهم
ومحد توسط لهاااااااا ....متى نوصل مواصيلهم
وسلامتكم

39 comments:

حسافتج يا كويت said...

عمتة؟؟؟
تفرق ؟؟

عمتة أم زوجتة ولا عمتة إخت ابوة؟؟؟

إذا أم زوجتة تلاقينة أهو اللي امفتن عليها

وإذا عمتة إخت ابوة يمكن يردها ديرتها وطلع لها فيزا و ترد



بس في كلى الحالتين

إرتفع بعيني هالاسيمر الزلم


جان زين بعد ما يخلص ولايتة إيبونة عندنا مستشار في وزارة الشؤون علشان يطبق القانون على اللي كاسرينة ويحارب تجار الإقامات


عاش اوباما بو عبدالمحسن

كويــتي لايــعه كبــده said...

نعم للقدوة الحسنة

هكذا يدعم القانون

نحن نهدمه... ايضا بالقدوة

بنت الشاميه said...

The Kin'Xp :

your welcome
thanks

بنت الشاميه said...

حسافتج يا كويت :

هقوتي انها عمته اخت يد يده
لووووووووووووول
لو عمته ام زوجته ....جان نام بالمطار
اصلا ما يدخل البيت الا ايده بايدهااااااااا
غشسسسسسسسسسسيت من الضحك
لا تحاتيه مو ام زوجته
اذا يانا ينتحر ما يقدر يعيش عندنا يوم واحد
هذه هى الدول الكبري
والا شلون قدروا يحكمون العالم
يا بختهم

بنت الشاميه said...

كويــتي لايــعه كبــده :

شفت شلون
هذا الاحترام والالتزام بالقانون
متى نوصل مواصيلهم

حسافتج يا كويت said...

اي صدقتي عاد لو ام زوجتة جان اطنقر مرتة وتنتفة الخنافر واللة ينام بالمكتب البيضاوي

عاد فشلة جدام الموظفين


اتصدقين توني استوعب

شهالعيشة انام في بيتي واهو مكتبي والموظفين معاي وخرشة البيت

اهو وناسة بس مو على طول

ياربي اوباما نوعة ودة يتمشى بفنيلة ووزار
جذي ما يقدر

ماكو إلا يقب كامب ديفد يطلق ارويلاتة وتمشى بوزار وفنيلة والبراد يطقة من كل صوب

Mok said...

تبين زيتونه؟

Q80 Blogger said...

للأسف .. بعيده عنا هالسالفه .. بعد السما من القاع


عمة واحد واصل بالديره .. والديره اصلا كلها واصله .. راح تتسفر بس علاااااج للخارج بأحلى عاصمة اوروبيه شهر 7 مع بنات الفريج كلهم

ولاّدة سابقاً ... رانيا السعد ...رانية المنيفي حسب الأوراق الرسمية said...

عاش أوباما

Um il sa3af wil leef said...

يحليل زيتونه ..حتى إسمها يشوق..بس عمرنا ما راح نوصل مواصيلهم
لأن الزيتون عندنا ..مقسم عندنا ..زيتون أخضر وأسود وبفلفل وبجبن ...إلخ أما الزيتون عندهم وااااااحد

lawyer said...

ههههههههههههههههه

ابيه انا عبالي انتي سميتيهااااااا زيتووووووونه شالاسسسسم جنها مرت باباي


اييييييييييه ياوخيتيييي

يطبق القانون على ابوها بعد
لانه ماله خلق فضاااااايح الصحافه و النقاااااد و ماله خلق عوااااار الراس


بطبقه الشكوه لله


شسوي بعد




حسافتج يا كويت

هههههههههههههههههههههههههه
ودك تطلع العمه بلوقر

:pPPp

nanonano said...

أمس قريت الخبر ما همني وايد

بس ما أدري ليش الحين لما شفت صورتها كسرت خاطري

مسكينه

أنزين ما عندهم قانون تسافر و ترد تدخل مثلنا

طبعا قاعده أتغشمر

لأنها معوره قلبي

العيايز يكسرون خاطري

بنت الشاميه said...

حسافتج يا كويت :

هههههههههه
من صجك تحاتيه بالوزار والفنيله
ميرك هذا امر سهل
انت شوف التدخين
هو مدخن قديم وحاول اكثر من 8 مرات ان يتوقف عنه ويفشل
والكل متربصين له.... ا يصيدونه لو بس يدخن ربع سيجااااااره
وتصير فضيحة بجلاااااااااااااااال
لووووووووووووووول
عاد هذى عيشه
الوزار يهوووووون
خيالك يهبل من حلاته
((((((((:

بنت الشاميه said...

Mok :

اخاف من الحارج
(:

بنت الشاميه said...

Q80 Blogger :

التمني شيئ مشروع
ان شاء الله نوصل مواصيلهم
تخيل عمة ابوما يسفرونها
لووووول

بنت الشاميه said...

ولاّدة :

وقبل اوباما.... عاشت مؤسساته على تطبيق القانون
يااابختهم

بومريوم said...

لو عندي عمة اسمها زيتونة
انا ابلغ عنها حتى لو مو مسوية شي

بنت الشاميه said...

Um il sa3af wil leef :

ان شاء الله نوصل
حتى زيتونهم متنوع ومختلف
ومن كل دول العالم
بس القانون قانون
الله يهنيهم

DiLLi O MiLLi said...

أناااا لووو مسفريين عمتي
جاااان سويت الهواااااايل بالقواااايل
كلشي ولااااا عمااااتي
اللي يرشهم بالماي أرشهم بالدم
!!!!!!!!
:)


وييييه وينااااا وينهم
أهني ربعنا حتى تجار المخدرات يتوسطون لهم
عسبيااااالله على بليسهم !!!ء





وآآآآه يا ديـــــرة هلــــي

DiLLi O MiLLi said...

تصحيح
======

حسبيااااالله

KQ8 said...

القانون قانون

خلف الله علينا

حنا واحد مهرب مخدرات وصايدينه بالجرم واييون نواب منطقته ويتوسطونله

kalakchi said...

يسلمج يا رب

يسلمج بؤج

;p

زيتونة بومريوم said...

ههههههه


هلا بومريوم ..الحين انتوا عندكم
موزه ..و
نص اسماء الاسبوع وبالعينها وساكتين

خميس و جمعه ولد السبت

واصلا الموزه من اشجارنا الافريقيه
محدش احسن من حد

حسافتج يا كويت said...

الزقارة أمرها هين يقعد بالحمام ويركبلة شفاطات

وزار وبالحمام وشفاطات ويدخن؟؟؟


ناقصة غترة عالجتف وعدنيات

حسافتج يا كويت said...

بنت الشامية

الحجي نبي نعرف الاخبار الحين

عمتة طلعوها ولة ليلحين محبوسة


عسى ماتصير زيتونة مخلل وطرشي

شوفيلنا يا معودة طلعت ولا شسالفتها

بنت الشاميه said...

lawyer :

غصبنا عليه يطبق القانون وابو القانون...وراه مؤسسات
وصحافه يخاف منها... تحرقه من ثاني يوم
بروحهم قاعدين ينطرون منه اي غلطه
ويركبون له المشااااانق
لووووول

بنت الشاميه said...

nanonano :

لا والمغروده بيردونها كينيا
تعيش بالقريه....راحت فيهااااا
بس اكيد اكو مخرج لها همن بالقانون
هذي ديره القانون فيها يحكم
مو عندناااا

بنت الشاميه said...

بومريوم :

حرام عليك اسمها حلو و يونس

بنت الشاميه said...

DiLLi O MiLLi :

ابيه دللى شفيج
هذى عمة اوباماااااا
ههههههههههههههههه
والا يجيس عماتج احنا نرشه بالدم قبلج
افا عليج .....كلنا لج

جان زين نصدر لهم نوابنا يتوسطون لها
ونفتكم منهم على ما يردون الا الانتخابات مخلصه
(:
ماتهقين نوصل مواصيلهم يوما ما
حتى لو احفاد احفاد احفادنا
هناك امل

بنت الشاميه said...

KQ8 :

ان شاء الله يتغير الحال
ونصير مثلهم
ونطرد كل مخالف للاقامه
او مزدوجي الجنسيه
قول ان شاء الله

بنت الشاميه said...

kalakchi :

الله يسلمك

بنت الشاميه said...

زيتونة بومريوم :

انت وبومريوم تنيااازون
بس همن ما رضى على بو مريوم
برقبتى له دين
(:

بنت الشاميه said...

حسافتج يا كويت :

ماااااااا يحصله يشب حتى جبريت
موووووو يدخن سيجاااره
جان صفارات البيت الابيض كلها تصفر وتصرخ وتفضحه

واخر اخبار العمة زيتونه كما وردت من
وكالات الاخبار

ذكرموقع شبكة «قناة بوسطن» الاخبارية الامريكية ان عمة الرئيس الامريكي باراك اوباما تستعد لحضور جلسة لترحيلها الاسبوع المقبل بسبب دخولها البلاد وبقائها فيها بصورة غير شرعية

ويشار الى ان رفض اونيانجو مغادرة البلاد بعد قرار القاضي يعتبر مخالفة ادارية وغير جنائية لقانون الهجرة ما يعني ان القضية تعالج خارج محاكم الجنايات

واي معلومه تصلنى ساوافيكم بها
فورا ومباشرة
((((((:

ANGEL HEART said...

هذي امريكاااااا

قوانين وعداله ومايعرفون شي اسمه واسطه

ولا مجان صاروا اقوى دوله بالعالم

بس كسرت خاطري عمته ولا متبرعه بفلوسها حقه :(

حرام المفروض يكون في مخرج لهالحالات يعني مسنه وكبييره وانا اعرف زين اهما يعاملون المسنين معامله راقيه

حسافتج يا كويت said...

يا بعد عيني عينج يا زيتونة


خنت حيلي هذا وانتي متبرعتله في حملتة

لو انا منها اتزوجلي امريكي واقعد في امريكا وآخذ الجنسية


أمهات الدقات اللي عندنا مو احسن منها

Nikon 8 said...

إشدعوه يا حافظ .... ما كو إستثناء للحالات الإنسانية؟؟؟؟
مرة كبيرة ميخالف
وليش يوم كانت تتبرع محد نبهها إن هذا مخالف ؟؟؟؟
بصراحة كسرت خاطري زيتونة

بنت الشاميه said...

ANGEL HEART :

هذه هى الدول المتقدمه
القانون هو القانون
بس بالنسبه لحالتها
ما اعتقد انهم يطردونها..... يتبنونها كقضيه راي عام..وتقعد
ماااا عليها الا العافيه

بنت الشاميه said...

حسافتج يا كويت :

شوف بدامها كساره خاطرك
بدز لها كرت زياره للكويت كمراقب دولي للانتخابات
الى ان تضبط امورها عند ولد اخوها
وترد لهم
لوووووووووووووول

بنت الشاميه said...

Nikon 8 :

اكيد بيلقون لها حل
الحالات الانسانيه عندهم مهمه
وباجر تصير قضية راي عام