Monday, March 23, 2009

حدي....متعسررررررره


حدي متعسره وضايق خلقي ومتكدره
*
*
*
وبخااااااااطري شيئ....ومووووو صاااااااير
ما أدري متى بيصير؟؟؟؟؟؟......بس الله كريم
والصبر مفتااااااح الفرج

فمااااا لي الإ الإنتظاااااار
إننو شنو بخاااااطركم ......؟؟؟؟؟؟؟
مبيوووووق بدون سياسة
لووووو سمحت

58 comments:

كويــتي لايــعه كبــده said...

بيعينا بالسوق وانا اخوك

والباقي على الله

طز بالرجالة said...

انا خاطري بصحن عرايس
و برد فيلكا

سلامات

-mate said...

تسمعين حق أم كلثوم؟؟

لأن عندي فيديو حصري تلاقينه فقط في مدونتي

ماتشوفين شر اخيتي

Athoob Alshuaibi said...

اسم الله عليج الرحمن الرحيم :)

بخاطري أرد الكويت
و على دربي أمر ماليزيا :P

اجار الدين كشمش said...

بس انتي ؟

الكويت كلها لكن انتي محسسوده انج عندج المقدره ان تشكين وتشاركين الناس معاج

اما اذا انتي تبين ششئ وقادره تصبيرين !!!1

انا ابي اشياء ..بس وهووونه ...مايحصل

لااازم تعرفين

تجري الرياح بما لا تشتهييه السفن

اهووو دحناا صابرييييين

سمي بالرحمن ... وسافري هالايام

محد يبي يقعد بالكويت ما لنا خلق احراااجات

فمالله

الزين said...

ذكري الله يالشيخه

وماكو الا العافية


وعليج بالإستغفار يسوي العجايب

:)


وصباحج خير يارب



وعلى فكرة انا بعد خاطري بشغلات وايده

بس مو موقفه حياتي عليها

مَـــــعْــــمَــــعَـــــه said...

الله يعينج والله وصج الوضع كئيب بس انصح تسافرين جم يوم تغيرين جو واذا ما تقدرين روحي منتجع صحاري 3 ايام ترد روحج ويصفى بالج

Corpse Bride said...

صباح الخير..

تعوذي من ابليس .. وكل تاخيره فيها خيره.. وعند الله السعه..العساره مو زينه..

هذا كلام امي لي كل ما قلت لها هالحجي..فحبيت انقله للفائده :)

هونيها وتهون يا بنت الشاميه.. هذا كلامي..

انا ما بقى شي مو في خاطري.. بس خاطري متعود على الدقرات ما عاد يهمه..

حسافتج يا كويت said...

أفا يا بنت الشامية

يضيق خلقج وراسي يشم الهوى؟؟؟


لا مايصير بقولج شي
أمس مريت المستشفى ازور شخص وبالممرات لقيت يهال يدزونهم بعربانة
والله يا بنت الشامية اني طول الوقت قعدت اتحمد ربي على النعمة

طبعا ابن ادم طماع وطبعا نسيت من طلعت من المستشفى وبديت اتحلطم على امور الحياة اليومية

بس دامج بصحتج اي شي ثاني يهون






والله ضيقتي خلقي عليج

أما اللي بخاطري نوعين
خاطر طويل الامد وخاطر قصير

طويل الامد أخذلي بيت وافتك من الاجار اللي قاعد اقطة كل شهر هباءا منثورا

أما الخاطر القصير الأمد إني ارد انام الحين لاني صج صج مستعسر من القومة وعيوني حارة تحرني وجسمي مكسر ومالي خلق دوام


بعد في خاطري شي اسبيشال

بخاطري اطنشين همج ترى النطرة بحد ذاتها مليقة وكريهه
انشغلي باي شي هاليومين

lawyer said...

بنت الشااااميه


حبيييييييييييييييييبه قلبي

عسسسسسسسسى ربي يجبر بخاطرررررررج
و يحقق لج كل مرااااااادج

والي في خااااااطرج
و يعطييييييج شي اكثر من الي تبييييين




واااي والله اتصدقين مو بس عوري قلبي احتريييييييت
ماحب اشوف ناس احبها بخاطرها شي ولا اقدر اسوي شي





ياريتج امس سامعه في قناه الرساله الدكتور شنو يقوووول حده مريح عن الايمان بالقضاء و القدر و تحقيق الاماني و الرغبااات


كلام عجيب

بقولج شي انا على يقين ان الله يحبج لان الناس تحبج
و اذا كان ربي يحبج فاكيد الحبيب يختار لمحبوبه افضل ما يختاره هو لنفسه


صح

ربي يحققلج كل امنياتج
ويجعل السعاده تجري فيج مجرى الدم

سبمبوت said...

بخاطري أسمع خبر يحدد مصير مستقبلي !

بخاطري ولو مرّة أسمع من الكبار والسياسيين في العايلة أن فلوس الكويت مو قاعد تنباق!

بخاطري أسافر مكان جميل في أوروبا

بخاطري آكل إللي أبي ولا امتن

بخاطري نقعد آنا وبنات خالاتي مثل الأول لمّا كنا صغار وقلوبنا متروسة بشاير .. ونضحك من قلب لإن كل شي يضحكنا ..

Barrak said...

بخاطري رحله لباريس مدفوعة التكاليف لمدة سنه ونصف


واوعدك طول عمري ماأتعسر

كبرياء وردة said...

بخاطري باجازة من الجامعة

الله يفرج ضيقتج ويحقق لج اللي ببالج

هونيها وتهون وانا وخيتج

اسعدني المرور هني

nanonano said...

هذا فايروس بالشاميه

عندنا و عندج خير

Snow White said...

سلامات

أنا بخاطري وايد شغلات بس ما كل ما يتمناه المرء يدركه!

أهم شي أغير وظيفتي والله كريم

وإن شاء الله تتحقق كل أمنياتج ولا تضيقين خلقج :)

@alhaidar said...

مو بس انتي


الله كريم

lwatan-ajmal said...

خاطري اشيش بالبر بروحي واسمع عوض الدوخي ويمي رد بول ):):):)

Anonymous said...

لا لا لا ....الا بنت الشاميه

ماااا تستاهلين
بس هذى هى الحياة مرة لك ومرة عليك
وانشالله دايما لج مو عليج
ماتشوفين شر

Anonymous said...

يا فتاح ياكريم

مامداها ياتج القمته!!!!!!!1

يس هونا باجر نرجع

وردى استردى مملكتج

ترى فيها سحر ماصار

لايكون ضايق خلقج على بنك الخليج والا بوبيان
والا جلوبل والا الصالحيه

وايد وابد تعور خسايرها

ماعليه هانت انشالله
شويه عصره وبعدين تنفرج

تبسمى

Eng_Q8 said...

ميخالف من صبر ظفر

وانا بخاطري اسافر 5 سنين

Hashemy said...

الكل متعسر هالايام وسبة اوضاع البلد الله يفرجها علينا

وماتشوفين شر

ولاّدة سابقاً ... رانيا السعد ...رانية المنيفي حسب الأوراق الرسمية said...

سلامتك من العسارة ألف سلامة

وبما أنك طلبتي من مبيوق بدون سياسة راح أطبقها على نفسي وأشاركك باللي خاطري فيه بدون سياسة وبدون أمور تجيب القامت


1.
بيت غزل ينكتب بضمير ويهدى لي
2.
فستان أبيض أنيق
3.
عطر أقع في غرامه ويكون بصمتي لسنوات.. من زمان ما حبيت عطر معين..بالزمانات كان لي عطر ما غيرته سنين
4.
رواية رومانسية ألتهمها سريعاً وأندم
أنني انتهيت من قراءتها
5.
مسرحية موسيقية جديدة
6.
طلعة شالية مع البنات
7.
مغامرة غير مؤذية
8.
مكالمة مبهجة غير متوقعة
9.
بافلوا موزوريلا
10.
فلبينية نبهة ونشيطة تعيني على إدارة البيت

ANGEL HEART said...

الله يسهل ويفرج كل هم

واذا عاللي بالخاطر

فالله كريم شبنقول وشبنخلي :(

abo3li said...

كلنا بخاطرنا شيئ ومراضي يصير والعساره وضيقة الخلط والتكدر ملازمتنا مبطي ومتعايشين معاها ... ماعليج شر اقرب حديقة من حدايق الشامية وهران او النيل او ميسلون شكثرهم الحدايق بالشامية روحي تمشي وشوفي الناس راح تخف عنج هذي الحاله البغيضة ...
تحياتنا لاختنا بالمنطقة وتمنياتنا لها يتحقيق امانيها وللجميع

Anonymous said...

بخاطري اشوف بنتي عروس ... عمرها 8 اشهر و بس اطلب ربي بكل صلاة ان يعطيني الصحه و العافية و القوة علي تربيتها :)

انت بس طلبي ربك الصحه و العافية و انك تنامين مرتاحة البال و ادعي الله صبح و لليل و كثري من الاستغفار ... ترااااا الرحمن كريم وغفور

الخيلاء said...

انت تريد و انا اريد والله يفعل ما يريد

ربي ينولج مرادج و يحقق امانيج

:

بخاطري اسوي رجيم

لول

Q8EL5AIR said...

بسيطة .. كرتين باسكن روبنز فوقها كاكاو جالاكسي حار .. وجنج ماتدرين حطي فوقهم فسق ..

وهمن جنج ماتدرين دزيه البحر واخذيلج جت سكي ..

وادعيلي على المزاج :)




وتحياتي ..
ويسلموااااااااااااااا :)

AuThoress said...

انسي العسارة ،
كل شي بيكون زين ، صدقيني


اسمعي موسيقى ريحي بالك

بنت الشاميه said...

كويــتي لايــعه كبــده :

عساااااك ذخر
مو انت اللى تنباع بالسوق

الحمد لله على كل حال وكل شيئ فيه خيره
بس النفس البشريه دائما تتعب صاحبهاااا
لااااا خلا ولا عدم

بنت الشاميه said...

طز بالرجالة :

الله يسلمج من كل شر
وعليج بالعافيه

بنت الشاميه said...

-mate :

ونستك العااااافيه
خوووووش فيديو .....وبعد حصري
صج وسعت صدري

لا خلااااا ولا عدم

بنت الشاميه said...

athoob :

الله يسلمج من كل شر
وان شاء الله تحقيقن اللى بحاااطرج
بس بلاغة شف...انت باي ديره...؟؟؟؟
هههههههههه
متعسره ومهى مخليه بلاغة الشف
لا خلاااااا ولا عدم

بنت الشاميه said...

اجار الدين كشمش :

تجري الرياح بما لا تشتهييه السفن
اهووو دحناا صابرييييين
شفت هالجملتين هما القاتلتااااان

بس همن ارد واقوا ماااااا كو الا الصبر
بنصبر وبنصبر وبنصبر
وتعتقد ان السفر والصده هو الحل
اللى فى القلب فى القلب بكل مكااااان
ماااااا عيناااااا
عساك على القوه
ولا خلااااااا ولا دم

بنت الشاميه said...

الزين :

صباحج ورد وياسمين
والحمد الله على كل حال
وكل شيئ فيه خيره
بس العبد مااا يصبر ويمل بسرعه
استغفرك الله لا اله الا هو العلى العظيم
مشكوووووووووووره
=====

شخبار الزوز ..؟؟؟ وشخبار امها..؟؟؟
طمنيني عنهااااا
ما تشوف مها شر وان شاء الله يشفيها
اللهم امين

بنت الشاميه said...

مَـــــعْــــمَــــعَـــــه :

الله يكون بعوناااا كلناااااا
والله كريم
وشكرا على النصائح
لا خلااااااااا ولا عدم

بنت الشاميه said...

Corpse Bride :

بارك اله لج فى امج وكلامهاااا كله صح
كل تاخيره وفيهاااا خيره
الخيره فيما يختاره رب العباد
سبحاااانه هو ادرى بعباده
وان شاء الله ماكو الا العافيه
بس يابعد روحي ليش متعوده على الدقرااات ....... عورتي قلبي
لا خلاااااااااا ولا عدم

بنت الشاميه said...

حسافتج يا كويت :

عسااااااك دوم ذخر لى يا حساااافتك
وعساك على القوة
لا خلااااا ولا عدم
ادري فيك قول وفعل
ياااااا بختى فيكم كلكم
صج كلكم نعمة لي من ربي
والله يحقق لك كل اللى بخاطرك
طويل الامد
وقصير الامد
باقرب واسرع مماتتخيل ان شاء الله
ويعطيك ربي على نيتك الصافيه
لا خلاااااا ولا عدم

بنت الشاميه said...

lawyer :

فطييييييييم لو انت يمى جاااان لميتج
وبجييييييييييت ما ادري ليش انزلت دموعي يوم قريت تعليقج
اه ...اه...اه
الله كريــــــــــم يا لوير
الله كريـــــــــــم
وكل شيئ خيره
والحمدلله على كل حال
لا خلا ااااا ولا عدم
يااااابختى فيكم....انتو نعمه من ربي لي

بنت الشاميه said...

سبمبوت :

ان شاء الله ربي يحقق لج كل اللى فى خااااطرج....وامنياتج ويعطيج ربي على نيتج.......اللهم امين

بنت الشاميه said...

Barrak :

الله يعطيك على نيتك
بس ليش سنه ونص بس...؟؟؟
ليش مو سنه او سنتين
لوووول

بنت الشاميه said...

كبرياء وردة :

زارتنا البركه وان شاء الله كلنا يتقق اللى نبيه.....وبنطره حتى لو تاخر
ما باليد الا الصبر الصبر ثم الصبر
والله كريم
لا خلااااا ولا عدم
الله يهنينى فيكم....صج انتو عزوه

بنت الشاميه said...

nanonano :

انتشر مع الغباااار
الله كريم

بنت الشاميه said...

Snow White :

الله كريم ...ازمه وتمر
حالهاااا حال اللى قبلهاااا
ما باليد حيله غير الصبر والإنتظااااار
والله يعطيج وينولج كل اللى بخااااطرج
مشكوره.... لا خلاااا ولا عدم

بنت الشاميه said...

أحمد الحيدر :

حشر مع الناس عيد

بنت الشاميه said...

lwatan-ajmal :

امنياتك كلها مضره بالصحه
الا عوض الدوخي .....مسكن للروح

بنت الشاميه said...

Anonymous 1 :

ما قصرين
لا خلا ولا عدم
وان شاء الله لنا كلنا مو بس اناااا
مشكوره ...لا خلااااا ولا عدم

بنت الشاميه said...

Anonymous 2 :

هههههههه
مابين الخيرين من حساب مملكتى هى مملكتج
انت تهنى واستانسى وغسلي جبدج
بس لاااااا تتعلمين عليهاااا وايد
(:
وعساااااارتي مو ماديه ابد
وبعدين حشر مع الناس عيد
بنتحمل العصره الغير ماااديه
وبنصبر...وبنصبر....وبنصبر
والله كريم
المهم استااااانسي....وانسينااااا
هاليومين شويه

بنت الشاميه said...

Eng_Q8 :

ان شاء الله نظفر كلنااااا
لا خلاااا ولا عدم

بنت الشاميه said...

Hashemy :

الشر ما ايك.....والله يفرجها علينا كلناااااا...اللهم امين

بنت الشاميه said...

ولاّدة :

مشكوره والشر ان شاءالله ما ايج ولا يدل مكانج

الله يحقق لج كل امنياتج ورغباتج
باسرع وقت ممكن
العطر والروايه والفستان والمسرحيه والمكالمه والطلعه.....كلهاااا سهل حصولهاااااا.....وباسرع مما تتخيلين

اصعب شيئ.....والله وانا صاااجه
هى مدبرة المنزل.....هذى حلم من الاحلام
بهذا الزمن.....كل مالهم من اردى الى اردى.....اقضب مينونك لا ايك اين منه
وان شاء الله تتحقق لج هالامنيه
مااااا كو شيئ بعيد عن رب العالمين
بس الصبر ....ثم الصبر....ثم الصبر
حياج الله

بنت الشاميه said...

ANGEL HEART :

اللهم امين
والله يحقق لج كل اللى فى باااااالج

بنت الشاميه said...

abo3li :

لازم نتعايش مع العساره وضيقة الخلق
مااااا باليد حيله غير هذا
وان شاء الله الصبر مفتااااح الفرج
والله كريم
كل شيئ فيه خيره

مشكور....لا خلا ...ولا عدم منكم

بنت الشاميه said...

Anonymous 3 :

ما لنا الا الدعااااء واللجوء لرب العالين......ثم الصبر
والله كريم
والله يهنيج بابنيتج وتفرحين فيهاااا
ويعينج على تربيتها وتهنين فيهاااا
وتهنا فيج.....وااااي ياحلوهااااا
عزمينا عاد على عرسهاااااا
مشكووووره

بنت الشاميه said...

الخيلاء :

سبحانه هو ادرى بعباااادهوالخيره فيما يختاره رب العالمين

واااااخ من اليوع
اااخ من هالغبر الرجيم
هذا بعد سبب من الا سباااااااااب
لوووووول

لا خلااااا ولا عدم

بنت الشاميه said...

Q8EL5AIR:

جااااااااان زين اقدر اسوي كل اللى تقوله

والله لو اسويه .....المزاج بيكون بمبي بمبي
مشكور على النصايح

حيااااك الله

بنت الشاميه said...

AuThoress :

اللهم لك الحمد والشكر
على كل حاااااال
والله كريم.....مشكووووره

Corpse Bride said...

انا اقولج..

متعوده..لان ليس كل ما يتمناه المرء يدركه..

تجري الرياح بما لا تشتهي السفن..

وانا الرياح كلا تعاندني.. بس هم انا ما اسكت لها هم اعاندها ويا انا يا اهيا ..

وسالفه العناد الي بينا نستني..احنا قاعد انتعاند ..بس على شنوو..

عرفتي ليش خاطري مدقووور.. مو بس مكسور؟؟

بنت الشاميه said...

Corpse Bride :

زين منج
والله انج بطله ما تستسلمين
و لاتستسلمين هذى هى القوه
بارك الله فيج