Wednesday, March 18, 2009

وضااااح ...واستشااارة بلير

شكرا يا صاحب السمو.....انت الامل


تحديــــــــــــــــــــــــــــــــــــث

خطاب هام لصاحب السمو مساء اليوم

اتمنى من كل قلبي....اذا كان الحل دستوريا

ان لاتطول فترة الانتخابات

وتكون خلال شهر واحد

شهر كاااافى كل .من يعرف مرشيحينه

كاااااااافي الدوله منشله لها اشهر

خلونا نلتفت للديره

خلونااااااا نشتغل ونعمل......اخ يالتنميه ...اخ....اخ

كل من طاااافنا وسبقنااااااااااا




احد عنده علم اش شااااااار عليهم
مستشاااارنا اليديد السيد بلير
؟؟؟؟؟؟؟؟؟؟؟
ان شاء الله الانجليز جددوا سياستهم فى الالفيه الثالثه
ونسوااااا سياسة .....فرق..... تسد

************
******

شاعر الشباب وضااااااح
يـ «بلير» چن الوضع مـ يبشّر بخير
مـ يفيد فيه النصح أو استشاره!
الكون يمشي غير واحنا بلدنا غير
چن الاهل ناوين له في دماره!
وچن البلد بحّار مو ناوي الخير
شقق اشراعه قبل يوصل دياره!
وچن البلد ورّاد واقف على البير
من الزعل: قط الصخر في قراره!
وچن البلد زرّاع خايف من الطير
شلّع جذوره قبل يكمل خضاره!
دستورنا هو سور: نجم الدساتير
عهد انكتب بين الشعب والإماره
إن عطّلوه اليوم ما ندري شيصير؟!
ومنهو اللي يعرف يوم حجم الخساره؟!
تسلم يدك ياااااا وضاح
منقول من جريدة الجريده

32 comments:

kuwaitawy said...

عهد انكتب بين الشعب والإماره
إن عطّلوه اليوم ما ندري شيصير؟!
ومنهو اللي يعرف يوم حجم الخساره؟!

كويــتي لايــعه كبــده said...

فعلا صح لسانه

من وصلتني أخبار عن توقيع مرسوم الحل وصيغته انقلابية وانا ماني قادر انام
!!!

يا الله سترك

ووين الحكمة اللي تجنبما الخساير

ولد الديرة said...

اخاف بلير اللي قايل حلوه

حله بطنه :)

V.Hayat said...

ها هى دايمقراطية المتسلمين كل شوى يريدون استجواب رئيس الحكومة ما يحمدون ربنا على هذا الانفتاح اللى يخليهم يتكلمون بها الحرية مع ان هناك اشياء كثيرة يجب الكلام عنها ولكن ربك يستر من اللى خرب بلاده والحين جاى عندكم

تحياتى

enter-q8 said...

يا وطن مازال هناك من يحبك

AseeL said...

بلير يذكرني بشجر بو ليتات الهيليقي اللي انتشر في الشارع من جم سنة

مسئول مختص ومرموق قلت اسأله دام اني امون عليه، عفس لي ويهه وقال لي يبه بيفيدون ناس كلها جم شهر ونرد نشيلهم

الديرة كلها صارت ام ليتات، طلبتج تقرين مقالة اقبال الاحمد اليوم




الخروع وحوستج مادري شنهي زهبيها تراهي قربت

nanonano said...

الشق عـــــــــــــــــود

واحنا بلدنا غير

حدّه غيــــــــــــر
===

صح لسانك يا وضّاح

إمـرأة لا تُنسـى said...

صح لسانه

AuThoress said...

كم "وضاح" (نشمي) تحتاج البلد؟
كلامه يجعل الصباح جميلا ولو قليلا..ولو قليلا

فريج سعود said...

تكفين شيلي صورة من على الجنب

ياني حارج

DiLLi O MiLLi said...

معلوماتتي تقول
دمج الرئاسة بولاية العهد
والحل دستوري

والله أعلــــم

بنت الشاميه said...

kuwaitawy :

ان شاء الله انكشفت الغمه
والكل عرف الخساااااره
الله يحفظنا

بنت الشاميه said...

كويــتي لايــعه كبــده :

ان شاء الله الحين تقدر تنام وتغمض عينك
الحكمة لازالت موجوده
الله الحافظ

بنت الشاميه said...

ولد الديرة :

هذول اهل الديمقراطيه الحقيقيه
ماااا يعرف يقول حلوووووله
هذيل عنجريز
الله الحافظ

بنت الشاميه said...

حياة :

هذيل اصلا لا يؤمنون بالديمقراطيه
ويبون الشاره لتدميرهاااا

أصدر حزب الأمة بيانا صحافيا دعا فيه إلى وضع دستور جديد
هذاهو اللى يبونه
الله الحافظ

بنت الشاميه said...

Enter-Q8 :

اكيد اكووووو ناس وايد تحبه
وتفديه بالروح
الله الحافظ

بنت الشاميه said...

AseeL :

اكيد بيفييييدونه...وهو محتاج لفلوسهم

بس محد يختلف على قدراااااااااااته
فى اليوم الاخير له فى رئاسة بريطانيا العظمي....عين من قبل الاتحاد الاوربي فى منصب رفيع...وفورا
يمكن ينصلح حالنااااا
الله الحافظ

بنت الشاميه said...

nanonano :

ان شاء الله احنا اكيد غير
بس غير للاحسن
وان شاء الله الشق يرتق...بحكمة صاحب سمو الامير

الله الخافظ

بنت الشاميه said...

إمـرأة لا تُنسـى :

وصح لسان من قال و من كتب

بنت الشاميه said...

AuThoress :

ان شاء الله عندناااا وضاحين واااايد

الخير دائما بقبول
الله الحافظ

بنت الشاميه said...

فريج سعود :

ان شاء الله

تعرف تقول اسمه بسرعه بدون لا تغلط فيه
عمري ما قلت اسمه صح....هههههه
الله الحافظ

بنت الشاميه said...

DiLLi O MiLLi :

ان شاء الله يكون الكلام صحح
والله يبشرج بالخير

الله الحافظ

مستفسط said...

بلير سيصبح بيلر في الكويت

DiLLi O MiLLi said...

الحل دستوري
والأنتخابات بعد شهرين
والأمير له خطاب يا ٨ يا ٩ مساء اليوم

Blog 3amty said...

تعالي عند عمتي طلع أسمج !

بنت الشاميه said...

مستفسط :

توني بلير (بالإنجليزية: Tony Blair) رئيس الحكومة البريطانية الأسبق ، تولى رئاسة الحكومة لثلاث فترات رئاسية متتالية بدأت بعام 1997 وإنتهت بعام 2007 ورئيس حزب العمال البريطاني منذ عام 1994 ولغاية 2007. شغل أيضاً عدة مناصب: اللورد الأول للخزنة، ووزير الخدمة الشعبية، وعضو البرلمان البريطاني لمنطقة سجفيلد في شمال شرق إنكلترا.

وفي نفس يوم استقالته من رئاسة الوزارة البريطانيه عين مبعوثاً دولياً للجنة الرباعية الدولية الخاصة بالسلام بالشرق الأوسط. ولذلك قدم استقالته من البرلمان البريطاني أيضا.

فماااا اعتقد انه بيتغير...!!!!ْء

بنت الشاميه said...

DiLLi O MiLLi :

اهلا بام الاخبار الطازه
مشكووووره....احنا بانتظار اخبارج الحلوه
الله الحافظ

بنت الشاميه said...

Blog 3amty :


مشكور
تم قبول النداء....حاضرين للعمه وعيالها

lawyer said...

ترااااااا كلنا المفرووووووووض


مفاتيييييييييييييح انتاخبيه حققققققققققققج


انزييييييييييييييين







يالله



صوتي عووووووووووووووووووووووووور
طايح حظه


بس عسى عندج شاورمااااااااا

بنت الشاميه said...

lawyer :

ياااااا بختي ...ياااابختي

الله بيصير عندي مفااااتيح ذهب واااايد
اكثر من بعض المرشحين الخيتاااان
لوووووووووووول
وبعدين مقري الانتخابي الاكل فيه صحى
كله خضرواااات حتى الشورما خضروات
هههههههههههههههههههههه
يالله العافيه

justice maker said...

شهر ماتكفي لاقامة انتخابات كاملة مكملة

الدستور اعطى اقصى حد 60 يوم

ليش مانعطيهم كامل الفترة حتى يجهزون انفسهم

اهمه بشهرين والفوضى تعم والغلطات تكثر هالدور بشهر

بنت الشاميه said...

justice maker :
شعندهم بيقولونااااا
الدعايه الانتخابيه الحين منتشره وبكل
الوسائل االمرئيه والسمعيه
والحين بالنت....الحين زمن السرعه
وشيبتغير من الوضع عند المرشحين
قول لى ما كو وقت.... يضبطون انفسهم بفرعياتهم.....ورشاويهم ومالهم السياسي الفاسد
مع هالازمه الاقتصاديه الخانقه للجميع
البلد وقفت لهااااا سنواااات
خل يلتفتووون عليهاااا هى اهم منهم