Tuesday, February 24, 2009

إلحق... لا ....تلحق


الشاب الكويتي وموانع الزواج

مهور غاليه

سكن غالي

وبيت ابوه ما يشيل

المعيشه ناااااار

الطامة الكبري التقاليد الإجتماعيه

وليس الدين """مو من مواخيذناااااا"""ء

الله يكون بعونكم يالشباب

28 comments:

Enter-Q8 said...

شفتي اشلون
مهور غالية انتهت هالسالفة
السكن غالي صح
المعيشة نار هم صح
التقاليد الاجتماعية وايد اكسروها من كبار و صغار

اجار الدين كشمش said...

احبك يالزواج حب يوعان

يشوف دايم الحطب ..شابوره

واحبك يالعازب حب سسكران

ينادي دايم العنز ..يانوره

فمالله

chandal/danchal!! said...

نقطة نظام!!! اني اعترض

و معظم الكويتيين ياخذون بحديث الرسول عليه الصلاة و السلام

" أقلهن مهرا أكثرهن بركة"
بس في رياييل يدشون على طمع!!

تصدقين ذاك اليوم قاعدة اسولف مع عروس ما صارلها ست اشهر من تزوجت... الجيل الجديد يسألون البنت حتى اذا حجت والا لأ!!! حتى بهذي يبون الفكة!!! شمحديهم!!! ودي اعرف هالاشكال شحقه يتزوجون!!! بس طايرين مع ربوعهم و بكل طبة طابين

الله يكون بعون بناتنا و يستر عليهم و يحفظهم من هالشكولة قولي آمين


ومن لم يستطع الباءة فليقزرها صوم ويكف خيره شره

استغفرالله قمت اقط خيط و خيط



و بسالفة المواخيذ انا اتفق 100 %% مع الاهل... اهم ابخص بمصلحة عيالهم المطفق... بس وين اللي يسمع الكلام!!! واللي ما يطيع يضيييييع

Fahad Al Askr said...

الشكوى لله
شنسوي بعد
صابرين لين ربج يزيح الغمة

mo3ath said...

بطلنا يبه مانبي زواج :P

جنج تدرين ابوي قبل جم يوم ينغز علي بس راح اوريه بوستج وافك عمري :P

AK-47 said...

انا اشوف ان ما في موانع للزواج

المهور الغالية انتهت من زمان

السكن غالي لكن المشكلة الكويتيين لازم يسكن في بيت 500 متر الشقة شفيها 400 ولا 500 اجار يقدرون عليها من معاشين

المعيشة نار لان الاغلب يبي ياكل بمطعم 3 مرات بالاسبوع ويركب بورش ويروح دبي وبيروت كل عطلة غير سفرة الصيف

مو من مواخيذنا صح للحين موجودة في بعض البيوت

في موانع من استمرار الزواج :

الزوجة ما تبي عيال اول جم سنة ابي استانس بحياتي

الزوج للحين يبي يقز ويسافر مع الربع

الزوجة ما لها مقاقة تربي ولا تدرس ولا تطبخ

الزوج يجعص بالمصرف ولا يقط فلوسه على سوالف بطالية

والأهم تدخل الأهل بين الأثنين والمصيبة اذا فيهم واحد شخصيته ضعيفة ويسمع كلامهم

طولت ادري بس الموضوع وايد مهم

ويود عليه يود
يود عليه

Яeema said...

ترا قاعدة تخف شو شو

أزيدج من الشعر بيت

هم الشباب ما يبي أمه تخطبله
و لي عرف وحده قام يتثاثا ليه كل واحد يطوفه نصيبه



و قاعدين




بيني و بينج الأثنين ماكو صبر
يبون يعيشون عند الريل مل ما كانوا عايشين عند أهاليهم

شيخ said...

your right where all pooooooor :(

أتيت متاخرة said...

اقول
خلوني ساكتة
في سالفة الزواج
ترى ان تبطل حلجي شنوبالله
يسده
واللومفي السالفة على الطرفين
رياييل
ونسوان
كلنا بالهوا سوا

esTeKaNa said...

بنت الشامية مو بس الريايل عافو الزواج
في بنات من اللي شافته قالت اقعد ببيت اهلي معززه مكرمه احسن
!!
عيل ريال بيخطب مشترط:
حاجة
خالصه اقساط سيارتها
وتشتغل باماكن معينة
للللللليش؟
ما تبي معاها عيال بعد مرة واحده؟

وشخص يشترط:
يبي جسمها غير قابل للسمنة
!!
شدراك؟
بيشوف الام والخالات والعمات
وتالي راح يعرف مستقبل البنت
يعني اي بنت مسويه رجيم ما ينفع
الريال عنده بعد نظرة
:))


ونرجع للموضوع:
صعب الريال يعيش من غير مرة
واللي يبيها بالحلال رب العالمين يا بنت الشامية ييسر له ،لا تقولين مهور ولا بيت ولا شي
وان يكونو فقراء يغنيهم الله من فضله
اما سالفه مو مواخيذنا
فهي فعلا وقفت ناس كثير
بس ماهي سبب وحيد
:)

Don Juan said...

غلاء المعيشة سبب قد يكون اقوى من غلاء المهور
و التقاليد هذي خليها على كتر :) تغرد منفردة خارج السرب دايماً عزفها منفرد بروحها تسوى الباجي :)

mtfa2el said...

ههههه
زين أحد حس فينا
:P
و الله في ناس تبي الستر و في ناس تبي
المظاهر
بس المشكلة ان اللي يبون المظاهر كل ماله و يزيدون
انا خابر أول يقولون حق الريال السنع خذها بعبايتها
الحين لي ياهم السنع قالوله عبايتها
" هذا اذا تعرف شنو يعني عباية "
ب 30 الف و صاعد
يعني بالعربي الفصيح اطلع بره يا ولد الفقر

Mai said...

السلام يا بنت الشاميه : )

موضوعج مهم ، فودي أقول وجهة نظري ..

الزواج هدفه استقرااااااار
هدفه سكن
يعني الواحد / الوحده يولهوووون على البيت والراحة فيه
مو يتكلمون عن بعض عند الناس
ويحاسبون بعض على دينار دينار
ويقارنون مع الي يعرفونهم او يشوفونهم
الزواج مو للناس
مو للاهل
الزواج للاشخاص نفسهم
شالفايدة اوري فلان و فلانه ترى انا ماخذه ولد فلان
وعندهم هالكثر
واحنا عندنا
وموترين او ثلاثة حقه
و 4 حقي
واخر شي
ماكو استقرار
او طمأنينه بالعيش مع هالانسان
او ماكو قرب
مو اصدقاء الازواج
بس شكل
شالفايده
الحمدلله على العافيه بس مادري شلون توصل بالواحد انه يضحي بحياته وشعوره الداخلي واستقراره وراحة قلبه عشان كلام الناس وتقييمهم !
الحمدلله على نعمة العقل

والله يسعد كل الأُسر ، و يرزق شبابنا وبناتنا : ))

بنت الشامية said...

Enter-Q8 :

كلامح صحيح
بس يالنسبة للتقاليد الاجتماعيه
انت قلت اكسروهاااااا
يعنى تحتاج الى قوة للكسر
فهى موجوده ولازالت
نبيها نصير سواسيه كما امرنا دينا السمح

بنت الشامية said...

اجار الدين كشمش :


بالله شعر منو هذه الابيات ...؟؟؟

هذا كله من اكله الشابوره

وهالعازب الله يخليه لايقبل
علينا ولا نشوفه

هههههههههههههه

بنت الشامية said...

chandal/danchal!! :

والله وانت صاجه هالايام قاموا يسالون اسئله وايد غريبه ودخيله على مجتمعنا
ولا ويبونها غنيه....علشان يفتك من مصاريفها....اذا هذا اولك ينعاف تاليك
وكل من يمد ريوله على قدر لحافه
عشان المركب يمشى ويوصل بر الامان
الناس تدور الرجل الصالح
والستر لبناتها

بنت الشامية said...

Fahad Al Askr :

الله يهون ما كان صعب وجايد

اللهم امين

بنت الشامية said...

mo3ath :

لا والله..... تبي تقطها براسي
اناااااا ما علي
وانا اقول حق ابوك لا تخليه
زوج ترا احسن له
وهقتك....لووووول

بنت الشامية said...

AK-47 :

انا حطيت الموانع الاساسيه
بس اللى ذكرتها عاد هذى اللى مالها حل
وساعات مراقبة الاهل وليس تدخلهم يساعد الزوجين ليكملون حياتهم
لان الازواج الصغار يحتاجون توجيهات ولفت نظر من فترة واخري من الاب والام
ومو مصعب حياة الازواج الجدد الا الاسراف
بالمصاريف البيت
و الايام هى الجديره بتعليمهم
ما اقول الا الله يعينهم

بنت الشامية said...

Яeema :

هلا بالشيخه

والله وانت صاجه كل من يبى يعيش مثل ماكان يعيش فى بيت اهله
وهذا ما يصير
الحياة يبلها صبر
وتحمل المسؤليه شيئ مو سهل

زارتنا البركه

بنت الشامية said...

شيخ :

من الفقير...؟؟؟؟
انت .... ما اعتقد
طلع الفلوس اللى تحت البلاطه
لووووول

بنت الشامية said...

أتيت متاخرة :

ههههههههههههه
شفيج بايعد عمري قلبج مليان
قولى كل اللى تبينه وكلنا اذان صاغيه
الحياة يبلها صبر وقوة تحمل
وهذا المفقود هاالايام

بنت الشامية said...

esTeKaNa :

الزواج نصيب مثل السهم
ومتى ما اصاب النصيب ما يرده شيئ
لامهر ولا بيت ولا اي شيئ
الحين اغلب الشباب بدوا يتاخرون بالزواج لان الحياة صارت صعبه ومكلفه
و يبون يكونون انفسهم علشان يقدرون يفتحون بيوت معتمدين على نفسهم
مو على اهلهم
عاد هذى حجه ا....والله ما ادري

بنت الشامية said...

Don Juan :

صح كلامك غلاء المعيشه سبب اساسي
مو لعزوف الشباب عن الزواج نهائيا لكن تاخير سن الزواج الى ان يكون نفسه

الله يعينهم

بنت الشامية said...

mtfa2el :

ليش ما نحس فيكم ... انتو الخير والبركه
الزواج هو سكنى وراحة وطمأنينة واستقرار ، وداخلهما المودة والرحمة
هذا اساس الزواج اما المظاهر والمزيادت كلها زائله مع الايام
والله يكافينا شرهاااا
والله يكون عونكم .

بنت الشامية said...

Mai :

كلامج ما عليه زود
عين العقل

وقال صلى الله عليه وسلم : [ لا تزوجوا النساء لحسنهن فعسى حسنهن أن يرديهن ، ولا تزوجوهن لأموالهن فعسى أموالهن أن تطغيهن . ولكن تزوجوهن على الدين ولأمة خرماء سوداء ذات دين أفضل ] (رواه ابن ماجة ) .

وفى الحديث الشريف : [ إذا أتاكم من ترضون خلقه ودينه فزوجوه إلا تفعلوا تكن فتنةٌ في الأرض وفسادٌ عريض ] (رواه ابن ماجة والحاكم والترمذي ) .
صدق رسول الله صلي الله عليه وسلم

DiLLi O MiLLi said...

واللي يعافيج يا بنت الشامية
في ريال ما يقدر يتزوج بهالزمن ؟؟؟
كل ريال يقدر يتزوج .. حتى اللي موو مقتدر
قاعد يتزوج تنتين وثلاث وأربع
ماااكو شي يووقف أبطريجهم

وكل من يمد ريوله على قد لحافه
يعني المنتف لاااا يطق باب القصر ويطلب بنت البيك
يشوفله وحده على قده

وبعدين سالفة " موو من مواخيذنا" هذا بعد شموديه
بيت أهوو موو من مواخيذهم ؟! يدورله بيت أهوو يكون من مواخذيهم .. ويفك روحه ويفك الناس


الـــــــــــزبده
*********

مااااكوووو رياااال ماااا يقدر يتزوووج

يييبيييلي ريااال يقول مووو لاقي مره يتزوجها
وأنا من باجر أزوجه !!!ء

بنت الشامية said...

DiLLi O MiLLi :

ياحي الله من يانااااا
ابيه دللى شفيج داخله علينا حامي جذي

اي والله وانا صاجه مو كل واحد يقدر يتزوج الحين

انا اتكلم عن الشباب السنع اللى يبى يصرف على بيته من عرق جبينه
وما يبي من مرته ولا من اهلها فلس واحد

مو لاقى المراة السنعه اللى تعينه على حياته...وتمد ريلها على قدر لحافه
وتعيش معاه على
الحلوه والمره
اما الزيجات اللى تفضلتي فيها تراها ترس الديره ومكودييييييين
ومنها صارت الكويت فيها اعلى نسبة طلاق عالميا
الحين عندج من هالحريم اللى تصبر وتعين الريال وتكون شريكة حياه سنعه حياااااااج الله