Saturday, February 21, 2009

التب والإ قوطي الروب...؟؟؟؟؟

ادري ان الموضوع معلوووووج بس هم بتكلم عنه
أول مره أعرف إن أصل الحجاب بقوطي روب
كان بالأصل إماراتي ...والله توني أدري
طبعا ما صدقت.....و تروالي أهل الإمارات
ما يلبسون جذي حتى لو بيحطون قوطي

بيحطون قويطي برد صغير
مو قوطي الروب....ولا قوطي النيدو

والحين الربع وصلوا الى الجدور
طبعا إحنا بالكويت لازم نطور الشيئ ونسوي

له تعديلات وتغيرات غير شكل
بس بعد ما شفت هالصوره تأكدت إن

أصل الأصل كان هندي
وبعدين صار إماراتي والحين كوووووويتي
تهقون يسونها ويلبسون حجابات تبوب هنديه
الله لا يقوله....... الحجاااااب برئ

من قوطي الروب وتوااااابعه
عفية روس إتحمل كل هالضيم اللى عليهااااا
هذا من القهر من اللى شفته بالافنيوز وهلا فبراير

48 comments:

JooJ o MaJooJ said...

لوووووول
لا تستبعدين شي
الهنود عيال عمنا
:)


ماجووووج

Hashimoto said...

لوووول
ما عليه ما عليه القوطي روب مسوي أزمة بالبلد
عيل شوفي هالمصدر للقوطي روب

http://akabane-90.blogspot.com/2008/08/blog-post.html

شكله متعدد المصادر
=P

مبيوق said...

ابشرج بناتنا بحطون توانكي ماي وبتمشون يوزعون سبيل ماي من روسهم

نطري وبتشوفين وقولي ما قال حسافتج

عادي باجر اوقف وحدو واقول لها لو سمحتي بتيدد عشان اصلي


اذونا الهيلق الله يخسهم

ANGEL HEART said...

بس ليش مانشوفه بالامارات مثل عندنا غريبه
والله ماني لاقيه شي واحد بس حلو بهالموضه!!

TruTh said...

تصدقين عاد انا سمعت ان حجابات بو تفخة او قواطي الروب اصلها تركي

و الله اعلم

athoob said...

منين تطيحين على هالصور هيهيهيهيهيههيهيهي

قواطي فوق الروس . كانوا في السابق يلبسنها بعض المدرسات من إحدى الدول العربية الشقيقة و كنا بالمدرسة نشوف أشكال و ألوان و نضحك عليهن هذا غير المقالب اللي كانوا يسوونها فيهن بعض البنات اللي أدت إلى انشلاع القوطي بأكمله و طيرانه حيث لم يقتصر وضعه تحت الحجابات فقط .. بل كان يلبس تحت البواريك :P

صج من عيب ابتلى :P

Anonymous said...

دام الموضوع معلوج ليش تردينه...معذوره الكبر شين

بوعيدة said...

احلى شي اللي يطل من ورا !!

مركبنا said...

عفيه هبه تاخذناو وتودينا

قبل كنا نقول

مصرية قطع لابسه استرج
بعدها
الاسترج صار اسمه لقن وصار عادي

كنا نقوول ويع بطرون ضيج من تحت هلاقة
صر اسمه سكني وصار عادي

كنا نقول هيلقية مسويه كبها
صار عادي


وماادري وين وبنوصل

DiLLi O MiLLi said...

ههههههههههههههههه
تلله يهداج يا بنت الشامية
هذا الأخ موو حاط تب
هذا حاط بويه على راسه
:)

صااااجه أهي اشكال بالأفينيوز !! جنج أتمشين بكوكب آخر
أنا مره يتني كفخه براسي !! ألتفت
ألا اللي وراي وأهي تلتفت على اللي يمها كفختني بصعرورتها اللي كبر مساند كرسي الشعراوي الله يرحمه

:)

a7ibich yl KWT said...

بغض النظر عن موطنه
هههههها

اشافاو فيه حلو عشان يقلدونه !!

المشكله كلمالهم ويكبرونه زوود

عفارين راس مايصدع

بنت الشامية said...

JooJ o MaJooJ :

والله طلعونا من طورنا من الهوايل اللى نشوفها هالايام

صباح الغيم والمطر جووووج

بنت الشامية said...

Hashimoto :

لا حرام نظلمه ..... هذا راسه صغير
حجابهم صار طوله متر هالايام

شكرا على الزياره

بنت الشامية said...

مبيوق :

والله العظيم اللى ابى اعرفه
اذا لبست البنت هالحجاب
محد من اهلها يسالها ليش حجابج جذي
الكل ساكت محد يتكلم
شدعوه محد منهم يشوف
الحجاب خرج من مضمونه الشرعي
وشوهووووووه
والله حرام عليهم
وبعدين تيدد بالبيت احسن لك
لا تسويها حجه ..... وتخحاجي البنات
ترا اعلم عليك
لوووووول

بنت الشامية said...

ANGEL HEART :

والله العهده على اللى قالت لى هالمعلومه
السؤال ليش اذا راحوا العمره لبسوا مثل الاوادم
ومن ايون الكويت يقلبونه بقوطي
بس يخافون فى السعوديه

!!!!!!!!!!!!!!!!!!!!!!!!!

بنت الشامية said...

TruTh :

كل شيئ جائز بهذا الزمان

كلهم بوقوطي

مبيوق said...

لوووووووووووول


هههههههههههه

لا مالنا خلق

اتيدد بالبيت مرة ثانية خلاص

بنت الشامية said...

athoob :

هههههههههههه
لا لا لا لا والله من صجج
اي ديره هذى ...؟؟؟؟
بس مدامج قلتى بواريك
عرفت الدوله
الحجاب وايد ابسط واسهل من هذا كله
طلعوا الحجاب من مضمونه
الله يهداهم

بنت الشامية said...

Anonymous :


ان شاء الله

بنت الشامية said...

بوعيدة :

انقمت قلبه.... غطى عليه

خوش ملاحظه

بنت الشامية said...

مركبنا :

المشكله الل صايره عندنا
من ادخلت علينا
========
اهى كيفها
محد يقدر عليها
راسها يابس
خلها تولى ما علينا منها
ما لي خلق عوار راس
و
و
و
و
من ادخلت علينا هالمصطلحااااات
وكل شيئ بدا يتفلت من ايد الام والاب
ولاصت كل السواااااالف

بنت الشامية said...

DiLLi O MiLLi :

لا تضحكين والله ياخوفى تصير موده بعد جم شهر او جم سنه
كل شيئ جائز الحدوث هالايام
هذاك اليوم وقفت وحده يمي
وصفنت فيها """قمت اشبر"""" طول حجابها
وصل الى 3 اشبار من ايدي
معقوله هذا حجاب
هذا سنم البعير
اللى ذكر بالحديث الشريف
وهو من علامات الساعه
ما اقول الا الله يرحمنا برحمته
وشر البلية ما يضحك
====
الجو اليوم عجييييييييب

بنت الشامية said...

a7ibich yl KWT :

ا صلا هذا مو حجاب
وهو برئ منهم
الحجاب خرج من مضمونه الشرعي
وفوق كل هذا موووووو حلو

بنت الشامية said...

مبيوق :

ايي هذا الكلام العدل


هههههههههههههههههه

أندلسي said...

صغرت بعيني عمامة
المهري
:)

كويــتي لايــعه كبــده said...

خوفي يجينا اليوم اللي نشوف فيه قوطي الروب تحت الغترة والعقال على ذكور هاليومين اللي ينافسون بعض على حركات في اللبس والشعر وغيره من امور الحريم

ميرامار said...

انا كلوح الافينيوز حزة زحمة يحوشني مغص

فبطلت اروح الا وقت الظهر

:(

ميرامار said...

كلوح = كل ما اروح

العتب على الكي بورد

:)

ضابط أمن الدولة بو خيطين, لاتقولين إنج نسيتيني said...

انا استغرب من الحريم
مو كلهم طبعا
اللي اعرفه ان الحجاب اصلا عشان يستر المرة ومايلفت النظر لها بس هذولة مصخوها

تذكرين هبة حجاب بو قذلة

اصلا اشكالهم غريبة
تعرفين شيذكروني فيه؟
الحديث اللي يقول عن حريم اخر الزمان
لهن اسنمة كاسنمة البخت العجاف

الظاهر قواطي الروب من علامات اخر الزمان

خل اروح اصلي احسن لي

:)

بنت الشامية said...

أندلسي :

لا تعليق لدي

بنت الشامية said...

كويــتي لايــعه كبــده :

وانت صاج
ما ادري بعد شهالموده عند بعض الشباب
كل واحد شعره اطول من الثاني
اطول من شعور الحريم
لاحول ولا قوة الا بالله

بنت الشامية said...

ميرامار :

هذا احسن وقت للافنيوز وانت صاجه
حتى انا ما اطلع منه الا وانا مصدعه
كلنا بالهوا سوى
لوووول
حياج الله

daggero said...

سؤال ديمقراطى للمحكمة الدستورية

أذا لبست الوزيرتين موضى وأم عادل حجاب أبو تفخة فهل يعتبر هذا لباسا شرعيا متطابقا مع الضوابط التى وضعت لمشاركة المرأتو فى جلسات مجلس الأمة

وهل يسمحو لهن بممارسة مهامهن فى مجلس الوزراء أذا قررنه نزعهو هنالك

الرجاؤ قراءتو السؤالى بالتنوين الصحيحى والأفادتى

chandal/danchal!! said...

ودي اشوف هالاشكال بمطار نيويورك اذا حاشهم التفتيش الراندوم شبسوون؟؟؟ و الامريكان شبتصير ردة فعلهم!!!


انا وحدة وصيتلي على يامعة اعلقها على رقبتي اذا مشيت بالطرقات... خاصة مع الغبرات تزيد الكآبة

وين لجنة الظواهر عن امهات السنام!!! بعد ازيد من ان الرسول لعنهم

Anonymous said...

هههههه الصوره تحفه

daggero
هل انته صديقي الصدوق المفقود من اسنين؟ واللي بعدك غابت ال Sun ?

إمـرأة لا تُنسـى said...

من قال قوطي روب؟
ذاك اليوم رايحة اشتري شباصات حق بنت أخوي، وإلا هالبنات اللي يدشون ويشترون شبابيص كبيرة اللي فيها ريش واللي مادري من شنو مصنوعة، بس كلهم يساهمون في عملية التفخ للحجاب.

يعني العملية صارت أذرب :D


الله يهديهم

العاصي said...

انتي معاي بنفس قروب الايميلات ترا

cheers

بنت الشامية said...

ضابط أمن الدولة بو خيطين, لاتقولين إنج نسيتيني :

اول شيئ : حرما

ثاني شيئ : لو سمحت غير اسم ضابط
امن دوله بخيطين
تراه يخرع ويصروع بعد...اكو
احد ينسي اسم ضابط
تراولي ضابط امن دولة متقاعد
اهون وااااااايد

وكلامك صحيح قوطي الروب من علامات اخر الزمان....وهذا اللى تكلم عنه رسولنا الكريم عن اشارات اقتراب قيام الساعه

الله ارحمنا برحمتك
واحفظنا من انفسنا
وغير اسمك لو سمحت

بنت الشامية said...

daggero :

قدم سؤالك ل د.محمد مقاطع
يمكن عنده الجواب

بنت الشامية said...

chandal/danchal!! :

الله يهداج ياجندل مندل
خلى فضايحنااااا محليه
بعد هالمره نسويها فضايح عالميه
عساهم ما يوصلونا هناك
حق الفشله
والله ابتلشنا فيهم

وانت جبتى المفيد
وين لجنة الظواهر السلبيه عن هالحجاب
ليش ما تشن عليه الحرب
على الاقل تسوى برامج توعيه ونصح لهم
ماااا كو اكثر من البرامج الدينيه بالمحطااااات الفضائيه
وين دورهم ....؟؟؟؟
والا لانه بس حجاب يخمرووووون
=================
يقولون هالسنه الغبار 100 يوم
وعليج الحسبه
لووووووول
ما تشوفين شر

بنت الشامية said...

Anonymous :

شكرا

بنت الشامية said...

إمـرأة لا تُنسـى :

الشباصات هذى بعد التطويرااااااااات والتعديلات
بس الاصل كان قوطي روووووووب

الله يفتح على بصيرتهم ويهديهم
اللهم امين

daggero said...

Anonymous

:)

يا شمس لا تغيبى

Anonymous said...

daggero عاش من شافك والله وولهت على كتاباتك
:)

daggero said...

Anonymous:

عاش من قال

أحنا اللى ولهنا أكثر
:)

بنت الشامية said...

daggero
Anonymous

ما خصلتوا....!!!!!!!!!!!!!ء
يالله بنصك الباب

يالله ديه ديه
كل من يروح بيته
لا تتاخرون
لوووول

Anonymous said...

هههههه بنت الشاميه انتي عسل
والله صرتي جسر المحبه
daggero
من الناس اللي يعجبني فكرهم واسلوبهم راي هالريال لا تلوميني. ومثل ما النت يفرق النت يجمع على الخير
وبس كا بنروح لا تزفين لول

daggero said...

Anonymous :

اول شى نستأذن بنت الشامية فى
أستخدام البوست للتعارف من جديد ويابخت من جمع راسين بالنت
هههههههه

وأحسن أن نسولف أهنى من نروح نسولف فى مدونة صادة محد يدلها تجيب لنا القيل والقال لان الشفافية مطلوبة فى زمن الحجاب بوتفخة (علشان لا نخرج عن النص)و

بعدين

Anonymous

نشكركم على حسن الظن