Sunday, February 01, 2009

جمال وثراء اللاعبين و الدوري الاوروبي


يوم الأحد تطلع كرة القدم من خشمي
ومجبر أخاك لا بطل لازم أجابلهااااااا
فحولتها إلى متعه أستانس منها هم يشتطون فى
اللعب وأنا أدور على أحلى لاعب فى المباراة
تصدقون لقيتهم وايد, حتى الحكاااام هالايام متسنعين
أحلى واحد كاكا الفتى المدلل ما رضوا يبيعونه بمية
مليون اكيد ما يبيعونه .... وأااااي أكو ناس حلوين
جذى تهقون هذول ينقونهم...؟؟؟؟؟
شفتوه بدعاية الملابس اللى مسويها.
ما عندى أي تعليق
والإ شين الحلايا ديفيد بيهكام يااااانى ما أواطنه
أصلا ما أقدر أقول نص الواحد جم

ياكلونى ما يقشروني
وتوه الايطاليين مستعيرينه شهرين ماااا أدري شعليه
الزين الثانى مايكل إوين أحب لعبه صج قصير
طبعا بالنسبة لهم ...بس سريع و خوش هجوم
بس فريقه تعبان ويواجه مشاكل كثيره
و بعد أتابع رونالدو وااااي ياحلو لعبه
يكفى إنه من أحسن لاعبين الدوري الانجليزي
وفاز بجائزة أفضل لاعب بالعالم والله يستاهلون البرتغالين

وبعدين غصب طيب لازم أشجع مان يونايتد
ماااااا عندنا حريم تختار فريقها الرياضي....ههههههه
وتحجى عن الدنيا كلها الا هالفريق بيهكام
والإ يطلعونى من الباب الشرجي
ومعلوماتى الكرويه ضئيلة جدا ما أعرف الإ
أوت...وضربة كورنر ... وضربة جزاء .. وفاول
أما التسلل هذا اللي عاد ما أدري شلون تعرفونه
لووووول
بس هذول اللى أعرفهم وأحبهم
و إنتوا منو أحسن لاعب و أحسن نادي عندكم
تشجعونه بس والإااا متعصبين له""ء

معلووووووووومه
إرتفاع أسعار اللاعبين الجنوني وراه المافيا
الروسيه خصوصا بعد سقوط الإتحاد السوفيتى
طلع الربع عندهم فلوس وايد بس كلها تحت البلاطه
صج شيوووووعيين ..... ومساكين وفقاره.
يعيششششششششش حكم الشعب للشعب

53 comments:

nikon 8 said...

معلوماتي الرياضية ميح
بس أعرف أسماء الفرق لأني أشتري فنايلهم حق العيال في أعياد ميلادهم ... شسوي هذا اللي يفرحهم
:)

Fahad Al Askr said...

كلش ما هقيتها منج يا بنت الشامية، مان يونايتد عاد، الله يزيد النعمة، هقيتج بتوقفين مع الأزرق

تشيلسي

وأحلى لاعب المهاجم دروغبا طبعا، إذا تبين الجلاح الكويتي مالج إلا أنليكا، هم لنا بعد

مبيوق said...

أنا كويتي

وبما إني كويتي فمايهمني الرياضة كثر المسؤولين والإداريين لأن حنا بالكويت نهتم بالإدارين أكثر من الرياضة

عشان جذي عندي أحلى رئيس إتحاد أحمد الفهد وخصوصا بعد النيو لوك مال شعرة

وأحلى مدرب محمد ابراهيم

وأحلى رئيس نادي طلولي الفهد

أما اللاعبين فلا عزاء لهم

وأووه يا الأزرق خمبق بالساحة

ANGEL HEART said...

انا بعد معلوماتي قليله وكلها من باب مجبر اخاك لا بطل

بس الصج احلاهم كاكا جاذبيه مو طبيعيه
نايس بلوق

:)

BeeDoO said...

ما شقتي غالاس لو تشوقينه تشحعين ارسنال على طووول

qesat_5ayal said...

انا اقول زين تسوين تونسين عمرج


ولا اذا عالمتابعة
فانا ميح
:)

JuVeNTiNa said...

انا مولودة علشان اتابع كرة ..

طلعتي مثل ريلي يشجع مانشستر

الله يسلمج تبين الجمال حولي عالدوري الايطالي و تشوفين الجمال على اصوووله

اولا اليوفي اللي اهو فريقي و اسمي عليه
شوفي دل بيرو هذا يسموونه الملك و ماشاء الله جمييل طبعا الجمال الرجولي

و شوفي بوفون مو حلو بس له طله و اهو احسن حارس بالعالم

والله الدوري الايطالي كلهم حلوين و حتى الجيكر مزيون مادري شلوون !!!



احطلج بوست قريبا ان شاء الله :)

violinist_q8 said...

بالنسبة لاحسن اللاعبين ..رونالدو ( البرازيلي ) الاصلي .. مبوما لاعب الكميرون .. ريفالدو البرازيلي .. فييرا الفرنسي .. ديارا المالي

εκsha5™ said...

تشيلسي حبي الاول والاخير
ولاعبي المفضل هو القطار مايكل اسيان اللي صكوه عين و عطبوه والحين صارله من بداية الموسم اصابه

المجهوول ..! said...

هذا بوست طائفي ويحرض على تشجيع الفريق المانشيستراوي على الفرق الاخرى

لوووووول
بس زين تسوين والله

انصحك تتابعين أي دوري في القارة الافريقية
فيه لاعبين المستقبل للدوري الانجليزي وغيره من الدول

نصيحة ارجو من ورائها انك تكونين كشافة لمحترفين المستقبل

AK-47 said...

برشلونة العب واحنا لك سند
واللا عب اللي احبه هنري

Shurouq said...

الشامية محلوة.. هذي حديقتكم؟

فقدت اهتمامي بالطمباخية مؤخرا ولكن يبقى حبي القديم واللي لي الحين ينشرح صدري لما أشوفه هو بلاتيني

ورجاء ما نبي تعليقات على السن.. آنا مواليد أواخر الثمانيات وبلاتيني عرفته من سوالف الأولين

حبي قبل كم سنة فيغو

وحبي الحالي هو أونري

وليش ما تحبين بيكهام؟ حليو

Cat said...

Arsenal All the waaaaaaaaaaaaay !

ana amoooooot fe henry ! jameeeeeeeeeeeeeeeeeeeeeeeel !

esTeKaNa said...

ليش حسيت كل هاللاعبين زوارتهم عندكم الاحد؟
تطبخون لهم وتنجبون لهم وتاكلون وياهم
:P~
يمكن عشان تحليتي عليهم بعفويه تينن
loool
ياربي زوقه بنت الشامية
طبعا انا مادري وين الله قاطني بهالسوالف
بس استانست انتي تسولفين هن حلاتهم وانا اطلطل بويوهم
:))
صباح الورد

اجار الدين كشمش said...

ركزي على الدوري العالمي
صلاله ضد اليمن الشمالي
حصريا على قناة

m.h.r.ee مهري

انا خايف اقول لج اسم اللاعبين

اتسبب لج في جلطه مفاجأه

من جمالهم انتي ركزي بس على الركبه

ما تفرقينها بين عظام وجناتهم

من الحلات الكره تطوف من بين سيقانهم وهم صاكييينها
الجو غيييم والسسسسسوق اخضضضضر
والمووووود في السمااااا
فمالله

nanonano said...

أنا عيل سبت و أحد..مقرر

و اشجّع مان يونايتد

أمووووت على روني...أنجليزي اصلي

بس المشكله شنو؟

زوجي شنو فريقه

أفرتون

فريق دايخ..و صار 26 سنه يشجعه

و لازم كل مره أنتبه شنو أقول..لأن حساس من هالموضوع

هاهاهاهاها

يومـيـ/ـات مهايـطي(ماعليّ زود) said...

كاكا على الأقل لاعب ياخذ الفلوس يصرفها ..يتونس فيها

مو عندنا .. ناقه بـ 15 مليون

وثوبه يابس راعيه وعلى موتر آخر موديل

هههههههههه

الله يعين...

كاكا كان بحارتنا بس ابوه راح يدرس بالبرازيل وقعد هناك وولده سجل بنادي وصار لاعب

......>يموت بالإشاعات

ثانكس بوست حلوووووو
تشااو

يومـيـ/ـات مهايـطي(ماعليّ زود) said...

نسيت أقول ترى سرقت منك حقت الظيوف والزوار..> حرامي محترم

lawyer said...

اهمااااااااااا ما ينقووووووهم اهما نااااااااااااااس خلقه زوااااااايق يالله من فظظظظظظظظظلك


زييييييييين و قبله

حتى اذا عرقوا تتحلييييييين عليهم


ششششششششششي

كل واحد فيهم مال يسوي دعايه فوووووط او وزار يا زينهم بسسسسسسسسس







اي هذي البوستات الى تررررررررد الروح



يصير ايي زوارتكم؟؟

Eng_Q8 said...

وين توتي @@

اي اتشجعين المان ما الومج


لو ملحقه على لاعب اسمه كاريمبو جان رزيتي صورته بدال هذيل

كويــتي لايــعه كبــده said...

اثني على كلام الزميل الشقيق الرفيق المناضل حسافتج سابقا مبيوق حاليا لاجئ مستقبلا

charisma said...

هههههه والله عرفتينى علييهم
ما اعرفهم اسمع فيهم اناا لوووووول

موتنى ضحك مبيووق
حساافتج بدعت
لوووووووووووووووول


والله زين اتسوين يا بنت الشاميه وسعتى صدرج
;p

aShley said...

Lo0oL
Nice subject
ma3any mally belkoora bs lzoom ntabi3ha shway 3lashan la y8olon elbNat ma 3eNdohom ‘3aiR
el make-up o0 El-6aL3at 3aDiL :P

o0 2Na a8o0oL 5leeNa 3ala
laa3beeNaH abrak men hal aganib LOL ؛)

o0 ya36eech el3aafya 5ayto0 :)

العزوبي الضعيف said...

Fahad Al Askr : تشيلسي????

أقول خل مدربكم إفكك اب قيدكوم + لما تشيلسي اسون ربع مانشستر تعال تكلم الدوري ٥٠ سنه موشامينه

دروغبا ما ألعبا حتي ابراحه

kandroz said...

لووووووول بس تحلطم :/
انا بعد ميح بالرياضه :/
بس كنادي ريال مدريد :P
وكلاعب ادريانوو :>

تقبلي مروري,,

جاسم يعقوب said...

اكو فلم مصري مديحه يسري تخمط ريل بنتها لانه حلو وعووود شويه

عاد احنا طوفنا لك اللاعبين ,,,,,لكن حتى الحكام ما اسلموا

لأ لا لا بنت الشاميه انتي مش كده

اوعي تبأي زي مديحه

ويعديييك العيب
هههههههههه

بنت الشامية said...

nikon 8 :

عسى الله يخليهم لج
و الله لو ما هم جاااان حتى المباراة ما اشوفها....ولا ادري عن هوى الكره
الله يحفظهم عيالنا وعيال المسلمين كلهم

بنت الشامية said...

Fahad Al Askr :

اليوم ثورة حتى النصر وعصيان مندني

لا لمان ينايتد
نعم لتشليسي
بس اى اضرار ماديه او معنويه راح تتحملها انت
لووووول
اقول بس هذا انليكا شيسصير له
محمود بلاليكااللى فى فيلم
نجيب الريحاني اللى جوزوه احلى يمامه
كل شيئ الا انت

بنت الشامية said...

مبيوق :

لازم توخر عن السياسه وخصوصا انت

بس عاد غشيت من الضحك
وأووه يا الأزرق خمبق بالساحة
بس ما قلت شرايك بكاكا و اوين...!!!ء

وين جائزتي...؟؟؟؟؟؟

بنت الشامية said...

ANGEL HEART :

هذا الكلام العدل...كاكا واوين وبس

حياج الله

بنت الشامية said...

BeeDoO :

وشعليه نشجع ارسنال

بس جنه يقولون خسر بمباراته الاخيره

بنت الشامية said...

qesat_5ayal :

ماكو حل ثانى الا ان احول ضيقة الخلق الى شيئ ممتع...ومن بديت اشبص قيهم وانا مستانسه من المبارياااات

بنت الشامية said...

JuVeNTiNa :

هههه لا انا ما طلعت هم اللى طلعونى غصب طيب اشجعه

عاد من يقدر على الطاليان...وبعدين عندنا اوامر عسكريه ما يصير نطلع عن الجزيرة البريطانيه
كرة القدم بدات انجليزيه وبتنتهى انجليزيه
والشور شوووورهم....لووووول
يالله نطر بوستج

بنت الشامية said...

violinist_q8 :

خوووووش خلطه
اكو ناس اعرفهم واكو ما قط سمعت فيهم
بس مدامهم يلعبون حلو
و هو المطلوب
شكرا للمشاركه

بنت الشامية said...

εκsha5™ :

عسى الله يشفى القطار ويرده الملاعب مره ثانيه...وتشيلسي يستاهل

بنت الشامية said...

المجهوول ..! :

السمااااح ياهل السماح
من اول البوست قلت
مجبر اخاك لابطل
لووووول
هناك فريق ساحل العاج والكيمرون
صج يلعبون.....هذى القارة السمره
فيها ابطال...وعينى عليهم لا تحاتي
لوووول

بنت الشامية said...

AK-47 :

برشلونه صج كلنا سند
صج انكم جمهور وفي لناديه

حساااافه على نوادينا
الله كريم

بنت الشامية said...

Shurouq :

هذى تباشير الربيع ان شاء الله
مشكوره الحلوه عيونج

عيل لا اقول لج اني اعرف بكنباور
وبعد شاااايفته صج
بس بالطياره مو بالملعب
لووووووول
اونري بلاتيني فيغو
وعليه هذيل كلهم صغار
بس صكى على الببووور
ماااانى مكمله
يالشيخه لا تقاطعينا

بنت الشامية said...

Cat :

ما راح ارد احد
هياااا ارسنال
عاد هنري ما اقدر اقول شيئ عنه..!!!ء

بنت الشامية said...

esTeKaNa :

ترا الضيوف بدوا يهلون علينا من الحين الى نص الليل....لازم اقوم اسوى الواجب لهم...ههههههههه
شسوى لازم اونس نفسى اجابل شيئ ما احبه....حولته الى شيئ احبه
وزادت لمتنا على المباريات بالبيت
اذا ما طاعك الزمن انت طيعه
بس استكانه قولى الصج شاريج فيهم
هههههههههههههههههه
اسعدنى تعليقج

بنت الشامية said...

اجار الدين كشمش :

من الصبح وانا عندى الفنى يدور لى على هالمحطه....يقول ماااا سمع عنها
لو سمحت ابى الفري كونسي

حرااااام عليك تطوف الكره من بين سيقانه وهو صاكهم...لوووووووول
شنهى هالكره ...كره تنس
قويه ...قويه
اجااااااار يووووووز

بنت الشامية said...

nanonano :


الله يعافى السبت صار اجازة
فطاح السبت عنى
والاحد يوم واحد مقدور عليه
والا عاد اللى عندي لا تحجون عن الاصل
افرتون هو الاصل
هو الفريق القديم المعتق الاصلي
كله يقول شعرفكم باللعب
ههههه
اكيد .... شعرفنى باللعب

بنت الشامية said...

يومـيـ/ـات مهايـطي(ماعليّ زود :

ياااااحبكم للاشاااااعات
كاكا ابوه بحار..؟؟؟؟.
لوووول

حياك الله ...والمدونه تحت امرك
يا حلو اللى يستاذن

بنت الشامية said...

lawyer :

والله وانت صاجه خلقت ربهم
جمال ربانى .....اصلا الدعايه ما تزين الا فيهم...يشرحون الصدر
واذا ما شالتج القاع تشيلج عيونا
حياااااااااج الله

بنت الشامية said...

Eng_Q8 :

احط صورته ميخالف
بس مو بدل هذيل
كلش ماااا ارضي
والله بس شوف ويه كاكا يشرح الصدر

بنت الشامية said...

كويــتي لايــعه كبــده :

حرااااام عليك
لا تشجعه تراه مو ناقص
عنده بنوته تهبل عسى الله يخليها حقه

بنت الشامية said...

charisma :

قولى الصج كاريزما مو يشرحون الصدر
ويردون الروح
هههههههه
مبدع حسافتج بالتعليق
الله يحفظه

بنت الشامية said...

aShley :

كل شيئ بندخل فيه وبتلمه حتى كره القدم....لووول
بس وعليه على لاعبينا مخلينهم يلعبون
كله ضغاط عليهم ومتولينهم تولي
الله يكون بعونهم
مشكووووره

بنت الشامية said...

العزوبي الضعيف :

علشان فهد ان شاء الله ياخذ الدوري هالسنه
بس علشان بو عسكر

بنت الشامية said...

kandroz :

ما نقدر نقول شيئ على ريال مدريد
حياك الله

بنت الشامية said...

جاسم يعقوب :

متاكد انها مديحه يسري مو ماجده
اكيد فيلم ملون مو ابيض واسووووود
ههههههههههه
الحين خليت البوست كله وركزت على الحكاااام ....!!!!!!ء
ترا الحكام هالايام اصغر من الاعبيين
والمزيون ينشاف بكل مكان ما ينخش
ترا بس تطمش من بعيد لبعيد
هاااااا عسى عدانى العيب
حراااااام عليك
والله انك واحد... منت سهل

ZwaiZ said...

kafo wallah 6ala3tay Manchesteriya well "One Love One United" o ajmal la3eb 3endi bain George Best o Eric Cantona ;)

Anonymous said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人