Sunday, January 11, 2009

فضفضة ....فضااااافيض


من مده وأنا منقمته وفينى ضيقة خلق
وفوق كل هذا بس أتحلطم وأتحلطم مع نفسى
بنفسى محد يسمع تحلطمي.......بس صج تعبت
لأن تحلطمي محد راح يفهمه

معقوله الوحده ما تقدر تقول اللى في قلبها
بصوت مسموع
صج طقت جبدي....إلى متى وأنا بس أتحلطم
ولإن ما كوووووووو نتيجه و لا شيئ راح يتغير
هل التحلطم يخفف الضغوط اللى فينا...؟؟؟؟
والا التحلطم يزيدهاااااااااااااا...؟؟؟؟؟؟
هل تحوشكم حاله مثل حالتى....؟؟؟؟؟؟
ما أعتقد إنها حالة فريده
أغلبكم تحوشه.هالحاله
اكيد تحوشه فى وقت من الاوقات

41 comments:

عاجــل said...

اولا القمته هذي مالتي وتخصصي

ثانيا التحلطم خبري فيه اشار كويتي بارد على الكبد
ما ادري ليش مو عاجبك

بعدين شلون ساكنه بالشامية ويضيق خلقك

اقول عن البطر الزايد

nanonano said...

تحلطمي على كيف كيفج

طلعي اللي عندج كله

مو مشكله أذا أحد سمع أو تفاعل المهم

أن ما تخلين شي بقلبج

لأن أذا قمتي

راح يرجع الموضوع عليج و على صحّتج

و أحنا هني موجودين

تحلطمي على روسنا

ما عندنا مانع

و نسوي حفلة تحلطم بنت الشاميه

لما أتطخين

مبيوق said...

وشحقة تنقمتين

وشحقة تكبتين

وشحقة اتحلطمين

ولد أخوج وين راح

KQ8 said...

عاديه سالفة التحلطم صار التحلطم بجيناتنا

مو اذا ماتحجيتي بتنبطين غير الامراض الله اييرج من الشر فا طلعي اللي بقلبج سمعوا ولا ما اسمعوا مو لازم

Enter-Q8 said...

اجل ليش فاتحة مدونة

أديها تحلطم تديكي طراوه

chandal/danchal!! said...

شحيث ان عندج مدونة و بالشامية ولا عنها!

يعني اي "بلانيوزة" تخطر على بالج... ما يردج الا لاب توبج.. قولي اللي فقلبج كله ... و ما ياج بويهي!

bo bader said...

والله توني ياي من الطبيب وعطاني مؤونة شهرين من أدوية الضغط .

احنا نحتر ونتحلطم على حال هالديرة المايل ويحوشنا ضغط وهم ولا حولنا ولا هامهم شي !!

الله يعينا على أمره وقضاه .

bof-10 said...

اكيييد الكل اتحوشه هالحاله

وانتي يابختج تقدرين اتفضفضين واتقولين وتتحلطمين ....
غيرج ماهو قادر !!!

Purplecious said...

و اتحلطمي يا حلوة يا زيــــــــــــــنة

يا وردة من جوه جنيــــــــــــنه
:**

التحلطم تريد مارك للكويتيين

ما نصير كوييتين اذا ما تحلطمنا

@@

عاجل

لووووووووووووووول

ضحكني تعليقك

اي والله شلون ساكنه بالشامية و يضيق خلقج

هههههههههههههههههههههه

اجار الدين كشمش said...

الظاااهر طبقتي اللي قلتيه في بوستك في
16\12\2008
الجراحات التجمييليه تهقون انسويها

"""""""""""""""""""""""""""
حسبي يالله ع البورصه خلتكم اسونها في الكويت يا عند لاري.... او تحزيم عند امان اوالجارالله

ههههههههههههههههه

اتتتتغغغغششششمر

اتتتغغغشششمر

فمالله

مطعم باكه said...

اعتقد ان التحلطم كان دواءا في السابق , لكن الشخصية الكويتية صارت عندها مناعة تجاه هذا الدواء .. !

عن نفسي , سابقا لما كنت افضفض لواحد من الربع ارجع للبيت مرتاح ..

الحين صار حتى الحجي ثقيل وماله اي اثر علاجي ..

قبل يومين كنت قاعد مع الشباب بالشيشه , المتنفس الوحيد , واشتغلوا تحلطم , قعدت نص ساعه ساكت بعدين مشيت , حسيت اني ابي اكفخهم , لأن صار التكرار لنفس التحلطم يوميا ممل ومتعب وقاتل ..

اظن ان هذي الحالة الي تمرين فيها ..

اذا هذي هي فمالها علاج , تعلمي تكونين لا مبالية , والا ستصبحين مثل ربعي , واحد منهم يدخن خمس روس شيشه باليوم , ويقال ان الراس = 20 زقاره !!

السيد حاظر said...

القمته ثقل على القلب لا يزاح
لان كلما حاول وحاول وحاول المرء فشل في الافصاح
ولان المرء يعلم تماما ان هذا الكلام يحتاج همسا وممنوع عليه ان يباح و يباح و يباح
يتجمع الثقل ويصبح هما لا يزاح ولا يزاح ولايزاح

وتستمر شهرزاد سهرانه سهرانه تنتظر الدوام في الصباح

ولاهي من دوامها ولا هي همها
؟؟؟؟؟؟؟؟؟؟؟؟؟؟؟؟؟؟؟؟؟؟؟
وصورة البوصت اكثر تعبيرا

يالله العافيه

ReLaaaX said...

فضفضي يمه من ماسكج !

متى اتعب من التحلطم ؟

لما يكون الموضوع اللي اتحلطمن عليه مامنه فايده :/
وكل ماتحلطمت كل ماانغيث


بس مردي بتحلطم ادري :/

lawyer said...

وااااااااااااااااااااايد وايد تحووووووووووووووووووووووووووشني


طلعي الي في قلبج كله و تحلطماااااااااااااااااااي









بنت الشاميه
تحلطاااااااااااااااااااي من الكويت لي نيويوووووووورك على كيفج


بس لا اتحلطمين لابعد من ذلك
لان ما ارضى على ريلي الجعده


;)

lawyer said...

اجاااااااااااار الدين



اشووووووووووووووووة ميشووووو موجود بالكويت


الله لا يحدنا حق لاري

ولا بومصااااااارين مقطعه امااااااااااان


ذبح نص الكويت

بنت الشامية said...

عاجــل :

انت موجووووود.....اشوووووه
ادرى القمته اكتشافك بس ضيعتها انت من زمان
خليتها تتمشى بينا ...لووووول
وبعدين الاجار يسبب الحارج وما يبرد الا الجبد الا الحليب البارد
وبعدين يوووووز لا اعلم عليك اجار الدين
ومااااا عليك من الشاميه
لايكون الشاميه بفرلي هليز وانا ما ادري
لاطول الغيبه لو سمحت

بنت الشامية said...

nanonano :

مشكووووره على الدعم المعنوي
الدقه ان مو كل شيئ تقدرين تقولينه او تسوينه
بس وايد عجبتنى فكره حفلة تحلطم
واااااايد اعجبتنى....ههههه

بنت الشامية said...

مبيوق :

ادري والله العظيم ادري
انك ماااااا تقصر
ياااااولد اخوي
شايلتك للعوزه
لا خلا ولا عدم

بنت الشامية said...

KQ8 :

لقيت ان كتابت اللى فينى تساعد وايد ان اتخطى هالمرحله من التحلطم
لانى اكتبها واقراها بروحى يعنى حق نفسي
والمتعه لما اشقق الاورااااق اللى كتبتها لوول
الله يكافينا شر الامراض

بنت الشامية said...

Enter-Q8 :

شكرا رسمت ابتسامه على وجيهي
حلوه الطراوه

بنت الشامية said...

chandal/danchal!! :

خبرج عتيج اول كانت الشاميه شاميه
الحين يسمونها ام المطاعم
صارت جنها سوق مو منطقه سكنيه

مو المشكله انج ما تقدرين تقولينه
شكراللمساعده

بنت الشامية said...

bo bader :

جيتك ياعبد المعين تعينى لقيتك ياعبد المعين تنعان

ماااا تشوف شر

والله يعينا على أمره وقضاه
شكرا على الزياره

Mamloo7a Q8ia said...

اسم الله عليج من القمته

طلعي اللي بقلبج
ولا تتحلطمين
سكيييتي

واذا التحلطم يريحج تحلطمي
وتحلطمي وتحلطمي بعد

خففي الضغط حبيبتي عن نفسج


وبعدين هالتختوخه من رابطه
عور قلبي
:P

بنت الشامية said...

bof-10 :

كلنا بالهوى سوى
والحال من بعضه
شكرا على الزياره

بنت الشامية said...

Purplecious :

اتحلطمي يا حلوة يا زيــــــنة

يا وردة من جوه جنيــــــنه

الله يجبر بخاطرج تصدقينى ضحكت
انا حلوه وورده وبجنينه
صج الله يجبر بخاطرج
مشكووووووووووووره
وعاجل مااااا يووووز من الدحره
حسباله الشاميه بفيرلي هليز
لوووول

بنت الشامية said...

اجار الدين كشمش :

لاري وتحزيم.... ياويلك من ربك
شقايلين لك بنت الشاميه
شووووووف كتبت لك رد شطوله
بس لما شفت رد لوير عليك
اكتفيت بردهااااا
عاد الحين انت تفجج منها
حياك الله

بنت الشامية said...

مطعم باكه :

احاول دائما ان اكون غير مباليه
بس يظل الاحساس موجود وشيئ يحوس بالراس
يا هزمك يا انت تهزمه
معركه لابد من خوضها
واعتقد تحلطمى يبله بس وقت
وان شاء الله يخلص
شكرا على الزياره

بنت الشامية said...

السيد حاظر :

كلام فلسفى من الدرجه الاولى
وصف دقيق لمشاعر التحلطم
و عدم اليوح حتى بالهمس
هذا اصعب مراحل القمته
ومربط الفرس

حياك الله بمشاركة دائمه
وباسم دائم ان شاء لله

بنت الشامية said...

ReLaaaX :

حتى لو افضفض تهقين ارتاح
الفضفضه يبيلها وووووقت الى ان تطخين
والله كريم
واسم الله عليج من الغثا
حياج الله

بنت الشامية said...

lawyer :

لوير لو تشوفين كشرتى وصلت اذاني
ونسيت القمته
ياااااااحلو الجعده وهو معرس
واااااي يلسم قلبه شرحتى قلبي
عاد حطى بالج عليه تراى ما يقدر عليج
سمعتى ترا مااا يقدر عليج
لوووووول

واهم شيئ مشكوووووره على ردج لاجار الدين بردتى جبدى فيه
ماااا إيوووووز
حياج الله

بنت الشامية said...

Mamloo7a Q8ia :

تهقين
التحلطم يطلع القمته اللي بالقلب
تراوالى ما يزيد تعب القلب الا التحلطم....لازم القمته تاخذ وقتها وتروح بروحها مع شويه تحلطم
وتترسين دفاتر وانت تكتبينها
الكتابه خوووش طريقه للقضاء على القمته......هين ...هين
لووووول
مشكووووووره

Fahad Al Askr said...

أنا من كثر ماني مقموت مالي خلق حتى أتحلطم

دروازة said...

أختي العزيزة

بنت الشامية

أنصحك وأنصح كل من يشاركك هذه الحالة بقراءة كتاب السر

لن أتكلم عنه كثيرا

فقط أقرأيه وستعرفين لماذا نصحتك فيه :)

الله يبعد عنكم الهم يا هل الديرة :")

الخيلاء said...

مانصير كويتين اذا ما تحلطمنا
:)

الي فيج شي طبيعي و جينات كويتيه 100 بال 100

بنت الشامية said...

Fahad Al Askr:

انت اصلا وينك..؟؟؟؟
هالايام عندك حركاااات وايد
اذا بس من القمته فمعذووووور
نبى فهد الاصلي
ما تشوف شر

بنت الشامية said...

دروازة :

شكرا للنصيحه
مع انى سمعت عنه هالكتاب وايد

وباحااااول ان طبق اللى فيه
اذاااااا قدرت على نفسي
شكراااا

بنت الشامية said...

الخيلاء :

التحلطم مقدور عليه
بس القمته شنو دواها
خليها على الله
مشكوره على مرورج

بوتشخيص said...

سوي نفسي
تركي التدوين والجرايد فترة


و صدقيني راح تشوفين ان الديرة فيها شوية خير ..بس المشكلة ان كل نشوف السلبيات و ما تعودنا نشوف ايجابيات

بيني وبينج الإيجابيات نشوفها بالتفق :)

بنت الشامية said...

بوتشخيص :

مشكور على النصيحه
بس تحلطمى مو على الديره
تحلطمى فيه جانب اجتماعي وشخصي بحت
والديره اكيد فيها وايد جوانب فيها الخير والبركه باهلها الطيبين
مثلك وشرواك
حياااااك الله

ZooZ "3grbgr" said...

اليوم بوستج هذا يعبر عني :/

إمـرأة لا تُنسـى said...

نحن شعب التحلطم :)