Wednesday, January 28, 2009

هل زواج الكويتيه من الأجنبي ناجح..؟؟؟


هل من الممكن أن تتزوجين من غير كويتى..؟؟؟
هل مرت هذه الفكره على بالج وأخذت مساحه
كبيره من تفكيرج ...؟؟؟؟؟
ماهى ردت فعلج السريعه إذا همست صديقتج
المقربة لك بهذه الفكره ....؟؟؟؟
هل تؤيدينها....؟؟؟ هل تنصحينها..؟؟؟
هل ترفضين الفكره بحزم وتحاولين ثنيها...؟؟؟؟
إذا كنت أب أو أخ وطرح هذا الموضوع بالبيت
ماهى ردت فعلك....خصوصا إذا قالت
أنااااا أبيه..؟؟؟؟؟
هل تحترم رأيها وتوافقها و وتحتظنها و تساعدها
وتدعمها معنويا وماديا..؟؟؟؟
هل تكتفى بالنصح والإرشاد وهى حره
أى إنك تشيل إيدك عنها نهائيا..؟؟؟
هل ترفض الموضوع من الإساس وتقفل باب
النقاش فيه نهائيا...؟؟؟؟

هل خضتى هالتجربه أو "صديقة مقربه لج"ء
وواجهتى رفض صارم.... ورضختى للواقع
وأنهيتى الموضوع غصبن عليج..؟؟؟؟؟
والإااااااا
كملتى المشوار إلى النهاية وتم الزواج
هل واجهتى مشاكل كبيره ببداية الحياة..؟؟؟؟
والإاااااااا
إيجابيات هالزواج تستاهل أن تتحمل الوحده سلبياته
هناك أسئله كثيره وكبيره ومتشعبه لهذا الموضوع
ياريت إن نناقشها بكل أمانة وصدق لكى نصل
إلى نتائج نستفيد منها كلنااااااا

والأهم ...أن الزوج مستوفي كل الشروط الازمه
للزواج....ذو دين وأخلاق ومستور الحال
ومن عايله محترمه وعنده شهاده وناجح بعمله

الموضوع بس عن زواج الكويتيه من غير كويتي
خليجى ,عربى, اجنبي

51 comments:

Mok said...

ارفضه قطعا

ليش انا حر

enter-q8 said...

اول شي بقولها انسي النمط اللي انتي عايشه فيه
من ناحية المجتمع العادات التقاليد السلوكيات
و ايضا المادة و هذا كله انه لابد في يوم انك ستبتعدين عن بلدك و تذهبين معاه ايضا ابنائك هذا و انا كله اتكلم عن الخليجي حتى الان
اما الزواج من عربي من بلد اخر فلن ارمي اختي ببلاد بعيده و لا اظنها تقبل ان تكون بعيده عن عزوتها بمشاكل الحياة التي كلنا يعلم انها موجودة
اكرر موافقتي الاولية فقط للخليجي مع ما ذكر اعلاه

فريج سعود said...

في ظروف ومواصفات واسباب تخلي هذا الزواج ناجح من عدمه

Anonymous said...

أنا إيجابيات الزواج من الغربى الاجنبى أكثر من الخليجى والعربى

من الناحية المعنوية والعاطفية والنفسية

ولكن للباحثة عن المادة والراحة طبعاً الخليجى وشخصيا لا أحبذة أما العربى فالخسرانة بكل الحالتين

وبالنهاية الزواج نصيب

المقوع الشرقي said...

زميله دراسه بالجامعه خذت معيد من جنسيه عربيه وعينج ما تشوف الاالنور سهود ومهود يا أطه يا بطه ما يناديها الا يا أمر يا عسل مايشت الا ريله على ريلها00لا دوانيه ولا مخيم ولا شاليه
ولا نوفيسه لووول لووول وهم لووول
تصدقين ينطق يتحجى يسولف
وهاندسم وكلين كت والشعر يكتكت
وكرت معاشه عندها اتعرف كل اصغيره وجبيره
زواج ناجح بس دايما قلقه من المستقبل في اي وقت يستغنون عن زوجها بتطلع من الديره زائد بنتها مو كويتيه
والله تعور قلبنا صج ماكو شى كامل

Anonymous said...

مسكينه الي تفكر جذيه اكيد عانس مولاقيه ريل كويتي


وياكثرهم


المهم اللهم لا شماته

:>

bent el deera said...

مممم الله يعينج على قرقتي
بقتبس البوست وبجاوب


هل من الممكن أن تتزوجين من غير كويتى..؟؟؟
احسه بالنسبه لي وايد صعب لاني ما اتخيل نفسي اعيش بعيد عن اهلي والكويت

هل مرت هذه الفكره على بالج وأخذت مساحه
كبيره من تفكيرج ...؟؟؟؟؟
ايي لان كان في مشروع من هالنوع بس الله ما كتب له النجاح لاني ما كنت متخيله نفسي اتغرب

ماهى ردت فعلج السريعه إذا همست صديقتج
المقربة لك بهذه الفكره ....؟؟؟؟
وحده من صديقاتي اوريدي متزوجه من غير كويتي وعشت معاها فتره ( حب - معارضه - عصيان- زواج ) لووول

هل تؤيدينها....؟؟؟ هل تنصحينها..؟؟؟
هل ترفضين الفكره بحزم وتحاولين ثنيها...؟؟؟؟
حزتها قلت لها جمله وحده ( تخيلي باجر عيالج مرح يربون بالكويت وامج بديره وانتي بديره)
وبالصراحه ما حاولت اثنيها ولا حاولت اشجعها بس كنت ابي اكون معاها واضحه اذا كانت مستعده تتخلى عن اشياء غاليه في سبيل انسان تحبه ... خاصه ان المشاعر ساعات تخوّن في الظروف الصعبه
إذا كنت أب أو أخ وطرح هذا الموضوع بالبيت

ماهى ردت فعلك....خصوصا إذا قالت
أنااااا أبيه..؟؟؟؟؟
قلت لها قارني ديرتج وحياتج بكفه من غيره
او تنازلي عن كل هذا في سبيل تكونين معاه

هل تحترم رأيها وتوافقها و وتحتظنها و تساعدها
وتدعمها معنويا وماديا..؟؟؟؟
ممم ايي لاني مثل ما قلت هذا قرارها وانا ما اجبرها تعيش على قناعاتي... كل اللي اقدر عليه اني اكون يمها

هل تكتفى بالنصح والإرشاد وهى حره
أى إنك تشيل إيدك عنها نهائيا..؟؟؟
تقريبا هذا اللي صار

هل ترفض الموضوع من الإساس وتقفل باب
النقاش فيه نهائيا...؟؟؟؟
لا طبعا لا هالموضوع ولا اي موضوع غيره ..كل موضوع مرحب عندي للمناقشه..
هل خضتى هالتجربه أو "صديقة مقربه لج"ء
وواجهتى رفض صارم.... ورضختى للواقع
وأنهيتى الموضوع غصبن عليج..؟؟؟؟؟
والإااااااا
كملتى المشوار إلى النهاية وتم
الزواج
جاوبته :>

هل واجهتى مشاكل كبيره ببداية الحياة..؟؟؟؟
اي مسكينه وايد تلعوزت في البدايه.. بس قدرت تتاقلم مع الموضوع

والإاااااااا
إيجابيات هالزواج تستاهل أن تتحمل الوحده سلبياته

اهي مو ندمانه على هالشي.. بس ساعات بينها وبيني تقول انها تسرعت بهالشي خاصه مع ضغط المسئوليات اليديده اللي عندها
اكثر شي تعبت منه يوم ولدت
ويت تتنفس هني عند امها
حست بفرق بين لما تكون مدلله بين اهلها وبعدين لما تكون بروحها هناك
لما تزوجت قالو زوجها يقص عليها وهناك يقولون انها طمعانه بفلوسه
وعمليه سوء الظن شغاله من الجهتين

--------

بالنسبه لي لاني عايشت هالشي من خلال هالصديقه خلاني اوعى وافكر عدل بحجم المسئوليه اللي ممكن تصير بهالخصوص اهي تحملت وايد عشان تحبه ولانه زين معاها
بس مو الكل بيتحمل هالشي

kuwaiti_cool said...

زواج الكويتيه من خليجي ممكن بسبب التقارب الفكري والمعيشي والعادات والتقاليد

اما عربي مثل الجنسيه المصريه او المغربيه او الأجنبي مع احترامي لهم
الا اني اشوفه زواج فاشل

موضوعج حلو ومر بنفس الوقت :)

ولد الديرة said...

بصراحة

ما ادري ليش بالضبط انا ما ارتاح من زواج الكويتية بالأجنبي ولا زواج الكويتي بالأجنبية

فعلا حلاة الثوب رقعته منه وفيه

يا زين العيال لما يصير عندهم عمام وخوال

ميرامار said...

ممكن.. ازا كان حاجة كبيرة أوي، تاجر أسلحة، والا مالك مجوهرات جراف والا شركة مثل اعمار

غير جذي ما عندها سالفة بتدفع حق عياله دينار في مستوصف السالمية وبعدين بتحس انها احسن منه وبالتالي بينعكس على حياتهم

يمكن في بعض الحالات البنت تضطر لهالنوع من الزواج لأسباب وجيهة، وهني يكون لها عذرها


وسوري طولت، شكرا على مساحة التعبير في مدونتكم العامرة

ولاّدة سابقاً ... رانيا السعد ...رانية المنيفي حسب الأوراق الرسمية said...

آآآه يا بنت الشامية موضوع شائك

الزواج لا يخضع من وجهة نظري لمقاييس العمر ..العرق أو الجنسية

قرار الزواج هو قرار لاعقلاني وإن حاولنا أن نعقلنه...إن الزواج هو قرار اختيار شخص اليوم بمقاييسي اليوم لأقضي معه العمر باكمله...مع اننا خلال سنوات عمرنا ننضج وتتغير أفكارنا واذواقنا
وحين نفكر بالتغيير يتم اتهامنا إما بالفشل أو بالغدر

أؤيد زواج الكويتية من أي جنسية تريد
في الفترة الأخيرة بدانا نسمع عن فتيات تقدميات يتزوجن من أميركان...وأنا أبارك خطواتهن ..بل حين يصدف أن ألتقي بإحداهن أجدني أرغب في أن أهمس في أذنها: برااااافو
في النهاية على الإنسان أن يتبع قلبه وشغفه لأن العمر قصير

يقول إبراهيم الخالدي
قل بأن الدرب لا يفضي
إلى باب سوى التابوت ..وأتبعني
ستعرف أن من راحوا
قد أكتشفوا الحقيقة وأستراحوا
أنهم يتهامسون ويهزأون بنا

esTeKaNa said...

صباح الخير
:)
من أسس إنجاح اي زواج هو توافر شرط الكفاءة
واعتقد من مقتضيات شرط الكفاءة ان يكون هناك تناسب بين الشخصين ولو نسبي في العلم الاخلاق الدين العادات والتقاليد

هذا الشرط قد يمنع زواج كويتين اثنين لمجرد اختلاف بين عوائلهما
فما بالك لو كان الزواج بين شخصين من جنسيات وعوالم مختلفه؟

القاعده:
انه زواج سيعاني فيه الطرفين قدر كبير من الصعوبه
الإستثناء:
ممكن يكون ناجح بتوافر عده عوامل واهمها رغبه الطرفين بانجاح هذا الزواج

لذا فمن الصعب الاجابه بجواب معمم على جميع الحالات
:)

هل ممكن تتزوجين غير كويتي؟
صعب
ولكن ممكن يكون خليحي
هل مرت الفكرة؟
مرت في زمن ولم تاخذ مساحة
ردة فعلي لو همست لي صديقتي؟
النظر لكل موضوع على حدة قد تكون بالنسبه لها سعاده والظروف تساعدها
واذا قالت انا ابيه انا اعتقد يكون الزواج بالحلال جدام عيونا ولا بشي حرام ورا ظهورنا



شخصيا حدثت لي هالحالة
والوالد كان رده:
انا اصلا ما افكر ازوجها
يبيني وقف يا بنت الشامية
hahahahah
:)))
صباااحج عسل خوووش بوست

lawyer said...

لا والله يابنت الشاميه ارررررررفضه و بشده


يعني صصصصج انا عنسسسسسست

واخاف يحدني الزمن
بسسسسسسس ابدااااا

مو كبر او تعالي
لألأ

خلينااا نكون منطقيين و نقسم الموضوع

هناك زواج كويتيه من اجنبي
مثل مصري لبناني
امريكي
سوري

و هناك زواج كويتيه من سعودي و بحريني
و اماراتي



الخليجيين غير شوي اذا تحبه رااح تتاقلم وياااااه و اكيد اهي خذته عن حب سوووووو حطوا العواائق في بالهم و اتفقوا عليها


لكن انيي حق زواج الكويتيه من اشفر او زواجها من عربي

وهني رااح نفرق بين شييين ثانيين
زواج الكويتيه من اجنبي ثري و زواج الكويتيه من اجنبي عادي او فقير


خليناااا من سالفه العيال و الانقسام الاجتماعي و الانتمااء

ونركز في موضوع التكييييف

راح تعيش في الكويت ؟ او برا و تتغرب؟؟

راااح يوفر لهااا الي تبيه او لألأ

انا اعرف كويتيه من رفيجاتي تزوجت مصري فاااااحش الثراااااء

ماصار عندها مشكله ابدا ولكن البنت تعاني من هوم سيك

يوم عايشه في لندن و يوم باريس
و يووووووم امريكا

بس لي متى هالشحططه

الصراحه الي بتزوج كيفها
بس انتي سألتي كل شخص

وانا جوابي يرررررد كالاتي
مستحيييييييييييل
والله لا يحدني
ولا افكرررررر


لا والله لا اهلي و لا ناسي و لا سلكي ابدا يستاهلووووون اني اكدر خاطرهم

الوحده اذا ماتزوجت زواااجه تشرف اهلهاااا و نفسهاااا وتختاار اختيار صح لابناائهاا

والا تبثببببر ولا تصير انانيه

Anonymous said...

انا بتكلم عن الحريم اللي اعمارهم الحين بالاربعينات والخمسينات وعيالهم الحين بالعشرينات والثلاثينات

ليش تزوجوا اجانب؟
في منهم ما كانت راح تتزوج ابد
يعني تظل تعنس ولا تتزوج

تدرون ان عيال الكويتي اللي ماخذ غير كويتية يكون اغلبهم مشتت الولاء او حجيه مكسر أما عيال الكويتية من غير كويتي لانهم تربية امهم ياخذون منها حب الكويت ويعتبرون نفسهم كويتيين لو الكل قالهم لأ

ناجح؟ ما اظن
بس ما نقدر نمنع بنت تتزوج حرام تقعد بدون زواج وعيال واخوها يتزوج ماكو مساواه وانا عن نفسي ما ارضى بس اللي بترضى هم كيفها

قبل فتره وحده تصيرلنا من عايله كبيره تزوجت بدون اصله من بدو سوريا الكل عارضها بس حبته وهدت اهلها عشانه ما قدروا يسوون شي

Tekana said...

اعرف وايد نماذج ناجحه بهالنوع من الزواج ومنهم دكتورة مشهورة تخصصها علم اجتماع ومرشدة بالعلاقات الزوجيه متزوجه من جنسيه عربيه

بس انا مستحيل كنت افكر اخذ مو كويتي

nanonano said...

أنا ضد الفكره..جملة و تفصيلا

حتى زواج الكويتي من غير كويتيه مو عايشه أصلا بالكويت ضدها

و طبعا أنا ضدها..لأني عايشت معاناة وحده من قرايبي متزوجه غير كويتي..مسكينه تمرمطت..و عيالها تمرمطوا أكثر منها..أختلاف عادات و تقاليد..أنتماء

مثلا وحده من صديقاتي متزوجه أوربي..أهيه سعيده معاه و عايشه معاه هناك..بس لما تيي الكويت..عيالها..يتدودهون..نمط المعيشه عندنا مختلف نهائيا..هذا غير شعور الغربه اللي عايشه فيه


عموما..حلاة الثوب رقعته منّه و فيه

هذي وجهة نظري

مَـــــعْــــمَــــعَـــــه said...

عن نفسي ارفض فكرة اختي تتزوج غير كويتي لان في اختلاف في العادات بين كل بلد ويمكن صعب اتأقلم معاها البنت وهم تحتاج مرات احد قريب جدا منها في بعض المواقف ( ام - اب - اخ - اخت ) اذا سافرت منو بكون عندها فالعملية مو سهلة .
وبالنسبة للخليج في عوايل تربطهم صلة قرابة مع بعض فما تمنعهم الحدود الجغرافية وهم بالنهاية عايلة وحده .

جنة الحواس said...

صار لنا فترة نتناقش بهالموضوع

لأن عندي وحدة من الأهل و وحدة من رفيجاتي يعانون من هالمشكلة بسبب رفض الأهل

صار لهم كم شهر و إلى الآن ما تم الزواج

رايي

اذا كانت ناضجة و واعية للصعوبات اللي ممكن تواجهها و عمرها فوق 28 .. و تربطها فيه علاقة حب عميقة و تعرفه من مدة طويلة .. ليش لأ

بشرط إن الأهل يكونون واقفين معاها

آنا ضد سالفة إنه يتخلون عنها و يقولون لها تحملي العواقب بروحج

Eng_Q8 said...

طبعا لأ

لان مو بكيفها

AuThoress said...

كل يعيش على الجنب المريح له، ولكل ظرفه الخاص جدا الذي لا يعرفه أحد حتى أقرب الناس إليه



ان كان قرارها صحيحا فــ لها
وإن كان خاطئا فـ عليها


الله يوفق الاحبة

mellow said...

من خلال تجارب بعض أفراد عائلتنا من الجنسين في زواجهم من الخليجيين و غير الخليجيين


أرفض..و الله لا إييب اليوم إلي يحدني أتزوج غير كويتي





by the way

:)آنا بعد بنت الشامية

Ra-1 said...

أعتقد إذا كان خليجي مافيها شي

بالنسبة لي إذا كان سعودي أو بحريني وفيه المواصفات إلي أبيها فما عندي مانع
بس أي جنسية ثانية مستحيل!

وطبعا يظل الكويتي أفضل

:)

Anonymous said...

ra-1

"""""""""""""'
اختي شل الفرق بين السعودي والقطري

القطريين والبحرنين نفس العائله ونفس اللهجه تقريبا

وانا من الامارات اصلا مستحيل اني اخذ كويتيه

لانها واجد متحرره وماتلبس ششيله

مسسسسستحيل

المقوع الشرقي said...

جم نسبه الطلاق بين الكويتيين 45 بالميه نسبه مخيفه
هذا يعطينا السؤال ليش ياليت تسويله لو سمحتي بوست
جم نسبه العوانس الكويتيات هم نسبه اكبيره
جم وحده تبى تشبع غريزه الامومهوتبي الستر وما تقدملها كويتى
اكيد افضللها تاخذ من ديرتها بس الله لا يحط احد بهالمواقف
خصوصا لما تكون نسبيا اكبيره فوق ال 35
بيوت اشكثرهاا امسدده على بنات فاتها قطار الزواج
ونسبه لا باس فيها من الريايل يا متزوجين اجنبيه يا اصلا ما يبون يتزوجون
ونسبه الرياييل بالاصل اقل
ف شالحل
بواقعيه
تحياتى

chandal/danchal!! said...

انا عن نفسي ماقدر اتفاعل مع غير كويتي... ولازم تكون لكنته كويتية صرف خالية من الشوائب والبدليات

نفس الشي يصير على عيالي.. نقينا الازواج مبطي


رفعت الأقلام وجفت الصحف

TruTh said...

انا اشوف ان كل وحدة تاخذ منها و فيها عشان التقارب بالعادات و التقاليد و البيئة اللي طلعوا منها

في وحدة من معارفنا متزوجة طبيب مصري اهوا كأخلاق انسان زين و محترم لكن كان يشتغل بالكويت و عقبها صارله ظروف في شغله و كان يبي يرد ديرته و ما رضت تروح معاه
عاد راح مع عياله و اهما درسوا جامعة هناك و اهيا ظلت هني ليما خصلوا دراستهم و عقب ما تخرجوا خلته يرد مع عياله هني

يعني باختصار السالفة فيها دوخة و عوار راس و تشتت
الأسهل كل واحد ياخذ من ديرته و خلاص

و يعطيج الف عافية

Organic Kuwait said...

al zawaj o bena' osra ma ye3temed 3ala jenseya wa laaken 3eddan muqawwemat okhra... a3rf alkatheer min el ssadeeqat mutazawwejat min ajaneb (amreekeee - lebnani - masri - emarati) o 3endhum 3yal o merta7een jeddan eb zawajhum o a3rf el katheerat min el mutazawwejat min kuwaityeeneen ghair sa3eedat eb 7ayat-hum fa hatha shay nesbi o yu7added nesbat el naja7 6abee3at 3elaqat-hum o afrakhum o tawajjohat-hum o aythan el 7ala el maddeya lel zawj..
sorry i dont have arabic on this keyboard yet!

a7ibich yl KWT said...

بصراحة لي صديقة حبت لها وحد من جنسية عربية
انا ما باركت هالحب
مو عشان شي بس انا ما اؤيده و ارفضه رفض قاطع
والبنت اللي تبي تتزوج اجنبي لازم تحط اب بالها انها لازم تنتقل معاه ديرته وتعيش وفقا لنمط حياته
ولا تفكر انها تتزج من أجنبي و تبي حقوقهاوحقوق عيالها حالها حال الكويتي المتزوج من اجنبية
لان ببساطة المرأة تتبع زوجها و عيالها يتبعون جنسية الزوج
سوري اذا شطيت بس اللي تبي تتحمل كل هذا و ماتفرق معاها اوكي اما اللي بتتحلطم اقول لها سكري الباب من اوله و فكري بعقلج
ترى بتمين غريبه و اهو غريب عنج

عموما عقب حب وغرام وانتقام الولد يا و خطب رفيجتي من اهلها بس يدها وقف بويه هالزواج و الحمدلله ماتم

و انا لايمكن اقبل اتزوج او احب و قلبي يميل حق غير الاجلح الاملح ولد ديرتي يازيينه و يازيين كرشته ;p
عالحلوه والمره

Anonymous said...

بالنسبة لي ارفض لأن حلات الثوب رقعتة منة وفية

بس الموضوع ترى يخص المتزوجة ونوعها في حريم ما يلوق لهم إلا الكويتي او الخليجي

بس فية حريم والله لو تاخذ أرجنتيني تعرف اطنش الدنيا وتتقبل اللي بييها

كويــتي لايــعه كبــده said...

هالايام يعتمد على رصيده

Anonymous said...

شكرا على هالموضوع والله انا قلت طنشتني

هذا الموضوع
يشكل ثقل على قلوب الاسر الكويتيه""""من جميع نواحي الحياة الاجتماعيه

من قرائتي للتعليقات اجد ان 90بالمائه يرفضون الغير كويتي

يبقى القرار ""اذا اسري اكثر منه قرارا فرديا

واذا تم منع البنت من الاب"" قد يكون من صالحها الاجتماعي
لانها صغيره لا تشم إلا رائحة فستانها فقط في وقت غيبوبة النشوه

اما الاب قد قد قد يشم

ابعد من ذلك كا اب
اولا وانه ليس في غيبوبه ثانيا

عاااااد """يقدر
؟؟؟
هذا الرباط او على قولة البدو
هذا بلى ابوك يا عقاب

الحافظ الله

Anonymous said...

النجاح لايعتمد عالجنسية وشي اكيد هذا
يعتمد على عقلية الزوجين وتدبيرهم لحياتهم وخطة الزواج من البداية كانت شنو.
وارد واقول النصيب يلعب دوور حتى انا لو رافضه الزواج من غير كويتي
يمكن بكون نصيبي بغير كويتي!!
اللهم اجعل عاقبة امرن خيراا

SKY said...

انا من الناس الي ؤاقضين الفكرة رفض كلي ومافيها نقاش
وصدقوا لي قالوا: حلات الثوب رقعته منه وفيه
أنا كويتية عايشة بديرة الخير أبي عيالي يعيشون عيشتي
يكونون مثلي بتقاليدي بعاداتي بكل شي ليش اغربهم واغربلهم؟؟
حتى لو شنو مواصفات الزوج لو يكون كامل مكمل اذا ماكان كويتي يفتح الله

سدرة العشـــاق said...

مرفوووووووووووووض رفضااااا باتااا

منج و فيج
والغربة ترى ماهي سهلة حتى لو تحبينه وشفايدة الحب و انتي بعيدة عن اهلج و دارج و بيتج و عزوتج
ماكو غير الجلحان الملحان يازينهم والله و يازين نزرتهم و كرشتهم و النفس الشينة اللي بعد الدوام
وعلى الاقل لي صار شي لا سمح الله في مجال الاهل يتفاهمون ويهدون بالهم لي تغربت البنت من يمسح دميعاتها خنت حيلي و منو بيحس فيها تقضب أرضها و حلاة الثوب رقعته منه و فيه

وعلى قولة ولد الديرة حلاة اليهال يصير لهم خوال و عمام

قرقت واايد السموحة

: )

Snow White said...

مرت الفكرة في بالي وأعرف نساء كويتيات متزوجين غير كويتيين ومرتاحين معاهم لكني شخصياً لا أؤيد الفكره وأرفض الإرتباط من شخص غير كويتي لعدة أسباب منها العادات والتقاليد وأيضاً المحافظة على النسب

في المقابل في كويتيين متزوجين من أجنبيات ومتأذين معاهم ومن ثم يحدث الإنفصال والأبناء أهما اللي يدفعون الثمن بالنهايه

خلينا دهنا في مكبتنا أحسن :)

بنت الشاميه said...

اخوانى المعلقين والمعلقات:

شكرا للجميع لقد استمتعت بردوكم
وكانت ردود صادقه نابعه من القلب
فيها من الاستفاده الكثير
للى تبي تستفيد منها
لقد بين الفريق المعارض لهذا الزواج تبعاته... ومشاكله .... ومصير الاولاد
وهم النسبة الاكبر
اما الفريق المؤيد لهذا الزواج بين ايجاباته.... ومميزاته
ولكنهم قله
ففى اى زواج هناك ايجابيات وسلبيات
وعلى الكل ان يتحملها لان الزواج
ما هو الا حياة ثانيه نعيشها باستقلاليه مع شريك العمر
نبنيها معا فمنها من يصل الى نهاية المطاف...ومنها من يتوقف فى الطريق

ولكن الاساس عندى هو حسن الاختيااااار
ومباركة الاهل لهذا الزواج
لان الزواج ليس قرار بين امراة ورجل فقط
بل هو قرار بين اسرتين

فانا مع ا ى زواج سواء كويتى او خليجى او عربي او اجنبي
بس بشرط
مباركة الاهل ودعمهم
مباركة الاهل ودعمهم
مباركة الاهل ودعمهم

والله يوفق الجميع

ولد الديرة said...

بنت الشامية

اضافة صغيرة

مساكين بناتنا وعيالنا بعضهم شوي معقد

يعني الحين صار الأجنبي حلو و شعره مكتكت ورصيده مفتوح و ونيس

شهالفلم الخيالي


الأمريكان اكثر ناس عندهم عنف منزلي صاروا مفخرة للي يتزوج منهم

الحمد لله والشكر

عندي خلاصة وحدة

الله يرحم حالنا بس

mama7iaty said...

موضوعج وااايد حلووو وتعليقي الوحيد انه كلشي بهل الدنيا قسمه ونصيب والواحد منا ما يدري وين نصيبه العلم عند الله سبحانه فا الواحد مو بيده يقرر في هل مواااضيع
ننولد على هل دنيا ومصيرنامتحددومكتوب منو بياخذ ومتى بمووت وجم ياهل راح ايب وشلون راح يعيش وشنو يصير فيه الخخخخخخخخ محد يقدر ارد نصيبه ولا القدر

Ra-1 said...

الاماراتي ...

شكلك ما زرت الكويت :)
في نسبة كبيرة من الكويتييات متحجبات
وبعدين بنظرك الشيلة إلي يلبسونها الإماراتيات تعني عدم التحرر؟
هذي مو مقياس
خصوصا إني أعرف إماراتيات وايد لما يسافرون أي دولة يقطون الشيلة والعباة!!!
يلبسونها بالإمارات للعادات والتقاليد فقط
بينما بالكويت ما عندنا تناقض المتحجبة متحجبة بالكويت وبره

وعلى فكرة ترا الحجاب مو أهوه دليل الاحترام وعدم التحرر !

Nouri said...

انا حبيت اتكلم من وجهة نظر ثانية او بالاحرى حبيت اطرح فكره ثانية
انا اتكلم من وجهة نظر شاب يعاني من هذا الشي حاليا
هو شاب امه كويتية و ابوه غير كويتي (عربي الجنسية)
سؤالي هل تؤيدون منح ابناء الكويتية الجنسية الكويتية او لا اتمنى الرد بطريقة موضوعيه جدا بعيدا عن الكلام الجارح

Anonymous said...

السلام عليكم ورحمة الله
اود اضيف شيئا يبد لي انكم من كثرة اموالكم صرتم تخافون ان يتزوج رجل من غير بلدكم من نسائكم وحسبي ان اقول لكم اذا تقدم رجل صالح مسلم فيه الصلاح والخير ورفضتموه فوالله ليكونن هذا فساد عظيم وسترون اثره انشاء الله

Anonymous said...

أؤيد يعني لو وحده ما ياها نصيبها من الكويت و البنت صار عمرها ٢٨ سنه و تقدملها الاجنبي تاخذه ليش لا ، و بالعكس يمكن هالجنبي يكون احسن من الكويتي للأسف اغلب العائلات هني ترفض هذه الفكره حتي تعنس البنت ..و كافي اللي قاله الرسول اذا أتاكم من ترضون خلقه ودينه فزوجوه

Anonymous said...

mezzat_2010@yahoo.com

اذيكم يا عرب

بقول عرب يعنى مسلمين يعنى موحدين يعنى بتقولوا لا اله الا الله محمد رسول الله
شوفوا بقا الرسول ص الله عليه وسلم ضرب لنا مثل فى هذا الشأن بزواجة من ماريا من مصرف فما بعد الرسول تتحاوروون
وبجد انا ما شوفت خليجى الا وعينه زايغه وتندب فيها رصاصة ومع مراته مفيش ابرد من كده المصرى هوه الاصل ى الوفاء والحنان والالتزام !!!!!! وعجبى

Anonymous said...

shk
أول شي في شغله بقولها الزواج على الي انا ارتاحله وانا أييد الاجنبي ليش اذا طول عمري قاعده ابمشاكل مع اهلى وتقدموولي فوق العشر كويتيين وانا كلى ارفض ولما وافقت على الاجنبي ماوافقووو (انا ما ابي تنعاد تجربت التقاليد @@على اعيالي وتحرمهم من كل شي حلو (الاجنبي في صفات حلوه انا هادي ومتحرر ومستعد يتحدا اهلا واهلي وشباب الكويت 2%الي سنعيين وليش اخذ واحد واتطلق علشان تفكيره والا اقعد طول عمري اجامله على احساب نفسي ومبرووك على القانون المراه :)

Anonymous said...

طرح رائع عن جد

انا مصري
بس اقول كل شخص يشوف بعينه منهو الاحسن اكيد كل بنت بتشوف الافضل بحياتها مو شرط كويتي او غير كويتي او خليجي او مصري اهم شي الاتفاااق والحياة السعيده والهاديه اللي تقدر كل بنت تتعاييش معها بطريقه حلوة وخلكم من الماديات اللي رح تضيعكم البنت اللي تنظر الي المال صدقوني بيكون زواجها مو ناجح بالمرة دايم بمشااكل ومارح تفرق اذا تزوجت الكويتيه غير كويتي بالعكس ممكن تعيش حياتها احسن وتكون سعيده وتذكرو نسبة الطلاق بالكويت كثير والعنوسه اكثر وربنا خلقنا للتزاوج مو الانسان يجيب بنت ويحطها بالبيت مثل فاظة ورد ربنا خلقها للتزاوج وفي زواج كتير ناجح جدااا كويتيات بغير كويتي

Anonymous said...

و جعلناكم شعوبا وقبائل لتعارفوا
(حديث مرفوع) أَخْبَرَنَا حَمْزَةُ بْنُ مُحَمَّدِ بْنِ عِيسَى أَبُو عَلِيٍّ الْكَاتِبُ , بِبَغْدَادَ ، قَالَ : حَدَّثَنَا نُعَيْمُ بْنُ حَمَّادٍ ، قَالَ : حَدَّثَنَا ابْنُ الْمُبَارَكِ ، عَنْ يَحْيَى بْنِ سَعِيدٍ الْأَنْصَارِيِّ ، عَنْ مُحَمَّدِ بْنِ إِبْرَاهِيمَ التَّيْمِيِّ ، عَنْ عَلْقَمَةَ بْنِ وَقَّاصٍ اللَّيْثِيِّ ، عَنْ عُمَرَ بْنِ الْخَطَّابِ ، قَالَ : قَالَ رَسُولُ اللَّهِ : " مَنْ كَانَتْ هِجْرَتُهُ إِلَى اللَّهِ وَرَسُولِهِ فَهِجْرَتُهُ إِلَى اللَّهِ وَرَسُولِهِ ، وَمَنْ كَانَتْ هِجْرَتُهُ إِلَى مَالٍ يَأْخُذُهُ أَوِ امْرَأَةٍ يَنْكِحُهَا فَهِجْرَتُهُ إِلَى مَا هَاجَرَ إِلَيْهِ " .

[ تخريج ] [ شواهد ] [ أطراف ] [ الأسانيد ]

رقم الحديث: 27
(حديث مرفوع) أَخْبَرَنَا حَمْزَةُ بْنُ مُحَمَّدِ بْنِ عِيسَى أَبُو عَلِيٍّ الْكَاتِبُ , بِبَغْدَادَ ، قَالَ : حَدَّثَنَا نُعَيْمُ بْنُ حَمَّادٍ ، قَالَ : حَدَّثَنَا ابْنُ الْمُبَارَكِ ، عَنْ يَحْيَى بْنِ سَعِيدٍ الْأَنْصَارِيِّ ، عَنْ مُحَمَّدِ بْنِ إِبْرَاهِيمَ التَّيْمِيِّ ، عَنْ عَلْقَمَةَ بْنِ وَقَّاصٍ اللَّيْثِيِّ ، عَنْ عُمَرَ بْنِ الْخَطَّابِ ، قَالَ : قَالَ رَسُولُ اللَّهِ : " مَنْ كَانَتْ هِجْرَتُهُ إِلَى اللَّهِ وَرَسُولِهِ فَهِجْرَتُهُ إِلَى اللَّهِ وَرَسُولِهِ ، وَمَنْ كَانَتْ هِجْرَتُهُ إِلَى مَالٍ يَأْخُذُهُ أَوِ امْرَأَةٍ يَنْكِحُهَا فَهِجْرَتُهُ إِلَى مَا هَاجَرَ إِلَيْهِ " .

[ تخريج ] [ شواهد ] [ أطراف ] [ الأسانيد ]

رقم الحديث: 27
(حديث مرفوع) أخبرنا حمزة بن محمد بن عيسى أبو علي الكاتب , ببغداد ، قال : حدثنا نعيم بن حماد ، قال : حدثنا ابن المبارك ، عن يحيى بن سعيد الأنصاري ، عن محمد بن إبراهيم التيمي ، عن علقمة بن وقاص الليثي ، عن عمر بن الخطاب ، قال : قال رسول الله : " من كانت هجرته إلى الله ورسوله فهجرته إلى الله ورسوله ، ومن كانت هجرته إلى مال يأخذه أو امرأة ينكحها فهجرته إلى ما هاجر إليه " .

mind eater said...

بصراحة لا كل كويتي ذات خلق ودين و عجيب وينحط على الراس و يعيشج عيشت اهلج ياكثر بنات كويتيات تزوجو من كويتيين وعاشو اردا من الوافدين ولا كل اجنبي طماع وموزين ومثل ما انتي عارفة الشين والزين بكل مكان اصابع اييدج مو سوى و شخصيا انا عندي اصدقاء اجانب معاشاتهم فوق 1000 دينار بالقطاع الخاص ميسورين الحال واخلاقهم طيبة مو ناقصهم شي باختصار اوافق وبابتسامة ورضى لاي فتاة كويتية بالزواج من اجنبي بشرط ذات خلق ودين و بالتوافق العقلي و النفسي وميسور الحال بغض النظر عن عمر الفتاة عانس ولا لا وبصراحة اضحك لما اسمع ماراح يعيشج نفس منتي عايشة عند اهلج فعلا صيحيح الاجنبي ماراح ياخذ قرض ويسافر بالاقصاد ويعيش بالديون نفس الكويتي عشان المظاهر الجذابة لا و بعد عشيقتة خدامه وبالنهاية هذي حياة تخص كل فتاة تبي كويتي او غير كويتي عادي بس احسني الاختيار والاستخارة وافضل كلام كلام الرسول علية الصلاة والسلام من جااكم من ترضونه دينه وخلقة فزوجوة .. وايضا كلاع الرسول علية الصلاة والسلام لا فرق بين عربي و لا اعجمي الا بالتقوى والعمل الصالح

Anonymous said...

انا ادهم وتحياتي لكم جميعا حبيت بس ارد علي الموضوع لأنه علي قد ما هو موضوع مهم بس بيسبب حساسية لناس كتير
بداية انا مصري ومقيم بالكويت وبالنسبة للكويت انا مستعد اني احميها وادافع عنها مع ابنائها ودي مش مجاملة لا بس رد للجميل لأني ما شفت منها غير كل خير
بالنسبة للمصري الزواج ايا كان مش تحت الشرط كويتية ولكن بصفة عامة غير مجبور عليه وهو اختياري ولكن هدفه الاساسي هو العفة اما الهدف الثاني
ملاحظة : وده اللي بيفكر فيه ضعاف النفوس
المادية .
وبعدين المصري لو وافق علي الزواج بكويتية راح يكون علي مضض
لسبب وبدون حساسية اخواني
المصريين ما عندهم قصة ان الزوجة تخرج وقت ما تحب وترجع بكيفها مثل الحين ما هو صاير بالكويت
وما في شي اسمه ان الزوجة تدق سيارتها سلف لحالها وتروح
هذا الكلام بمصر نطلق عليه لفظ مش لطيف بمصر علي الزوج .......
المهم انا من رأي ان زواج الكويتية بمصري غير محبب وان تعيد التفكير فيه مرات ومرات
وكلامي مش اهانة حاشا لله
ولكن ما اتعلمت اني اجمل الكلام
المناقشات مفتوحة وتحياتي لكل كويتي وكويتية اخ واخت عزيزين وفوق راسي من فوق كل عام وانتم بخير

Unknown said...

اولا انا مصري وعايش في مصر دخلت هنا بالصدفه علي العموم احب اقول انا كمصري احب اتزوج بنت مصريه لاسباب كثيره وهي بيبقا دمها خفيف وعسوله والرومنسيه المتبادله بين الطرفين شئ اكيد لكن عاوز اقول حاجه مهمه كل شئ قسمه ونصيب يعني ممكن كويتيه تتزوج كويتي ومايحدث تفاهم بينهم وينتهي الموضوع بالطلاق يعني اهم شئ التفاهم والحب وازاي يقدرو يعيشو حياه سعيده بغض النظر عن الماديات والحجات التانيه اهم شئ الحب والحياه السعيده تحياتي للجميع بالتوفيق

Anonymous said...

انا رجل بدون جنسيه من اهل الكويت بالعشرينات من عمري قمت بتعديل وضعي لاحدى الدول العربيه ولكنني لن اترك وطني الكويت ابدا وانا رجل ابن اصل وذو خلق واخاف الله وارغب بالزواج من كويتيه ذات خلق ودين واصل وتكون جاده في الزواج وتكون في العشرينات من عمرها ..

ل

Anonymous said...

معطم الاراء كلام فارغ وعنصري للاسف
لنا ديننا الذي علمنا
قال الرسول عليه السلام
اذا جائكم من ترضون دينه وخلقه فزوجوه