Thursday, January 15, 2009

الرهـــــــــــش والسعااااااده الشتويه



كله يقولون ما يحلى الأكل الإ بالشتاء
للطاقة ولتدفئة الجسم وحمايته من الأمراااض
بس إحنا بالكويت نحب الأكل بالشتاء لإنه
ما اكو شيئ ثانى نحبه بالشتاء....غير الاكل.
ما باليد حيله..... ناكل...... ونتمتع
بنموت من الأناااااااااسه والله حاااااااله
مانى مطوله عليكم السالفه وهى قصيره
الحين شنو الأكل اللى تحبونه بالشتا...؟؟؟؟؟؟؟؟
أمووووووت على الرهش.... الرهش وبس

إلى الحين انا مقاومته مقااااااااومة الأبطال
والسبه عندى جم مناسبه قريبه جدا
وعد منى من تخلص هاالمناسبااااااات
بسوى الهوايل في الرهش..... بس خل يصبر علي

أموت عليه بعد الغداء مع الشاي أتسلطن وأنا أكله
لا تضحكووووون جربوه أول وبعدين قولواااااا
وتعتمد الكميه ..... على مستوى القمته هههههههههههه
علثه هاااااااااالقمته سبب شرعى للأكل
نأاااااكل وبدون اااااااي تأنيب ضمير
يعنى يكون ضايق خلقى وأحط حرتى كلها بالرهش
وبس وسلااااااامتكم
إن شاء الله مأكول العافيه..... تحبونه مثلي..؟؟؟
******************
*********
كلمه اعجبتنى وبردت جبدي فى قطر
نص كلمة : بقلم الكاتب أحمد رجب

الزائده الدوديه هى أصغر عضو غير عامل فى
الجسم الإنساني فهى بلا وظيفة ولا منفعة لكنها
دائما تحاول إثبات وجودها صوتيا بالصراخ
والضجيج وهى ملتهبه وصراخها أكبرمن حجمها
وحجمها أصغرمن ضجيجها
والزائده الدوديه فى الجسم العربي ::::: هى قطر

70 comments:

Anonymous said...

فى الشتاء يحلو شرب الشاى بالنعناع

وبعض الاحيان قهوة ..والكاكاو سيد الحلوى بلا منازع

قطر ... هذة الدولة الشجاعة ، صحيح انها تمشى عكس التيار لكن يكفى عدم وجود دول تملى عليها سياستها الخارجية مثل حالنا
احنا هنى السعودية وايران تمشى سياساتهم علينا لذلك أصبحت دولتنا بلا سياسة .

تباً لضعف وقلة الحيلة

سـهـيـر زكــي said...

مش دي حلاوة طحينية والا انا غلطانة؟
أنا مقدرش آكل الحاجات دي لأن جسمي من النوع اللي بيتخن بسرعة, ده غير انها ممكن تجيب, بعيد عنك, السكر

دنا ساعات بس أكل حتة شوكلاتة لما أكون جعانة وانا بالجامعة عشان تدّيني طاقة, ومبخلصهاش كلّها, برمي نصها

بالنسبة للي كتبه الكاتب العظيم احمد رجب, فده حقيقي, قطر دي إيه؟ دي لا تاريخ ولا وزن, دي المفروض تندمج مع اي دولة خليجية لأنها دولة مافيهاش شعب أصلا, والّي بيحكموها مفتكرين نفسيهم دولة عظمى, ياختي بلا وكسة

esTeKaNa said...

صديقتي تقولي اواحده فينا تمتن بالشتا لحقيقة علمية ان الجسم يبي يدفي نفسه فيحتفظ بالدهن
!!
كل مرة احاجج باي معلومه
الله يا هذي المعلومه ونستني
حسستني براحة نفسيه
ما جنه اي متن من الهوايل اللي مجابلينها


انا اموت بالقهوة والكاكو
وعلى طاري الرهش لااااااازم تسوين كيكه الرهش مع الكاكو
مو طبيعيه


كيكة كاكو مشبعه بصوص كاكو ذايب فيه الرهش..ولك ان تتخيلي طعمها
وقيمتها الغذائيه
والتدفئه العجيبه بعدها
:)))
وهني وعافيه

Miznah said...

الرهش
!!!هذا بلا ابوك يا عقاب


والمقاله حلوه
واذا اهي الدوده الزايده
احنا للأسف صرنا.. العزيزو

حسافتج يا كويت said...

الرهش ما احبة

وقطر حديثة نعمة
حالها حال سكوب وفجير البايرة

Zaydoun said...

لازم كل سنة أزيد كم كيلو بالشتاء ..... والسبب؟؟؟

الرهش!! آآآآآآآآآآآه يا زينه زيناه، مع خبز حار ومسمسم

Anonymous said...

مولاتنا بنت الشامية
ترى ما يحك ظهيرك إلا ظفيرك .. وقطر منا وفينا وكل الخليج .. أما البقية فهم من صنف رياييل المطنزة والعازه .. بالنهاية الرهش سيد الحلويات ودائما حلاوته تتجد في فمي أطال الله في عمر حلواجية الكويت أجمعين وكل قارئ

تحياتي

البزرنجي

bent el deera said...

وااي احبه احبه واموت عليه
اهو والحلوى الحاااره
والبلاليط وقرص عقيلي مع حليب مهيل
بس الرهش ما اقاومه لدرجه اني اكله بالصيف مع ايسكريم فانيليا واخلي الصوص دبس تمر(( شوي مو وايد)) وارد ارشه بسمسم
يعني حللت مكونات الرهش وضفتها فوقه
هههههههه

شوقتيني عليه.. بس انا حاليا محاربته عشان الرجيم :<

المقوع الشرقي said...

حرااااااااااام عليج
توثمتي فيني
صاده ليش تذكريني
؛))
يا زينه
بس هذا يبيله طقوس
حق الغرقه؛
تدرين انه
ننجل حق اهل الخليج منه صناعه اكويتيه

العرزالــــــه said...

الله يرحم السادات يوم قال عن اعتراض قطر على كل شي

قطر وقطر خيمتين وجمل

Bloggerista said...

أنا هبة هالشتا القهوة العربية


أول مرة أهب بشي ما يسمن

أمل الكويت said...

أوووووي الله يزيد النعمة

سوري بس والله هالاشياء ماتشوقني كلش احس تييبلي الرجفة ماقدر اكلها

بصراحة انا بالشتا احب الهوت تشوكلت والتشوكلت فوندو والترافل هوت تشوكلت كيك والتشوكلت فاونتن وجذي اشياء اميريكان وايتاليان < قلبي ويهج واللي يعافيج

عالعموم كل شي بالنهاية ماييب غير الشحم قطيعة بالشتا يزيد ويصير الجسم مصنع شحوم

انا بسوي حملة لمقاطعة هذه المأكولات المضرة بالصحة والتي لا تؤدي سوا الا السمنة وتكدس الدهون < للمعلومات * توني طالبة من مطعم وناطرته يوصل طول

كويــتي لايــعه كبــده said...

عوافي مقدما

بس لا تقولين درابيل... ما اواطنهم

الزين said...

ماني زود مع الأكل

والحلو بالذات


بس القهوة بالشتا تصير شي ثاني


:)

nikon 8 said...

أموت على الرهش مع الخبز الإيراني المسمسم وأطق سلام للتمرة مع الهردة
:)
بالعافية

بنت الشاميه said...

Anonymous :

الكاكاو ما عليه
بس الرهش غير وايد غير

قطر تمشي عكس التيار.كيفها....بسس لما يوصلنا التيار عند الكويت
لا عاد حريمتها...و لازم توقف وتفح عيونها عدل هذى الكويت
وان شاء الله هذامو ضعف ولا قلة حيله

enter-q8 said...

دخت ابي رهش اللحين
لا و متروس فستق
و الزبده دايخه
و معاها شاي حليب بالهيل
و طبعا الخبز الايراني اللي بالسمسم

و يا سلام و راها ابرة انسولين

بنت الشاميه said...

سـهـيـر زكــي :

ان شاء الله السمنه والسكري ما يدلونا

وتظل قطر دوله خليجيه ولها موقفها المشرفه مع الكويت ايام الغزو الغاشم
بس هى تلعب سياسه وايد هالايام

بنت الشاميه said...

esTeKaNa :

يعنلى شلون ...؟؟؟؟
اجابل صحن الرهش باجر وابرد جبدي
ههههههههههههههه

وتوصياتج باخ1ها بغين الاغتبار
لانى اعز الرهش وايد واحترمه اكثر

حياااااج الله

بنت الشاميه said...

Miznah :

اااااخ من الرهش
مسميته المرعب...لوووول
ان شاء الله الكويت هى راس على طول
والله يعزها

بنت الشاميه said...

مبيوق :

لازم اسويلك دورات بحب الرهش وكيف تتعامل مها.....هههههه
بس قاعد تلعب سياسه ساعات تصيب
وساعات تخيب....قاعدة تبحث لها موقع على الخريطه السياسه العالميه
ويمكن تنجح

بنت الشاميه said...

Zaydoun :

نعم.... هذا الحجي العدل
الرهش له مكانته الرفيعه بالشتاء
وبالهناء والشفاء

حياك الله

بنت الشاميه said...

البرزنجي :

والله صاج ما قصروا كل الحلوجيه بالكويت
صج الرهش لذيذ ....اجااادوه
صج مشكوووووورين
واكيد قطر دوله خليجيه وما ننسى دورها بتحرير الكويت
بس اذا تشمخنا ماراح نسكت

بنت الشاميه said...

bent el deera :

والله انت صج تقدرين الفن الرفيع بالاكل
صج فناااااانه

وااااي كل اللى كتبتيه احبه
بس الرهش اول القائمه وخصوصا بالشتاء

اشوه رجيمى بيخلص بعد اسبوع وبعدها بستمتع بالرهش.....هههههههههه

بنت الشاميه said...

almaqwa3 alsharqy .

انا صاده عنه اكثر منج بس امس شفته عند امي بس قاومته بصعوبه
وامى تخانقني انزين اكلى نتفه منه متوا من هالغبر الرجيم ذبحكم.... ما سوت علينا, من خلاقين بتلبسونها
وانا ميته من الضحك

اه ياااااحلو الرهش
لوووول

بنت الشاميه said...

العرزالــــــه :

قطر تبى تلعب دور سياسي بالخريطه السياسيه الخارجيه بس ماهي عارفه الطريج.....كل ما طقتها طلعت عويه

بنت الشاميه said...

Fashionista :

ياااااا بختج

بنت الشاميه said...

أمل الكويت :

اشوه الرهش غير مضر للصحه
بل بالعكس مفيد لانه كله زيوت نباتيه
من السمسم
اكلى رهش احسن لج لانه صحي
لووووول

بنت الشاميه said...

كويــتي لايــعه كبــده :

الله يعافيك
بس الرهش دايما هو اللى يكسب
ههههه

بنت الشاميه said...

الزين :

يااااابختج
جان زين اصير مثلج ماااا احب الرهش
والقهوه وانت صاجه بالشتا لها مذاق مميز
بالعافيه

بنت الشاميه said...

nikon :

نعم هذا هو الفن الرفيع
رهش وخبز مسمسم حاااار
بالعافيه

بنت الشاميه said...

Enter-Q8 :

الله الله الله بدعت

هذا الفن الاصلي
والله يبعد عنك ابر الانسولين
حياك الله

Anonymous said...

مشكلة الرهش اذا بديتي فية ماتقدرين توقفين ياحلاتة

joy said...

تحلى الشووربة
:)
اتفنن باشكالها



وجاي الفحم ماكو مثله روعة
:)


وقطر
مختصر مفيد المقالة

wa6an-alnhar said...

حسبي الله على ابليس

عقب ما قريت بوستج رحت اخذت لي ارهيشه و قعدت آكل فيها

لاحظي ان الساعه
12:19
بعد منتصف الليل

:)

nanonano said...

وايد حاز في نفسي أن السنه ما أكلت رهشه لذيذه

يا بنت الشاميه

أذا يبتي رهشه و لفيتيها بخبزه أيرانيه جنها مو لج..و دعستيها بحلجك..و قرمتي..و عقبها تقعدين أتنطعين فيها

همممممم

وايييييي

بموت على رهشه الحين

حسبي الله علي العدو

الساعه ٢ و ما يحصل لي الحين لا الرهشه و لا الخبزه الأيرانيه

ما أدري شنو أسوي بروحي

أبيـــــــــــــــــــــــــــــــــها

بوتشخيص said...

أحس انج على طريف و تنهار مقاومتج و من الحرة كتبتي هالبوست :)

Anonymous said...

الله يابنت الشاميه

اشلون شرب النعناع؟؟ مع الشاي؟؟
حلو؟ تشربينه؟
لووووووووووووول

قطر: كلما يفعل الخليجي مليحوووو

Athoob Alshuaibi said...

توني ياية من الكويت
بس ماكليت رهش
لان الرهش اللي شفته كان محزر فضاق خلقي و مافكرت اكل عقبه

لكن بعد هالبوست انا الحين ابي رهش :(

عندنا رهش تقليد .. يوناني شكلي بروح اشتريلي نتيفة
عشان التدفئة :P


و ماكول العافية ان شاء الله :))

بنت الشاميه said...

Anonymous :

لهذا السبب انا متعميه عنه

غصب موووو طيب

بنت الشاميه said...

joy :

احب الشوربه بالشتا
بس الرهش دايما يكسب
لووووول

بنت الشاميه said...

wa6an-alnhar :

يااااااااا بختك عليك بالف العافيه

انا مايصير اكل الا بعد اسبوع
غير تحسر

بنت الشاميه said...

nanonano :

هذا وقتهااااا

وااااي نانو حسرتى فينى ما خلصت تعليقج الا سعبولتى تقطر
حرااااام عليج
بعد اسبوع بسوى رهشه بارتي
واطلع فيها الاولي والتالي
عليج الخبز الحار بالسمسم
والدعوه مفتوحه

بنت الشاميه said...

بوتشخيص :

قريت افكااااري صح

ولد الديرة said...

اختيار موفق

للأسف قطر تلعب دور ليس فقط اكبر منها بل ضد مصلحتها على المدى الطويل

تعادي السعودية والبحرين والكويت ومصر وتتحالف مع سوريا وايران

لمصلحة من؟

لا نعرف

ما الهدف؟

لا نعرف

المزايدات مصيبة

بنت الشاميه said...

mob :

اكيد ما كو على الشاي بالنعناع
بس هذا مهضم....اول لازم اكل الرهش وبعدين اشرب الشااااي بالنعناع

بنت الشاميه said...

athoob :

تامرين امر ادز لج كرتون رهش حار توه مسوينه.....بس عطينا العنواااان
تستاهلين يالغاليه

Anonymous said...

lawyer said...
الله يخلييييييييييييييييييج بنت الشاميه


الرهش كلش ما يبييييييييييله تقصص بهالذرااااااااابه

حلااااااااااته من الماعوووون تقرفين بالخبزززززززه


اذا بتحطييييييين لي الرهش جذي ما اكل

هههههههههههههههههههههههه





اناااااااااااا اعششششششق الرهش عششششق مو طبيعي

اكليه ويا خبز ايراني مسمسم

و بياله حليب شي مو طبيعي


او اذا عقب الغدااااااا

حطي يمج كاكااااااو سايح من الدفايه و صبييييييييه عليه شي مو طبيعي



انا اعشق الرهش بجمييييييييييع انواعه


سادا
او كاكاو او اي شي






واي صاجه يتفخ تفخه مو طبيعيه




عندج مناااااسبه ؟؟

مممممممممممممممممم


قوليلي شنوووووووووووو ؟؟
==============

لوير...... ااااسفه ااااسفه

بنت الشاميه said...

ولد الديرة :

بالرهش والا بقطر...؟؟؟؟؟؟؟

بس لا زال نقدر لها موقفها ايام تحرير الكويت ...هذا دين لها فى رقابنا
وهذه خلافات سياسيه
والسياسه يوم لك ويوم عليك
والله الحافظ

بنت الشاميه said...

lawyer :

اول شيكى ايميلج
============
غشششششششيت من الضحك
جذى ياكلون الرهش .....هذا هجوم انتحااااري
انا حدى قطعتين صغيرات مع الشاي
ومشكوووووره على هالنصائح الجليله
جنى ناقصه .....الحين شوقتنين اكثر واكثر
رهشه وكاكاو سايح وخبزه حاااااره
هذا الانتحاااااار بعينه وعلمه
بالعون ردت الكيلوااااات اللى نزلتها من اول لقمة
حرااااااام عليج
حيااااااج الله
وارجو المعذره من التغيراااات
اللى سويتهاااا

enter-q8 said...

بنت الشامية ترى انا اول واحد شرت عليكم بالطريقة انتي ونانو
تنقصو لي
و الا ترى عيني باكلكم

اي قولوا حق الخباز
على الخبز اللي بالسمسم
تصير السمسمة محموسة و الخبزة تقرمش
سمعي صوتها
خقرمش
و طعم السمسمة اللي بين ثنايا الخبزة و حبة الفستق اللي بالرهش
بين الفكين و طعم الزبدة الطري و نكهتها سايح على الخبزة و متخلخل بالرهش
و رشفة حليبه معتقه بالهيل الامريكي المطبوخ عدل بالحليب


ها بتتنقصو لي و الا عيني فيها

بنت الشاميه said...

Enter-Q8 :

الله وصف رائع كيف تاكل الرهش

حرااااام عليك الى الحين ماااااا كليت الرهش
بعد اسبوع بااااااكل
وانا وعدت نانو بسوي رهش بارتى
وعليك الخبز المسمسم
عسى مقاومتى توصل الى الاسبوع الياي
عسى ما اخق وانتو السبب
ههههههههههههه

ZooZ "3grbgr" said...

اموت برهش الشمالي

بنيتنا

ترى العنوان صخر

:")

Snow White said...

الحلويات بالشتا يقوم سوقها وخاصه لما تكون القعده جدام الدوه ومع قوري الشاي المخدر والمكسرات والقهوه العربية والحلويات

وبالنسبه للرهش فهي تعتبر أكله مفيده لأنها تصنع من زيت السمسم ويحتوي على فوائد كثيره للجسم بس كل شي لازم يكون بإعتدال لأن الشي لي زاد عن حده انقلب ضده


:)

nanonano said...

أفا عليج

الخبز المسمسم علي

و مطاره الشاي حليب المخلوط

و جنّه ما ندري نخلي وحده من المدونات تييب كستن

و بعد شي واحد الله يخليج

بنك

Sn3a said...

ماحب الرهش
احسسس ثقيييل

وبالنسبه لقطر
حاشا قطر هالتشبيه
لكن للاسف حاولت تستقل عن كل شي ووظفت ناس مايبون مصلحتها ولا يهمها ماضيها وهويتها
لكن اهيا خليجيه
وعربيه
مردهم يشيلون الدود اللي قاعد ياكل فيهم ويردونهم دولهم يطرون الفلس

ولد الديرة said...

لا يبه الرهش :)

بالمناسبة

لو كنت مو كويتي لتمنيت ان اكون قطري من كثر محبتي للشعب هناك

لكن بصراحة

مصخها الثنائي

رابطة هويتي اسلامية said...

شارك معنا في حوارنا
غزة في قلب مدون
مع المهندس : الحسيني لزومي
الحوار موجود علي الرابطة شارك معنا في الحوار
كن إيجابيا وحاول المشاركة في إنشاء بلوجر فعال
حوارنا مستمر مع المهندس
متي دخلت سجل تعليقك بسؤالك أو إستفسارك بالنسبة للمهندس
مع تحيات
رابطة هويتي إسلامية

chandal/danchal!! said...

أول مرة اعرف ان الرهش فيه "بستك بستك" ... انا يالله ولبي الهمد... امرار ما استطعم!!! بس أحلى رهش.. رهش محل "الوطن" لا يعلى عليه.... ورهش الكويت عموما احلى رهش بالخليج... عليج بالعافية

بنت الشاميه said...

ZooZ "3grbgr" :

عليج بالعافيه
بس ليش العنوان صخر...؟؟؟؟
لووول

بنت الشاميه said...

Snow White :

ما كو احلى من الدوه والشاي والرهش
واكيد كل شيئ باعتدال هو الصح
عليكم بالعافيه

بنت الشاميه said...

nanonano :

هههههه
الكستن رضيت فيه بس البنك من الممنوعااات
خلينا على الرهش والخبز المسمسم الحار
والحليب والشاي
وعلينا بالعافيه

chandal/danchal!! said...

وبالنسبة لقطر... أي حزب يبي ياخذ دورة في الانقلاب على الحكم.. قطر بالشوفة... حمدلله+شكر... خبرة تفتح العينين بهالسوالف

الله لايغير على ديرتنا ويكافينا شر الأحزاب

بنت الشاميه said...

Sn3a :

انت جربيه شويه ...وبتدعين لي
وقطر دوله شقيقة ونحبها
ولها فضل علينا
بس لما يوصل تشمخها علينا
لا لازم توقف عند حدها

بنت الشاميه said...

ولد الديرة :

الرهش دايما يكسب
والله قطر نحبها بس الله يهداهم ساعات يخورونا.....بس بتظل دوله شقيقه
وقريبه لقلوبنا

بنت الشاميه said...

chandal/danchal!! :

نعم اكو رهش بالفستق
بس انا احبه ساااااده
واحلى رهش رهش الكويت
الخليج يموتنون على رهشنااااا

Anonymous said...

المموش هي اكلت الشتاء بلا منازع

أفيون باشا said...

مكونات الريوق الشتوي الزين (غير مناسب لمرضى السكري)

-كوب شاي حليب مهيل مع كامل الأكسسوارات (زعفران وشوية دارسين وباجي الحركات)
-قرص عقيلي مدور كالبدر ليلة اكتماله
-درابيل فريش من الشمالي يسولفون مع كوب الشاي حليب المذكور سابقا
-حلوى بحرينية من المحرق
-بيض بالسمن والسكر (اومليت خصوصي ايام اول )

-خبز حار وياحبذا لو كان بالسمسم وحبة حلوة وذلك من أجل احتواء نقص الرهشه اللي كبر باكيت المالبورو !!

وبعد هالريوق الملكي ينصح بأخذ تعسيلة مدتها 2-3 ساعات قابلة للتمديدا

بنت الشاميه said...

جمودي :

الموش عجيب بالشتا
وهمن الرهش...لوول

بنت الشاميه said...

أفيون باشا :

عقب هالريوق الملوكي العجيب

اللى تذكرت فيه الاولى والتالى وكل ما نحب ونشتهى من الخافيف

بعد كل هالريوق ....يبيله صيام شهر
يالله اتنفس....ماكول العافيه