Thursday, December 25, 2008

مخدة ....العافيه



ما ادرى شفيهم صديقاتي الغير مدونات علي هالايام
كل وحده تلقى مخده غير شكل تدزها لى ايميل
وخصوصا إنى منتشله وأصيح وايد هالايام
دزوا لى هالمخده...... مخدة الافلونزاااااااا
بس عجيبه........مشكووووووورين ما قصرتوا
بس بعد التفكير والتمحيص لقيتها نغزه لي منهم

يمكن يبوني امش ويهي فيها بعد ما فشلتني
المحفظه الملياريه ....تهقون هذا قصدهم
يبون يبردون جبدهم فينى
لووووووول
اعترف واقر انى استااااااهل
شسوى ما باليد حيله

35 comments:

enter-q8 said...

يرحم والديك بنت الشاميه
اذا رفيجاتج
عندهم مخده حق التحلطم
لا تنسين
اخوك

enter-q8 said...

اي ما تشوفين شر
ان شاء الله اللي ببالي

Um il sa3af wil leef said...

حلوه المخده ...ويمكن تنفع بعد حق البجي تالي الليل...للي يأنبه ضميره:)

Mok said...

يوم شفت المؤشر السوق مت من الضحك وخاصه اليوم لم اتابع السوق
لكن تذكرت وزير المالية اللي كل يوم وترك مصرح عن المحفظة بعد اسبوع وباجر وعقبه هالمره شراح يقول؟:))

Purplecious said...

هههههههههههههه

خوش مخده

أحتاجها هاليومين بلشت فيني النشله أنا بعد
:\

ما تشوفين شر
:*

DiLLi O MiLLi said...

آناااا شاكه آنج وكيلة ريش
كل ساعة والثانية حاطه لنا مخدة !!ـ
:)
بس هذي لها عدة آستعمالات
مخدة النشله
مخدة المرعف
مخدة الأبجى (بعيد عنك)ـ
مخدة الحمره .. هذي اللي تحط راسها للنومه وعقب تذكرت آنها متحمره
تسحب من هاالكلنس وحييل أتمحت بهالبراطم
لووووول
:)

وسلااااامااات مااا تشوووفييين شر

:)

Anonymous said...

بنت الشامية



اولا : ما تشوفين شر يا الغالية

ثانيا: المخدة هذي اكيد واحد نحيس مسويها حق مرتة المريضة علشان ما تقولة ابي كلينكس وتأذية بتالي الليل

ثالثا: نحتاج تدورين لنا مخدة من يحط راسة الواحد فية وهي تقرى وتسبح وتستغفر وتمسح عليه ... لا وتفل وتقول لا إلاه إلا الله

علشان الواحد ينام هني وما يحلم حلوم غريبة

THE BOSS said...

سلامات وما تشوفين شر
انا قلتلج ما صدقتيني
قلتلج احمر رايح و احمر جاي
تقوليي ما فيه ولعه
الحين صاحباتج طايحيله شماته فيج
ومخدة غير شي

صرنا حق الشماته يا سعد

ان شاء الله عدوينج
وعطني ولعه

بنت الشاميه said...

Enter-Q8 :

التحلطم ماله مخااااد
التحلطم يبله ميبر وخيط حيص
لووووول
مشكور ....الله يجيرك عن الشر

بنت الشاميه said...

Um il sa3af wil leef

اصليه حق البجي
الله يبعدنا عنه

بنت الشاميه said...

Mok :

عاد اشدعوه قول ما تشوفين شر...!!!!ء

بنت الشاميه said...

Purplecious :

ما تشوفين شر
اطرشها لج برسم الخدمه
حياج الله

joy said...

شيلمهن شيلمهن
هذي مخدة حمّالة الأسيّة

بنت الشاميه said...

DiLLi O MiLLi :

ههههههههههههه
الصج انا وكيلة مخااااد
بس هذا سر لا تعلمينه احد
امااستعمالاتها فهى كثيره وحدث بلا حرج

مشكوره الله إيرج من الشر

JooJ o MaJooJ said...

allaah
hal makhada mn wain???
abiiiiihaa... tloogly
hal ayam ma anam ella edme3ty 3la khaddy :(

majooooooooj

بنت الشاميه said...

حسافتج يا كويت :

ليش نحيس اللى مسويها...؟؟؟؟
اللى مسويها ريل يحب مرته وايد ويبى يريحها على كثر ما يقدر
اما طلبك ....بدرس الموضوع واعرضه على شركائي الصينيين يفكرون فيه
واكيد عندهم الحل...هذول ما عندهم شيئ ماله حل....لوووول

مشكور والله ايرك من الشر

بنت الشاميه said...

joy :

هههههههه
هالمخده يبلها عبد الحليم يغنى عليها
مع المخده الخالده

بنت الشاميه said...

JooJ o MaJooJ :

بعد قلبى شفيج....؟؟؟؟
ترا الزعل وايد موزين وخصوصا قبل النوم.....الله يهدى بالج...امين

swan.beach said...

خوووش مخده احتاجها حاليا مع الانفلونزا الي حايشتني

جم يبيعونها بنووته ؟؟

nanonano said...

ما تشوفين شر

أنا يتني الأنفلونزا الأسبوع اللي فات

بحياتي ما ياني شي جذي

حطي بالج زين..و أخذي كورس الأدويه كامل
=====

المخده وايد يازت لي و خاصة أنا على قولة زوجي مشتهي مره زشوفج من غير كلينكس

فزذا حصلت هالمخده

خلاص..تكمل سعادتي

JuVeNTiNa said...

سلامات ان شاء الله ..

تكفييين من وين نبيها ..

Anonymous said...

ما تشوفين شر
نتمني لك الصحة والعافية و السعادة
وكل عام وانتي بخير والمحفظة متروسة فلوس والله يستر من سعر برمليل النفط
تحياتي

ReLaaaX said...

اقعاااااااااااد !


اعجبتني .. وتنفع حق الناس اللي حساسيتهم رفيجتهم ;p


ماتشوفين شر حبيبتي

Eng_Q8 said...

عاد صج صج صج يبيلي مخده من هالنمونه بهالوقت النشله مو راضيه اتروووح فهذا هو الحل وباخذلي وحده حق الدوام بعد :p

قلب طفله said...

يازينها من مخده

بهالفتره الانفلونزا تحووس عندي

ما تروح يبي لي و للحبايب :s

سلامتج خيتو و ما تشوفين شر :)

بنت الشاميه said...

swan.beach :

هذى زيارتج الاولى لمدونتى
فتستاهلين .....طلبى وتدللى
وما تشوفين شر
الصج ما عندى اى معلومه عن هالمخده
بس اذا حصلت عليها لج اول وحده
لووووول
حياج الله

بنت الشاميه said...

nanonano :

مشكوره والله يجريج من الشر
ودائما يدور ببالى هالسؤال
ليش الحريم كله يصيحون ويبجون..؟؟؟
ليش مو الريايل جذي...؟؟؟؟
واذا حصلت عليها ولا يهمج
حياج الله

بنت الشاميه said...

JuVeNTiNa :

الشر ما ايج مشكوره
وتراولى تصميمها سهل مو صعب
واذا توصلت لها بسوي لها اعلان بمدونتى
ههههههههه

بنت الشاميه said...

da Vinci :

زارتنا البركه
ومشكور والله يجيرك من الشر
والخير بالمحفظه بس يبلها صبر
والناس ما عاد عندها صبر
اما سعر البرميل فهذا هي الحلقة الاضعف
=======
المهم انت شلونك وشلون صحتك
اتمنى ان تكون باحسن حال

بنت الشاميه said...

ReLaaaX :

مشكوره والله يجيرج من الشر

بنت الشاميه said...

Eng_Q8 :

اول شيئ م تشوفين شر
مخده للبيت فهمتها
اما للدوام ...ليش...؟؟؟؟؟
هههههههههه

بنت الشاميه said...

قلب طفله :

مشكوره والشر ما ايج
ومن صجى لازم افكر اسويها مشروع تجاري
جنها فكره ناجحه
لووووول
حياج الله

DiLLi O MiLLi said...

المحفظة المليارية جُمدت
ما ضخوها بالسوق يوم الخميس
عشان جذيه ما آرتفعت الآسهم

:)

بنت الشاميه said...

DiLLi O MiLLi :

فى بداية التداول ضخت المحفظه من 10 الى 15 مليون لدعم الاسعار...واستطاعت الصمود لساعة ونص
ثم انهالت على المحفظه سيل من البيع الجنوني....مما جعل الهيئه تنسحب وتتوقف عن الضخ لعدم قدرتها على الصمود ودعم الاسعار
وقد اعترفت الهيئة بذلك
وشكرا لمعلومتج

ZooZ "3grbgr" said...

ما تشوفين الا العافية انشاالله
حبيبتي خوش مخده ترى
وينها عني
انا انام وانا حاضنة قوطي الكلينيكس
هههههههههههه

المحفظة المليارية طلعت تقليد

:\