Tuesday, December 16, 2008

الوزارة .......وعمليااااات التجميل


الجراحة التجميلية تجرى غالبا لتصحيح التشوهات
الخلقيه والتى لها آثارا نفسية للمصاب بها
وأعتقد هذى مطلوبه للإنسان بل ضروريه
وأما الجراحات التجميلية الإخري التى تزيد الحسن
والجمال وهي الأكثر رواجا و خصوصا إذا كان
الإنسان يشعر بعقدة ما بشكله ويريد أن تعود ثقته بنفسه

هل تعتقدون إن بنحتاج إلى هذه العمليات التجميليه
من حكومتنا ااااالى مجلسنا ااااالى شعبنا....؟؟؟؟
ولإن التشوهات والنتواءات والجلف زاد عن حده
فى ويوهناااااا من التحرير إلى الحين
تهقون نقدر نسوي هالعمليات الحين ...؟؟؟؟؟
أااااااااااااو
عندنا الدكتور الشاطر اللى يسويها ويرجعنا
مثل قبل..؟؟؟؟؟؟؟؟؟؟؟؟؟؟
ياااااااريت يقدر يرجعنا إلى أيام العهد الجميل
أياااااااااااام زمان
مااااا أقول الإ
الله يستر من ال 16 دكتور القادمين بعد إسبوعين
الله يستر.....الله يستر

31 comments:

Purplecious said...

اي و الله
الله يستر

انا اقول ماكو على دكاترتي اللي حاطتهم

نقوا لكم جم واحد حق الحكومه اليديده.. ولا ليش جم واحد؟

اخذوهم كلهم

لوووووووووووووول

Fahad Al Askr said...

مشكلتنا يا عزيزتي إن ربعنا يمشون على إن الجمال بالشكل مو بالجوهر

حكومتنا حتى لو خلوها نانسي عجرم يبقى صوتها عوض دوخي

KQ8 said...

ولا راح ينفع

لو يشفطون ويشقون ويخيطون مليون سنه ولا راح ينفع

nanonano said...

شوفي يعتمد على الدكتور اللي راح يسوي العمليه و يديرها

أذا بتسترخصين اللحمه...أكيد راح تخوّن فيج المرقه

بس أذا حطينا مخنا في راسنا..و شفنا كميه و بشاعة التشوّه اللي وصلنا له..لازم..لازم..لازم..نييب أحسن دكتور في العالم ليحاول..طبعا هذا غير الدكتور النفسي اللي راح نحتاجه لمعالجتنا من الداخل..بسبب التشوهات النفسيه اللي نعاني منها

يعني يا محفوظة السلامه يبيلنا دكاتره من نيويورك و فرنسا..شغل لبنان و أيران و مصر

و الترقع اللي طايحين فيه

..ما راح يفيدنا

Barrak said...

انا اقول لو يختارون 10 وزراء من المدونين

اعتقد ممكن ننافس المانيا

Anonymous said...

أعتقد اننا بحاجة إلى حيوان منوي ألماني وبويضة أنجليزية لنضعها برحم امريكية


لتخرج لنا وزارة انبوبية لها جينات سياسية راقية تعرف درب النجاح



اما عمليات تجميل يا عزيزتي الجميلة


الزجاج عقب الكسر ما ينبرى

ونحن وجوهنا من زجاج ماينفع معاها عمليات التجميل

Amphibious said...

احنا ما نحتاج وزراء من المانيا ولا من غيرها احنا نحتاج وزراء ونواب يخافون ربهم بالناس
وشكرا للبوست الرائع

بنت الشاميه said...

Purplecious :

الوضع يخوف ...الله يعينا
ودكاترتج الله يعافيج خشيهم لنا
حقنا بس بروجنا
اخاف يخربونهم.....مشكوره على النصيحه

بنت الشاميه said...

Fahad Al Askr :

يااااا فهد اكو احد يبعد عينه عن جمال الشكل......تقدر انت...؟؟؟
ترا نص المال نظره

بنت الشاميه said...

KQ8 :

ليش عاد كل هالتشائم
خلونا نحلم ...يمكن تتحقق احلامنا
الله كريم

بنت الشاميه said...

nanonano :

هذا اصدق مثل قالوه ابهاتنا
بس لحمة الكويت طول عمرها غاليه
الطباااابيخ اليدد هم اللى العبوا فيها......والله كريم
====
ترا يمدحون دكاترة الشام يقولون ما كو عليهم....واذا تخاف الوحده منهم
تواعد دكتورها فى باريس او نيس او ليون...ويسوي لها علملياتها هناك
لا من شاف ولا من دري

بنت الشاميه said...

Barrak :

والله فيك الخير للمدونيين
بس اذا اقعدوا على الكراسي تهقا ما يتغيرون...؟؟؟؟؟

بنت الشاميه said...

حسافتج يا كويت :

والله ياحسافتج بطن الكويت ولاده
وفيها كل الخير والبركه
بس هم خليهم يدورون عدل ...!!!!ء
ويحسنوووووون الاختيارات.....!!!!!ء

بنت الشاميه said...

AK-47 :

صج نبى اللى يخاف ربه والصادق القوى الامين
نرضى بقليل من الكفاءة بس بكثير من الامانه
الله يحفظ الكويت

ZooZ "3grbgr" said...

عمليات التجميل ترقيع ياخيتج
وما خفي كان يخرع
وما تورث
اللي خشمه عوي لو كسروه وعدلوه
بيطلع ولده بجيناته بو خشم عوي

نبي نجتث البشاعه من أصولها
تيين تجتثين معاي؟

Anonymous said...

بطن الكويت ولادة هاااااااااا؟؟؟


الظاهر ما دخلتي مدونتي وقريتي موضوعي

اقرية وبتعرفين ردي



ولادة؟؟؟


هين

Anonymous said...

حسافتك يا بطن الكويت

enter-q8 said...

عبدالحليم حافظ
مأذيني هاليوميين
بالحلم بالسيارة بالدوام
كله طالع لي
طريقك مسدود مسدود يا مواطن

@alhaidar said...

والله يا أختي أظن نحتاج عملية استئصال للأورام الخبيثة المنتشرة في كافة انحاء الجسد مو عمليات تجميل ..

وإنشالله يكون عندنا جراح حكيم وشاطر يقدر على هالمهمة

شكرا لتقليب المواجع :)

بنت الشاميه said...

ZooZ ZaibG :

الشكل مو مهم...... الاهم هي الجينات
وشلون نعدلها ونحسنها....هذى مربط الفرس
وانا وياكم اكيد باجتثاث البشاعة بجميع اشكالها والوانها واماكنها

(:

بنت الشاميه said...

حسافتج يا كويت :

لا ياااااولد اخوي....لا تصير انهزامي
الكويت فيها الخير طول عمرها
وبطنها ولاااااااده ما تعيز ابد
الخير دايما بقبول
لا تتشااااائم ابد

بنت الشاميه said...

Enter-Q8 :

انا عكسك
اسمع لام كلثوم
الحلم ..... و .....انا فى انتظارك

بنت الشاميه said...

الإعلامي أحمد الحيدر :

ان شاءالله ما كو اورام خبيثه بس تشوهاااات كثيره داخليه وخارجيه
بس فى امل كبير بنجاح العمليه
والدكاتره ان شاء الله فيهم الخير
لازم نتفائل

enter-q8 said...

هم بعد اقول عبدالحليم
دشي وشوفي الهدية اللي لك

THE BOSS said...

تفائلــــــــــــــــــــــــــــــــــــــــــــــــــــــــــــــــــــــــــــــــوا


وعطني ولعه

بنت الشاميه said...

Enter-Q8 :

مشكور خووووش هديه
مبدع دائما

بنت الشاميه said...

THE BOSS :

هذا اللى بيدنا مااااعندنا غيره
التفائــــــــــــل

ميرامار said...

انا اقووول خل حكومتنا تروح حق بول عودة أو مكرم أبي فاضل

تصير احلى من هيفا
:P

Anonymous said...

ماراح أصير إنهزامي علشانج
مع إن كل شي حوالينا مهزوم


ومن اليوم إلى يوم الاحد ماكو إنهزام
اكو تفاؤل وفرح وحب

بنت الشاميه said...

ميرامار :

شورتج وهداية الله

بنت الشاميه said...

حسافتج يا كويت :

احسن شيئ تسويه
صحتك بالدنياااااا