Wednesday, December 31, 2008

عسى 2009 كشه مووووو قرعه

حفلة راس السنه ترا بدت من الحين
واتصل باى انساااااان تحبه
لاتنسووووووون


كل ما اتمنى بهذا العام الجديد
ان تكون سنة خير وحب وااااااامان
وطمأنينه وسلام يعم العالم كله
وان يبعد عنا حسد الحاسدين وحقد الحقادين
وان تزداد الثقة فيما بيننا

ونبتعد عن سوء الظن بنوايا الاخرين
وان نخلص لهذا البلد ونكووووون امينين عليه
اللهم امين
ترا اللى فينا كافينا مو ناقصين زرقاء اليمامه
وتنبؤاتها اللى تقمت القلب والروح
واقول لها الله يخليج ........ سكتي
عام سعيد للكل والجميع
**** ***
الله يهدها سنة 2008 سوتها فينى باخر يوم
طحت وانكسرت ايدى
يعنى ادخل السنه اليديده وبإيدى جبس
الله كريم
ما ينلام حسافتج يوم راح المقبرة ودفنها
وما صلى عليها الا ثلاثه.... صج.تستاهل

65 comments:

ZooZ "3grbgr" said...

يمه

حدي اخترعت منها

مادري ليش قلبي قام يرقع

الله يكافينا شرها

لاحظتي انها قالت اسامي الاوادم كلهم

الا السياسيين والفنانين الكويتيين

لوووووول





على العموم

حبيبتي بنت الشامية

عسى ربي يسعدلج أيامج

وتكون لج ومن تحبين سنة أجمل

:")

Mok said...

خيران شاء الله

وانت بخير
:)

حسافتج يا كويت said...

بنت الشامية

عام سعيد إنشاء الله عليج وعلى اهلج وعلى الكويت

يـــــــــــــا رب

وصدقيني زرقاء اليمامة ما عندها سالفة
انتي شوفي منو سوى المقابلة معاها اول

سمعتي عن المثل اللي يقول
اتلم المتعوس على خايب الرجا

زرقاء متعوسة والوطن خايب الرجى

سمعي عصفورتي وخلج من زرقاء اليمامة

عصفورتي تقولج بتلبسين الثوب وبترقصين بعرس ولدج


قولي آمين

esTeKaNa said...

يا شيخة الشامية كلها
يا صديقتنا العزيزة دائما
عسى ربي يحفظج
ويحفظ لج اسرتج الجميلة ويطرح فيهم البركة وتبلغين فيهم جميعا

راس السنة كشه؟
وييي يا حسرتنا
ترا مسويه ويفي
كيرلي
بس ماحد فاهمها مسكينه
:pP~

Someday said...

Ameeeen
kil 3am ow entay eb 1000 '7yyer!
wish you the best of all:*

Mamloo7a Q8ia said...

كل عام وانتي بكل الخير
واهلج وكل من تحبين
وعساها سنه سعيده على الكل

وخلي المشعوذه زرقاء اليمامه عنج
كذب المنجمون ولو صدقوا

وان شاء الله ربي يكتب لنا الخير
ويحفظ ديرتنا ويحفظنا من كل شر

Fashionista said...

وسيشهد 2009 اغلاق ثلاث قنوات فضائية محلية.. ليست من بينها قناة «الوطن» التي رأت ام علي لها رؤيا خير.


هذي صج ضحكتني

لول

كل عام و انتي بألف خير يا بعد قلبي و عساها سنة خير انشالله :*

swan.beach said...

كشه كشه
من الاخبار الزينه

انتو من صجكم تسمعون للخزعبلات

على قوولة امي

هذي تخااريف وما تشووفين الا الي ربي كاتبه لج

عسااهاا سنه سعيده مترووسه من الفرح والوناسه لج ولأهلج وللكويت كلها

:))

almaqwa3 alsharqy said...

اميين يا رب العالمين

عساها سنت خير ومحبه
وكل عام وانتي بخير
يابنت الديره

بوتشخيص said...

كل عام و انتي و اسرتك الكريمة بخير
و كل عام و ديرتنا بخير :)

lawyer said...

صبحج الله بالخير عساهاااا سنه خير عليكم جميعا انتي و الاسره الكريمه

ويارب يديمها عليكم بكل نعمه

و يحقق مراادج هالسنه و السنينن اليايه كلهااااا






اللهم اجعلها سنه افراااح و خير و الكثير من الحب

nanonano said...

آميـــــــن

و أقول حق زرقاء اليمامه أستريحي

العزيزه بنت جيرانا

كل عام أنتي و حبايبج كلهم بألف صحه و سلامه

charisma said...

:))

صبااح الورد
اميييييين

وكل عام وانت واسرتج بالف خير وصحه وسلالامه يالغااليه

:**

miss u soo much

Najmah said...

آميين يارب العالمين
:))
كل عام وانتي بخي
ويارب تكون سنة خير عليج
وعلى كل من تحبين
:*

KQ8 said...

حتى لو قرعه هالايام يزرعون الشعر

:)

كل عام وانتي والعائلة الكريمه بالف خير

نون النساء said...

ان شاء الله كشة
مو مشكله نمشطها بس قرعة لأ


وكل سنة وانت والعايلة سالمين
أمنيات سعيده ان شاء الله

سالفة قلب said...

العزيزه بنت الشاميــة

كل عام وانتي والعائلة الكريمه بخير

الله يجعلها سنة خير وسعاده على الجميع

ma6goog said...

كل عام و انتي بخير

Purplecious said...

وي وي وي اسم الله عليـــــــــــج

سلامااااااات يالغالي سلامات
:*****

كل هذا من شطة التحضير حق السهرة اليوم؟؟ لوووووووووووول

يالله الحمدلله على السلامة و كل عام و انت بخير يا رب و أهلج و أحبابج و كل من يعز عليج

:))

و كشــــــة كشـــــــة

بس ما تكون كشـــــــــة ضايعة

الله يستر

ولد الديرة said...

سلامات

منو بعد زرقاء اليمامة
!

من وين تطيحون على هالأشكال

حتى لو قرعة رشي عليها مونوكسيديل يطلع فيها شعر اكثر من الشعر اللي برقبة داودوه حسين

كل عام وانتم بخير

Anonymous said...

كل سنه وانت طيبه

وان شاء الله سنه كشه ونحط عليها دهن وزيت وبلسم .....هى خل تصير زينه و الباجى علينا
لووووول

وما تشوفين شر وسلاماااات

-mate said...

ماشالله عليج خاشة اللنك من تاريخ 5/12 حق هاليوم
;)

ما عليج من ام علي، أقول خل تستريييييح بس

وكل عام وأنتم بخير
:)

Enter-Q8 said...

العزيزة اختي بنت الشامية
على ما اظن هالسنة كلش كلش مو سنة اهل الشامية

اتمنى العام الجديد افضل و ابرك عليك و على الكويت و اهلها

joy said...

كل عام وانتي بخير وياعساها خير علينا كلنا
كفاية اللي صار السنة اللي طافت






هابي نيو ييير
:)

Mamloo7a Q8ia said...

سلامااااااات يالغاليه سلاماات
ما تشوفين شر حبيبتي

ان شاءالله 2009 تكون سنة خير لج
ولكل من تعزييييين

athoob said...

كل اللي من الله خير :)

كل عام وانت بخير يا بنت الشامية :)

Fashionista said...

سلاماااات ما تشوفين شر :*

بنت الشامية said...

ZooZ "3grbgr :

مشكوره والله يسعدج انت واهلج وحبايبج بهالسنه اليديده

اما ام على فراحت فيها ....ههههه
بدقق تنؤاتها كل يوم واشوف مدى صحتها
لوووول

بنت الشامية said...

Mok :

ان شاء الله تكون سنة خير للجميع

بنت الشامية said...

حسافتج يا كويت :

كل سنة وانت طيب

واحلى شيئ عصفورتك.....ما عندك ثانيه..؟؟؟؟ لو سمحت ابى اختها
عاد شجاااب لجاب
عصفورتك الى اليمامه...!!!!!ء
طبعا انت وعصفورتك

حياك الله

بنت الشامية said...

esTeKaNa :

استكانتنا عندنا يافرحنا يافرحنا
مشكوره على الكلام الطيب اللى يرد اقصى ما فى الروح
ان شاء الله تكون سنه خير علينا كلنا
والاهم ان نعيش بامن واماااااان وحب

يابنت الحلال كشه كيرلى افرو
كل راضين فيه.....المهم الخير فيها
حياج الله

بنت الشامية said...

Someday :

ان شاء الله سنه حلوه للجميع
شكرا

بنت الشامية said...

Mamloo7a Q8ia :

هلا الغليه

يعلها سنة خير وحب وسعادة وفرحه للجميع
ويعطينا الله خيرها ويكافينا شرها
وتكون احسن من 2008 اللهم امين

والله وانت صاجه كذب المنجمون ولو صدقوا
بس اهى خابه نفسها وتدور الشهره

والله يسلمج من الشر
خوووش طيحه طحت...بس الله سلم
واليوم اعنى من الرضوض والالم
بس الله كريم...مشكوووووره

بنت الشامية said...

Fashionista :

اللهم امين ان شاء الله تكون سنة حب وخير للجميع

الله يهدها ام على سكرت القنوات المنافسه للوطن ...عشان تونسهم ويزيدون الجيلة لها
هههههههههههههه
مشكووووووره
والله يجيرج من الشر ومن شر الطيحاااات
ترهاااااا تعور
لووووول

بنت الشامية said...

swan.beach :

ان شاء الله تكون سنه خير وحب وسعاده

واللى الله كاتبه بيصير غصبن عن ام علي وعيونها الزرقه....يقولون لابسه عدسات زرقه.....هههههههههه
ترا هذى من عندي
كل عام وانت بخير

بنت الشامية said...

almaqwa3 alsharqy :

للهم امين ويسمع منك
ما نبي بهالسنه الا الامن والاماااان
وانا بنت الشاميه ..لووووول
حياك الله

بنت الشامية said...

بوتشخيص :

وانت بصحة وعافيه عساها سنة جميله للجميع
حياك الله

بنت الشامية said...

lawyer :

هلا بالغاليه الغايبة

كل عام وانت بخير
والله نبيها سنة حب وامان وامن وخير لنا وللكويت وللعالم كله
اللهم كثر الحب بينا ....امين

متى بتفتحين دكانج.....عيزنا واحنا ننطر.....يالوير....حققى امنتيى بهالسنه....تسمعين..ههههه
سلام

بنت الشامية said...

nanonano :

هلا بيرانا اليدد
كل عام وانت بخير وامن وامان وسلام
شلون اهل الشاميه وياكم...عسى مو مقصرين ..؟؟
حياج الله

بنت الشامية said...

charisma :

اختى العزيزه كل عام وانت بصحة وخير وحب وسعاده
انت وينج انا فاقدتدج واااايد فى مدونتى.......اسعدنى مرورج
اتغشمر وياج ادري انج ماااااا تقصرين
حيااااج الله

بنت الشامية said...

Najmah :

ان شاء الله تكون سنه خير علينا كلنا يارب
مشكووووره وحياج الله

بنت الشامية said...

KQ8 :

كل عام وانت بخير والاسرة الكريمة

حتى زراعة الشعر نحتاج شعر من الراس نفسه...اذا ماكو شعر ما تصير زراعة
بس عاد وقتها نفكر نستخدم القرعة استخدمات اخري
حياك الله

بس said...

كل عام و انتي و من يعز بالف خير


و الكويت بالف خير


:)

بنت الشامية said...

نون النساء:

كل عام وانت بخير
حتى قرعة نلبسها باروكة
لووووول
بس تكون سنة خير ومحبه وسلام
حياج الله

بنت الشامية said...

سالفة قلب :

انا اقول مدونتي ليش منوره وااااايد اليوم......سالفة قلب عندي
ياااابختى....هلا بالغاليه
سنة سعيده عليج وعلى العايلة الكريمه وكل احبائج
يعلها سنة حب وخير وامن وامان
ان شاء الله
حياج الله

بنت الشامية said...

ma6goog :

مشكور ان شاء الله تكون سنة خير على الجميع.....حياك الله

قلب طفله said...

كل عام و انتي بخير و الجميع يارب

و خليها كشه و لا قرعه نبلعها :)

زرقاء اليمامه نعقبها و نلقى

خيييييير بإذن ربي

سلامتج و ما تشوفين شر

ان شاء الله تكبرين و تنسين :))

بنت الشامية said...

Purplecious :

كل سنة وانت طيبه
سنة سعيده للكل يارب
والله يسلمج.....ماكو الا العافيه بس كسر بسيط بالرصغ
وحفلتنا سريه نخاف من الجماعة اياها ...يطبون علينا
لوووول
ياخلاف اكو شيئ بالكويت يتسوى
الله كريم
الاهم تكون سنة خير وحب وامن وامان
حياج الله

بنت الشامية said...

كل سنة وانت طيب

يعنى تعتقد وين نلقها لا بالجرائد الصفراء.......هذى حرفتهم

والباجى ...لاتعليق عندي
الا يووووووز
لووووول
حياك الله

بنت الشامية said...

Anonymous :

وانت طيب وان شاء الله تكون سنه سعيده احسن من اللى قبلها
والله يسلمج
وحلولج جدا مقنعه...يبلها وزير دولة يطبقها..هههههههه

بنت الشامية said...

-mate :

وانت بصحة وعافيه
وشفيك على زرقاء اليمامه
مش حلوه...ههههه

بنت الشامية said...

Enter-Q8 :

هلا باخوي العزيز
كل عام وانت بخير
والله سنة 2008 سنة حزينه على الشاميه
بس هذا اللى الله كاتبه لنا
اللهم لا اعتراض
حياك الله

بنت الشامية said...

joy :

كل سنة وانت طيبه
والخير ان شاء الله بقبول
هذا اللى بايدنا نتفائل والباجي بيد الكريم

بنت الشامية said...

athoob :

الخير بوجودج بينا
كل عام وانت بخير
مشكوووووره

بنت الشامية said...

بس :

وانت بخير وصحة وعافيه
سنة سعيده للك والجميع
حياج الله

بنت الشامية said...

قلب طفله :

كل سنة وانت طيبه عليج وعلى الاسرة الكرمه واحبائج يارب
وعساها سنة خير وحب وسعاده للجميع
والله يسلمج وما تشوفين شر
انسى الالم بس لا اكبر الله يخليج
لووووووووووووول

اجار الدين كشمش said...

good moooorning
shamiya dootr
hapeeeeee neu yeeeer

i hop 2009 u well flaaay from lovv
and ur haart singing
like ur boost >> kombaari saadeegoo
no body can be like u

famala
klee kayaaat alshamiya

translaeet 4 u

famala2

ميرامار said...

كل عام وانتي بخير

ما عليج منها، تلاقين السكني مالها كان ضايق خلقها وقبس

انشالله تكون احسن من اللي راحت

nikon 8 said...

عساها سنة كشة وإحنا نتظلل تحتها ... وسلامتك من الكسر ... ولا يكون بسبب نقص فيتامين د اللي ذكرتيه قبل ؟
أما زرقاء اليمامة ففالها ما قبلناه
ما سمعت بحديث الرسول : تفاءلوا بالخير تجدوه
!
سنة حلوة عليج وعلى كل أحبابك
:)

Um il sa3af wil leef said...

كل عام وإنتي بخير ...وسلامات يالغاليه

Anonymous said...

هههههههه

انا اللي هو انا

موووووووووو انت اللي بتخدم بنت الشاميه
حتى لو هي اختارت طريقك وعلاجك بالخارج
نحن اولا بخدمتها عندنا المجبر العتيبي بالفحيحيل
يجبر ايدها السبت
انا مو انت انا

بنت الشامية said...

اجار الدين كشمش :

كل عام وانت بخير
عشتوا بالانجليزي....انت وينك..؟؟؟
ليش اسئل الخياط ..؟؟؟؟
اعرف مترجمه هنديه وايد صديقتى
انت تعرفها...هههههههههه
متى الرده للكويت..؟؟؟؟
حياك الله

بنت الشامية said...

ميرامار :

كل عام وانت بخير
ام على ماادرى من وين طالعه لنا
جاااان زين بس تستريح
حياج الله

بنت الشامية said...

nikon 8 :

كل عام وانت بخير
والله يسلمج لا توصين حريص اكل اربع مرات بالاسبوع سمج..ههههههههه

هذا زرقاء اليمامة مصدقة نفسها وايد
سنة حلوه يالطيبه
حياج الله

بنت الشامية said...

Um il sa3af wil leef :

كل عام وانت بخير
حياج الله