Tuesday, November 18, 2008

وتاليتهاااااااااااا ويااااااكم

اذا تم الحل الانتخابات بعد 47 يوم
أي فى اوائل يناير 2009




وتاليتهاااااااااااااا ويااااااااااااااااكم
مع الذين رضعوااااا من جهيماااااااااان
وتكرشواااااااااااااااااا من ابن لادن
ايتها الصحراء لازلناااااااااا نحبك.

وبااااااااااااااااااقين على حبك وودك
حتى مع من اساء إليك من أبنااااءك
ترا بنشق ثيابنااااااااااااااااااااااا
مــــــــــــع الاعــــــــــــــتذار الشديد
للطفــــــــــــــــوله البــــــــــــــريئه

43 comments:

اجار الدين كشمش said...

جئنا دعاة لقندهار نبايعُ
كل من يحجر على الشعبِ

فلا صوت لكم يعلو ويرفعُ
لما ألفتموه من حرية الطربِ

إما مسيرٌ معنا وإلا فارجعوا
ومن لم يستقم فبشره بالضربِ


زووز
لا تعليق لدي افصح من هذه الابيات للمدونه الزميله
زوزو
مو عقر بقر
لانها بصدد تغيير اسمها

فمالله

حسافتج يا كويت said...

بن شق ؟؟


ليلحين ما شقيتوا؟؟


انا شقيت ثيابي من الصبح

nanonano said...

تبين الصج...منو اللي قوّاهم؟

و منو اللي بدّاهم على أهل الكويت؟

هذي النتيجه..قاموا يتطاولون على الكل

صدّقوا روحهم

و نتايج تصديقتهم حق روحهم

أحنا اللي بناكلها

athoob said...

انا مثل هالياهل بالضبط
قاعدة ابجي :(

فيني صرخة كبيرة ودي ازأر على كل واحد من هالثلاثة !!

الداد حق هالديرة :((((((

حـمد said...

الليمون بالنعناع زين هالايام

لج حق

مادري وتاليتها معاهم

حنطفيس said...

ايولله
.
.
ايولله

Cr8ivia said...

yat 3alaihun ya bint il shameya ?

kilhum kilhum !!!!!!

Fahad Al Askr said...

أربع سنين وبتشق هدومها، عقب ثلاثين شنة شبتسوي؟

بنت الشامية said...

اجار الدين كشمش :

والله صاجه زوزو
والله ان شعرها من احسن الشعار
وما قيل فيهم
بس قبل انت استاذنتها قبل لا تنشره
يااااااويلك ان ما استئذنتها
لوووووووووووول

بنت الشامية said...

حسافتج يا كويت :

والله طلعونا من طورنا
قلنا اليوم ...لا باجر يطخون
مهم طااااخين

حسافتج شيبون....؟؟؟؟

بنت الشامية said...

nanonano :

العين الخضره .........والله يااااانانو
االعين الخضره هى الخدمتهم خدمة العمر

بنت الشامية said...

athoob :

بس ثلاثتهم .... ثلاثة ارباع المجلس منهم
الله يستر بستره

بنت الشامية said...

حـمد :

اى ليمون واى نعناع
هالايام مال مرقدوووووش....وسك
بدون ماي

بنت الشامية said...

حنطفيس :

ايو الله

بنت الشامية said...

Cr8ivia :

اي والله كلهم ...كلهم
انت وينج غاطه هالايام
تطلعي وبعدها تنخشين
ترا نوله عليج

بنت الشامية said...

Fahad Al Askr :

لابسه من غير هدوم...بس شراب

bo bader said...

تاليتها هي توعية الشعب ليحسن اختياراته

ودي أكرر تعليقي عند مدونة حمد لتعميم الفائدة:

المحافظة على الدستور واجب على الجميع

وإن مو عاجبنا الأعضاء الحاليين ، فواجبنا أن نحاسبهم ونغيرهم بقدر المستطاع

بتقولون صعبة

طبعا صعبة ، ومن قال أن طريق الاصلاح سهل

تبي تحافظ على دستورك وحرياتك ، لازم تتعب وتضحي

تحياتي

بنت الشامية said...

bo bader :

كلامك مااااا عليه زود

لازم نتعب ونجتهدلنحسن الاختيار
واعتقد انه اخر اختبار لنا
وماكو غيره
الله يستر

ZooZ "3grbgr" said...

لووووووووووووووووول
يا اجار
يا حرامي الاشعار
تدري عقاب من لف ودار
وعلى حقوق زووز أغار
طلع بنشرة الاخبار
على قناة الانبار
مسودن وعقله طار

اي عيل شعبالك
احرجتوني والله
بس شسوي
الثلاثه الكوكباني اجادوا قريحتي
مو يا تجود يا انبط

وبعدين انا مو زوزو
انا زووووووووووووز
ضحكتني تقول بتغير اسمها من عقر بقر
اسم بلوقي مو اسمي
اصلا احتر لما ينادوني عقر بقر
هههههههههههههه


بنت الشاميه حبيبتي
لا تضيقين خلقج وانا اخيتج
ترى منتي معدله فيهم شي
وهقوتي صوتنا ابد ما وصل
يبيلنا بوست جوكليت بار
:p~~~

الحجـــيّه said...

السلام عليكم جميعا

يوخيتي ما ادري اشصاير بالديره لويه وحوسه واغبره واحد موعارف شحنا فيه هدوا حلينا هد من المحاتات محنا عارفين وين بنوصل الله يصلحهم ويهديهم
مو لهم لنا نبي نرتاح تعبنا وربي تعبنا كل بالديره خربوه

حسافتج يا كويت said...

بنت الشامية


يبون الكويتيين كلهم يشقون ثيابهم

وهم يتفرجون علينا مفاصيخ


حسبي اللة عليهم

بنت الشامية said...

ZooZ "3grbgr :

يستااااهل يطلع بنشرة الاخبار
وبقناة الانبااااار
هههههههههههه
من وين مطلعتها هذا يزاه واقل من يزاه
ادري ما نقدر انعدل فيهم شيئ
بس على الاقل نعدل فى مخوخ اللى انتخبوهم وحطوهم علل على قلوبنا
مشكوره

يا سْديرَه said...

مالها تالي معاهم اخيتي

استجواب غيرهم ما يجوز وظروف البلد ما تسمح !! استجوابهم اشوف يجوز وحالة البلد مو بالعين شي؟؟
اشلون ترهم علميني

بس صراحة احسدهم على الثقة

اتصدقين كل مالي وأقتنع ان احنا فعلا مو مال اشهار احزاب

اعنبوهم يفترض فيهم كحزب انه رؤيتهم واهدافهم وتوجهاتهم وحده
انا اول مره اشوف ناس ينتمون لحزب كل واحد فيهم رايه مغاير للثاني
@@
واحد مع!!واحد ضد

وسلملي على النضج السياسي

اما الياهل فديتها ما شاء الله لا قوة الا بالله من الحين عوبه وملسنة هاذي لكبرت اشبتسوي ؟؟ الله يعين وهدانها
;r

تمسي على خير بعد قلبي

بنت الشامية said...

الحجـــيّه :

حمد الله على سلامتج
ومن طول الغيبه جاب الغنااااايم
منورتنا

والله تعبنا واتعبونا
نبى نرتاح بس مضيعين الوقت بخلق الفتن
والمشاكل اللى مالها داعي
بس تشويه صورة الكويت دوليا
الله يحفظ الكويت

بنت الشامية said...

حسافتج يا كويت :

هذاااااا اللى يبونه
وبعدها يشتكون علينا لفعل فاضح بمكان عااااام
عااااد دورلك على واسطه تطلعك
هههههههه

بنت الشامية said...

يا سْديرَه :

هم هامهم شيئ
هم اصلا ضد الديمقراطيه وامل حياتهم تدميرها وتحويلها الى نظام شوري
هذا هو قمة النضوج السياسي عندهم
اما الياهل والله وانت صاجا الله يعين وهدانها وامه عليها من الحين
تصبحين على خير

ZooZ "3grbgr" said...

ترى اجار مانجا استأذن لا تحاتين انا بس اخرع اللي يبي يبوقون بوقا شديدا بدون استئذان

:")

ZooZ "3grbgr" said...

جيكي كومنتي عنده

http://7asaftech-ya-kuwait.blogspot.com/

abolesanzalef said...

والله ان شاء الله و لم تم حل المجلس فلن يكون في صالح من يصفون انفسهم بدعاة العمل الديمقراطي والذين بالفعل سيشقون ملابسهم عن قريب.

فليس لانهم فاشلين و اصواتهم منخفضة يقوموا بشن هذه الحملات ضد السلف و الاخوان...
للعلم...اذا تم حل المجلس فسيزيد عدد الاخوان و السلف..

- للاسف وضح اتجاه صاحبة المدونة للاسف..

Enter-Q8 said...

العزيزة بنت الشامية
كنت اتمنى منك ان تكوني اكثر حيادية بهالموضوع
و خصوصا ان لو نظرنا الى الامر جيدا لعرفنا انه لا توجد مشكله
*****************
مادة - 100

لكل عضو من أعضاء مجلس الأمة أن يوجه إلى رئيس مجلس الوزراء
و إلى الوزراء استجوابات عن الأمور الداخلة في اختصاصاتهم ولا تجري
المناقشة في الاستجواب إلا بعد ثمانية أيام علي الأقل من يوم تقديمه،
وذلك في غير حالة الاستعجال و موافقة الوزير
وبمراعاة حكم المادتين 101 و 102 من الدستور يجوز أن
يؤدي الاستجواب إلى طرح الثقة على المجلس
*****************
شنهي المشكله الدستورية الموجوده
تعسف باستخدام الادوات الرقابية مثل ما يردد البعض
والا بناء عرف جديد بعدم استجواب رئيس الوزراء
فاليصعد رئيس الوزراء الى المنصه و يفند ماذكر بصحيفة الاستجواب
و حزتها يشوف شعبيته الحقيقية و اذا كان من اتهمنا هم ارباب جهيمان و ابن لادن
على باطل سيكشفون و يسقطون
اما المشكله الفعلية عندنا اذا كانوا على حق حزتها شنو بنقول
و المشكله اننا عارفين انهم مو قاعدين يطالبون بشيئ غير دستوري
فالنحمي دستورنا من العرف الجديد

Enter-Q8 said...

شنو المشكله يا بنت الشامية
*****************
مادة - 100

لكل عضو من أعضاء مجلس الأمة أن يوجه إلى رئيس مجلس الوزراء
و إلى الوزراء استجوابات عن الأمور الداخلة في اختصاصاتهم ولا تجري
المناقشة في الاستجواب إلا بعد ثمانية أيام علي الأقل من يوم تقديمه،
وذلك في غير حالة الاستعجال و موافقة الوزير
وبمراعاة حكم المادتين 101 و 102 من الدستور يجوز أن
يؤدي الاستجواب إلى طرح الثقة على المجلس
*****************
اذا في اتهام
انها شخصانية
خل يصعد الرئيس و يفند
اذا في اتهام
انها باطله
خل يصعد الرئيس و يفند
اما الشيئ الواضح
انه في عرف جديد ان يلغى هذا البند من الدستور
مالي شغل منو اللي مقدمه
لكن الشيئ الاكيد ان اللي مقدمه عضو مجلس امه
سني شيعي بدوي حضري ليبرالي سلفي اخوانجي
اهو عضو مجلس امه
خل يصعد ناصر المحمد للمنصة و ليثبت للشعب ان قادر على قيادة البلد
و يفند الاتهامات التي تطاله حتى من ناس مالها شغل بالسياسة
خلنا نقص الحق من نفسنا يا جماعه

AK-47 said...

من وصل هالاشكال الا الشعب
بينحل المجلس ويترشحون وينجحون مرة ثانية الناس مو راضية تتعلم :(

يا سْديرَه said...

المشكلة ان مافي بعد نظرولا حكمة
في استجواب الطبطبائي !!على الأقل لو ما يحسب حسبة البلد خل يحسب حساب لمن يمثلهم !! تدرين ان هالمجلس يعتبر بالنسبة للسلف اكبر تجمع لهم يعني انجاز بحد ذاته
ولو انحل .. على ان كل المؤشرات والإجتماع اللي صار البارحة
تقول انه بينحل المجلس !! وساعتها هين اذا زاد عدد السلف في المجلس الياي الا اذا عاد جددوا دمائهم

هذا الموجز والتفاصيل اكيد عندج

:)

كويــتي لايــعه كبــده said...

نشق ثيابنا ليش؟

نشق ثيابهم ابرك!
ء

Mamloo7a Q8ia said...

ماااالهم تااالي يا وخيتي

مالهم تالي الا يخربون الديره

وعسااااهم ما يوصلون ذاك اليوم

حسبي الله عليهم
:(

بنت الشامية said...

ZooZ "3grbgr :

اشوه استاذن منج

الحين اسامحه....مشكوره

بنت الشامية said...

abolesanzalef :

جان زين هذول مثل السلف والاخوان

هذول غير ..... هذول متطرفين
ومغالين بالدين
لاتعتقد انهم افضل منا بدينهم
اعطوا ميثاق وعهد لخالد السسلطان
ان ينهوا الفتنه...وتمت الموافقه النهائيه على سحب الاستجواب
ولكنهم نكثوااااااا بالعهد
واية المنافق ثلاث
اذا حدث كذب واذا واعد اخلف
واذا اتمن خان
مما جعل خالد السلطان يسحب المطير
وانا لايمكن ابدا ابدا ابدا
ان اشكك فى مصداقيه خالد السلطان
======
والحمدلله انك عرفت اتجاه صاحب المدونه
وهذى نعمه
ولان غيرك يرمى المحصناااااات
بدون علم....معتقد ان الدين ملكه له بروحه
ولازم تعرف ان الكويت اغلي منهم بوااااايد ومن توجهااااتهم الخارجيه
وحيااااك الله

بنت الشامية said...

Enter-Q8 :

كلامك الدستورى محد يقدر يقول عنه غلط

الغلط....يكمن فى ان هذه المجموعه المغاليه بالدين وغيره من الامور الحياتيه لم يقرؤا الواقع الكويتي بان من يحكمنا اسرة ويجب ان تتعامل معها بحذر شديد شديد كما كان د. الخطيب وعبد الله العلى المطوع..و جاسم القطامي
كانوا هذول سياسين الى درجة العظم
لم يستجوبوا ولم يجرحوا ولم يتطاولوا
على اى شيخ ....ليس هذا تعفف...ولكنه قرأه سياسيه واقعيه
اطالت من عمر الدستور والحياة البرلمانيه
قرابه 58 عام
ام هؤلاء يريدون ان تضطر الاسره ان تنقلب على الدستور وتعلق الحياة البرلمانيه نهائيا...وبدعم من اهل الكويت لانهم مجوا هذه المهارات
وهذى حريمتهم مااااا راح نعطيهم هالفرصه.....الكويت غاليه
يجب ان تستمر الحياة الديمقراطيه
بالشيوخ وبالشعب
ويجب ان نتنازل سياسيا ولا نجرح كبريائهم
كما فعل السياسيون الاوائل

بنت الشامية said...

AK-47 :

ما نقول الا ان شاء الله يتعلمون
ويعتبرون من هالدروس

بنت الشامية said...

يا سْديرَه :

اصلا هذى امنية حياتهم ان تعلق الحياة البرلمانيه بالكويت نهائيا
والواحد ابتلش فيهم وبيوصلونا الى نفق مسدود
وان شاء الله ما يعطيهم هالامنيه
ويحرمهم ويحرق قلوبهم

بنت الشامية said...

كويــتي لايــعه كبــده :

ما فين شده عليهم
انت كيفك
حدي جباااااانه
لوووول

بنت الشامية said...

Mamloo7a Q8ia :

ان شاء الله بين تاااااليهم
وما نقول الا حسبي الله ونعمه الوكيل عليهم

abolesanzalef said...

السلام عليكمورحمة الله و بركاته...
اعتقد من الواضح ان لكل منا انتمائه الخاص الذي يعكس وجهة نظره.وها هو واضح انتماء الشعب الكويتي الحبيب والي اتضح من خلال انتخابه لمن يمثلونه في مجلس الامة.
- ليس لنا ذنب في فشل الاخرين المعدودين علي الصابع والذين لاحول لهم و لا قوة سوي - لا - ...هذه هي الحقيقة