Sunday, November 09, 2008

إبجم .....اقول


ما ادري مدى صحة هالخبر
بس هل صحيح تقدر الزوجه تبيع زوجها لضرتها..؟؟؟؟
الزوج المغدور يقدر يطلقها ويتزوج غيرها
بس الظاهرهناك شيئ ما مخفي ما ادري شنهو…؟؟؟؟
وبعدين شلون تقدر الزوجه السعلوه توثق عقد البيع….؟؟؟؟
اي قانون هذا اللى يسمح للزوجة بيع زوجها لضرتها
جنه عقد البيع باطل
وعليه على الزوج وهدان تخدى المسكين وقعد
وينك ياهريدى..؟؟؟؟؟
الحق على ربعك….. !!!!!ء
اكوووووو
وحده تبيى تبيع وهدانها الكويتي…..؟؟؟؟
اكوووووو
وحده تبي تشتري وهدانها الكويتى…؟؟؟؟
انااااااااا مااااااا علي
انا نقلت بس الخبر ….وكيفكم
استكااااااااانه
شقال مستشاركم اليوم....؟؟؟؟
يصير والا ما يصير...؟؟؟؟
كل من قاعد ينطر الرد منج
ترا زادت الطلبااااااات
جاءنا الاعلان الاتى من وكاله ياسديره
وعند سديره الخبر اليقين فى تعليقها عندى
وهمن اااانا ماااا علي

48 comments:

Anonymous said...

تبربس

بنت الشاميه said...

شعليك ....مبروووووووك
اسمك منور بالجريده
الله يانى فرحت لك
تصدق سبقتنى تونى بمرك

esTeKaNa said...

هاو هاو
وين منشور هالخبر؟
وشنو ماده 168؟
شي لا يصدق لا شرعيا ولا قانونيا
!!
انتي متخيله شنو محل هالعقد؟
محله زوج
يعني أدمي
من تجاره الرقيق الى تجاره الازواج
ههههههههههههههههه
ياربي لا تعاجبنا
يعني احتمال نوصل مرحله ان المرة تبيع لأغلى ثمن
واحتمال يصير في طلبيات بالنت
ابيه شي مو صج
هههههههههههههه

باجر لازم اكلم المستشار
ونسوي تحريات نتأكد من صحة الخبر
:))

nanonano said...

أنا بنزله بمناقصه

و لازم يقدم العطاءات بصوره رسميه

cost plus

هاهاهاها

يعني صايدتها

Eng_Q8 said...

والله حلوين شتبي فيه هذي شاريته ؟؟

يـا سْـديـرَه said...

هههههههههههههههههههههه

من شاف وهدانها !! ما عيـّن خير
شكل الأولانيه اهي اللي دافعه فلوس للثانيه وحاذفه امية أوووله وراه
واضح ان الخير مفبرك مثل اغلب جرايدنا

اما عن سؤالج

ما يحتاي بيع ومشترى من اللي نسمعه من فضايح أجارني وإياج وكل قاريء منها
ينبيء على ان الوضع لدينا صاير كالتالي
مخامط منقطع النظير

ههههههههههه
ووهدانا المحلي اهو اللي رايح فيها
اشعليك وهدان الكويتي قاااااااام حظك
يقولون نسبة الحريم عندنا صارت اضعاف الرياييل بيصير طق اعصي

المهم اخيتي ما اوصيييييج
ديري بالج على وهدانج
ترا بعض حريمنا ما يعتقون احد الله خير
ووهدان الكويتي خنت حيلي حيله حده فقير وماشي يم الساس وقلبه رجييييييج

وانا قلت لج فقد اعزر من انزر
:)

Mamloo7a Q8ia said...

ويه .. ويه .. ويه
هذا شنو بعد؟؟؟
يا حسرتنا هذي اخر الدنيا
وشهالوهدان اللي عليه المخامط ؟؟
:)
الله يثبتنا بعقلنا
ويطلعنا منها مسلمين

بنت الشاميه said...

esTeKaNa :

تصدقين حسبالى بس انا اللى قاعده وانتوا نايمين....ما وراكم دوماااات
ههههههههههههه
ايه والله استكانه من صجى سئلى مستشاركم...انا الخبر مو داخل عقلي
والمشكله محد نفها بالجريده المصريه
عاد يصير هذا
بس احلى شيئ اذا كان هوم دليفري
لوووول

بنت الشاميه said...

nanonano:

غبره.....عاد وهدان ما يستاهل
لان المناقصات دائما لارخص الاسعار
ههههه

بنت الشاميه said...

Eng_Q8 :

لولا اختلاف الاذواق لبارت السلع

بنت الشاميه said...

يا سْديرَه :

تهقين الخبر مفربك....والله يجوز
هههههههههههه كل شيئ الا وهدانا
الكويتى قام حظه....من كثر المخامط
الله يطيحهم بصالحاته
اما وهداني من طاح السوق
مقيم بالبيت
ومجابل النت
ومحد يحاجيه لووووووووووووووول
.

بنت الشاميه said...

Mamloo7a Q8ia :

مسكين وهدان حده خايف منهم
شنه بيسوي فيهم فيلم البيه البواب
لوووول

enter-q8 said...

شهالجريده اصلا
و شنو هالازواج و هالزوجات

بنت الشاميه said...

Enter-Q8 :

الدنيا عجيبه فيها كل شيئ
الله يكافينا شرها

Purplecious said...

لوووووووووووووول

اش هذئ؟؟؟؟

استغفر الله.. بعد ليش ما سوت مزاد يمكن اييب لها أكثر
!!

شحلاتها هي شتبي فيه! صج لي قالوا الحب أعمى

هذا وهدان و جذي عيل لو جمال سليمان جم بيدفعون؟؟

Mok said...

خرابيط

6261789 said...

انزين هذيل بس يشترون المتزوجين ؟
يعني العزابي ما ينباع ؟
ينفع انزل السوق ؟
خلاص ترا انا متاح بالاسواق
شكلي بسويها و احط نفسي بأمازون !!
للبيع لاعلى سعر !
--------------
هالمصاروه كل يوم شغله
العلماء اللي عندهم عليهم فتاوي تخرع
و اللحين هذيل يبيعون وهدان بالسوق
تذكرت عامل الكاشي اللي يابه ابوي قبل سنه
اسمه محمد سبع الليل ... فيه شبه من وهدان هذا

error said...

ماجدة شكلهه فرحانة بالبيعة

مو لايقين على بعض

بس said...

ياحافظ يا عقايل الله

تهقين صج ؟؟


بس المشترية وايد فرحانه
واملح من البايعة ؟؟

بعدين اهو ماعنده لسان

لوول

بنت الشاميه said...

Purplecious :

يمكن المقروده عيزت تدلل عليه
بس ما ياب الا 900 دولار
قالت نعمه لك الحمد والشكر
وما طاح بجيدها
لولوووول
و جمال سلمان مااااااا يقدر بثمن
خلينى ساكته لا تفضحينى

بنت الشاميه said...

Mok :

لاتشتري

بنت الشاميه said...

ashknaney :

ما يون الا المتزوجين
لان الواحد مايحلى ببعين الوحده الا بعد مايتزوج غيرها
كل عيونهم على اللى بيد غيرهم
مايحمدون النعمه
بطر......!!!!!!ء
فلا تعب نفسك
لوووووووووووووووووووووووول

بنت الشاميه said...

error :

بتفتك منه قبل ما يطيح بجبدها ويصير عتيج

بنت الشاميه said...

بس :

المشتريه وايد حلوه شتبي فيه..؟؟؟؟
وبعدين لساااااانه
هذا مربط الفرس...وين لسانه...؟؟؟؟
مسكين يمكن موقعته على كمبيالات
توديه بداهيه
شغل افلام
هههههههههه

Alia said...

أعرف وايد زوجات يبون وهدانهم
إذا عندج شرايه .. خل أبلغ صديقاتي

Anonymous said...

اسمي؟؟؟

Funny Q8i said...

زين والريال هم يقدر يبيع مرته؟ !!

انا اعتقد انه وهدان هذا وايد استانس

"يبوووووي، الحريم عتبيع وتشتري فيني، وكلها كام سنِه واجييب البلي ستيشم"

عادي اليوم 900 باجر يزيد

بس لو بإيباي جان ياب اكثر :p

Tوتحيّا

DiLLi O MiLLi said...

هههههههههه
ألحيييين تنبريينها .. وعقب تقوليين : أنااااا ماااا علي !!!ء
:)



أولاً : البيعه هذي باطله
ليييش ؟
لأن البضاعة مضروبه ( الزوج حداااااا جيكر)!!ء
:)


ثانياً : بعدين أحنا هني ما يمدي الوحده تبيع وهدانها
لأنها عسى ما تلتفت عنه دقيقة .. ألا وهدانها مبيوق
بس ما ينباق ألا الوهدان الغالي (غني)ء
أما المنتف طايحه سكته .. مثل بورصتنا حتى ما أييب قيمته الدفترية
هههههههه
:)

اقصوصه said...

ههههههههههههههههههه

بصراحه

لا تعليق

فنتك الصراحه

لوووووووووووول

اجار الدين كشمش said...
This comment has been removed by the author.
بنت الشاميه said...

Alia :

الحين انا ضعت يبون والا مايبون
والله ما يغلى عليج شيئ وعلى صديقتاج
شوفى اللى بفريجنا طاروا من الصبح
تلاقطوهم.......اما اللى بالفرجان الثانيه الصراحه ما اضمن بضاعتهم
لوووووول
حياكم بفريجنا

بنت الشاميه said...

حسافتج يا كويت :

اسمك مزين الجريده اليوم

بنت الشاميه said...

Funny Q8i :

ما يجوز بس يقدر بس يطلقها

هههههههههههه حلوه البلي ستشيم
غشيت من الضحك ....من وين مدورتها
والله وهدان امه راضيه عنه وداعية له

بنت الشاميه said...

DiLLi O MiLLi :


يعنى شلون اشبها...؟؟؟ لوووول
لازم ابرئ نفسي
الحمدلله وهدانا على قد حاله
محد يبيه......هههههههههههه
دللى غفلي عنى الله يخليج

بنت الشاميه said...

اقصوصه :

اللى ياي بعد اعظم
الله يحفظنا

يـا سْـديـرَه said...

اخيتي الغالية

اخيرا !! وعند اسديره الخبر اليقين

________________________
أكد مصدر قضائى بوزارة العدل أن ما أشيع عن وجود مادة فى قانون الأحوال الشخصية تبيح بيع الزوجة لزوجها أو تنازلها عنه لامرأة اخرى أمر غير صحيح بالمرة

واشار المصدر إلى أن الصور التي تناقلتها بعض المنتديات الالكترونية بهذا الخصوص مفبركة وعارية تماما من الصحة، مؤكدا أن عقد تنازل وبيع زوجة لزوجها لصالح امرأة اخرى هو مجرد استخدام خاطئ للتكنولوجيا.

وأشار إلى أن المبالغ الموجودة بالعقد بالدولار رغم ان القانون يحتم على ان تكون عمليات البيع والشراء المرصودة بالعقود موضحة بالجنيه المصرى، مضيفا أن الاختام الموجودة على عقد التنازل ليست اختام المصالح الحكومية المنوط بها تسجيل عمليات البيع والشراء.

وأكد أن التصريحات التي نسبت لوزير العدل الأسبق المستشار فاروق سيف النصر عن امكانية بيع الزوجة لزوجها غير صحيحة ومفبركة.
____________________

انتهى وسوف نوافيكم في وقت لاحق بما يستجد من آخر الصيحات في عالم الزوجات
محدثتكم اسدييييرة
_____________________

اقول من شفت قيفته عرفت ما وراه بيع ومشترى !! حتى وقف ما يرهم عليه :) ولا بالدولار بعد ؟؟ اي هين !!
:)

Yang said...

انا اشم ريحة عنصرية من النساء على الرجال.

لذا انا احتج :(

بنت الشاميه said...

اجار الدين كشمش :

اجار من اولها بعترض واطالب بالتغير
ماااااا اقدر على فهد
بيطلع عيونى.... بيظبط له ولربعه
واللى على حبله....وانا ماراح ارضى بصير نصيرة لبنات جنسي
وبتخانق وبنختلف....من اولها
اول خنقه بتصير بينا على الاطخم انا اللى لازم اصرفه حق ربعى
مو اهو
وما تعرف حق فهد الا دللى
انا اطالب بحسافتج وباصرار

من الحين هذى شروطى
والا كيفكم........
انا مااااااا علي

بنت الشاميه said...

يا سْديرَه :

مشكووووووووره وما قصرتى
صج عند سديره الخبر اليقين
بس وهقتينى الحين
اللى بالحوش شيسوي فيهم ..؟؟؟
شلون اصرفهم...؟؟؟؟
بيطقونى

بس ولا يهمج عندى له تخريجه
نسويه عرفى ونصرفهم بالسوق الموازي
مثل الافلام المصريه والهنديه
ههههههههههههههههه

صج عند سديره الخبر اليقن

بنت الشاميه said...

Yang :

يبه لاتحتج ولا شيئ تقول سديره ان الخبر مفبرك......بس والله حسافه
جااااان صرف ناس وايد
لوووول

esTeKaNa said...

وااااااي يا بنت الشامية ما سوت علي
قلت حق مجموعه مستشارين شنو ماده 168 بقانون الأحوال الشخصيه؟
قالي القانون كله مافي 168 ماده

ههههههههههههههههههه
قلت امبله انا متأكده
ويفجون لي القانون كله
مافي
!!
قالي انتي عايزه ايه يا استازه؟
قلت يصير بالقانون المصري واحده تبيع زوجها؟
سألت بمنتهى البراءه
وعينج ما تشوفك الا النور
ههههههههههههههههههههههههههه
عطوني درس بالبيوع
وبالأخلاق
وبالدين

دة ما يصحش تجاره الأعضاء ازاي بتصح تجاره راجل كامل؟
مش معقوله محل البيع بيكون راجل
!!
طب السعر شامل الابناء معاه ولا لا؟
وبلا بلا بلا بلا
ما بغيت الا عمري
اخر شي قلت لهم يا جماعه انا اساسا ما عندي هازبند ببيعه صلو على النبي
ههههههههههههههههههه


بس واحد منهم قالي ان احدى زوجات النبي تنازلت عن ليلتها لزوجة أخرى بس تنازل عن ليله ما يعني بيع
!!

ومافي ولا شي بالدين
ولا الاخلاق
ولا بالقانون يصح معاه تجاره الازواج

وعندي واجب ايب الخبر باجر حقهم
من وين ماخذته؟
:(


بعدين خلاص بيقولون الاوادم هذي قبل لا تتزوج تسئل عن بيع الازواج اذا تزوجت شنو بتسوي
ههههههههههههههه



الشاهد:
هذه الماده اساسا غير موجوده في القانون المصري
ومن شروط صحة عقد البيع ان يكون المحل قابل للتعامل فيه،ولا يجوز التعامل في الانسان لذا مثل هذا العقد عقد بيع باطل بطلان مطلق لا تترتب عليه أي آثار
:)

بنت الشاميه said...

esTeKaNa :

ياااابعد روحى ياستكانه
ارجو المعذره انا السبب فى هالموقف اللى انحطيتي فيه
ماااا سوت عليج كله منى
لوووووووول

غشيت من الضحك
يااااا حلو المصاروه ويااااا خفت طينتهم
صج دمهم عسل
دة ما يصحش تجاره الأعضاء ازاي بتصح تجاره راجل كامل؟
مش معقوله محل البيع بيكون راجل
!!
طب السعر شامل الابناء معاه ولا لا؟
كا كا كا كا كا كا

واااااا ي مت من الضحك
اشونى ما افهم بالقانون
احلى شيئ محل البيع
وهو الرجل
وااايد عاجبنى هالمصطلح
حسبي الله على اللى دز لي هالايميل
وهقني ووهقج معااااااي

اناااااااا ما على
انا قلت جنه هالعقد بااااااطل
زوااااج عتريس من بهانه بااااااطل
باااااااطل
ههههههههههههه
مشكوووووووووووره على هالرد
وماااا قصروا مستشارينكم
على الرد الحلو
حياااااااج الله

Fahad Al Askr said...

الشرهة مو على استكانة على المستشار اللي مضيع وقته يسمعها، وعلي أنا بعد يوم طارت بوهتي وعلى أولي أطرد ورا هالاستكانة حسبالي بيحلونه

Hamad Alderbas said...

يمكن ايجار بس بيع صعبه

الزين said...

لوووووووووووووووووووووووووول

والله يابنت الشامية مدري اضحك على ينونهم

لو على استكانه

ومستشارينها

لو على سديرة ووهدانها

يامال العافية

السالفه فيها بيع رياييل

اقول هالقانون بيجيزونه بالكويت

@@

ودي اسوي لي بزنز وكالة بيع ازواج وانا المتعهده

يعني يتراوالي بنافس مكاتب الخدم

مع الإعتذار للأزواج المحترمين


ترى السالفه تربح شكلها



اوووبس

انا شكلي بنطق
وترى انا بحمايتج


مو تقولين مالج شغل



فوتكم بعافية

بنت الشاميه said...

Fahad Al Askr :

فهد شفيك توك قاعد من النوم

استكاااااانه ومستشارينها بريئه
كبراءة الذئب من دم يوسف

بنت الشاميه said...

حـمد :

والله خوش فكره
تفك الاشتباك

بنت الشاميه said...

الزين :

االله الله ...القمر اليوم زايرناه
وان بديك الساعه....ياهلا وسهلا

شوفى انت سوي البزنز
وانا معاج مقاول بالباطن
واذا صار شيئ انت اللى بالويه
اتا مااااااا علي
لووووووووووووووول
بس شرايج بالفكره ....ممتازه
لا تقاطعينا ترا ولهانا عليج