Tuesday, October 28, 2008

دول ..... داااخل دوله


اللعب بالفتاوى لعب بالنااار حتى لو صدقت النيه

مو جنه عندنا إدارة إفتاء رسميه بوزارة الاوقاف
فيها شيوخ علم أفاََضل وصلوا الى درجة الإفتاء
ومكالماتهم الهاتفيه مسجله من قبل الوزاره
صح والإ أنا غلطانه....؟؟؟؟؟؟
مو جنه المبرات للأعمال الخيريه فقط
صح والإ أنا بعد غلطانه...؟؟؟؟؟؟
هناك من يراقب أعمال المبرات الخيريه
اين هم ..؟؟؟ صح والإ بعد أنا غلطانه...؟؟؟؟
مو كافي الفتاوى فى الفضائيات
بعد بتدخل علينا المبرات الخيريه على الخط
صح والإ بعد أنا غلطانه
احد شاف هاااااالاعلان من وزراة الاوقاف...؟؟؟؟

لو يعلم أهل الفتوى بخطورة الإفتاء
وعظيم الذنب لما أفتوا وتساهلوا فيها
أفتاكم أقربكم إلى النار
أسرعهم للفتوى أقربهم للنار
والتسرع في الفتوى من غير علم
يعدونه إمارة من إمارات عدم فقه الرجل
فقالوا : أجسر الناس على الفتيا أقلهم علماً
*****
بردها وبعيدهااااا مره ثانيه
ماااااا ينلام ولد البذالي عمره 16 سنه
راح العراااااق لقتال الأمريكان
دمه من برقبته....؟؟؟؟
ملاحظه هااااامه
إسم القبيله ما له دخل بالبوست
ومبره العجمان مشكوره على تقديم أعمال
الخيريات وجانبها الصواب فقط بفتحها باب الإفتاء

48 comments:

Fahad Al Askr said...

يحليلهم زايدين رقم اثنين قبل رقمهم

بنت الشامية said...

Fahad Al Askr :

بوعسكر....بتصيدني....!!!!ء
خليك بصلب الموضوع

nanonano said...

دول داخل دوله

و دوله تدار بعقلية دواوين

الصقله ضــــــــــــــــــايعه

و الحكومه قاعده اتطمش عليهم و مخليتهم

بس يا خوفي من اليوم اللي راح ينقال فيه

خبز خبزتيه يا الرفله أكليه

لأني أنا متأكده أن راح يحوشنا طشار

بنت الشاميه said...

nanonano

والله ياخوفى بس على عيالنا
شلون بيعشون.....ما اعتقد يقدرون.!!ء
جنهم بيعيشون بالوقت الضايع
قلبي عليهم

mtfa2el said...

الغلط من إنشاء المبرة من الأساس
مبرة عجمان ..مبرة كنادرة و انت رايح
الصدقة و الاحسان المفروض يكون لكل الناس و لكل محتاج
بعد غير شغلة تفرقة عنصرية على الصدقة
أما الفتوى فما بقى أحد ما نط عليها ما جنه أجرأكم على الفتوى أجرأكم على النار

Blog 3amty said...

الفال لهم يفتحون هوم دلفري !

kuwaitawy said...

الله كريم

mantovani said...

لازم يركزون على الاعمال الخيرية

مانتوفاني

بس said...

الله بستر من الياي

:(

الله يحفظ ديرتنا و أعيالنا من هالامور

forzaq8 said...

ما في قانون يمنع او يقيد الفتوي بالكويت

حتي لو يشوفونها الاوقاف مالهم شغل

بوتشخيص said...

عجبي والله ..

بنت الشامية said...

mtfa2el :

هذا الكلام العدل....الصدقه لجميع المحتاجين مو تفرقه عنصريه
بس عاد الى الافتاء.....ولازم يوقفون
احنا دولة قانون
مو حارة كل من ايده إله

بنت الشامية said...

Blog 3amty :

وهذا شيسمونه....هذااكثر من الهوم دلفري

بنت الشامية said...

kuwaitawy :

الله كريم

DiLLi O MiLLi said...

الديرة صــايرة سوق ماصلي .. أي شي في كل شي

بنت الشامية said...

mantovani :

اكيد الاعمال الخيريه هى الافضل
التخصص بالعمل افضل

بنت الشامية said...

بس :
اللى بينه اعظم...اذا ما تلاحقوهم

THE BOSS said...

عزيزتي
اسمحيلي ان اضيف
كان من عادة السلف الصالح أن يهابوا موقف الإفتاء ، وقد كان السلف يتدافعون الفتوى يقول كل واحد منهم سل فلاناً سل فلاناً حتى تعود إلى الأول ، وقد كان كل واحد منهم يود لو أن غيره قد كفاه أمر هذه المسألة أو تلك ، بل التسرع في الفتوى من غير علم فقد كان السلف يعدونه إمارة من إمارات عدم فقه الرجل فقالوا : أجسر الناس على الفتيا أقلهم علماً
وقال غير واحد من السلف في بعض أهل زمانه. أن أحدهم يفتي في المسألة لو عرضت على عمر لجمع لها أهل بدر
وقال ابن وهب : حدثنا أشهل بن حاتم عن عبد الله بن عون عن ابن سيرين قال : قال حذيفة : إنما يفتي الناس أحد ثلاثة : من يعلم ما نُسخ من القرآن ، أو أمير لا يجد بُدّا ، أو أحمق متكلف ، قال : فربما قال ابن سيرين : فلست بواحد من هذين ، ولا أحب أن أكون الثالث


والحين صارت الفتوى بربع
اشرايج نفتح مدونه للفتاوي وباالنص

وعطني ولعه

بنت الشامية said...

forzaq8 :

احنا وين قاعدين....؟؟؟؟؟
اعتقد احنا فى دولة قانون
ودكاكين الفتاوي لازم تتسكر
لان الخوف باجر ادفع تجد فتوي
وفتوى الغنى تختلف عن فتوي الفقير
العملية لازم تتنظم وتحتويها سلطه قانونيه لحماية الناس من الدخلاء على هذه المهنة الجديده

بنت الشامية said...

بوتشخيص :

العجب زااااايد هالايام

بنت الشامية said...

DiLLi O MiLLi :

ما عندى رد.....دللى وين الكويت رايحه....؟؟؟؟؟؟؟؟؟

THE BOSS said...

اوه الظاهر داشين ويا بعض
انا اعلق وانتي قاعده تردين

بنت الشامية said...

THE BOSS :

اصلا ما اقدر اقول شيئ بعد كلامك
شريك امسح البوست وحط تعليقك
بس استاذنك بان استعين بعض الجمل من تعليقك واضعها بالوست
بارك الله فيك....خوش تعليق
رجاء بدون ولعه

THE BOSS said...

ما في داعي للاستئذان
ما عندي الا حلالج
بس
عطني ولعه

بنت الشامية said...

THE BOSS :

انت المشكور
وهم رجاء بدون ولعه

DiLLi O MiLLi said...

والله يا حبيبتي ماااا أدري الكويت وين رايحه ؟؟؟
أنا خايفة على مستقبل عيالي
ما أدري أشبيهم ؟؟؟

الشاعر مسفر الدوسري يقول
كان البحر مالح
واحنا نذوقه .. عذب !!ء
كان الشتا قاسى
واحنا نحسه قلب !!ء
كانت سموم الصيف
كل ما علينا تهب
نستطرب السامر
ونمولّه ... نسناس
ياحليوه قولى لى
علام الديره متغيره
علام الناس غير الناس !!؟؟

يا كويت يا حبيبه
قوليلى شاللى صار ؟؟


هذا السؤال اللي محيرنا
شاللي صار ؟؟؟

forzaq8 said...

" اعتقد احنا فى دولة قانون "

و هل انا قلت مثلا انا احنا في دولة قبلية ؟

انا قلت ماكو قانون ينظم او يمنع او يقيد
الفتاوي

شلون يتدخلون الاوقاف
قوترة ؟

Enter-Q8 said...

يمكن بس حق العجمان

يبيله افتح مدونة افتاء للمدونيين

أفتاء أون لاين تدوين
دون فتوتك

و انخليها انفايت
علشان منع الاختلاط
جزاك الله خير
شيخة بنت الشامية

pink said...

اذا كان رب البيت بالدف ضارباً فشيمة اهل البيت الغناء
عمار ياكويت :)

عثماني said...

حيا الله اخيتي بنية الشامية

الحين صرنا حتى بالمبرات و الاعمال الخيرية عنصريين؟؟

ليش يعني مبرة عجمان او رشايدة او كنادرة ....؟

فعل الخير للجميع .. المفروض

ثانيا الافتاء يا جماعة شي مو سهل

الكل كلن يتهرب منه لان مسؤوليه جدام رب العالمين

و الجماعة مع احترامي لهم .. منو اللي حاطينه علشان يفتي ؟؟

حااااله

:(

KrakatoA said...

شرايج مبره للحضر النياده
ومبره للحضر الزباره

شهالديره اللي غصب طيب تبي تصير فئويه

عاجــل said...

صباح البونجور يا دولة

Purplecious said...

الافتاء فعلا شي مو هين و أذكر أمي كله تقول قبل محد يفتي بسهولة و مثل ما قال ريّسنا كل واحد يقطها على الثاني من عظم هالمسؤوليه ما يبون يتحملونها... لا حول و لاقوة الا بالله

عسى الله يرحمنا برحمته


بره الموضوع
أمس علقتي عندي على موضوع كاتبته قبل سنتين!!! هل هذا تعليق كاتبته من زمان و توه يوصل ؟؟ شكله كان ضايع بالبريد

لووووووووووول

اجار الدين كشمش said...

الشره على ابناء القبائل

المصهرين بالمجتمع المدني
يجب ان ينصحونهم
لانهم
يعرفون قبل غيرهم ..ان التعصب القبلي ..هم الخاسرين فيه لوحدهم

لان النار تأكل نفسها

ان لم تجد ماتأكل

فمالله

بنت الشامية said...

DiLLi O MiLLi:

اي والله صح لسانج ولسان مسفر الدوسري
يا كويت يا حبيبه
قوليلى شاللى صار ؟؟
الله يحفظها بدعاء اهلها الطيبين

بنت الشامية said...

forzaq8 :
اضعف الايمان
اقفال دكاكين الفتاوي
حتى لو بالقوتره على قولنك

بنت الشامية said...

pink :

عمار يا كويت

بنت الشامية said...

عثماني :

هلا باخوي عثماني
عمل الخير لكل المحتااااجين بدون تصنيف
و اقول لو الاوقاف تسوي حملة توعيه
للذين يفتون وتكثر من تذكيرهم وترهيبهم من خطورة فتواهم

مو احسن للجميع

بنت الشامية said...

KrakatoA :

ان شاء الله يحفظها ويبعدها عن هالطريق

بنت الشامية said...

عاجــل

بديت تتعلم فرنسي...من حقه...؟؟؟

بنت الشامية said...

Purplecious :
والله انت وامج اجين...الفتوي تقرب من النار....والعياذ من نار جهنم ...بس من يسمع ويعقل
====
اما عن تعليقى امس
اكيد اكو شيئ كان فى مدونتج
لانى فتحتها لقيت بوست الحج
وتعليقى بعثته امس
عاد شوفى يامن لاب توبى والا من لاب توبج هالحوسه....ومن شيئ ثانى يتمشى بالنت...ما اعرفه...لوووووووول

بنت الشامية said...

اجار الدين كشمش :

المشكلة عندنا
من يقدر على نفسه و ينصهر بالمجتمع المدني...؟؟؟
بعد ما زرعوا واصلوا الطائفيه
الشق عوووود يااجار

الخيلاء said...

الله يحفظنا بحفظه
حتى الفتوى دخلت فيها القبليه

:(

-mate said...

وين الحريتي عنهم؟

يا سْديرَه said...

ههههههه والله هم يضحك وهم يبجي


الحمدلله على نعمة العقل يا خوفي باجر لا كل قبيلة والا عايلة تسوي لها مستشفى خاص فيها والا جمعية خاصة فيها
وعلى رايج يالحبيبة دول داخل دولة
هذا بعد اذا معترفين فيها !!!واشدعوه عاد يردون الشور لأحد ؟؟
ودبي دبي دبي دبي
^
^
^
ترا هذا صوت اطلاق نار مصاحب لتعليقي
:)

على فكرة المزاج للحين لوعه بس انتي الوحيدة اللي علقت عندها قلت اسلم قبل لا تسافرين عند اليعده
الله يحفظه ويخليه ويرده لج سالم غانم وعسى الله يفرحج ويبلغج فيه آمين

وبعد هالهذره اللي صكت على مسلسل نور لا عادت
اقدر اقولج ومن قلب محب خالص خالص خالص على قولة قتيبه :) على اني ترا ما ارضه عليهم الغانم بس يالله بطوفها وجني ما سمعته

ان شاء الله تروحين وترجعين بالسلامة والله يقر عينج وقلبج في ابتسامة اليعده

بنت الشامية said...

الخيلاء :

الشكوى لغير الله مذله
حسبي الله ونعم الوكيل

بنت الشامية said...

-mate :

خلف الله عاد يقدر عليهم

بنت الشامية said...

يا سْديرَه :

شفت ياخويتى وين وصلنا....ماباليد حيله...يهم يضحك وهم يبكي
والشكوي لغير الله مذله
فوضنا امرنا لله
الله يهداه قتيبه ليته ما سوي هالمؤتمر
انا كنت غابطته على عقله
بس سمعى بالمعيدى ولا تشوفينه
هههههههههههههههههه
حياج الله