Wednesday, August 13, 2008

عاشوا قوم ....جوج وماجوج

اااااااشاااااارك بوعسكر بحبه
فهد العسكر كاتب خوش بوست عن حبه الأولمبي
وأنا من أول يوم من متاااااابعين هالدورة
لكل أنواع الرياضه.....وأحبها إلي طبعا

كرة القدم النسائيه....وكرستينا البرازيليه
قلب هجوم فريقها كانت النجمه الباهره
المميزة بهذه الرياضه أى قنبلة الموسم
الدوره كلها ممتازه صج ياجوج وماجوج
انجحوا بقيام هالدورة فى ديرتهم من البدايه












مااااااااا قصروا الصينيين......مشكورين
إلا بسألكم
صج هم قوم جوج وماجو.....؟؟؟؟؟؟؟؟
وإلا ....... بس حجي نسمعه

37 comments:

Anonymous said...

i think you add more info about it.

Anonymous said...

Gomen kudasai.

Anonymous said...

To the author of this blog,I appreciate your effort in this topic.

kuwaitawy said...

اي والله ونتي الصاااجه



قوم جوووج وماجوووج




افتتاحهم خيالي



بس والله اني احاتي الكويت بهالدورة انشاءلله تاخذ ذهبيه



املنا على الزنكوي والعازمي


بالعاااب القوووه



والله انا حاااط امل بالبطل بمحمد العازمي بهاللعبه

ومتابع له من فتره

اتوقع انشاءلله بياخذ ذهبيه


الزنكوي بعد انشاءلله يرفع علم الكويت

عثماني said...

واضح ان التنظيم صارم

و الاتزام بالنظم و المواعيد سمة الناس الناجحين

اتوقع ان تكون من اجمل الدورات

THE BOSS said...

على هل شغل و التنظيم العالمي و التكنولوجيا هذي كلها لا يبا احنا يأجوج و مأجوج مو اهمه مع مربعنا كل واحد و لحيته لين ..... و دشداشته البرمودا
وابيت اللعنه يا عكرمه وهيا بنا الى يسرب
وعطني ولعه

Anonymous said...

اي جوج اي ماجوج !! شوفي اهما وين وصلوا وشنو سووا واحنا جوج ومهدي ومادري شنهو !! لا ويقولج نور ومهند حرام ... مشكل

الزين said...

هو مجرد تخمين

مافي شي يأكد انهم قوم جوج وماجوج

وبعدين هذولاك لهم صفات جسية تميزهم عن الخلق والبشر

ومحد شافهم لأنهم لازالوا محبوسين في مكانهم بين جبلين

بس من يطلعون اكيد بتعرفينهم

اشابيهم بين الدواب والآوادم

الله يجيرنا واياكم شرهم يارب



صبحج الله بالخير اخيتي

:*

charisma said...

اى واالله خوش افتتاح
منظمييييين
يبهرنى ترتيبهم وتنظيمهم
يان شاءالله نصير مثلهم
:/

جوج وما جووج مو اوااادم
وحوووش

يكافينا الشر يا بنت الشاميه
الله يحفظنا

وصباح الورد
:*

Q8Sky said...

والله خوش افتتاح كان وايد روعه ومرّي على بولقي بتلقين موضوع واااايد يشرح الصدر عن الاولمبياد

Anonymous said...

خدش لحياء أهل الكويت

تلفاز الكويت ما راح ينقل فعاليات مهرجان الصين والبركة في اللحى

Mohammad Al-Yousifi said...

التعليق ما له أي علاقة بالأحداث السياسية الحالية

قوم ياجوج و ماجوج هم الفرس حسب قراءتي للكتاب المقدس

وانت يا ابن آدم تنبأ على جوج وقل.هكذا قال السيد الرب.هانذا عليك يا جوج رئيس روش ماشك وتوبال. 2 واردك واقودك واصعدك من اقاصي الشمال وآتي بك على جبال اسرائيل 3 واضرب قوسك من يدك اليسرى واسقط سهامك من يدك اليمنى. 4 فتسقط على جبال اسرائيل انت وكل جيشك والشعوب الذين معك.ابذلك مأكلا للطيور الكاسرة من كل نوع ولوحوش الحقل. 5 على وجه الحقل تسقط لاني تكلمت يقول السيد الرب.6 وارسل نارا على ما جوج وعلى الساكنين في الجزائر آمنين فيعلمون اني انا الرب.

من سفر حزقيال في العهد القديم


شكرا

Fahad Al Askr said...

مشكورة عمتي

kuwaitforus said...

حفل الافتتاح كان حلو
وانشالله ناخذ ميدالية بالرماية

بنت الشاميه said...

الصين مستعده عدل لهدره من زمااااان

والله يوفق الاعبين الكويتين
ويبيضون ويهنا.....مساكين كلها مجهودات فرديه..... الله لا يضيع لهم تعب

بنت الشاميه said...

عثماني :

صج نظام صارم
والدورة ممتازة من اول ايامها

بنت الشاميه said...

THE BOSS :

شفيك الله يهداك قلبت السالفه
ههههههه
ابيه انا منو.؟؟؟؟؟...من جوج والا ماجوج

بس بدون ولعه

بنت الشاميه said...

Anonymous :

ما اقول الا ان شاء الله نصير احسن منهم
والله كريم

بنت الشاميه said...

الزين :

مشكورة على هالمعلومات القيمه
صج خفت......الله يجرنا منهم ومن شرهم
امين

بنت الشاميه said...

charisma :

الدوره تهبل وغير طبيعى المهرجان
واجمل شيئ اللى اشعل الشعلة صج عجبه

عاد تصدقين ما عندى فكره عن جوج وماجوج انهم وحوش....ادرى انهم يظهرون اخر الزمان ....بس الحين لازم من صج ادور واقرا عنهم
تصبحين على خير

بنت الشاميه said...

Q8Sky :

قواك الله على هالبوست
لازم ما يحرمونا من حقوقنا ويلغون عقولنا على كيفهم

بنت الشاميه said...

Anonymous :

ما تعطلنا عليهم ....خلى تلفزيونهم حقهم بروحهم......احنا فى عصر العولمه
هذا قد عقلهم

بنت الشاميه said...

kila ma6goog :

شكرا للمعلومات القيمه
هذى اول مره اسمع فيها
ومعلومه موثقه عن اصول جوج وماحوح
ومن الكتاب المقدس
وانا من اول اقول ليش ما درسونا الكتب السماويه فى المداس الحكوميه لو شيئ بسيط عنها......وكتبت بوست عنه هالموضوع ......بس هذا قدرنا

بس هذى اول مره اسمع هالمعلومه

بنت الشاميه said...

Fahad Al Askr :

حياك ياولد اخوي

بنت الشاميه said...

kuwaitforus :

ان شاء الله يارب

THE BOSS said...

انا ما قلبت السالفة بس تذكرت حفلات الافتتاح للدورات اللي صارت عندنا واعتقد وايد يذكرون حفل افتتاح دورةالصداقة و السلام تخيلي كان خيالي ظلوا يسولفون فيه في الخليج و اسيا و مختلط شباب و بنات كان روعه مو الحين
المهم مري على شيشتي (مدونتي) و عطيني رأيك لو سمحتي
وعطني ولعه

JuVeNTiNa said...

وانا معااج و حدي مستانسه عالى كل الالعاب ..


والله يقولون انهم قوم ياجوج و ماجوج !!

ولد الديرة said...

ما شفت إلا السباحة والملاكمة

كرستينا احلى من مروى؟

lawyer said...

خالي دايما في الصين
و هونج كونج و يدتي الله يرحمها من عمر

كانت تقووووله
من تقبل الصين اقراا سورة الكهف

لان فيها عن جوج و ماجووج...


عاد انا بمشي على حجي يدتي

:))))




الا قوليلي

شالطوووووول الي عليهم يغربل بليسسسسهم

بنت الشاميه said...

THE BOSS :

الظاهر انا ما فهمت عدل....اسفه

الكويت من زمان تسوي هالمهرجانات
والحفلات وكانت من الدول المميزه
بس عاد تدري الهجوم الكاسح اللى غزانا
ومنعوا كل شيئ علينا وصار كله حرام
لازم نشوف ونقرا ونتكلم من خلال فكرهم
واحنا القونا من الوجود لاننا قصر
ونحتاج من يفكر عنا
بدون ولعه لوسمحت

بنت الشاميه said...

JuVeNTiNa :

اذا هم الله يكافينا شرهم

بنت الشاميه said...

ولد الديرة :

ما شفت كرة القدم النسائيه
عليك حق عرب
بس لوشايف قوووولها الاخير
اى رونالدينهو ......اى رونالد
تراها احسن منهم كلهم

بنت الشاميه said...

lawyer :

واحنا ويه كلام يدتج
كلنا بنمشي وراه كلامها

الطول عوار قلب ....راحت علينا
لوووووووووول

بنت الشاميه said...

Anonymous :

لو سمحت
اكو عندك مشكله...؟؟؟؟
ما اعتقد ان مدونتى مكان تنفس فيه
فالرجاء احترام المدونه و زوارها

Anonymous said...

Very nice pics.

كويــتي لايــعه كبــده said...

عاش من قال

Anonymous said...

السوال
فى اى زمن عاش قوم ياجوج و ماجوج
قبل الف ولا الفين و 3 الاف و فى زمن من الفراعنة ولا الاشوريين ولا البابليون و اى شعب من شعوب العالم اشتكى عنهم عند ذو القرنين
؟