Saturday, August 09, 2008

بشااااااااعه ما بعدها من بشااااااعه
























مجرد الإنتظام في ممارسة التمرينات الرياضية
مرتين إسبوعيا يعطينا عضلات أكثر شبابا
و تؤدى الى تحسين الصحه
ويوصى المتخصصين بالرياضة بإنه لا حاجة لممارسة
تمرينات شاقة للحصول على عضلات قويه المطلوب هو
ممارسة تمرينات قليلة وبانتظام وبإستمراريه
ولكن الأهم يجب المحافظه على الشكل العام
لهذه العضلات........هالأيام ما تشوف
الشبااااااب الإ معضلين.....كأنهم مصااااااارعين
فمقايس الجمال نسبيه و متغيره وكل من له ذوقه
فهناك شباب شكل عضلاتهم مقبول نوعا ما
وهناك شباب اللهم يكاااااافي زنووده وجتوووفه
بشعه وكريييييها بل ..........وقبيييييحه
وجم ( تي شيرت ) بيتمزع من الضيق
وأذا قاااااام يمشى جنه يتدربه على الأرض
عاااااد شلي حادكم على جذي....؟؟؟؟؟؟؟
من قالهم إن هذا حلو وزين وجميل ومطلوب
اللى أعرفه كل شيئ يزيد عن حده ينقلب ضده
اشووووف الشباب الأوروبي والخليجي
ما عندهم هالعضلات مثل عضلات البعض عندنا
فالله يخليكم....العضلات زينه ودليل صحه
بس حطوا بالكم على أنفســكم وجمال أجسامكم
لا تصير أكثر من الازم لإنها صج بشعه
وخلى بالكم من هالحبوب والإبر المنتشره
بالنوادى الصحيه ومن مقصة بعض المدربين فيها

لأنها قااااااتلة أحيانا وضاااااارة فى كثير الأحيان
سؤال ....من وين يايتهم هاااااااالصرعه....؟؟؟؟؟؟

42 comments:

Anonymous said...

حالهم حال حجاب بعض البنات هاليومين

الحجاب الفضائي عرفتيه ؟

محد قالهم حلو ، والشباب كله ضغظ فيهم

بس يسوونه

: )

عاد شالسبب .. الله أعلم

بس يمكن لفت نظر

لان عندنا بالكويت لفت النظر وجذب الانتباه شغله اساسيه

Anonymous said...

الشباب صايرين جنهم شرايب هالايام ايدهم كله مشنقله فوق

Seattle dude said...

Well its kind of simple,

lets assume a guy gets attention from gals because he started working out for like 4 months or something.

The people you are referring to, basically start to associate their "manliness" with that acceptance, therefore the more the better.

something like that!

enter-q8 said...

لا اللحين اهون خفت
يت فترة
الربع بالديوانية كلهم بالنادي
وكل يوم
واحد يقولي ها شاريك
بالباي و الثاني اشرايك بالتراي
طبعا اسماء عضلات الجسم
قلت لهم يعني بيفيدكم
بدت سوالفهم
قوم واحد من الربع قال انا ارويك فيهم
خلاهم متيمعين
و دخل الكلب عزكم الله الديوانية
طلعت صج لياقتهم


المشكله حجيتنا

ان البعض منهم
يمشي و يخز و حالته حاله و مثل ما قلتي اللبس ضيق حده
و الاغرب ترى اذا فصل دشداشه ضيقه بعد
على قولة براك
مخصره

Q8-MaNaL said...

امبيه لول بالضبط نفس رايي،شنوا تلوع جبدي لما اشوف هذولة اللي عضلاتهم
over
ويييع من قلب و هم انا كله أتساءل من قال لهم ان حلو؟!
و على فكرة الإبر و الحبوب انا قارية انها تسبب عقم بعد

THE BOSS said...

يبه هذا كله تفخ وبعدين أول ما يوقف الأبر كل شئ ب يترهل و يصير جنه علامه تواير ميشلان
وبعدين فيه مثل يقول
بلا كرش ما بتسوى أرش
(قرش)
بس ربعنا مصخوها اذا عضلوا زادوها واذا كرشوا زادوها كله
over ليش
وعطني ولعه

Bsha Girl said...

اي و الله نص الشباب هالصيف في النوادي الصحية يلعبون حديد
عاد على قولتج كل شي زاد عن حدة انقلب ضدة
براي الجسم العادي احلى و ارتب من العضلات

kuwaitforus said...

شنو ما احبهم

esTeKaNa said...

فعلا بشاعه
!!
جنهم قباقب تمشي
والبلايز بتنشق من الضيج
ليش جذي عاد يا حافظ؟

:)

Anonymous said...

المشكله انها تلوووووع الجبد و هالاثقال تقصر

و تخليه محروووووووووول ظييم

جنه روبوت يمشي

انا ماشفت بنت عابجها هالشي
فاهم يطلعون عضلاتهم حق منو
اذا احنااااااا تلوع جبدنا!!


والبلوة تشوفين هالجسم منتفخ جنه خاز باز بس صحه ماكووووووو



يعني عيال البلاي ستيشن اعيال هالجيل
24 ساعه وجبات سريعه و قعده
يووووووووووووم انهم بسوون رياضه يهولون في روحهم جيذي

bakah said...

يا ليت لو يسوون حملات اعلامية تبين ان هالشي مو حلو ومو زين ..!

الحين لما واحد ياهل يسوي هالسوالف اوكي مو مشكلة ..

ويانا بالدوام جم واحد اعمارهم بالثلاثينات وللحين هذي سوالفهم ..!

اما من وين يتنا هالسوالف .. فمن امريكا ..

الأمريكان اكثر ناس يحبون هالسوالف .. عكس الأوروبيين تماما ..
بأوروبا الإنسان يفتخر بجسمه الصحي .. أما الأمريكي يفتخر بعضلاته المتفخه زياده !!

حتى النوادي الصحية لما تفكر تسوي دعاية تييب ابطال كمال اجسام امريكان ..

-mate said...

ذاك اليوم صلى يمي واحد من هالمخلوقات، كوعه وااصل لي خشمي!

charisma said...

والله عقدت النونه وعبست وانا اقرى البوست واتذكر هالشكل البشع والمقزز للعضلات الاوووفر

انا لم اشوفهم تلوع جبدى
ما ادرى شلون يحس بالراحه هالادمى

والادهى والامر يا بنت الشااميه انا مره يانى ايميييل فى بناات بهالشكل
:///

يختج مو عاارفيين شسوون باعمارهم هالشباب

kuwaitawy said...

امممممم



اعرف ناس جذي


بس مو نفس اللي بالصوووره هههههه






انا ما احب هالسوااالف



-------

في سالفه صارت بالكويت وصج



في واحد من الشباب اشترك بالنادي يبي يجسم حاله حال غيييره

واخذ كورسات حبوووب

حبوب باور وتقسيم عضلات ومن هالسوالف

اهوا زاد عن الكورس وقام يسوي كورسات حق نفسه

يعني فاهم



تدرين شنو صار فيه


الشكل الخارجي ماصار شي بالعكس يتحسن على المزاج واهوا مستانس





لكن الصدمه شنو؟؟؟




لما يضغط على صدره يطلـــع حليــــب





تقاااارير مستشفيات واطباء ما عرفوا ليش


الا دكتور واحد

وقاله


الغدد اللي تفرز حليب من الصدر موجوده بكل البشر لكن الغدد هذي ميته بالحالة الطبيعيه

وما تحيا الا اذا ولدت المرأة (سبحان الله)

عشان تفرز حليب للياهل



الدكتور يقوله انت شنو اكلت بالضبط عشان تحيي هالغدد



صدمه

صدمه

صدمه


شنو ريـــال طول وعرض جسمه من احلى مايكون


يضغط على صدره يطلع حليب


ولكي ان تتخيلي الوضع عاد




اسف عالاطاله

وتقبلي تحياتي

Amphibious said...

لان البلد فوضى عمرك سمعتي الداخلية صادت واحد يبيع هالحبوب والأبر

ومافي توعية

والكويتين بطبعهم يبون كل شي بسهالة وبسرعة

J Daily said...

حدها بشاعة
وكل اشوفهم بالنادي ويجابلون المنظرة و يطالعون و علبالهم شي جميل (:

--
كل واحد يبي يفرض قوته بشكله

معنى في ناس ربع اجسام هالعمالقة ولكن اقوى وتحمل اكثر

وترى كلها ابر هرمونات
تعتبر علاج

وفي اشياء مثل القروث تغير معالم الويهه والجسم

بس كله بسبيل انه يصير قبقب D-;

Mamloo7a Q8ia said...

اي والله بشاعه ما صارت
كل شي يزيد عن حده
مهو بحلو
ما ادري من قاص عليهم
وقايل لهم انه حلو
لووووووووووووووووووووعه

mo3ath said...

اييي على طاري الابر الشباب يشترون ويقزون حق بعض لا إشراف ولا شي لوووول لا وتحرق بعد تحسف لا خذاها

الاهتمام بالشكل حلو بس مثل ماقلتي الشي لازاد عن حده ينقلب ضده

عادي كل فتره تطلع هبه يديده الكويت جذي شافوا جم واحد سووا نفس الشغله تلقين العموم يسويها :)

DiLLi O MiLLi said...

تدرين ان واحد بالدوام قالي انهم في الـــ
week-end
يضربون ابر ماي عشان يتفخون عضلاتهم حق يومين
يتمشون ويتشيحطون فيها هاليومين !!!!ء

مفروض يوعونهم بالمدارس وحتى الجامعات
دعايات بالتليفزيون عن مضار هالأبر
بالجرايد
بالشوارع

الشكوى لله

بنت الشاميه said...

Anonymous :

صح كلامك كلهم بشعومو حلو

بس الحجاب اذا ردوا البيت افسخوه واستراح راسهم من حمل الاثقال اللى عليه

بس هذول يلعبون بانفسهم ويؤذونها
ويسببون لانفسهم بامراض هم فى غنى عنها ويتحسفون بعدين

بنت الشاميه said...

حمودي :

تصدق قعدت مده ادور وصف لهم ما لقيت
بس انت يبته يب......شرايب
هههههههههه

بنت الشاميه said...

Seattle dude :

انا قلبى عليهم لازم يستخدمون عقولهم
ويعرفون اللى ينفعهم من اللى يضرهم......ويقدرون يلفتون النظر بشئ اقل خطوره
ما اقول الا الله يحفظهم من انفسهم

بنت الشاميه said...

Enter-Q8 :

كلامك صحيح...ادخلت علينا ثقافة جديده....بس ليتهم يطبقونها بالطرق السليمه والصحيحه...والا بتينا امراض جديد ما سمعنا فيها من قبل
وزين سوى رفيجك...لووووول

بنت الشاميه said...

Q8-MaNaL :

والله من صج قلبى يعورنى عليهم
تصدقين احس انى ما اقدر اتنفس
فمن اشوف واحد منهم اقوم اصد عنه
واقول الله يعين اهله عليه

بنت الشاميه said...

THE BOSS :

هذى اول نتيجه سيئه لاستخدام هالابر والهرمونات
ماكو اعتدال بالشيئ لازم من التطرف
لاحول ولا قوة الا بالله

بنت الشاميه said...

Bsha Girl :

ودج الشباب يهتمون ياللياقه وباجسامهم.بس مو يدقون حديد ..
بس مثل ما قلتى الاعتدال بالشيئ هو الافضل

بنت الشاميه said...

kuwaitforus :

وانا اكثر

بنت الشاميه said...

esTeKaNa :

ههههه قباقب خوش وصف
والله وانت صاجه جنهم قباقب

بنت الشاميه said...

lawyer

الله يكون بعون اهاليهم
مساكين هالاهل شكثر بيتحملون من هالجيل
هههههههه
وهذى ثالث وصف لهم روبورت

والله وانت صاجه يشبهونه عدل

بنت الشاميه said...

مطعم باكه :

خوش فكره لازم حملات توعيه
يمكن تفيدهم
بس ياربى الله عطانا عقول نفكر ونميز اللى ينفع من اللى يضر
هم م يفكرون بانفسهم....؟؟؟؟؟
الله يقطع من دخل علينا هالشغله

بنت الشاميه said...

-mate :

ههههههه جان وخرت كوعه...والا خايف

بنت الشاميه said...

charisma :

عاد البنات ابشع وابشع جنهم امنا الغوله.....بسانا كله اتفكر هذول شلون ينامون...؟؟؟؟ وين يحطون زنودهم...؟؟؟؟
لووووول

بنت الشاميه said...

kuwaitawy :

اكيد مو مثل بالصورة
لوووول

يعنى الحين هذا مو اذى نفسه وياب بلاوي لنفسه.....المفروض هذا ما يسكت لازم يشتكى على من زوده بهالحبوب او الابر....علشان غيره يخاف ويتعظ
لا اطالة ولا شيئ
لا والله استفدنا منك...لازم كل واحد يعرف قصة من هالنوع لازم يقولها
وينشرها بين هالشباب لكى يستفيدون
شكرا لك

بنت الشاميه said...

AK-47 :

اصلا يقولون يبعونها بالنوادى اشكره اخبره....والمدربين هم اللى يبعونها للشباب....يعنى اصحاب النادى ما يدرون
خلها على الله ...ما نبى الا الله يحفظ عيالنا من هالبلاوي...حتى النادي صار الواحد يخاف على عياله منه

بنت الشاميه said...

يعقووبوو

ههههه
والله جبت الفايده
كل هذا علشان يصير قبق
لاحول ولا قوة الا بالله

بنت الشاميه said...

Mamloo7a Q8ia :

جان زين اعرف من اللى قاص عليهم

فينى حره عليه

بنت الشاميه said...

MO3ATH :

واحنا بس وين انتو رايحين احنا وراكم

لاحول ولا قوة الا الله

بنت الشاميه said...

DiLLi O MiLLi :

ايي والله الشكوى لله

عاد الله يهداهم ابر ماااااااي

لاحول ولا قوة الا بالله

Anonymous said...

:(
اخوي اصغير
وهو بره يدرس دش نادي يلعب حديد وقام ياخذ حبوب بنفس الوقت
وانا كنت اصااااارخ بلتلفون وانصح فيه ما ياخذ ابر وحبوب وماكان يسمع
الحين رد وتخرج واشتغل وصحته تعبانه :( كانه شايب في العشرينات يشتكي من بطنه كله تعوره 24 ساعه وكله تعبان
وانا اذكره في نصايحي يقولي انا ماسمعت كلامج ومتحسف
بس حاليا بس يلعب حديد ورياضه بسيطه علشان يحافظ على شكل جسمه ولياقته البدنيه
بس حرام بمعدته الالام ما يتلذذ بالاكل حبيبي اخوي
:((((((((
ادعوله الله يشفيه
وارجوكم ياشباب ديرو بالكم على صحتكم والله حرااااام
انا قلبي يعورني افكر في حالته دايما وامي مسكينه تشكي لي ساعات همه وتعبه وقلبها مكسور عليه ويكسر خاطري وحتى وانا بعيده عنه
بره افكر فيه وهو يتألم يا حياتي :((( بكل لقمه اكلها ما اتهنى افكر فيه
شباب صحتكم حرام والله حراااااام

بنت الشاميه said...

Anonymous :

الله يكون فى عونكم ....محد ياكلها الا الاهل وبالخص الام.....الله يشفيه ويعافيه بدعواتكم ودعوات المسلمين
وما نقول الا حسبي الله ونعم الوكيل
وجان زين هاشباب يفهمون ويعون لللاضرار اللى يسببونها لانفسهم
والله يكشف ضره ويعطيه الصحه والعافيه

اللهم امين

lawyer said...

وي عواااار القلب في هالفير

الله يشاااااافي اخووج انشاء الله

yellowaholic said...

صاجة والله بشاعة !

المشكلة شكلهم يصير يلوع الجبد و يلبسونلج هالحفر و يتمشوون انزين بروح شكلك ظييييم شماله مطلع زنوودك !
مادري على اي اساس اقتنعوا ان شكلهم جذي حلو !