Saturday, July 19, 2008

مااااااا نبي الا بساطتهم



صوفى ربتها أمها المتمردة في جزيرة يونانية
وتقرر صوفى الزواج من خطيبها سكاي
لكنها أيضا تريد أن يقوم والدها بزفها، لكن المشكلة
تكمن في أنها ليست متأكدة أي واحد
من الرجال الثلاثه والدها
و هي تريد معرفة ذلك دون علم والدتها
فتدعوهم الى الجزيره لحضور عرسها
لكن دونا ( امها ) تعرف عن الموضوع مما يجعلها تفقد
أعصابها وتختلف معاها.
ما أبي أحرق الفليم عليكم عجيب
بس
المناظر الطبيعيه فيه زوقه.....جان زين أعيش بس بهالجزيره
أما الأغانى عوار قلب عجبه ردتنى ورا
الى الأيام الخوالي أه ,أه .......لازم تشوفونه
**********
بس اللى عجبني إستعداداتهم لحفلة العرس
جااااااان زين أعراسنا جذى مثل عرسهم
بسيط....وغير مكلف.....والكل يشارك فى العرس
ومااااا فيه أى تبذير أو إسرااااااااف
العروس والأم مستانسين وعلى طبيعتهم
وصديقات الإم والبنت مكيفين وعلى رااااااحتهم
يشوقون تحس بأناستهم....من صج مستانسين
والكل يسووووي اللى يبيه مااااا عليهم من أحد
لا هذى تخز.....ولاهذي تحش.....ولاهذى تطنز
ولا هذى تصور بالكاميره وتنشرها بكل الكويت
صج عاشوااااااا فرحه العرس
متى نصير مثلهم بسيطين وطبيعين بحفلاتنا.....؟؟؟؟؟؟
بس طبعا بالجانب الزين......مو بالشين

64 comments:

مُحَسّدْ said...

البساطة جميلة في كل شي

التعقيد والتكلف ماركة كويتية مسجلة

DiLLi O MiLLi said...

أأأأأأي ... الله ياهوووو فلم كييييفت فيه
من يومين شايفته
ومثل ما قلتي رجعني لذكرياااات حلوووه
أسطوانتهم للحيين محتفظه فيها
كنت أغني معاهم بالفلم
وميرل ستريب بــــــدعت بالفلم
والمناظر عجيييبه
وبساطتهم .. أتمناها
يااااحلات الأم وهي تجهز بنتها للزواج
وياااحلات علاقة الصداقه بين الثلاث حريم

أصلا أنا صفقت آخر الفلم
:)


للعلم أصدار ألبوم
MaMMa Mia
كان 1975

;)

Mok said...

تقولين بالفقرة الاخيرة ليش ما تكون نفسهم بالبساطة


مو الناس عايشه على المظاهر بالكويت

---------
ديلي ما اتخيلج تغنين من كتاباتج جادة شوي بس هالايام مبوزه بالكتابات بزود

Seattle dude said...

i'd say 10 years? i think change does happen in kuwait... it just needs an obscene amount of time to happen.

ow ba3deen nafs ma galow the other posters, el kuwait deerat asamy ow ashkal.

dig enough and you'll find more people like you!

Mamloo7a Q8ia said...

حسافه كنا بنروح له
وهوننا بآخر لحظه

مبين من الصور المناظر عجيبه
:)

صاجه والله يا حلو البساطه
مستانسين ومونسين الناس

مو احنا خبه على الفاضي
الام طايح حيلها والاهل
وفي النهايه كل من يحش ويذم

كويــتي لايــعه كبــده said...

شلون يعني ماكو تحدي منو يجيب مطرب أغلى أو مجموعة مطربين من الخارج على حسابة ويسكنهم بفنادق على حسابة ويكت عليهم الفلوس!؟

ماكو تحدي نفنوف بنتنا هوت كوتشور من ديزاينر اكسكلوسف أكثر من بنتكم!؟

ماكو شبكة بالكيلو علشان تبرق بعيون الناس بدال ما انها تكون على ذوق العروس على شان تستفيد منها بأوقات ثانية (غير العروس)!؟

ماكو تعزم بناس بس علشان تكسر عينهم بدال ما تعزمهم لأنك مشتهيهم!؟

ماكو تبذير واسراف!؟

شيبقى بالعرس الكويتي؟

اصلا اللي يروحون يدورون الأغلاط مو رايحين يباركون.



شرايك فيني وانا اعرف سوالفكم؟
:)

MO3ATH said...

شحلات عروس الرياييل مافيها شي

كلها دشداشه على غتره وموتر الزفه مال عمك ولا خالك وخلصنا لوووووول

إذا متعب نفسك وعرس واحد قريب روح حلق علشان الترزز بالصور :)

DanDash said...

شكله حلو الفلم شجعتيني اشوفه

بس من صجج تبين عروسنا مثلهم بالبساطة ؟
و الله لو مسويه كل شي ناعم و بسيط و بنفس الوقت راقي
ياكلونج العالم أكاااال

يا يتحجون على الصالة ولا على النفوف ولا لاو ولا لاو
خليني ساكتة احسن
اصلا حتى اذا بتسوين الحفلة بالبيت هم لازم خبة ولا ماتصير

lawyer said...

اخييييييييييييييه

البنت فرحااااانه
الام فرحااااااانه

كل شي يونس
سعييييييييييد

ماكوووووو تكلف

ماكو بنت متعسره و اتوعوع طوووووول الوقت

ولا اكوووووو ام تسسسسسب سب توتر الي اكو و ماكووووووووووو

لااااااااااااااااا

عروسنا ظيم


ماقلت لج ؟؟

ملجتي انشاء الله في حديقه مونترو بلااااس على البحيره

اعزمج انشاءالله انتي و احفاادج من الجعده

ههههههههههههههههه

:pPP

حمودي said...

دام ان العرس على اهل العروس فلاداعي للبساطه فيه
نبي بساطه بالمهور افضل
:)

بنت الشامية said...

مُحَسّدْ :

والله وانت صاج
متى الله يفكنا من هالماركه...؟؟

بنت الشامية said...

DiLLi O MiLLi :

الفيلم زوغه ......يونس
اهم شيئ نوع الصداقه
صديقات الام......وصديقات البنت
هذى الصداقه الصجيه مافيها زيف ونفاق
الفيلم ردنى وايد ورااااااااا
يا حلوها من ايام

بنت الشامية said...

Mok :

مااااااا فى امل بان نتغير...؟؟؟؟؟

بنت الشامية said...

Seattle dude :

الله كريم ....الامل موجود احفادنا ان شاء الله يغيرون اللى ما تتغير

بنت الشامية said...

Mamloo7a Q8ia:

تصدقين حسيت من شفت هالفيلم ان ام العروس عندنا محرومه ما تتمتع ويه بنتها فى ليلة عرسها.....يعنى ما تزينها ولا تبدلها ولا حتى تحط الطرحه على راسها ......واعتقد ان البنت تكون بحاجه ملحه لامها فى هذى اللحظااااات المهمه فى حياتها ....والام ما تكون بجانبها..... مشغوله بضيوفها
ماادرى شتقولين

بنت الشامية said...

كويــتي لايــعه كبــده :

يعنى نسوى عروسنا خارج الكويت...؟؟؟؟
علشان نستانس.....والله حاله

بنت الشامية said...

MO3ATH :

وحتى عروس الريايل ما تونس...؟؟؟؟؟

المعرس هم ماااا يسانس مع ربعه بليلة عرسه.....المسالة مو مسالة فلوس اواسراف او تبذير....المسالة اعمق من جذي بوايد

بنت الشامية said...

DanDash :

الفليم يونس...بس يقلب مواجع كثيره
وتحسرين على الكويت واحوال حفلات الاعراس.....والى وين وصل حالنا
بس الله كريم

بنت الشامية said...

lawyer :

وانت صاجه كلهم مستانسين وفرحانيين من قلب....وكشرتهم وااااصله اذونهم
وصج تمتعوا بالحفله
بس متى نصير مثلهم.....؟؟؟؟؟؟
واما احفادى من الجعده.......ههههههههه
غشيت من الضحك....مااااا ادري من وين تيبينهالافكااااااؤ
وانااااا اصير من صديقة العروس....والا من صديقااااات الام...؟؟؟؟؟
ههههههههههههههههههههههه

بنت الشامية said...

حمودي :

والله محد غلبك....تبى عرس زين على البنت
وما تبي تدفع مهر غالي لبنتهم

خوووووش شغل

Anonymous said...

بنت الشاميه بليز بلا تصنع ...يعني تتمنين انج تسوين عرس بنتج بصاله بيتكم والا بالرايه ؟ تتمنين بدله بنتج من المهلب والا من ايللي صعب تتمنيين زفه بنتج بصوت احلام او عبده يقول اسمها والا باسم الردهان !! ادري راح تقولين المهم الفرحه وادري راح تقولين المهم اكون يمها وهالفلم ها كله بس صدقيني كلنا نتمنى الابهه والفخفخه الزايده لافراح ابنائنا وبناتنا ..... عموما بهذه المناسبه يطيب لي ان اتقدم بخالص التحيات لفريج سعود ( شكو ) !!!

اجار الدين كشمش said...

بنت الشاميه

بعد اذنك ..ودي اعلق على الانونس ام البليز

لانها ماتعرف كلمة من فضلك ..متعبتها وايد وايد اوربا ..والمدارس الاجنبيه

اختي انوانمس الاول

لازم تعرفين ..ان اي ام توافق على الحفله بصالتها والبدله من المهلب والمطرب الردهان

بس على ششششششرط انه ماخذ بنتهم لانه يحبها وراح يبنون مستقبلهم متعاونيين ويحبون بعض

مو ماخذ بنتهم ما تقدر اشيل ورجها من المتن و مغطين بلادت بنتهم وغبائها بالماركات
الي عليها ..والسيارات الفارهه
الي ماتقدر ادش فيها من البلعه
اكيييد يحدقون حق بنتهم

ايف سان لوران ونانسي عجرم
الله يهديج استريحي بس وهم الف تحيه حق فريج سسسعود
شششششششششششكو

5roofa said...

اي والله متىىىىىىىىىىىىىى

احنا ملجت بنت خالتي و متنااا

و كانت في بيت

ستين الف تجهييز و كلفتنا فوق ال 5000 دينار شدعووووووة

يا حلاتها على البحر و نفنوف صيف و شموع

بس صدقيني حتى لو بنسوي بجزرية بنفسفس الفلوس لوول ما نعرف لازم


:D

salamz dear....

Anonymous said...

اجار الدين .... امبيه اهم شي (فارهه) اسم ع يا بو الشباب انا قلت تتمنين ونتمى وكررتها اكثر من مره شياب تغطي عيوب البنت وشياب المتن!!! وايف سان لوران امبييييييييييه عندك مشكله

nanonano said...

أنا رحت الفيلم مرتين...مع أني مقاطعه السينما بالكويت ...و مع أن الفيلم مقطعين منه وايد...بس هم بروح له مره ثالثه...الفيلم أينن...تطلعين من الفيلم أتحسين الدنيا ورديه...أنتي شفتي البنت و أهيه أتطربق على كبر الجزيره بالتنوره و المايوه يوم عرسها...شفتي يوم تقعد بحضن أمها عشان تسنعها حق العرس....هاهاهاها...ما ذكرتني الاّ بأمهاتنا يوم العرس...الفاليوم ما يونّي...ترا أنا من صجّي أنا وصديقاتي قاعدين ندوّر على جزيرخ جذي...بنتحاطط عليها و طبعا باب الحطه مفتوح...بس شرطنا الأساسي...غير نعال أم أصبع و المايوه ما نييب معانا...

Anonymous said...

اجار الدين ..... بعدين ليش تتطنز على مداخلتي !! ومدارس اوربا ووتطلع عقدك النفسيه علييي !!! يعني انتا كم مره اليوم قلت ( اوكي ) وكم مره قلت ( باي ) الله يخليك يا بو كشمش ( حلايا النك ) لا تتطنز على تعليقات القراء وشكرا لبنت الشاميه على سعه صدرها وانا اعتذر لها عن الاطاله .... بعدين تعال كشمش من كلمك اصلا !!

charisma said...

واى بنت الشاميه شوقتينى
عاد انا ما مدحوا لى ربعى الكل يقولى لا تروحين مليق
:/


ديللى

خيااانه متى رحتاااااااااااى !!

nanonano said...

آسفه بنت الشاميه بس عندي تعليق حق أنونمس...أنت أو أنتي ما فهمتي النقطه كلها...مو مهم من زين الأجسام و لا مو منزينها...كل واحد يلبس الشي اللي يحسسه بالراحه

بنت الشامية said...

Anonymous :

الاخت المجهوله
حوارج مع اجار خليته لانه حور بينكم
بس الباجى مو من حقج تتهجمين عليهم
الكل حر يقول اللى بخاطره....بدون تجنى على الاخرين لو سمحتى
شكرا

Anonymous said...

بنت الشاميه نانونانو انا اسفه

AseeL said...

انا رحت المسرحية في لندن من زمان كل اللي اذكره انها كانت حلوة.. خصوصا الاغنية الاخيرة

بالنسبة لعدم تكلفهم في التعامل انا معاج لكن بالنسبة لتجهيزات العرس ممكن تكون أعراسهم أفخم من أفخم عرس كويتي بس الذوق كلاس وبسيط ما فيها خبة وبهرجة

AK-47 said...

I loved this movie! It's fun, energetic

lwatan-ajmal said...

بنت الشاميه منو يقرر الجانب الزين او الشين ؟؟؟
:) اعتقد البساطه اهي سر الحياه

قلب طفله said...

اتمنى و اتمنى و اتمنى و هم اتمنى

نرتاااااح من خبة العروس و الحاله

النفسيه اللي تكون عندنا لقرب العرس

و النواقص اللي ما تكتمل لاخر لحظه

يااااااازين البساطه يا وخيتي :(

شوقتيني اروح للفلم :)

بنت الشامية said...

Anonymous :

من قالج ان كلنا نتمنى الفخفخه والابهة افى اعرسنا....؟؟؟؟
نبى الزين صح ونبى السنع صح
بس كل ومن قناعاااااته الخاصة
الناس مو مثل بعض
========
شلون حكمتى على بالتصنع
؟؟؟؟؟؟؟؟
وبالاخير مشكورة على الاعتذار

بنت الشامية said...

5roofa :

والله انت اللى فاهمتى على طول
نحتاج اعادة ترتيب اوراق حياتنا
نبى البساااااطه وعدم التكلف والنفاق
فيها......نعيش كاشخاص طبيعيين
بدون عقد ومركبات نقص

بنت الشامية said...

nanonano :

ما ينشبع من الفيلم.....وتحسين بمدى بساطتتهم.....البنت من الصبح وهى كاشته مع ابهاتها.....وما ترد الا المغرب تروح تتزين للعرس وهى فى قمت الانشكاح والاناسه والسعاده
وتبدلت وتزينت وصارت جنها فلقت قمر
ليش.....؟؟؟؟؟؟؟؟؟؟؟؟؟؟
قلبها واعصابها ومخها مرتاااااااااااحه
لااعصاب ولا نرفزةولا تحلطم ولا تقرطم
نبى هالاريحيه فى اعراسنا
وكل من على مقدرته
==========
عاد اذا لقيتوا الجزيرة لا تنسون عزمونى.......بس عاد مع هدومى وحجابى
ونعال ام صبع
هههههههههههههههههه

بنت الشامية said...

charisma :

يمكن من التقصص ...؟؟؟؟
بس لما تشوين الناس بالسينما تصفق وتغنى وترقص مع الاغانى تعيشن الاجواء صح
طبعا هذا مو بالكويت
======
والله ياكريزما تتحسرين علينا وعلى اعراسنا اللى يقطون عليها همجات الفلوس ....والانتقادات اكثر من المدح
والاناسه ضايعه ضايعه

بنت الشامية said...

AseeL :
طبعا هى نتيجة اختلاف ثقافات ودياااانات وعادات وتقاليد وااااعرف

بنت الشامية said...

lwatan-ajmal :

القرار الاول والاخير لصاحب الشان
وهو اللى يميز بينهم.....!!!!!ء
والبساطه مفقوده عندنا ضيعوها من زماااااان

بنت الشامية said...

AK-47 :

الفليم يرد الروح....مفتقده افلام من هالنوعيه

بنت الشامية said...

قلب طفله :

الله يسمع منج .....اللهم امين
نحرمنا من الفرحه من ضاعت البساطه من بين ايدنا

Anonymous said...

سالفة المايوه تنفع....... بس لو حلال

بنت الشامية said...

Anonymous :

المايوه الاسلامى ماااا يقول شيئ
المهم اللى فى القلب
سلام

فريج سعود said...

احسن من عرس مسلسل الاقدار ماكو ولا في بساطة ابسط من جذي

ballerina said...

صدقتى يابنت الشاميه

الفيلم زوغه.....صج ان القصه عاديه

بس المناضر الطبيعيه تجنن

والبحر ماله مثيل
والموسيقى والاغانى خلتنا نرقص واحنا بالكراسي

الفلم خلانا نفصل!!!!!!! 1


تحضيرات العرس بالكويت متعبه
بس تعتمد على اهل العرس
وقناعتهم باللى يبون يسونه حق بنتهم

الله يزيد من اعراسنا

ولد الديرة said...

ما ابي اعلق

اخاف من الطبطبائي

بس يا الله تعليق بسيط

من منه التبذير
!

الكل يشتكي والكل يقلد

مو باط جبدي الا القرقيعان

جني علقت وايد
!

kuwaitawy said...

K I S S

Keep
It
Simple
&
Stuuped


مثل بريطاني احترمه

Snow White said...

المظاهر والتقليد الأعمى مشكلة عندنا الأهم من كل هذا أن يعيشون مستقرين ومرتاحين وقنوعين وكل واحد يسوي حسب امكانياته بس ماله داعي الفخفخه الزايده..وبدل المخاسير اللي مالها معنى والفسفسه حطوا فلوسكم في مشروع استثماري وايد أبرك ينفعكم للمستقبل وما في أحلى من البساطه :)

حسافتج يا كويت said...

العرس البسيط دائما يخلد ذكرى حلوة


صباحج فل يا بنت الشامية

بنت الشاميه said...

فريج سعود :

عيل عرسك علي....!!!!!ء

بنت الشاميه said...

ballerina :

والله الفيلم خلانى افصل شويه
ومن صج ديت افكر جد بالبساطه اللى ضيعناها بايدنا
والله امين يكثر اعراسنا وفرحتتا ويزيدنا سعاده وبساطه
======
وين هالغطه الطويله.....؟؟؟؟؟
لاتقاطعيناااااا

بنت الشاميه said...

ولد الديرة :

بس القرقيعان......وحفلات اعياد الميلاد......وحفلات التخرج....وصلت ايبون هيفاء وهبي لها
خلنى ساكته مثلك بس مو من الطبطبائي
؟؟؟؟؟؟؟؟؟؟؟؟؟؟؟؟؟؟

بنت الشاميه said...

kuwaitawy :

ما اقدرش اقول حاجه فيه

بنت الشاميه said...

Snow White :

وانت صاجه الاهم التوفيق والسعاده بينهم.......ودايما اقول فلوس هالحفلات لو يشترون فيها لهم بيت افضل من هالاسراف على حفلة او يحطونها فى حساب بنتهم بالبنك تنفعها للمستقبل...بس من يسمع...؟؟؟؟؟؟

بنت الشاميه said...

حسافتج يا كويت :

اخيراااااا شفناك .....شهالقطه ...؟؟

الذكرى الجميلة هى اهم شيئ
وهى الباقيه
منوره المدونه اليوم
لوووووول

lawyer said...

انااااااااااا

انااااااااااااااااااااا
صديقاااااااااااااتي اناااااااااا

صديقات العرووووووووووووس

افا عليج


بذمتج شفتي بس هاللياااااقه الي يطامرون فيهاااااااااااا

الام و رفيجاتها

انا مافيني حيل نص مطامرهم


لااااااااااااااا بس خووفج المعرس يرتفع عنده الظغط و مايعبر يمشي اي الكوشه


اخااااااااااف يوهقني

هههههههههههههههههههههه

تعالي انتي و احفادج


امااااااانه بنت الشاميه اذا رحتي مونترو
و قبال الانفروميشن تلاقين تمثااااااااال

صخره جذي

اانا كلمت مدير البلديه هناك
قااااااااااالي بحط تمثال الصرح العانس انشاء الله يم هذا التمثال

شكلي بالتثماااااال قاعده و حاطه ريل على ريل و لابسه تاج الماص

يختج شموووووووووووخ انا


ههههههههههههههههههههههههه

داقين علي رفيجاتي من مونترو يقولون سارا انخطبت
اقولهم اي ساااراااااا!!

يقولون سارا ماغيرها
اقوووووووووووووولهم

الي كنت ادزها في العربااااااانه

!!

هذي انا اوديها حمااااااام المتربووووووول ابولها و اوضيهااااااااااااا

عرست و انا قاعده

والله عيييييييييييب

هههههههههههههههههههههههه

بلشنا نحضر عروووووووووس مواليد الغزو و سنه 89

ههههههههههههههههههههههههه

لحقو علي

بقا واحد يبيع جرايد
شايب سويسري

الي عند محطه القطار
ارووووووح اشتري منه زقاير

هذا شكلي برسسسسسسسسم عليه

كاسره خاطره كل يوم اشتري منه كررررررررررت

هههههههههههههههههههههههههههه


بس اهم شي خلج يمي

صديقااااااااات العروس

مفعـــــوصة said...

الفلم كان مسلسل قديم
بس استوقفني شي من اللي كاتبته

ابي عرس وابيه كبير وحلو
وابي نفنوف ابيض مثل نفنوف كيري بفلم سكس اند ذا سيتي
وابي بوفيه كبير على مد النظر
وابي اتزوج اللي ببالي
وابي القصار يزفني
.
ادعيلي بس اتزوج يا رب

Barrak said...

سيدتي الراقيه

اشكرك الشكر الجزيل

وشرف لي ان يوضع اسمي في اعلى مدونتك

والعين ماتعلى عالحاجب

ياحلوكم يااهل الديره لما تفرحون بزميل لكم اتفق معكم في حب هذا البلد

اشكرك وجمايلك مغرقتنا ياوخيتي

شقول

الله يحفظك

-mate said...

ما شفته!

بنت الشامية said...

lawyer :

ههههههههههههههههههههههههههههه

هههههههههههههههههههههههههه
هههههههههههههههههههههههههههه

غشيت من الضحك......ماااااقول الا الله يعينج .....وان شا ء الله نصيبج مخشوش.....بس يبى صبر.....المزوج بالسما
والله يجبر بخاطرج اصير من صديقات العروس
بس هم مااا اقدر اطامر لامثل صديقات البنت ولا مثل صديقات الام
لوووووووول
خلى يومك ابيض
مثل
قبلج الناصع البياض

بنت الشامية said...

مفعـــــوصة :

ربى يعطيج على قدر نيتج
ويوفقج وتسوين كل اللى تبينه

بنت الشامية said...

Barrak :

احنا نقول انت اللى زدت مدوناتنا شرف ورفعة......وعطيتها مصداقيه اكثر
احنا بذيك الساعة يصير بينا شاعر صجى
وعنده ديوان شعر....احنا اللى يا بختنا فيك
والله يوقفك ويحفظك
اللهم امين

بنت الشامية said...

-mate :

يستاهل من يشوفه...لانه غير