Friday, July 11, 2008

مكة المكرمه شرفها الله ....ليست للمرابحة





لما شفت هالصورة صفنت مده أتفكر
ألحق أشوف هالمشروع الجبير.؟؟؟؟؟
والإ يمكن أحفادى يلحقون عليه .....؟؟؟؟؟
ويتمتعون بالخدمات العظيمه التى هيئتها
المملكة السعوديه لمثل هذا المشروع الضخم
من إقامة فنادق ومساكن وإنشاء طرق
ومرافق عامة, حيث سيتم تطوير مستشفى
أجياد، و جبل الكعبة ومشروع خندمه
و"الطريق الموازي"، وجبل عمر ومشروع الشاميه

بس دار فى بالى من حقه هذا كله.....؟؟؟؟؟؟
اللى أعرفه إن أغلب المسلمين بالعالم
هم تحت خط الفقر ....فمن يسكن هذه الفنادق
والشقق ...؟؟؟؟؟؟ هل هالمشاريع ستحل مشاكل
فقراء المسلمين الزوار لهذه البقعه المشرفه
من الغلاء وإرتفاع الأسعار..؟؟؟؟؟
حتى القطارات ما يقدرون يدفعون ثمنها اصلا
فإذا ظلت الأسعار كما هى عليه فى الوقت الحالي أيام
الحج و رمضان......أعتقد لن تحل شيئ ...حتى
الغني بداء بالتفكير قبل أن يقدم عليها لإنها صج
مو بس غاليه الإ هي...... سلخ للمسلم القادر
فما بالك بالغير قادر والمعدوم.....!!!!!!!!!!
ء

أدرى إن هناك كثير من الأوقاف وفى مقدمتها
وقف الملك عبدالعزيز-رحمه الله- لتيسير للحجاج
السكن قريباً من المسجد الحرام
حتى هذه الأوقاف إمتلات من الحين بأهل مكه أصلا
بعد إزالة بيوتهم وشققهم ودكاكينهم وفنادقهم

و الحين هذه الأبراج تعرض على دول الخليج لبيعها
كبرج هاجر ,وزمزم , وعمر وتم شرائها
والمضاربه بها فعلا مما أدى إلى إرتفاع أسعارها
وهذا حدث عندنا بالكويت.....جدام عيني


فهل تسلم الأبراج القادمه من هذا المصير....؟؟؟؟؟
ومن جشع و نهم ومضاربة التجار بها...؟؟؟؟؟
وهى كلها أصلا فنادق سبع نجوم وشقق
ديلوكس باهضة الأثماااااااان

فهل هناك سياسه لمحاربة أرتفاع أسعار السكن
فى مكه المكرمه والمتاجره بها ...؟؟؟؟؟؟؟
وهل تأخذ الزوار الفقراء والمساكين والمعدومين
من المسلمين بعين الإعتبار....؟؟؟؟
والإ بس توسعه والباجي على الله

34 comments:

Q80 Blogger said...

نقطه حلوه منج
بس تدرين حتى الابراج الي تقولين عنهم ومركز مكه والهيلتون وغيرهم مافيهم حجوزات
اذا الواحد يبي يعتمر لازم يخطط قبلها بشهر .. بس عشان يحصل مكان بفندق سنع
يعني حتى الي الله رازقهم مو محصلين مكان يسكنون فيه
فالزياده في الفنادق هذي شي ضروري ومطلوب

وان شاء الله المملكه ماتقصر وتلتفت للفئه الي تكلمتي عنها

Athoob Alshuaibi said...

والله كلامج حق يا بنت الشامية
اللي يشوف الفقراء المحذفين بشوارع المدينة
يستغرب و يتعجب ليش هذول هني !
ليش مايشوفون لهم صرفة يحلون مشاكلهم بدل هالذل اللي هم فيه

يعني الواحد مو ضد اقامة المشاريع و لكن لابد يكون للبسطاء موقع من ضمن خططهم التطويرية للمنطقة

kuwaitawy said...

والله كلامج عدل يا بنت الشاميه



اعتقد ان المملكة لها سياسة وخطة بالنسبة للفنادق وتطوير ما حول الكعبه

Mamloo7a Q8ia said...

مشروووع روعه وشي خيالي
عسى الله يطول
بعمرج وعمرنا
ونشوفه
وما اعتقد بيطوف على
السعوديين مصير الفقراء
واكيد بيراعونهم في هالمشروع

كافي وقف الملك عبدالعزيز
كله مسخر للفقراء

والله يعينهم على خدمة المسلمين

Mok said...

شكلج دبستي في سهم المشروعات العقارية

(جراند
:))

تصميم اليديد جميل بس اعتقد ينتهي في عهدج عزيزتي لا يزيد عن 10 سنوات

:)

ترى اذا عندج اسهم في جراند اقدر افيدج


ترى راح يحصلون ربحية من الاكتتاب اللي بيسسون مشروع الحرم المكي 50 فلس وتندرج الارباح في الربع الثالث
:)

JuVeNTiNa said...

مشكوووووووووورة على هالتنبيه .. صح كلامج والله مو شرط انه التطوير بالمباني يعني شي صح .. مكه ما تحتاج كل هذا .. حلاتها ببساطتها و سهالتها لا يعقدونها و يصعبونها !!!

والله كريم

كويــتي لايــعه كبــده said...

تساؤلك من زمان في بالي

ومؤسف جدا الاستغلال التجاري للحج والعمره من حملات وغلاء فنادق ووو

اما التوسعه فلا بد منها وزيادة العرض ان شاء الله ترخص الاسعار

mo3ath said...

وصلتني الصور بالايميل ودار في بالي نفس تفكيرج

شوفي التوحيد وزمزم بجم ليلتهم

بس اعتقد إذا كثروا راح تصير في منافسه ومراعاه حق وضع الناس

الله كريم يقوم المشروع ونشوف

AseeL said...

خوش موضوع وخوش صور حتى لو كان منقول

قلب طفله said...

صاجه اختي

الفقاره لهم رب العالمين

ما ينساهم

و يسهل لهم امورهم لزيارة بيته

Organic Kuwait said...

i cant agree more. i actually hate what they r doing to holy mekka

Unknown said...

بنت الشامية هذا المشروع اذا ما خاب ظني بسبب التوسعة اللي راح تصير لان في فنادق اتوقع راح تنشال مثل دار التوحيد والهليتون

وسؤالج حق منو هذيل

انتى شوفي الحين ما شاء دار التوحيد والفنادق الغالية ما تحصلين فيها حجوزات في ناس تدفع وايد واللى مثل ما تفضلت تحت خط الفقر لهم فنادقهم بعد

كل حسب الاستطاعة
ومشكورة على الموضوع الحلو

charisma said...

صاجه والله
انا كل ما رحت هناك اذكر هالفقاره المساكين
الاسعار كل مالها وبالطالع يكفى بس اسعار شهر رمضان شى خيالى
غير الحج !!



اصدقين بنت الشاميه اول لى رحنه عمره نستلذ بالبساطه والراحه النفسيه نصد عن الدنيا والمظاهر
تحسيين من قلب بالهدوء والطمأنينه
سوقنا اول مساوييج وماى زمزم وقحافى والكامره الى فيها صور الكعبه ومسابيح اساور ملونه
والسبال والنخى والحب
حتى الحنه السودانيه نييبها صوغه
هههههههههههههههه
نفتر من بسطه لى بسطه انوكل الحمام
ولا نحوس فى بن داوود نوسع صدونا ونضحك مع هالسودانيات
اياام

الحيييييييييييييييين

اطوفين والموبايل يرنعععععععع،، سوالف وهذره

الحين مكه مجمعات وسوق ومحلات كبيره
راحت بساطتها

يصلون ويفكرون بالسوق

ما ادرى عن نفسى اختلف الوضع عندى

تطور المنطقه قتل روحها

بنت الشاميه said...

انا مع مع المشروع العظيم
وزياده الفنادق والشقق والخدمات
****
بس ضد ارتفاع اسعارها
والمتاجرة بها
تخيل مسلمى الصين او افريقيا او امريكا الجنوبيه.....!!!!!!!!ء
يعصرون اقصى ما فى القلب
والله كريم

بنت الشاميه said...

aThooB :

ان شاء الله يكون هناك موقع لهم صمن هالتخطيط....كما ذكرتيه
والله المعين

بنت الشاميه said...

kuwaitawy :

المشروع ضخم وصرفت وبتصرف عليه مليارات عديده الحكومه السعوديه
وان شاء الله ما تقصر عليهم

بنت الشاميه said...

Mamloo7a Q8ia :

ان شاء الله يبلغ الجميع
مشكورة

بنت الشاميه said...

Mok :

هههههه
والله بريئه يابيه
بس خلينى الحق عليها... عسى ما رتفعت الاسعار...؟؟؟؟؟؟

بنت الشاميه said...

JuVeNTiNa :

بس مع تزايد اعداد المسلمين كل سنه عن الثانيه....تحتاج المملكه لمثل هالمشاريع
بس ان تاخذ بعين الاعتبار الاسعار
ورب البيت كؤيم

بنت الشاميه said...

كويــتي لايــعه كبــده :

اصلا ارتفاع الاسعار جنونى وخصوصا العشر الاواخر من رمضان وايام الحج

بنت الشاميه said...

MO3ATH :

ان شاء الله المنافسه تخفض الاسعار
والكل يستفيد من هالتنمية

بنت الشاميه said...

AseeL

ما قصرتي....!!!!!!!!!!ء

بنت الشاميه said...

قلب طفله :

اللهم امين

ياحلو هالدعوة الزينه

بنت الشاميه said...

Organic Kuwait :

شيسون مع تزايد اعداد زوار الرحمن..؟؟؟؟؟؟؟

بنت الشاميه said...

Mishari :

حياك الله يامشارى وتو ما تباركت مدونتي

هالفنادق والشقق للاغنياء
والاغنياء قادرين على ارتفاع الاسعار

بس اللى تحت خط الفقر من اين له مواصلات , سكن , غذاء ....؟؟؟؟؟؟
مع ارتفاع الاسعار
الا اذاكانت هناك خطه من قبل الحكومه السعوديه للاهتمام بهم والله العالم
فيزاهم الله خير

بنت الشاميه said...

charisma :

والله وانت صاجه ياحلو شارع غزة والبسطات اللى بالساحه عند المسعي
وهذيك الحجابات اللى تهبل المطرزة والبارده ...كلها طارت مع التوسعه
بس ما نقدر نوقف امام التطور والتغير
والحكومه السعوديه ما تقصر ما تسوي الا الزين.....ويزاها الله خير

سدرة العشـــاق said...

شوفي مبدأ التجارة و الربح من الاماكن المقدسة مثل مكة شرفها الله مرفوض بس شتسوين ؟

يعني قبل اذكر كان فندق اجياد مكة يحجي شزينه بس ألحين لو يعطوني غرفة ببلاش ما اقعد فيه لازم يسوين شي يديد و اذا على الفقارة ماظنتي السعودية نستهم اكيد حاسبين حسابهم

وبيني و بينج اهما صج قاعدين يسوونها فخمة زيادة عن اللزوم

و يعطيج العافية حبيبتي

: )

Anonymous said...

سوف يأتي يوم لن تجدوا شيئا من مكة سوى أحجار الكعبة.

سوف يستبدل التاريخ بأنفاق و ممرات و عمارات من الكوكريت.

سوف تتحسرون عندما يأتي هذا اليوم.

Anonymous said...

انا يهدمون كل شي حوالين الكعبه ويردون الناس عى فطرتهم لكن هالشي مستحيل لانه من علامات القيامه هالصور الي حطيتها موضوع اكثر من رائع

بنت الشاميه said...

سدرة العشـــاق :

التجارة شيئ مشروع وحلال بالاسلام بس المضاربه والاحتكار والاستغلال والغلاء

هو الغير مشروع بالاسلام
وكلنا نبى الزين والمريح بس هم بحدود المعقول.......وان شاء الله خير

بنت الشاميه said...

Anonymous :

لقد تجاوز فكركم التاريخ

لو انت مؤمن حقا بما كتبت لعلقت باسمك الصحيح.......!!!!!!!ء

بنت الشاميه said...

q8yeen :

اغلب المسلمين مع التنمية والتطور فى مكه....بس ضد ارتفاع الاسعار والمتاجره بها

مشكور

فريج سعود said...

والله انا اشك ان هذه الصور للعرض فقط ولا شالي اخرهم ليلحين
هم يملكون الامكانيات من سنة يدي ومصر عندهم قطارات من الاربعينات
والجماعة ليلحين معتمدين على الباصات والوانيتات
هذا ابسط شي

بنت الشاميه said...

فريج سعود :

الله يهداك يا فريجنا التوسعات على قدم وساق.....ويشتغلون ليل ونهار
بس عطهم وقت وانت تشوف