دعوة خاصه
لكل من ضاقت فيه الوسيعه
دعوه خاصه ومفتوحه لكل اصحاب المدونات
من الاخوه والاخوات ووووووخصوصا المتعسرين
سفره قصيره الى بلد ما , فى أحد القصور على
قمة أحد الجبال فى أجمل بقعه على الارض
للراحه والا ستجمام والاسترخاء والتمتع بالمناظر
الخلابه ووسط الهدوء والبراد اللى يرد الروح
الطيارة تنطركم بالمطار مستعده للاقلاع
واللى راحوا بيروت بثلاث طيارات مو أحسن منا
لا تكثرون من الأغراض والجناط والحوسه
وخصوصا الاخوات المدونااااااااات
ولكل شخص دعوة شخص آخر معه
فمن هو أو هى هذه الشخصيه المختاره....؟؟؟؟؟
وشنو الأغراض الشخصيه الضروريه اللى بتاخذونها
معاكم....؟؟؟؟؟؟
وهالقصر فى أي بلد تعتقدون.......؟؟؟؟؟؟؟؟
ملاحظه أخيره ...ممنوع إصطحاب الهموم وياكم
وأهم الممنوعات اللاب توب .والموبايلات
منعا باتا
وترا العدد محدود....سجلواااااااا بسرعه
أهلا بكم بقبولكم دعودة بنت الشاميه
لكل من ضاقت فيه الوسيعه
دعوه خاصه ومفتوحه لكل اصحاب المدونات
من الاخوه والاخوات ووووووخصوصا المتعسرين
سفره قصيره الى بلد ما , فى أحد القصور على
قمة أحد الجبال فى أجمل بقعه على الارض
للراحه والا ستجمام والاسترخاء والتمتع بالمناظر
الخلابه ووسط الهدوء والبراد اللى يرد الروح
الطيارة تنطركم بالمطار مستعده للاقلاع
واللى راحوا بيروت بثلاث طيارات مو أحسن منا
لا تكثرون من الأغراض والجناط والحوسه
وخصوصا الاخوات المدونااااااااات
ولكل شخص دعوة شخص آخر معه
فمن هو أو هى هذه الشخصيه المختاره....؟؟؟؟؟
وشنو الأغراض الشخصيه الضروريه اللى بتاخذونها
معاكم....؟؟؟؟؟؟
وهالقصر فى أي بلد تعتقدون.......؟؟؟؟؟؟؟؟
ملاحظه أخيره ...ممنوع إصطحاب الهموم وياكم
وأهم الممنوعات اللاب توب .والموبايلات
منعا باتا
وترا العدد محدود....سجلواااااااا بسرعه
أهلا بكم بقبولكم دعودة بنت الشاميه
الطياره فيها 52 كرسي و11 من الكرو
بخدمتكم. بس رعصوا الزر...وخاصة
للاخ نيو.....والاخ موك
والاخ بو صالح
ترى بو صالح انت المسؤل عن فهد العسكر
دللى ....يالله عاد بسج من القوري
هالقصر بيوسع صدرج وحياج وياااااااانا
للاستفسار عن اى شيئ بالرحله الرجاء الاتصال
فى المرشد السياحى.... حسافتج ياكويت
ومساعدته ..... لوير خانــــــــم
حسافتج .....حط بالك على لوير
مو تخليهاعلى كيفها
انت المدير
84 comments:
القصر هذا انا شايفه يم المحرق
انا بيي بمجهودي حتى هدوم ماني يايب
اكتشف ان اللي يسافر وماخذ معاه هدوم ما عنده سالفة
عقب الرئيس و نائبة
أقول غسلوا أيديكم و جبودكم بعد
ولكن دايما يوجد بصيص أمل
توليفة ممتازة
واحد يباصي الثاني يشوت و الثالث طول المباراة يسخن على خط الاوت ;p
ما اقول إلا
اصبخص
يصير أركب الطيارة ؟؟
انا ابي اروح
و ماني ماخذ احد وياي
ابي اطخ
ابي سكييييييينة
شوفي لي مكان بالطيارة حتى لو وواقف، وبعدين أجاوب على الأسئلة، فيني هجة
ائييه المكان شكله يرد الروح
اكو درجة اولى..ولا مافيه
وبعدين ممكن التدخين ولا لا
ههههههههههههههههههه
يااااربي على خفة الطينة .. بدعتي
:)
والله محد أموسع صدري ألا أخواني وخواتي المدونيين
يا حبيبتي يا بنت الشامية
أنا طلعت من القوري من زمان طلي على بوستي اليديد وتعرفين السالفة كلها
:)
أنا ودي أسكن بأوتيل نظام القصور القديمة بأحد أرياف سكتلندا .. حق القطيطه والبريدات
كان ودي أقول قطيطة وبريدات بحمدون .. بس تدرين الكويتين مااا خلوا غار فيها ألا وسكنوه .. وأنا مابي اشوف أي أنسان أعُربي
وآخذ معاي فلذة قلبي الوحيد ولدي مشعل .. مااا تصوريين هالولد أشكثر يموت على الطبيعه والهدوء .. أهو اللي يلبح علي بالسفر لأسكتلندا ويبي الريف وبعيد عن المدنية
أنا مسميته الشايب
ويازين من أخترتي كمسؤل سياحي
أنسان خفيف طينة ومحبوب
أقووول عسى أنتي الطيار ؟؟
أأأي لأني عندي فوبية الطيران
وأبي طيار هادي وثقة .. وماكو غيرج يصلح طيار
:)
روحي يا بنت الشامية .. الله يوسع صدرج دنيا وآخرة مثل ما وسعتي صدورنا بهالبوستات الحلوة
ومشكورة أنج ذكرتيني بهالبوست الرائع
:*
هههههههههههه
كتبت تعليقي السابق قبل لا أشوف تعليقج عندي
:)
انا بروح قصر السيف ومعاي لابتوبي وعدة الشيشة وعدة الحداق (:
مو محتاج طيارة. سيارتي موجودة
بس إذا تبين تدزين لي هلاكوبتر تاخذني يكون احسن (:
مونتانا
باخذ كيس كستن
و
i pod
بروح بروحى و اتعرف على ناس هناك
الله الله الله من الحيييييييين عشت بالجو وطاار فينى الخيااال
ابى احجزلى مقعد وبطيييييييييييير بروحيييييييييي معاكم معاى البلوقيرز وافكر ااخذ احد
لا الصراحه ابى اروح بروحى وانتو خواتى وخوانى هناك ابى انطلق
ابى اشووف ثيييل اخضر على مد انظرى
الله
وااخذ احلى فيو بالقصر
ابى ابريدااات افتح الدريشه واناام
وبراااد يهفهف على من كل صوووب
:))))
يا بعد عمرى يا بنت الشاااميه عسانا ما ننحرم منج
:**
:) مشكورة على الخاص
السفره الى ماربيلا او بريدة يمدحون بريدة هالايام لانه ربعهم هاجروا الى الكويت
----
والسفرة اخذ خواتي معاي
White Wings -DiLLi O MiLLi-بنت الشامية
ومعاكم ازواجكم وبدون العيال لا احب ازعاج
:)
----
:)ولاب توب طبعا
شكرا
:)))
اي والله يبيلنا غسال جبود وكلى وطحال وبنكرياس بعد
متنا مغثه ياربي
انا بروح ويااااكم بعد
وباخذ تاج راسي امي
ما اقدر استغني عنها صراحه وخاصه ان الرحله بدون موبايلات
وبعدين هي اللي تعطيني التفاؤل بعد كل الاحباطات
والله يحفظ الكويت
MoK
ههههههههههه
مشكووووررر على العزيمة
وأنت بدون لاب توبك
:)
كاني ييت
اسف على التأخير
ولد الديرة حجزك مو اوكي
بس أنتي جاجزة بزنس لكن مع الاسف راح نحطج إكونامي
دللى وقت ما تنزل الطيارح حياج عند الكابتن تطمشي
براقش عندج وزن زايد حبيبتي ليش؟؟
كاريزما سوينالح اب قريد حياج فيرست وكرسيج يم بنت الشامية
فهد العسكر
ممنوع تييب معاك سوائل اكثر من 100 ملم
عثماني
جوازك منتهي حبيبي
واخيرا هذا المكان في سويسرا
وداخلة اكو كبت كبييييييييير كلة كاكاو شارينة من حساب الدولة
اخيرا مشكورة بنت الشامية
صج غسلت عيوني بالصورة الحلوة
شكرا للثقة ولهذا المنصب
تحياتي
chateau d Oex
القلعة موجودة في سويسرا
و باخذ معاي زوجتي
مانتوفاني
اااايي والله يا بنت الشامية حاسة فينا ، انا ما ابي سفرة، انا ابيي اهااااجر اهجج من هالديرة اللي حتى التفائل صار عيب و غلط
تفائلنا بالدوائر الخمس قلنا الله راح ايونا نواب اصلاحيين و يحبون الديرة لكن تفائلنا طلع فشي
قلنا يا الله انشاء الله الحكومة صخر لكن للاسف طلعة حكومة ترضيات وهم تفائلنا فشي
واللي طينها اليوم بالرئاسة مع 52 صوت! وين الواحد يتفائل؟
سترك يارب استر علينا و على الديرة والناس الشريفة
سامحوني على الاطاله و تقبلوا مشاركت
والله ما درا عنج يا بنت الشاميه
محمد هايف
حاطحه طياره تشيل 52 حق المدونين والمدونات
وبتودينهم منتجع جبلي معزوووول
وما حطيتي اي شروط او ضوابط شرعيه
وفوق هذا سامحه لهم بدعوة صديق !!1
خووووش ...بدون محرم ,,,وبدون لبس شرعي ,,,
وسكن مشترك
شل اليرعه على 22نائب
والله انج اجرع من رئيس حكومتنا !!!1
والله انتن البنات ,,ردت فعلكن خطييييره !!1
يمكن الذكاء في العزيمه هي انها خااارج الكويت
محد قادر يسوي شئ فيكم
لكن انا بساعدكم
شوفي بنت الشاميه عزموا عاجل
عنده طياره ب 52
حاميه نفسها بنفسها
قنابلها ...فيها
لا هايف ولا قويعان
يالله تقدرون تطلعون من الاراضي الكويتيه
لاني انا فتااان
باجر من الصبح خبركم على كل لسان من اهل العشرج والخروع
وإلا تسمحون بعزيمتكم
حق اهل كيرلا ..انا وامي !!!!1
بعدين وصي ربعج ..مو يتولون امي اماريات
شيلي هذا نظفي هذا علابالهم امي هنديه !!!1
ويقعدووونها ...ايكونمي
فمالله
lol
يازتلي هذي
و الله ضاقت فينا الوسيعة اي و الله
بس يالله تهون
انا من الكرو شكلي !
تكفيييييييييييين تر الرحله من غير خبااااااااالي ما تسوا شي
شوووووووفيلي مكان حتى لو كرسي المظييييفه انا راضيييييه
بس بهج بسااافر
ماني مسافره ويا احد بتعرف في الطياره
ابي كل شي يديد هدووم ماني ماخذه وايد لا تخافيييييييييين
و الحب و القروضات علي
و الشاي و الزعفران و القهوة و كل شي
أنا بعد وياكم
اذا باجي لي مكان
ماراح آخذ وياي احد
أبي اصد
مع اني توني راجعه
بس عندي احساس ابي اجازة من الإجازة
وعمان بصراحه حر
ابي بريدات
ومع هالمجموعه الطيبه
ياحلووووها من صحبه
بوست يرد الروح
وانا من صجي اشتطيت
بروح احط جنطتي
هههههههه
ويه الله يوسع عليج دنيا و آخرة مثل ما وسعتي صدورنا بهالمنظر العجيب
انا ابي كرسي يم الدريشة لو سمحتوا و نبي هدوء
: )
bon voyage
حسافتج يا كويت:
أصلا الطيارة برايفت، تطير من التيرمنال اليديد بالمطار، وما عليها تفتيش
وبعدين قصدك 100 ملم حقي بروحي وإلا كلكم معاي، لأن إذا الوضع شروكة بلحقكم بر
ولد الديرة :
احسن علشان احط جنطه ثانيه لى مكان جنطتك.....مشكور للتوفير
لوووووووووول بالمحرق...جان زين
بس :
اكيد الامل موجود...بس يبيله صبر
ما قلتى بتسافرين ويانا...؟؟؟؟
Don Juan :
اكيد حياك الله
عثماني :
حياك الله بس من هى سكينه...؟؟؟
ههههههههههه
Fahad Al Askr :
حياك الله السفره بدونك ما تسوه
بس جنه حسافتج ياكويت محتج شويه
وسع صدرك عليه ما يلام الضغط عليه وايد بهالسفره....عينت له مساعده الاخت لوير....لووووووول
KrakatoA :
كلنا سواسيه بهالسفره....ماكو الا درجه وحده بالطياره
واكيد التدخين ممنوع بس بالطيارة
حياك
DiLLi O MiLLi :
حمدالله على السلامه
هلا بالغاليه انت بس اشري وكلنا تحت امرج.....اول شيئ الطيار شاطر وماهر
لا تحاتين....وبعدين مشعل نحطه بالعين ونصك عليه....يا حلو اللى يدلل امه
الله يخليج له ويحفظه
وبعدين القصر من اللى قلبك يحبه عجبه قديم وحديث بنفس الوقت
وفيه كل ما يخطر فى بالج.....مخصص للراحه والاستجمام
بس والله يكفيني هالدعاء اللى يرد الروح
مشكوره....وحياكم الله
اتمنى لكم حسن الاقامه
يعقووبوو :
والله ما عندنا هليكوبتر خاصه
الا اذا الداخليه تعطينا وحده
يعتمد على وسطتك عندهم لووووول
على نفسها جنت براقش :
حياج الله وبعدين اغراضج الشخصيه وايد شويه...ترا ممكن تزيدينهم
والقصر مو فى سويسرا
charisma :
الحمدلله نجحت الخطه بسرعة معاج
المهم الحلم وان نقدر نحلم ونعيش فيه
وبعدين نرد الى الواقع....علشان نتحمل الواقع
وبعدين احسن دار لج ولها بلكونه عريضه ترد الروح و تشربين فيها قهوتج وتحتج الوادى والمروج الخضره
والغيم فى اعلى الجبل....اكو اجمل من هالمنظر
تستاهلين يا شيخة البنات
وحياج الله
Mok :
اشوه كنت احاتيك انك ماترضى تسافر ويانا....ومشكور على اختيارك لنا
بس اللاب توب ممنوع منع بات
الهدف من الرحله ان تترتاح وتريح راسك
من التفكير...الصحبه احسن منه الف مره
واحسن شيئ معانا لوير وفهد العسكر وولد الديره...وغيرهم وايد وكلهم يستاهلون.....حياك الله
Mamloo7a Q8ia :
حياج الله معانا وبالوالده العزيزه اذا ما شالتها الارض نشيلها بعيونا
هذى الساعه المباركه اللى تسافر ويانا
الله يحفظ الكويت
حسافتج يا كويت :
هلا بمرشدنا السياحى ...ما شاء الله عليك ضبطتهم بسرعه صج انك شقردي
وشوف خليت لوير مساعده لك لا تخليها تعور فينا بروحها ...بدقيقه تخوره
عطها عين حمره ...اهى تهبل بس تحب الغشمره والهذره...بس تفيدك وااايد
وبعدين عثمانى يمديه يسوى جوازه ميخالف ننطره...خليك مرن حبتين
لووووول
ولا تضايقون بو عسكر هو شاعر الرحله
بعدين القصر مو بسويسرا
والكبت مو بس فيه كاكاو وايد فيه الكويت كلها.....هه هه هه هه
لا تتاخر علينا كمل الشغل...انا معتمده عليك
mantovani :
حياك انت وزوجتك....نتشرف فيكم
والقصر موووو فى سويسرا
فى بلد اقرب منها
عمار يا كويت الماضي :
حياك الله معانا ...مع انك ما عندك مدونه بس ميخالف ناخذك معانا
برسم الخدمه
وتوعدنا تفتح مدونتك بعد هالسفره علشان احنا نزورك ....هااا وعد
حياك الله معانا
اجار الدين كشمش :
اول شيئ حياك الله انت والوالده هذى الساعه المباركه اللى نتعرف على الوالده....وبعدين نعلمها على سوايا ولدها اللى بيفتن علينا عند هايف
وبعدين ما نبى طياره عاجل ...هذى حربيه وفيها قنابل اخاف ما يشيلون كل القنابل...ونروح فيها
لوووووول
طيارتنا شفيها..؟؟؟ شزينها وتحت خدمتنا فى اى وقت لووووول
شكرا على النصيحه
وبدز لك حسافتج ياكويت ولوير
يتفهمون وياك....عن التفتن
وشيفكك من لوير ااااا انا ما علي
nEo :
هذى السياسه يا اخيي ماوراها اللى عوار الراس والقلب...بس انت عزم معانا ومعاك المدام....وما تشوف الا اللى يسرك ويفرح قلبك....مكان مخصوص لكم بالطياره وبالقصر....وبنوخر عنكم بو عسكر علشان ما يقلقكم
لك اقصى المكان يا نيو...كل شيئ الا انت....!!!!!!ء
lawyer :
هلا بالطش والرش.....اكو سفره وانت ما فيها مستحيل.....ما يصير
المكان كله لج....بس حطي بالج على حسافتج يا كويت وساعديه والسفره كلها بايدكم......نبى همتج وياه
وبعدين كل شيئ موجود بالقصر من شاي وزعفران وهيل وقروضات والذى منه
بس وجودج هو الاهم
يعطيج العافيه
الزين :
حياج الله ...افا المكان كله لج حتى اذا ماكو مكان انزل وتاخذين مكانى
هلا بالزين كله
نا ما ارد احد كلكم اخوان واخوات اعزاء على قلبى
سدرة العشـــاق :
حياج الله انت والهازبند
كل الدرايش اللى بالطياره تحت امرج
نقى واختارى كل شيئ تحت امرج
Fahad Al Askr :
بو عسكر يوووووز عن حسافتج ترا صارت عنده مساعده ....هى اللى تعرفلك
لوير خانم....انت وياه تنيازون
حلو ضمنا الطيارة
لكن
البوكيت موني من عليه
خصوصا ان صج محتاجين نغسل جبودنا عدل
:)
ياللة يا جماعة الطيارة بتطير باجر العصر
بس مع الاسف عندنا مشكلة في حجز الغرفة لدللي ومللي
ليش الاوتيل متوهق يقول الاسم فية إزدواجية اقيدها على دللي ولا مللي
عاد اجانب تعالي فهميهم شنو دللي ومللي
انا سابقكم اضبط حجوزات الفندق والسيارة اللي بتوديكم من المطار وبحط لكم اسكاجول للسفرة
بنت الشامية سويتلج اب قريد وخذيتلج رويال سويت تستاهلين
كاريزما يا ماما السفرة كلها يومين ماخذا الكبت كلة ليش؟؟؟؟
يعقوبو جيك على فيزتك اخاف منتهيا
واخيرا اراكم اهناك بالمطار عشان استقبلكم
حسبي اللة على ابليسج بنت لشامية خليتيني مينون صدقت عمري
احس جنة وراي سفرة صج !!
بس ما قصرتي يا أم القلب العود ياللي ضفرج يسوى اللي فيبالي وطوايفة
صج طلعتيني من المود العكر
عكر اللة مزاج من كان السبب
صبحكم الله بالخير
حبيبتي بنت الشاميه
اول شي ظبطناااااااااكم في طقاقات
و ديجي حق هناااااك
((كيفي انا ما اييب راسي الا طيران ))
و سامريااااات و شغل عدل
الهوتيل فيه سيرفس عجييب
بس الله يخليكم من الحين بالدور نااخذ حجوزات السبااااا
والاولويه حق الحريم
فهد العكسر
اقوووووووووووووول
فشلتتنا جدام الله و خله على هاللي في ايدك
وزة وزة انا اقووووول
خل السبيرتو عنك وانا اظبطططططك هنااااك في كرتون بو سته
:P
بس لا تخرع البنات من الحين
فشششششششلتنا
برووح ادورلك حبه منووووم تفخ في الطياره
نوم الظالم عباده يا اخووي
حسافتج يا كويت
اقوووووول مديري
تامر بشي
;)
لوسمحت مديري الشيااااب الي مثل سلوقاااا و فهد و شسسسسسسسمه الي خبرك ربع الكابتشينوووووو
خلهم بالرووف
بالرووووووف
:))))
ترااااااااا انا شبه صرت مينوووووونه و مصدقه السسفره
اقوووووووول بنات خنتعاااون من الحين
على سالفه السوووووق ترا مانبي يقصووووون علينا يقولون لنااااااا بالمطار بالمطااااااار
نبي يوووووووم سووق
ما يهم انشاء الله لووووو دكيكانااااااات صغار و مايبيعون الا جراااااد المهم اسمي قمت احووس
lawyer :
هههههههههههههههههههه
لوير ....هوب....هوب.....صبر صبر صبر.....بدينا بالعوره
حسبيه الله على ابلبسج
استهدي بالله اول وطخي
اول شيئ هالقصر بدوله اسلاميه وعندها ضوابط شرعيه وممنوع كل هالخرابيط اللى بتسوينها.....واحنا بنروح للراحة والاستجمام ....مو لللويه....والتعب
والسوق ممنووووووووووووووع
نبى نطخ ونستريح
والحين بعلم عليج حسافتج وبقدم فيج تقرير واخلى مسؤليتى
ما تشوفين اجار متزهب يفتن علينا
من الحين يهددنا واحنا بعد ما ركبنا الطياره
ياااااا بنيه يوووووووووووووزي
sologa-bologa :
حياك الله ...الرحله دعوة خاصه وما تحتاجون للنقود
وبعدين الا يبي فلوس باب الاقتراض مفتوح ومسموح.....!!!!!!!!ء
بس بدون فوائد..ء
لوووووووووووووووووول
حسافتج يا كويت :
ياااااا حلوك والله العظيم عسل على القلب....يلومونى فيك.....!!!!!ء
ومشكور على هالهمة الجبارة والخدمات الجليلة التى اديتها وسوف تؤديها لشباب شعبك المختار
وبعدين وسع بالك على كريزما كل شيئ مسموح لها نراها عاليه عندى تستاهل
وبعدين دللى ومللى ما يصير الا الخير عطها غرفتين....الخير واااايد عندنا
كل شيئ الا البنات خل نونسهم اكثر
يستاهلون
وبعدين ترا نبى باص يكفينا كلنا
علشان نتعرف على بعض اكثر وتزيد الالفه بينا
وما اقول الا الله يعينك على لوووووووير خانم
=========
شفت ياخوي الهدف من هالسفر تحقق
عندك الواحد لازم ينفصل قليل عن الواقع لان هالعقل بيتحمل شنو الله يكون فى عونه......هذى كلها احلام يقظه
لكى نستريح ونريح هالعقول الشغاله ليل ونهار
والله العظيم كنت عند حسن ظنى فيك
ماااااااااا قصرت
بنت الشااااميه
ههههههههههههههههه
حسافتج يا كويت انسااااان يعرف يمسك العصا من النص
وبعدين انا اسسسستحي منه يعني لي الحين ما امون عرفتاي
ماشفتيني اقووووووووله الي تامر فيه وجذي هههههههههه مو لايق
بتروحون دوله اسلاميه !!
ليشششششششششش سامحك الله يا اختي؟؟
هذا المنظر في ايران مثلا؟؟
و اذا على اجار الدين لا تخافين انا اظبطكم
محد بفتن و لا احد يمنع
ولا اي شي
انااااااااا اقدر علييييييييييييهم كلهم
خلاص ما تبوووووون طيران كيفكم
برووووووح حولي اشتريلكم كتااااب لاتحززززن !!
انقمت قلبي :/
lawyer :
هههههههههههههههههههه
الله يهداج كله انت جذى
يا حار يا قرمز
وبعدين كل شيئ بسكات احسن
الناس تعلموا كله من تحت الطاوله
وبكل هدوء ويصير كل شيئ
بس الله يعافيج لا تروحين حولي ما نبى كتب جذى.........واسم الله على قلبج من القمته......الله لايحرمنا من خفة طينتج وروحج المرحه
جنج كسرتى خاطرى
يالله سووي الا تبينه خو اهى مره بالعمر
لوووووووووووووووووووووووول
لوير
كيفي ما أبي أحاجي حسافتج
الحين الديرة اللي بنروح لها فيها ديوتي فري أول ما نوصل المطار وإلا أهيئ نفسي من الحي، وبعدين الثلج والقلاصات على منو الداعي وإلا المدعو وإلا اللجنة التنظيمية
وبعدين يرحم والديج أنا ما اييب راسي إلا دي جي اسلامي، تكفين كثري من الأناشيد الطيبة
ويقولج في منشدات طالعين يدد على الساحة هاليومين، تكفين عزميهم خل نضحك بالطيارة
وعلى فكرة أنا ما أنام بالطيارة، أحب أولي وأشوف منو ياي مع منو، ومنو قاعد يم منو، ومنو حاط راسه على جتف منو، ومنو في مرمى نيران ونظر منو، علشان أحلل العلاقات براحتي
one way?
الشخص اللي باخذه زوجتي طبعا
بس شسوي باليهال؟
اجعسهم بالجناط؟
:)
ما هي راحه اذا ما اسمع حسهم
أي و الله بروح أوسع صدري
و باخذ بنتي
وموبايلي
ولاب توب بتاعي
حسافتج يا كويت
ههههههههههههههههههه
هههههههههههههههههههههههه
أشلك بهالطلايب
فـك روحك وأحجز لي سويت غرفتين
:)
وكاريزما هذا رنقها .. كله تاخذ الكبت معاها
ولااا وبالرده يطلع عليها زود وزن قيمته اكثرمن قيمة مشترياتها وصوايغها
هههههههههههه
:)
الله يقطع أبليسك مووتناااا من الضحك
واحناا فعلا محتاجين نضحك
كثر الله خيرك
ومشكوووور
والشكر موصوول لصاحبة البوست بنت الشامية
مشكووووورة
:)
بنت الشاميه الكومنت عندج اتوسع الصدر
:))))))
لو ادرى مارتج ليله امبارح لان ما قاانيييش نووووووووووووم
كنت ابجى افحط افحط لما صكنى راسى اخذت بنادولتين ونمت
:(
حسافتج يا كويت
هههههههههههههههه
شسوى يا خوى ما احب يقصرنى شى
لا تنسى ان سفرتنا راحه واستجماام ولا فيهاا سوووق بنصد عن كل شى فلازم جنطه راهيه
ديللى وميللى
يا ديلى ستراى على ما وايهتى بلالاش فضااايححححححح
://
بس
وريلج ما تبينه؟
حسافتج
ديلي وبنت الشامية White Wings
هذول بطائرتي الخاصة
انت اخذ معاك الباجي
اللي راحو لبنان في 3 طائرات مو احسن منا
مو عدل ديلي؟
بس بدون ولدج ولا ياسمين
ولابوتوب باخذه بالتهريب
موك
صاحب الباليين كذاب :)
ولهذا أكتفي ببنيتي :p
Fahad Al Askr
lawyer :
انتو صبروا خل تطير الطياره وسووا اللى تبونه بعدين....لوووووول
لاتسون رحلتنا حفلة رويال حياه ثانيه ويجولونى الى التحقيق
ماااااا فينى شده
كويــتي لايــعه كبــده :
حياك الله انت والمدام واليهال
الاطفال احباب الله ...ان ما شالتهم الارض اشيلهم بعيوني
بس :
حياج انت وبنتج
بس لا لا لااللاب توب من الممنوعات
شوفى موك بيهريه معاه بس هم ماراح افوته له باخذه منه
لوووووول
DiLLi O MiLLi :
اصلا وصيت حسافتج ياكويت قلت له احجز لها غرفتتين الخير وايد عندنا
دار لها ودار حق مشعل يلعب فيها ووصيته يترسها العاب مفاجاة لمشعل
يستاهل اهو وامه
لووووووووووول
charisma :
يا بعد عمري شفيج والله ما تستاهلين دمعه تنزل ن عيونج
يالله هانت باجر بنسافر وما عليج منهم حطى عشرة جناط ولا يهمج اى شيئ الا عاد انت يالغاليه
mok:
ما قصرت على هالحشيمه يا ولد الاياويد
اخجلتم تواضعى
بس هم ما راح ادخل اللاب التوب
لانه مخالف لشروط الرحله
نبى نريح العقول والقلوب
لوووووول
يا جماعة
كلنا لازم نشكر صاحبة البيرق الأحمر بنت الشامية على مبادرتها الحلوة ومو شي غريب عليها
فعلا بوست عيشا واقع وإن كان حلم إلا انة حلم جميل يلامس الواقع
شكرا من صميم قلبي يا صاحبة البيرق الاحمر وعسى بيرقج ما ينزل
كم احسد اللي عرفوج في عالم التدوين قبلي
فانت يا ام بيرق نور المدونات
ومرسى هادئ لكل مدون جديد
واللي ما دخل مدونتج لم يدخل عالم المدونات
شكرا يا ام الجميع بالمقام وليس العمر
يا اخت الجميع بالطيبة وليس الدم
يا حبيبة الجميع
شكرا يا بنت الكويت الاصيلة
بوستج هذا ماهو حروف مسطرة
بوستج هذا جاء بوقت جبرنا كلنا ان نعيش حروفة
شكرا يا صاحبة البيرق الاحمر
انا حاجز حق سويسرا اسف ما اقدر ايي وياكم
بنت الشااااااااميه
انااااااااا عرفت ليششششش وايد احبج
بسرررررعه اكسسسسسسر خاطرج
:))))))))))
فهد
انت شتصيرلك امي ؟؟؟
تشتتتتتتتتتتتري ششششششششي بألف و تتهاوش ويااااا السااااايق على كرفس ب 25 فلسسسسسس
يت على الثلج الحين !!!
لاااااااا فيها ديوووتي فري فيهاا
بسسسسسسسسسس انت اخممممممر اسسسسسسكت
هههههههههههههههه
حسييييييييت انك كويتي صج
عيوووووونك طايره على الكل
منشدات
عندنا موووزة بنت سعيد ملياااان قلبي مليان
تبغاااااهااااااا؟؟
هوب .. هوب
نطروني
كاهو جوازي جددته
و صلاحيته عشر سنين بعد مو خمس
و بقشتي بدخلها وياي الطيارة .. ماني قاطها بالشحن .. مافيها قفل
بنية الشامية ... ذكرتيني بسكينة خوداداه أصفري... كانت حفافة رحمة الله عليها
و قولي حق حسافتج يا كويت .. ليش يقطني انا سياحية و كاريزما فيرست !!!؟
خل يقلقصني بينج وبين كاريزما
على الاقل الواحد يشم ريحة خنينة
:)
ويييي جني ياية متاخر؟
ألاقيلي مكان معاكم عالطيارة والا انطر على الويتينج؟
أبي أحد يتوسط لي
عسى بس طيارتك مثل الاتحاد و الاماراتيه
يصير انييب معانا صقورنا
لوووووول
السياحيه مسموح بواحد
والاولى اثنين
عندى
tow falcons
لووووووووووووووووووووووووول
مع خيشة الكستن و
i pod
و يمكن اييب رهش و حلوى و درابيل
و زعفران للشاى
بس بشوف منو اللى اييب الطيران
لصقال تالى الليل
تدرين ترفيهنا منا و فينا
أي والله ، تروح البصرة طيارتج
:P
Blog 3amty
(Q8 Chili سابقاً)
حسافتج يا كويت :
من صج ما عندي رد الكلمات ما تفى ولاتكفى بالرد.....هذى شهاده اتشرف فيها
الحين لاتاخذنا بهالكلام الحلو.....جنك منت راد ....طاب لك المكان...؟؟؟؟
لوووووول
يالله انطرنا بالمطار بعد ساعات بنوصلك
عساك على القوة
فريج سعود :
كيفك ...بس بتسحف بعدين
على هواك
lawyer :
انت وينج كلنا بالمطار وانت ما وصلتى
خوش قايد.... من الحين التاخير
يالله لاتتاخرين..... بسرعه تعالى
عثماني :
كل هالتاخير علشان ننطرك
يالله اركب الطياره بسرعه
الطيار دخن علينا من الحين
ههههههههههههههه
Nachla :
هلا اكيد اكو مكان للحلوين
تاخذين مكانى وانا اوقف كل الطريج
تستاهلين ...بس بسرعه تعالى المطار بعد ساعه بنطير....ويبي كل اللى تحبينهم وياج.......حياج ياالغاليه
على نفسها جنت براقش :
طيارتنا كل شيئ فيها مسموح
الممنوعات بس الهموم...والموبايلات....واللا توب
والرهش......اكو هناك احسن منه
لوووووول
لاتتاخرين
Blog 3amty :
ابيه حالتك واااايد صعبه
تحتاج سرير طبى ...مو كرسي...بس اكو مكان حياك الله والكرو فيهم دكتور وممرضه بس بسرعه تعال المطار
وعليه عليك صج حالتك صعبه
كسرت خاطرى
رطوبة
القصر هذا مو بالصبية؟
Enter-Q8 :
لا تطوفك الطياره الثانيه الجو يهبل
فتى الجبل :
لا فى دير الزور
Post a Comment