صرح وزير الخارجيه الكويتى الشيخ محمد السالم الصباح اليوم
امن العراق واستقراره المدخل لامن المنطقة وازدهارها، فالعراق
اليوم يتعرض لحملة ارهابية شرسة وعمل ممنهج لزرع الفتنة بين ابنائه
واننا على ثقة بقدرة العراق على هزيمة قوى الارهاب والاستبداد
فلنعمل جميعا على دعم العراق الجديد
ان رئيس الوزراء العراقي نوري المالكي اعرب عن قلقه من استمرار ا
لتدخل في شؤون العراق الداخلية، وقال، استنادا الى مصادر مطلعة،
ان هناك من يحاول تصدير ازمته، وتصدير افكاره الى المنطقة ككل
انتهى النقل
هل هناك علاقة بين الأمن الخارجي والأمن الداخلي
للدوله..........؟؟؟؟
ليش الناس بالكويت عايشين بس حق يومهم...؟؟؟
محد يفكر خارج خريطة الكويت......همومهم اليوميه
هى المسيطرة عليهم
هل تعرف ما يدور حولك من أحداث خارجيه..؟؟؟
وقد تؤثر حتى على بقاء دولتك ......؟؟؟؟؟؟؟؟؟؟
هل سئلت مرشحك عن أمن الكويت الخارجى.؟؟
هل تعتقد إن أحد ما من المرشحين دار فى باله
أو حتى فكر فى هالموضوع....؟؟؟؟؟
أو حاول أن يتكلم عنه أو يتطرق له....؟؟؟؟
أو لديه تصوره الخاص لهذا الأمن ...؟؟؟؟؟
إحنا تحت بركااااان خامد قد ينفجر بأي لحظه
.تدرون والا ما تدرون .......!!!!!!!!!!ء
ناقشوهم عن هالموضوع... لا تسكتون لهم
خل نعرف من فيهم يفكر بالكويت وأمنها
الكويت مو بس رياضه وإسكان وغلاء و توظيف
وفساد وصحة.....ألخ ....ألخ
الأمن الخارجى أهم أهم من كاااااااااال هذا
وسلااااااامتكم
23 comments:
اوللل
موضوع وايد مهم ..
وهو غائب تماما عن غالب الناخبين و المرشحين ..
و حتى النواب الأفاضل اللي أحدهم يصرح بالجريدة عن أسرار الجيش !!
أكو أحد يفشي أسرار نفس هذه؟؟
مو حاسين بالوضع اللي حوالينا ؟؟
مو عارفين إن غير الوضع المتوتر بين إيران و أمريكا عندنا خطر متمثل في نزوح مليون لاجيء عراقي؟
ناس ما تفكر أبعد من أنوفها ولا واحد فيهم يحمل فكر استراتيجي
تحياتي
الموضوع مهم و مشكورة إنج أثرتيه
لو عندهم رؤية ولا تخطيط
جان شافواأبعد من مكان وقوفهم
هذا إذا كانوا يدرون وين واقفين
للأسف احنا بأسخن منطقة بالعالم لكن مو مأمنين أنفسنا
مو مهم
الأولويات
تعويض الدوانيات مع انها غير قانونية
اسقاط القروض
التعليم المشترك
اما العراق
ايران
الاقتصاد العالمي
مش مهم
اي والله كلامج صح
كلنا ناسين السياسة الخارجيه
محد التفت صوبها للأسف
تنويه حلو
بنت الشامية انتي شلونج بس؟
المالكي مصر على طلبه.. يبي يطيح القروض
شكله بينتخب بورمية...
ياليت اقدر اركّب 4 تواير
وادني الكويت شوي بعيد عن حلج الحيتان
موضوع ممتاز
ولما تكلم وزير الدفاع ربعك ، ازعلوا و قالوا يهدد ؟
الوضع خطير جدا و متفجر بس وين ألي يفهم ؟؟
لنا الله
والله يحفظ الكويت من كل شر
نعم صحيح
ندرك المخاطر الخارجية وهي ليست جغرافية سياسية فقط بل اقتصاديه عالمية ايضا
ما تطرق لهالمواضيع من المرشحين حسب اللي شفته الا النيباري وهذا هو انسحب
الشعب غير واعي والدولة فشلت في تخطيطها بهالمجال كما فشلت في اشياء كثيرة والآن نحن نواجه المشاكل دون خطة او استرتيجيه او استعداد من اي نوع
كالعادة نحن جميعا ندفع الثمن
ملاحظة: فشل الدوله ليس كله بسبب عدم ادراك اهمية التخطيط بل لاعطاء الاولوية للتنفيع الشخصي على حساب الدوله... مرة اخرى كالعاده!1
شكرا للتطرق لما هو غير "الهبه الحاليه" اختي العزيزه
موضوعك قمة في الأهمية ، لكنك - مع الأسف مثل المثل القديم - مثل اللي يؤذن في مالطا !!
فاقد الشيء لا يعطيه ، وحكومتنا الفاشلة داخليا في ادارة دولة صغيرة وغنية وفيها شعب مسالم جدا ويحب حكامه ، شلون تفشل في ادارتها ؟
التفسير الوحيد لفشلنا داخليا هو فساد اداري يتعمد الفشل ليزداد الفساد !
وانا أوافق الأخ كويتي لايعة كبده بأن السبب هو لزيادة التنفيع الشخصي .
مثل هالتفكير الحكومي ، شلون تبيونه يفكر بالمخاطر الخارجية ؟
بوتشخيص :
شكرا لدعمك موضوعى
بس تعتقد الخلل وين .؟؟؟ ومن فيه..؟؟
منا ....من النواب....من الحكومه
والا كلنا على بعض.....شنو الحل...؟؟؟
faith :
الحل شنو الحل......نسكت ...نتكلم
الديره مو ديرتهم؟؟؟....محد يفكر؟؟؟؟
اللى يرسم ويخطط بهالديره
يمكن مو عايش معانا بالكويت
ما يدرى وين الله حاطه
ولد الديرة:
طبعا التلعيم المشترك اهم من الامن الخارجى....والمراة فتنه لازم تقعد بالبيت....وهلم جره
Q8i Blogger :
همتكم يالشباب....الامن الخارجى من الامن الداخلى....حطوا بالكم على ديرتكم
AseeL :
انا الحمد الله باحسن حال
ماكو الا العافيه
اسقاط القروض مااااااااكو
Barrak :
ياريت نحطها بقارة بروحها
والله ديرتنا ما تستاهل منا جذى
بس :
والله احترنا فيهم
تعقدين شنو الحل...؟؟؟؟
كويــتي لايــعه كبــده :
كلامك صحيح
واحنا اللى بندفع الثمن
وثمن غالى جدا.....قلنا بنتسنع بعد الغزو...بس هذا سيفوه وهذى خلاقينه
bo bader :
بس هذا والله حرام عليهم ومو صحيح
متى يحسون ..؟؟؟ ويحبون ديرتهم
ما شبعوا كله تنفيع شخصي..؟؟؟
والديره تروح بشربه ماي
ما اقول الا حسبي الله ونعم الوكيل
بنت الشامية
والله إنج ما تقولين موضوع إلا صح
بس يا أختي العزيزة ألا تعتقدين أن هذا الموضوع أكبر من قدراتنا
ألا تعتقدين أن الدول العظمى هي المتبنية للموضوع
في تاريخ 30-7-1990
بعثت امريكا في رسالة قاريها بعيني أن العراق حاشد والموضوع يمكن أن يتطور لدخول القوات العراقية للحدود
ولم تطلق رصاصة واحدة على العدوا يومها
خل نكون واقعيين شبنسوي
أفضل شي أن ممكن نسوية يجتمع مجلس الوزراء ليحدد مكان المخيمات للاجئين
أما غير ذلك فهو متروك لأمريكا
لنكن واقعيين
ومع هذا مايمنع النقاش لكن النهاية مخيم للاجئين
وشكرا
بنت الشامية
والله تبين الصج
المرأة فتنة :P
العله فينا كلنا !!
العله فينا كمواطنين وخاصه الأغلبيه الصامته اللي حاشها احباط من الأوضاع ودورنا الآن مهم جداً خاصه في هالمرحله لازم نوعي الناس بأن توصل الشخص الوطني اللي قلبه على البلد مو اللي يبي ينهب البلد !!
والعله في النواب اللي بس يتناجرون في المجلس على أدنات الدون وبدل لا يلتفتون للقضايا المهمه ويسعون لتنميه الدوله والتخطيط لمستقبلها ما همهم غير مصلحتهم الشخصيه !!
والعله في حكومتنا اللي نسمعها تنادي بالإصلاح والسعي لمحاربة الفساد ليل نهار ونفاجأ بأنها حكومه متخبطه وضعيفه !!
كل هالأسباب قاعده تأثر علينا وعلى أمن واستقرار دولتنا والحل بيدنا كلنا نبي قول وفعل وايد وحده ما تصفق
زهقنا.. لي متى ؟
من المفترض أن يكون البرلمان هو المكان الذي يعكس راي الشعب
للأسف
حتى ممثلي الشعب لا يرون أبعد من مكان وقوفهم
Post a Comment