عندى صديقه عزيزة علي من أيام الجامعة
من الصبح دقت على وصوتها متغير شويه
سولفت معاها وسألتها شلونكم مع الإنتخابات
مسكينه كانت إتحلطم...نسيت لا أقول لكم
صديقتى العزيزة من سكان صليبيخات
قالت الله ما يرضى بهالكلام ...كل من يتكلم عنا
وعن بيع ذممنا مقابل رشاوى يدفعها ناس فاسدون
لناس أفسد منهم...... أنا ما أنكر إن هناك ناس يشترونهم
بالمال السياسي....بس مو كل صليبيخات
جم نسبة الفاسد من بين جموعنا....10% 20% اكثر
إذا هم قبضوا فهم مرتشين
من الصبح دقت على وصوتها متغير شويه
سولفت معاها وسألتها شلونكم مع الإنتخابات
مسكينه كانت إتحلطم...نسيت لا أقول لكم
صديقتى العزيزة من سكان صليبيخات
قالت الله ما يرضى بهالكلام ...كل من يتكلم عنا
وعن بيع ذممنا مقابل رشاوى يدفعها ناس فاسدون
لناس أفسد منهم...... أنا ما أنكر إن هناك ناس يشترونهم
بالمال السياسي....بس مو كل صليبيخات
جم نسبة الفاسد من بين جموعنا....10% 20% اكثر
إذا هم قبضوا فهم مرتشين
بس مرشحينكم هم الراشين
بس الباجين شرفاء ما يبيعون الوطن من أجل حفنة دنانير
ترا عندنا شباب مثل الورد قلبه على الكويت
وبعدين إحنا ديينين ونصلي ومسايدنا كلها متروسه
ونخاف رب العالمين....الراشى والمرتشى بالنار
من قال لكم إن شبابنا وبناتنا يقبلون هالرشاوي
إحنا بصليبيخات قاعدين نقاتل من أجل الكويت
ومحد يدرى عنا.....وهلأيام هالكلام اللى يسم الدم
مو حرام عليهم ...مسوينا ناس بلا ضمير
ونبيع ديرتنا من أجل ناس فاسدين ويبون
يفسدونا...لا ترا حرام عليكم ....لا تظلمونا كلنا
أبيج توصلين صوتى لأهل دائرتج ترانا
أشراااااف وما نرضى بالغلط.... هاااالمره بالحرام
مو بس إنتم تحبون الكويت ترا نا هم إحنا نحبها
كل من يقول فاحت ريحة المال السياسي عندنا
بس الباجين شرفاء ما يبيعون الوطن من أجل حفنة دنانير
ترا عندنا شباب مثل الورد قلبه على الكويت
وبعدين إحنا ديينين ونصلي ومسايدنا كلها متروسه
ونخاف رب العالمين....الراشى والمرتشى بالنار
من قال لكم إن شبابنا وبناتنا يقبلون هالرشاوي
إحنا بصليبيخات قاعدين نقاتل من أجل الكويت
ومحد يدرى عنا.....وهلأيام هالكلام اللى يسم الدم
مو حرام عليهم ...مسوينا ناس بلا ضمير
ونبيع ديرتنا من أجل ناس فاسدين ويبون
يفسدونا...لا ترا حرام عليكم ....لا تظلمونا كلنا
أبيج توصلين صوتى لأهل دائرتج ترانا
أشراااااف وما نرضى بالغلط.... هاااالمره بالحرام
مو بس إنتم تحبون الكويت ترا نا هم إحنا نحبها
كل من يقول فاحت ريحة المال السياسي عندنا
ليش.... وعلي علينا لاننا من الطبقة المتوسطه والفقيره
ما سويتوا علينا أول إحنا مستريحين
نعرف الإ لنا والإ علينا
من دخلوا علينا مرشحينكم
وكل من يتناتفنا من صوب
شيئ محزن ويعور القلب اااااالإ خيانة الوطن والدين
اقري الجرايد ....والله قهر قهر
هذا ظلم بين لنا وإنتقاص لوطنيتنا...والله حرام
********
قلت أحاول أن أنقل وجهة نظرها فيما يقال عن منطقتها
لعل وعسى تجد من يدافع عنهم أو على الأقل
تُسكت الأصوات التى تتناقل هالأقاويل
شيئ محزن ويعور القلب اااااالإ خيانة الوطن والدين
اقري الجرايد ....والله قهر قهر
هذا ظلم بين لنا وإنتقاص لوطنيتنا...والله حرام
********
قلت أحاول أن أنقل وجهة نظرها فيما يقال عن منطقتها
لعل وعسى تجد من يدافع عنهم أو على الأقل
تُسكت الأصوات التى تتناقل هالأقاويل
ويبطلون إتهامات لهم
نقلت وجهة نظرها بإمانه
نقلت وجهة نظرها بإمانه
48 comments:
لازم أهلنا في صليبخات يتحركون و يحاربون هالراشيين والمرتشيين .. وكلامها نابع من ظلم تراها المسكينة وقع عليهم ومسهم .. الإعلام صاير يدور الخبر لو كان جذب .. لذلك ما استبعد إنه سبب تشويه سمعة أهالي الصليبخات ..
مشكورة على نقل صوتها لنا
ومبروك علي المركز الأول بالتعليقات :)
والله بالنسبه حقي ماشوف اكو فرق بين صليبيخات وغيرها
كل المناطق فيهم الزين والشين
بس بحكم تواجدهم عند التجار وبالثانيه .. فلازم يتحملون الكلام عاد
والله يثبتهم ان شاء الله
وبوتشخيص .. معطيك فجه هل جم يوم
استانس اشوي
ولا المركز الاول معروف لمنو !!
الصورة مغلوطة لديها
الشراء في الصليبيخات على قدم وساق !!
بيض الله وجهك يا بنت الشامية على كلمة الحق هذه
المال السياسي بمناطق وايد مو بس بالصليبيخات
بس مرشحين الدائرة الثانية الكبار يشوفونهم فريسة سهلة وجديده ويتسابقون عليها والا المناطق اللي متعودين عليها عارفين يعطون منو ومن ربع منو. التدفق نحو الجديد.
بس فعلا المسكينه مظلومة
مو كل الصليبيخات بايعه ذممها
يعني الجابرية مو وايد فارقة عن الصليبيخات
بس هناك فيه ريحة طائفية
والصليبخات فيها ريحة
Perioud
لو خُليت، خُربت
والمشكله ان المدعو خلف دميثير يقول لا
لشراء الاصوات
شي مضحك لان الكل يدري انه يشتري اصوات وحكومي
أهم أسباب توجه المرشحين الهوامير ذوو القدرات المادية الكبيرة لأهل صليبيخات ليس بسبب سهولة تقبلهم للرشوة أو حاجتهم لها بل للكثافة السكانية الكبيرة هناك - ماشاء الله
...و السبب الأهم هو النزاعات العائلية و التجارية الكبيرة بين المرشحين أنفسهم و بالتالى صعوبة حصولهم على تأييد ديوانيات معروفة بالضاحية و الشويخ و غيرها من المناطق التى يقطنها التجار...و بالتالى أصبح أملهم الوحيد بالفوز هو الحصول على أصوات أهل صليبيخات
انا اقول خل يفضحونهم الراشين بالاسم نفس غيرهم
واذا الحكومة جادة مثل الفرعيات خل نشوف شبتسوي
بنت الشامية
من قبل لا ينحل ، و البيع و الشراء بادي يا أوخيتي ، كل الشكر لنقل وجهة نظرها ؟
وللعلم عزيزتي
أختفت مدونتي القديمة ، و فتحت جديدة
و بدال بس ، صرت و بس :))
بوتشخيص :
هم قاعدين يحالون اللى يطلع بايدهم
بس محتاجين الدعم المعنوي اولا منا ومساندتهم بوقف حرب الاشاعات عنهم
=====
وكلكم اوائل بالتعليق عندي
تسعدنى مشاركتكم
بس استئذن اول حسافتك ياكويت
الامر بإيده
لووووووول
Q8i Blogger :
هم ما يبون اكثر من هالاكلام
صح لسانك.....بس ليش يتحملون اخطاء الغير ,,,والفاسدين
====
طبعا المركز الاول لك
لووووول
مُحَسّدْ :
مسكينه هى ما إنكرت كلامك
بس التعميم غلط وحرام
كويــتي لايــعه كبــده :
بنت صلبيخات محتاجه دعمك لهم
لمحاربة الدينصورات اللى ازحفت عليهم
ولد الديرة :
المفسدين مو مخلين احد يرتاح
حسبي الله عليهم
يعقووبوو :
مسكين دميثير على الاقل احسن السيئين
اول ما عنده الا ربعه الحين لازم يطور نفسه المناطق اليديه تفرض عليه التغير
علشان يكسب اصواتهم
الشق صار جبير عليهم
من المفترض على اهالي الصليبخات وغيرهم ان يعملوا تجمع سلمي امام مخفر لفضح هؤلاء الخونه مو يقعدون يتحلطمون بتليفونات
Bo Jaij :
بالنسبة للكثافة فمناطقنا اكثف منهم
هم 14000
واحنا 25000
وكلامك كله صح هناك نسبة حاجةالاسر ...اكبر
بس كم نسبة المرتشين فيهم
لو تقيسها عندنا تلقها نفس النسبة فى مناطقنا هم مو اكثر منا
فليش هالهجوم على مناطقهم.....ومسوينها سوق كل من له سعر....رب الاسرة سعر ....والمدرسه سعر
كل من له سعر....معقول هالكلام عليهم
شوية عقل وتفكير ونقدر نحارب اشاعات المفسدين عنهم
=====
تحليك ممتاز
بعدين ترانا يرانا شدعوة ما تمر علينا
الجار للجار
Bu Jassem :
هذا كان ردى عليها لازم تحاولون تفضحونهم....وما تسكتون عنهم
و بس :
المفسدين منتشرين فكل مكان وزمان
====
القلوب شواهد انا تونى معلقه عندج بمدونتج الجديده المهم لا يكسرونج
فواصلي ولا تقفين
كلنا وارج
دمتى بحب وامان
Mok :
مسكينه هذا حد يوشها
المساله مهى سهلة يبيلها ريايل
ويد حده ما تصفق
أرجو أن تقولي للسيدة ساكنة الصليبيخات ، أن الرأي الإعلامي عن سكان الصليبيخات لا يعنيها ، إنه شأن من يطلق هذه الشائعات على وزن ( الكويت خربانه )! ، هناك قلة من الناس من المرتشين و هؤلاء يريدون أن يعمموها على الجميع لحاجة في نفس يعقوب.
و الله هل مرض حايش الديره كلها
الله يشافينه منه يارب
الأخ العزيز Mok...
مثل التجمع اللي صار عند مخفر الجابرية ب2006 لفضح شراء الاصوات بسرداب جمال العمر بالصوت والصورة !؟
اللي كانت اوامر الداخلية ان تتجاهله وتشيل اجهزة العرض بحضور الاعلام الخارجي
تفضحهم عند منو؟ عند اللي ساندهم؟
خلها على الله يا ابن الحلال
الله يعين الكويت كلها
الشرفاء وايد بالديره بس ماادري متى اتكون لهم وقفه
لا لا لااااا .. أحنااااا مااا نعمم
البعـــض وليـــس الكــــل
والكويت كلها فيها الزين والشين
موو بس بصليبيخات
من الطبيعي أن لا دخان من غير نار
و إن كانت صليبخات متهمه بأن الكويتيون فيها يباعون و يشترون
فهناك أيضا الدائره الخامسه يشتري ناسها نائب سابق
لا و برخص التراب
سعر الكويتي في الدائره الخامسه
فقط 500 دينار كويتي لا غير
و إن كانت هذه المعلومات منتشره بطول الكويت و عرضها بل و الناس تعرف سمساري بيع الكويتيين
إلا أن وزارة الداخليه لا تعلم
الكويتيون كلهم يعلمون و الوزاره لا تعلم
نحن نقول لمن يبيع من هالفقارى من أهالي صليبخات و الدائره الخامسه ترى البيع حرام حرام حرام
و لكن الشرهه مو على البائع
و لا على الشاري
و لكنها على الحكومه
و الا البايع نقول له
من أمرك .. يرد علينا من نهاني
!!!!!
اهل الصليبيخات
ساكنين في منطقة فيها الزين و فيها الشين
حالها حال اي منطقة من مناطق الكويت !!
يعني هل نقدر نقول ان الجابرية منطقة مرتشين , لمجرد ان فلان قاعد يفوز عن طريق توزيع 800 دينار أو جناط شانيل ؟؟
في بيان و مشرف (دائرة المثقفين) يسمونها اول ... فيها واحد يدفع مضبوط
الجابرية السرة العديلية
عندهم اثنين يشترون اصوات و تتراوح الاسعار من 1000 لي جنطة نسائية
هل هالدائرة دائرة مرتشين
في فحيحيل عندهم واحد كان يفوز بفلوس
في الشامية ... الكبير يشتري اصوات بشكل غير مباشر .. يرمم بيوت و يضبط الدواويين
يعني نقول لاهل صليبيخات تطمنوا
ترى الشق لا يزال عود
مانتوفاني
Black Honey ;
كلامج صحيح
س بحر بنفس الوقت لما تسمع عن منطقتها هالاكلام
لان بهالزمن الشين يعم والزين يخص
q8y_saint
المرضى بهالداء نسبتهم قليله
ان شاء الله ينصلح حالهم
كويــتي لايــعه كبــده
شكرا لك
Eng_Q8 :
لهم يوم يعدلون الاوضاع وينصلح حالنا
DiLLi O MiLLi :
ه1ا هى اللى تبيه انكم تسمعون صوتهم.....وتقفون معاهم
بوحيـدر :
مايصير كل قصور فينا حطيناه على الحكومه
اذا الاشخاص فاسدين وهى يحكمها القانون والدليل
شبيبديها ليبديها
تهد امن دوله وتركض وراهم
اذا هم نفسهم ما يخافون من عقاب رب العالميين بيخافون من افراد
قال رسول الله صلى الله عليه وسلم
لعن الله الراشي والمرتشي والراش الذى يمشي بينهما
الحين الزكاة صارت باب فري عليهم .....وهم شطار بالتلاعب بالالفاظ
حسابهم عسير عند رب العالمين
mantovani :
هلا بولدنا .....بولد يرانا
كلامك كله صح
بس مساكين هم محترين من الكلام ومن الدينصورات اللي ازحفت لهم وبدت تتنفخ سمومها ونيرانها بينهم
المفسدين بكل مكان
ونار جهنم بتحرقهم من فوق ونحت.....حسبي الله عليهم
ما ادرى متى بيشبعون من هالدنيا
بختصار
الاصابع مو سوى
يا بنت الشامية في الأنتخابات السابقة سمعت بلاوي وانصدمت من ناس
خلوني ما استبعد اي احد يرشي واي احد يرتشي
الشكوة للة
انا من عقب قضية هالبيرتون اي واحد يقول في شراء اقوله كذاب
قال قالولي اقوله ليش ما اشتكى
انا بصير نفس القضاء الكويتي
ما راح اخذ اي قضية بدون اي دليل مادي
و اقول لعدم جديته ملينا من الحكي نبي اللي يقول في بيع يروح يبلغ
وينشر
انشر ما انصفتك الداخلية عندك النت
بس و الله طفشنا يا جماعة
قوليلها عادي لا تزعل الجابرية بعد وياهم
بنت الشامية لا اتحرشين باسمي
ممكن انتخب عايشة المرطة من باب دعم المرأة
شوفي مرشحينا عندي
يا جماعة لا يطوفكم بوست الحلم الجميل عن تاريخ حدس المشبوه !!
كل أحداثه موثقة بالمراجع المعتمدة .
http://7ilm.blogspot.com/2008/04/blog-post_18.html
بنت الشامية
من شارع وهران اقدم لج تحية
اول شي احب استدرك و اقول ان الجماعه في الصليبيخات من اول عندهم من يدفع
لضعاف النفوس
و اذا في ناس زحفت على الصليبيخات و لوحت بالنوط بو عشرين ترى عارفين زباينهم و الناس اللي تاخذ
من الناس اللي ما تاخذ
----
ثاني شي بنت الشامية منو عندنا بالمنطقة كفو هالايام ؟؟
حسافتج يا كويت :
اكيد الاصابع مو سوى....واذا خليت خربت.....وايام الانتخابات تشوف العجب فيها الله بسيكافينا شرهم
لا تغط عنى..... ترا افقدك
وقع وروح .....كافى
Enter-Q8 :
كلامك صحيح ...بس اللى اشتكوا
ورفغوا قضايا.... شطلع بايدهم
كل قضاياهم حفظت
AseeL :
كل المناطق سوا يعنى الشاميه ناقصه..؟؟
تستاهل المراة المرشحه
والله يكون بعونكم... مرشحينكم حوسه
bo bader :
يزاك الله خير
صج بوست قوى ويسد حلوجهم... ذبحونا بتقلبهم الحقائق وتجيرها لمصلحتهم
ما قصر الحلم الجميل....تسلم ايده
mantovani :
مساكين غير زحف عليهم
الله يكون بعونهم
بالنسبة لدائرتنا ان شاء الله فيهم من هو الكفء
تامرين امر يا بنت الشامية
لاحول ولاقوة الا بالله
والله كسرت خاطري رفيجتج لان فعلا هالايام الناس ما تتبع الا الجرايد
والجرايد ماترحم والاكثرية مغفلين لما يقرون خبر حسبالهم كل اهل الصليبخات مرتشيين وماعندهم ضمير لكن انا متاكد ان مو الكل يرتشي
لاحول ولاقوة الا بالله
والله كسرت خاطري رفيجتج لان فعلا هالايام الناس ما تتبع الا الجرايد
والجرايد ماترحم والاكثرية مغفلين لما يقرون خبر حسبالهم كل اهل الصليبخات مرتشيين وماعندهم ضمير لكن انا متاكد ان مو الكل يرتشي
Post a Comment