وصلت الى الكويت المذيعه والصحفيه مى شدياق
لحضورالملتقى الإعلامى الخامس
وكانت من ضمن المكرمين فى هذا الملتقى الإعلامى
وفى مسلك إنسانى حاول رئيس الوزارء مساعدة
مى شدياق على الصعود على المسرح حيث
كانت تعانى عرجا فى قدمها
منقول من القبس 7 إبريل
من هى مي شدياق....؟؟؟؟؟؟؟؟؟؟
هذه الإعلاميه اللبنانيه كانت بوقا مسموما
على الكويت لتأيدها صدام ودعمها الكامل له
ووقوفها ضد تحرير الكويت وكانت تتطالب بمسح
الكويت وشعبها من الوجود فى عام 1990
وكانت من بين الإعلاميين اللبنانيين تلقب
بربيبة صـــــــــــــدام
وكانت تسكب الدموع على شاشة التلفزيون
وتناشد العرب بأعلى صوت إعلامي لها عند دحر
قوات صدام وهزيمته النكراء وتحرير الكويت
وكانت تترجف خوفا بان يسقط صدام ونظامه
بعد هزيمته بالكويت
وكانت تصفه دائما بالبطل العربى صلاح الدين
وتصفنا بأبشع الأوصاف والكلمات
ولأن الكويت قلبها كبير ودائما تتعالى على جروحها
بسرعه رهيبه سمحت لها ولأمثالها من أبواق صدام
بدخول الكويت........... بل......... وبتكريمهم
********
وايد انتسأل ليش أمهاتنا وجداتنا دايما يقولون
الله حافــــــــــــــظ الكــــــــــــــويت
عرفتوا الحين ليـــــــــــــــــــــــش
يرضينا قضاء رب العالمين
54 comments:
تكفين اذا عندج اي رابط اي فيديو اي شي حطيه
علشان نعرف شغلنا وياها
ولا اقول لج الله يتكفل فيها وفي غيرها
ليش وايد طيبين؟
وعلى الناس مو على روحنا
احنا ناكل بعض .. وندور على بعض الزله
وننسى كل من سبنا وطعن فينا
هذي وحده من عشرات .. نسينا مواقفه .. بل عزيناهم واكرمناهم بديرتنا بعد كل الي سووه
وشكرا على المعلومه
3AAAAAAA
Sorry 3ala hal kelma bas hatha esamona ekhbal.. eli egolik enik 7amamat yannah mo ma3nata mad7.. w lil asaf ena el kuwait 7amamat yannah.. latakheth la 7ag wala ba6el la witkarem.. e7googna ma waraha em6aleb 3achan chethi thay3a el7esba 3endina.
الله خير حافظ
توني ادري انهم مفجرين فيها !
http://www.telskuf.com/articles.asp?article_id=2802
والله اول اسمع مرة اسمع عن هالشي
واذا كانت فعلا جذي فلا اهلا ولا سهلا فيها
بنت الشامية:
!!..ارحموا عزيز قوم ذل
المرة ترى لا "ايد ولا ريل" عندها :(
اعتبروها حالة انسانية
وجماعتنا يبون يكسبون اجر ميخالف.. يمكن تابت
قلبي رجيج؟.. شسوي كويتية
.
عين ما صلت عالنبي مو قادرة اكتب شي سياسي مو مترقعة من مدة.. احس بالذنب تجاه النشر والدوائر الخمس.. بس لا بد من عودة
.
يا بختي بالغزل.. لا يكون بنت الشامية شايفتني وانا مادري؟ ;)
واااااااي منصجج؟؟؟
انقهرت من صج انقهرت
:(
offfffff
salamz sis....
الكويت تتبع تعاليم المسيح
فمن يصفعهاعلى خدها الايمن
تهيأ له خدها الأيسر ليتلقى صفعة أخرى
ما لجرح بميت ايلام
فريج سعود:
والله ما عندى شيئ
بس حتى فى حرب تحرير العراق كان موقفها نفسه....لان صدام كان يمثل لهاالامل بحل مشكلة لبنان...لدعمه الكتائب والقوات البنانيه ضد سوريا
Q8i Blogger :
هى ما تمثل كل اللبنانيين اللى وقفوا ويانا
وبعدين قلت لك ليش الله سبحانه حافظ الكويت......بتسامحها
الله يحفظها
Organic Kuwait:
يعنى شنو...؟؟؟؟
Hamad :
ان شاء الله حقوقنا مهى ضايعه
ومحد وقف ضد الكويت وكسب
شوف هم وين واحنا وين
ترا مو كل لين ينكسر
Bass :
امين
nEo :
ترا بس مو احنا....؟؟؟؟؟؟
فتى الجبل :
نسامح بس ما ننسى ابد
AseeL :
حسبالج ما حتريت عليها يوم فجروا فيها
ومثل ما قلت لفتى الجبل
نسامح بس ما ننسى ابد
قلت لج.... تفائلى تجديه تجديه
والله ابد ما شفتج بس اسمع وايد عنج
لووووول
5roofa :
اسم الله عليج من القهر
عاد شفتى شلون....!!!!!ء
مُحَسّدْ :
الحمد لله على سعة صدرنا ومقدرتنا على التسامح
مو شي يديد على الكويت
طول عمرنا عومة ماكولة ومذمومة
مادي متى نصير أوادم
لا لا لااااا ... صج !!؟؟
ماعرفت ماضيهااا هذاااا !!؟؟
أنا عاااد وااايد متعاطفة معاها لدفاعها عن بلدها
ولجرائتها وأنتقادها الصريح لسوريا في برنامجها
واللي كان السبب في تفجير سيارتها وهي فيها
أثاريهاااا هذااا موقفها من غزوو الكويت !!؟؟
والربع عندنا أستقبلوهااا بالأحضااااان !!!ء
آآآآآيييييييه
ياااا قلبـــي لااااا تحـــــــزن
ربعنا من زمان داجين وما يدرون وين الله قاطهم!ء
اكرم اللي استخدم نفوذه الاعلامي ل"مسحي" من الوجود!!!ء
الطيبه شيء والثواله شيء ثاني
زين صدام فطس والا كان سووله حفل وقالو امريكا غاصبته والا اهوا خوش ولد
(مو فيه ناس الحين تقول اشياء شبيهه)
والفاطس الثاني مغنيه وغيره ووو
القط ما يحبش الا خناقووه
ابتلشنا
يبه لا خبال ولا شيء
التشخيص هو فقدان ذاكرة
عبدالدولار عطوان شلخنا في الاحتلال و بعد التحرير عازمينه و يايبينه الكويت
موضوع لبنان معقد و جماعة عون كانوا مع صديم لأنه كان حليفهم
ما اعرف الاخت شدياق لكن من اول ما تنبلع
وبس
هذا شغلنا طايحيله تكريم بالمتردية والنطيحة
الحمد لله والشكر
جان زين تفوز
ويها يشرح النفس
يعني نصبح بالجرايد فيها ولا في بورمية والطبأ طبئ؟؟
انا اقول انها مفارقة غريبة جداا
ان تكون واحدة معادية ومعلنه ذلك
وايضا تحارب بقلمها وصوتها امام العالم وانتم تكروهاا
هذا غريب جداا
افهم ان اناقش من اختلف معه واعرف سبب الاختلاف واما اقنعه او يقنعنى
اما ان استقبلة واكرمه
فهذا يعنى انا اوافق اراءه؟؟
اسفة لكنه موقف جدا غريب
احترامى
بنت الشاااامية شفتي؟
"كل وحدة اسمها "أسيل
زوووغة
ونعوومة
!!وشييي
لازم انتخب سميّتي ;p
لووووول
تفضلو بزيارة موقعنا والذي ينقل آخر الاخبار والتطورات في الدائرة الثانية بكل شفافية بدون اي تحيز لأي مرشح كان
وأرجو من صاحب هذاالموقع ان ينشر عنوان موقعنا وشكرا
http://ommah2.blogspot.com
حسافتج يا كويت :
ان شاء الله م كو الا العافيه
والله يحفظنا
DiLLi O MiLLi :
حتى انا تعاطفت معاها يوم فجروا فيها
شنسوى بهالقلوب ...الكل يكسر خاطرنا
ونسامح....بس ما ننسى
كويــتي لايــعه كبــده
طبعا اكيد هذول ما يستحقون هالتكريم
ولا الحشيمه
ولاافهم سر تصرف الحكومه هذا...يمكن يشفون شيئ احنا ما نشوفه
؟؟؟؟؟؟؟؟؟؟؟؟
Mishari :
صج ابتلشنا فيهم
ولد الديرة:
يمكن حكمة الحكومه
العفو عند المقدرة
حسافتج يا كويت :
جان زين تفوز
خفت اقول هالكلام بعدين يتهموني بالتحيز الى بنات جنسي
نهر الحب :
انا شكرة لج زيارتك وتعليقاتك عندى
كلامك كله صح
بس هذى سياسة حكومه
وما نعرف مغزها....؟؟؟؟
اما علي فالمفروض ان ما نسمح لها بدخول الكويت مو تكريمها
دمتى بحب وامان
AseeL :
شفتى سماجه ويهها
بس انا احلى ....لوووووووووووووول
لازم نوقف معاها وندعمها
صج تستحق الله يوفقها
الدائرة الثانية:
شكرا ...نتمنى مزيد من الشفافيه
وعدم النحياز الى اى نائب
بالتوفيق
بنت الشامية
صج والله!!
سبحان الله حوبت الكويت ما تعدتها و اللهم لا شماته .. عاشت عشان تشوف طيبة الكويتيين
من عادة امن الدولة التدقيق بالهالأشكال
وينهم عن الشمطاء
ما يبيله انتي احلى الكل والكل بالكل..
يا زين الحريّم لا تغزلوا ابعض :D
سماجة والا سماحة؟
!حددي ترى في فرق
والله مسخرة ياييبن هالصخلة ربيبة الكاولى
صج لى قالوا كل ساقط له لاقط..
تسلمين يا بنت الشامية على هالبوست
اي والله حوبت الكويت ما تعدتها
بس ليتها فطست بالانفجار و افتكينا
و الكويت ربي حافظها من كل شر ان شاء الله
مشكورة حبيبتي
بنت الشامية
الوعد بالصندوق
بوتشخيص :
ماكو احسن من قضاء رب العالمين
عاجــل :
بس مي شدياق.....دخلوا وااايد....المحامين الاردنيين....والصحفيين
وقيادات الاخوان......الله يكون بالعون
AseeL :
ااااخ منج يااسيل...معص عوازم
بس انا اقول سماحه والله العظيم سماحه
ااااااخ منج مرة ثانيه
لووووول
kazmawy :
الحمد الله اللى الله نصرنا عليهم كلهم
وشافت اعدامه بعيونها
وشافت فرحتنا فيه
اللهم لا شماته
هذا قضاء رب العالمين
سدرة العشـــاق :
ما نعترض على قضاء رب العالمين
خيرة انها ما ماتت في الانفجار
علشان تشوف اعدامه وتشوف فرحتنا
Mok :
ان شاء الله
العزيزة بنت الشامية
صبحك الله بالخير
مشكورة أختي على المعلومات عن مي شدياق
فحقيقة معلومات للتو اعرف عنها
وأتمنى إن كان من هناك دليل مادي كفيديو أو ماشابه لنطلع عليه
وشكرا مرة أخرى
وحفظ الله الكويت
مع فائق الاحترام والمودة
المحـــــــــب/
شــقـــــران
"ولاافهم سر تصرف الحكومه هذا...يمكن يشفون شيئ احنا ما نشوفه"
الجزء الأول اتفق معاك تصرفهم ما ينفهم
الجزء الثاني من صجك؟؟؟
شيشوفون ياخلاّف... يالله الجدوى
الله يعز شان هالديره يا رب
Post a Comment