على الغدا اليوم صار هالحوار بينى
وبين زوجى العزيز
زوجى : اليوم مرنى بوبدر ومع السوالف
قال لى سالفه ومن قالها وأنا عاجبتنى الفكره
لا والله وعزمت أسوي مثله
أنا: شبتسوى...؟؟؟؟
زوجى : سمعتى عن جمعية كويتيه لزراعة
الاعضاء والتبرع لها بعد الوفاة
أنا : أبيه....أبيه
زوجى : شوفى أنا قاعد أمهدلج الموضوع ما أبيج
تخترعين بس الحين سمعينى عدل...أنا عزمت
أتبرع لهم ....وبسألج إذا إنت بعد تبين تتبرعين لهم
أنا : اللهم ياكااااااافى....وآاااااااي ياحسرتى
يشققونى بعد ما أموت
زوجى : ليش ما تكونين سباقه بعمل الخير لأخوج
الإنسان المحتاج..... الى كبد أو كلية
أوقرنيه أو قلب....ليعيش ويحيا الآخرين
بعد ما نموت أحسن ما نموت كلنا
وأنا اقول إنت العاقل اللى فاهمه ودورين
الأجربكل مكان....ترانى حضرت كل
الأوراق المطلوبه لج ولى...أنا وقعت
على طلبى.... بس أنتظرج توقعين طلبج
أنا : أدرى كل كلامك صح ومنطقى بس من
صجى ماااااا أقدر ....مااااااا أقدر
أقول لك شيئ عطنى وقت خل أتقبل الفكره أول
وأهدى نفسيا.......... يمكن أفكر عدل
ويمكن أغير رآيي......وأوقع الطلب مثلك
بــــــــــــــــــــــس
الله يخليك خل نتغدا الحين
واتفقنا على نفتح الموضوع الأسبوع القادم
وأقول قراري الأخير
بس طبعا بعد مااااا قمت كل الأوراق الرسميه
اللى وقعها زوجى العزيز.......!!!!!!!ء
أنا خلني أتقبل فكرة إنك تتبرع أول
وبعدين أفكر بنفسي....من صجى قلبى
منعصر وخايفه....ليش مادرى
شتقولون..... رآيكم يهمنى لتحديد موقفى
وبين زوجى العزيز
زوجى : اليوم مرنى بوبدر ومع السوالف
قال لى سالفه ومن قالها وأنا عاجبتنى الفكره
لا والله وعزمت أسوي مثله
أنا: شبتسوى...؟؟؟؟
زوجى : سمعتى عن جمعية كويتيه لزراعة
الاعضاء والتبرع لها بعد الوفاة
أنا : أبيه....أبيه
زوجى : شوفى أنا قاعد أمهدلج الموضوع ما أبيج
تخترعين بس الحين سمعينى عدل...أنا عزمت
أتبرع لهم ....وبسألج إذا إنت بعد تبين تتبرعين لهم
أنا : اللهم ياكااااااافى....وآاااااااي ياحسرتى
يشققونى بعد ما أموت
زوجى : ليش ما تكونين سباقه بعمل الخير لأخوج
الإنسان المحتاج..... الى كبد أو كلية
أوقرنيه أو قلب....ليعيش ويحيا الآخرين
بعد ما نموت أحسن ما نموت كلنا
وأنا اقول إنت العاقل اللى فاهمه ودورين
الأجربكل مكان....ترانى حضرت كل
الأوراق المطلوبه لج ولى...أنا وقعت
على طلبى.... بس أنتظرج توقعين طلبج
أنا : أدرى كل كلامك صح ومنطقى بس من
صجى ماااااا أقدر ....مااااااا أقدر
أقول لك شيئ عطنى وقت خل أتقبل الفكره أول
وأهدى نفسيا.......... يمكن أفكر عدل
ويمكن أغير رآيي......وأوقع الطلب مثلك
بــــــــــــــــــــــس
الله يخليك خل نتغدا الحين
واتفقنا على نفتح الموضوع الأسبوع القادم
وأقول قراري الأخير
بس طبعا بعد مااااا قمت كل الأوراق الرسميه
اللى وقعها زوجى العزيز.......!!!!!!!ء
أنا خلني أتقبل فكرة إنك تتبرع أول
وبعدين أفكر بنفسي....من صجى قلبى
منعصر وخايفه....ليش مادرى
شتقولون..... رآيكم يهمنى لتحديد موقفى
وهل تتبرعون إنتوا..؟؟؟؟؟؟؟
***********************
60 comments:
دزيلي رقمهم لو سمحتي
واللة فكرة على الاقل فيها اجر لا مت مايندرة احد يذكرني ولا لا
يمكن هذا اللي بياخذ اعضائي يبنيلة مسيد ولا يسوي خير والحسنات اتوزع
وتوكلي على اللة تر ماراح تحسين بشي صدقيني
انا ما جربتها اكيد لكن متاكد ماراح تحسين اب اي شي
واللة صدقيني حسنات وايدة
وأنشاء اللة اللي يباخذونة من جسمنا يرد لنا بالينة
سجلي وكتبي رقمهم بليييز
وقولي لبو العيال وقت الغدا ما تنقال هالسوالف
بس يزاه اللة خير وهو بياخذ حسنات مني ومن اللي بعطية اعضائي ورفيجة بياخذ نصيب الاسد
توكلي على اللة
لي الحين اذكر الوالد قبل يمكن 3 سنوات او اكثر بشوي قالي الله يطول بعمره ويخليه لنا ان اذا توفيت وصيتي تتبرعون باعضائي الي يصلح منها .
عن نفسي ارجو ان تعطينا الرقم وبتبرع
جسمي مرده حق التراب والدود خل غيري ياخذ من جسمي الشي المفيد ويعيش فيه
منها ان شاء الله نيتنا الاجر ومنها غيرنا يدعيلنا بعد موتنا
والله قرار صعب
لو انا ماسويها لو شنو
وبتسئليني ليش
بقولج مادري
بس بروحي ميت .. بعد يقطعوووون فيني .. شالله حادني
شخصيا عندي عضوية و موقع معاهم من كنت بالجامعة
و ليلحين مقتنع فيهم كونهم جمعية تؤدي غرض انساني عظيييم
هذا عطاء انساني بعد الوفاة و الانسان اللي يخدم الانسان حتى و هو ميت اتوقع انه شي عظيم
الجمعية احلى مافيها انها لو بروفايل و تعمل من اجل هدف و ليس لها ظهور سياسي
هذا يخلي الانسان يتجه لهم و يحس انه بالفعل قاعد يساهم بشي
بالفعل عمل عجيب
بس ليش لما قريت حوارك حسيت انه شوي ،،، شوي مو وايد
مسلسل على قناة اقرأ ؟
اطفرك
:)
موضوعج ذكرني بوحده اختها صار فيها تلف بالكبد والبنت دشت بغيبوبه واحتاجت لأحد يتبرع لها بجزء من الكبد والميزه أن الكبد إذا تبرعت بجزء صغير ينمو في الجسم اللي زرع فيه والحمدلله تم التبرع للمريضه من أحد المقربين منها والبنت صحت من الغيبوبه
احساس جميل أن تقدرين تنقذين حياة شخص آخر بين الحياة والموت .. عن نفسي ما أقدر أتخذ هالقرار وأقول أتبرع بأعضاء جسمي للعامه ولكني لن أتردد بالتبرع لشخص قريب مني كأهلي
أنا اتبرع ما عندي مشكله
اذا تحطين طريقة الإتصال فيهم لو سمحتي
بعدين انتي شنو اللي مخوفج؟
الأعضاء هذي كلها ياخذونها بعد الوفاة
يعني ما راح يضرج شي
بعد عمر طويل انشاء الله
ليش لأ
عقب عمر طويل بصحة وسلامة ليش ما نتبرع حق غيرنا اللي محتاج
انا موافق عليها قبل ما اقرى موضوعج
عطيني الرقم او العنوان
اقصد رقم الجمعية لا تفهمون غلط بعد d-;
نسيت اكتب شي
اقصد موافق عليها
بس اول مره ادري ان في جمعية بالكويت
لهذا القرض
وشكراً
سبحان الله
والله هالموضوع بالذات صارلي يومين افكر فيه
وجني معزم
بس اذا ممكن نبي التفاصيل عن مكان الجمعية وكيفية التبرع والاوراق وكل شي
لا ما اتبرع :)
ما شاء الله
زوجك محترم ويفهم
والفكره نبيله
توكلي على الله ولك الاجر بالنيه والفعل ان شاء الله
انا شخصيا قررت ان اسجل بالبرنامج من فتره وكل يوم اقول بكره اروح
:)
شوفيها من ناحية أهل الشخص اللي تنقذون حياته
الله يطرح فيكم البركه
أنا مفكرة من زمان بهالموضوع
بس الوالدة معترضة وتحاول تحلفني اني ما افكر بهالموضوع واسده
بس ما حلفت وتركت الموضوع على اني اناقشها فيه بعدين
يمكن تقتنع وتخليني اتبرع
اذا الموضوع راجعلج وتفكرين فيه انا اقول جدمي عليه
اهو صعب في اول الأمر بس عقب ما تفكرين فية عدل راح تقتنعين
ولج الأجر انشاء الله
هي مسألة انسانية بحتة
لكني لا استسيغها كون جسد الميت لا يجب ان يمس
حسافتج يا كويت:
جنك صفيت مع ريلى
ابيك عون صرت فرعون....لووول
وابونا ماعليه يسولف كل شيئ على الغدا....احسن وقت عنده...وانا تعودت
المهم الواحد ما راح يتبرع الا يبي الاجر
بس مسكين جنى صدمته....ما توقع انى ارفض
بس بعدين استحيت منه وجنى جنى بوقع الاوراق
السايت والاتصال بهم بالبوست
بو حامد :
القرار صعب ...بس الواحد لما يفكر بالاجر وانه بينقذ اخوه المسلم
يغير فكره ويحس اذا رفض التبرع انه انانى وغير معطاء
بس لازال القرار صعب
السايت والاتصال بهم بالبوست حطيته
عبثيك
حياك ....بس ما قلت بتبرع والا ....لا
Q8i Blogger:
هذا كان ردى اول ما بدا الحوار
بس بعد ما طخيت جنى بوقع الاوراق
بس القرار صعب جدا
nEo :
دائما انت مميز....احيي فيك حبك للعطاء ومساعده اخوك الانسان
قلة من هو مثلك وخصوصا ايام الجامعة
يفكر بهالموضوع
=======
يعنى انت من زمان ما زرتنا وبعد زاهب على التطفر......مقبوله منك
بس هم بنتخب محمد عبد القادر
لووووووووول
بس بسالك منت مندق من نزلت الدين والجاسم.....؟؟؟؟؟؟؟؟
Snow White:
رايج واحترمه....انا مثلج اول ما سمعت بالموضوع
بس فكرى فيه مده اطول صدقينى تحسين انج انانيه وبخيله على اخوج الانسان
بس صح تراه قرار صعب واااااااايد
حياج الله
فتى الجبل:
قرارك سريع وجرئ....جدع يافتى الجبل
ترا ما على من مرتك..؟؟؟
لووووول
يعقووبوو:
هههههههههه
لا تخاف ما فهمتك غلط والله فهمتك عدل مدل....السايت والاتصال فيهم بالبوست
والله يوقفك
فريج سعود:
شفت .....توارد افكار
السايت والاتصال فيهم بالبوست
قواك الله على فعل الخير
Mok :
ياااااا الخوااااااااف
ههههههههههههههههه
رايك واحترمه
كويــتي لايــعه كبــده:
انا شاكره لك دعمك لزوجى العزيز
وانا قربت من توقيع الاوراق
بس عسى الله يعينى على فعل الخير
DiLLi O MiLLi :
والله الوالده ما تنلام....القرار صعب ويعور القلب
بس عسى الله يعينى على فعل الخير
مُحَسّدْ:
ما ادرى بس هناك فتاوى كثيرة تحلل التبرع..والله العالم
مادري اخااااف
:/
ابي كل شي فيني حقي يعني مااااادري وااااااااي لاا ابي يكون قلبي و مصاريني و جبدتي معااي
انانيه تهقين؟؟؟
:(
مااحب اصير انانيه بس امبي تخووووووف السالفه
salamz sis...
دانكشن على الرقم
وشدي حيلج انا سيفت الرقم مالهم
وعلى فكرة حسناتي بتروحلج بعد مع ريلج ورفيجة
الأخت بنت الشامية
كان واحد من ربعي مسولف لي عن فلم تدور أحداثه حول واحد توه ميت بس يـحس ويسمع اللي حواليه
و مادام أنا شخصيا ما صادفت واحد مات ورجع سولف لي شيصير بعد الموت (مادري عنكم إنتو),فأحط إحتمال إن قصة هالفلم ممكن تكون واقعية ومـحد يدري شيحـس فيه بعد الموت إلا بعد ما يموت
فلذلك أنصح, قبل أن تتخذي أي قرار, بأن تسألي زوجك الله يطول بعمره ويخليه السؤال التالي: هل جربت بعمرك عملية إستأصال عضو من جسمك بدون بنج غير العملية اللي خبرك بعد ولادتك؟؟
(:
وعموما أساليب كسب الأجر كثيرة بعيدا عن سكين الجراح. لكن كل واحد ينام على الجنب الي يريحه
والله يبعد الشر عنا وعنكم
انا لا اتكلم عن الحلال والحرام
انا اتكلم عن شعوري تجاه جسد الميت
يامساء الطيبه
ابصراحه انا عن نفسي ارفض
ماقدر اتقبل الفكره
انا اتكلم عن شعور نفسي بحت
انا الاجر اللي انشده بعد موتي هو
صدقه جاريه عن طريق بناء صرح يفيد ابناء وطني او طباعة كتاب او اني اربي عيالي تربية صالحه ويدعون لي بعد موتي
هذا رايي الشخصي
موضوع رائع وفيه افاده قيمه
الله يجعلنا وياج ممن يحبون الخير ويسعون له
بس موحراام؟؟!!
والله خسبقتيني لووووول انا للي قلبي انعصر وخفت وخقيت!!
جميل الاحساس بمعاناة أنسان أخر ؟ ولكن قليل من يخس بغيره ؟
بارك الله فيك و في زوجك و الله يلبسكم ثوب الصحة و العافية :)
انا عندي عضوية الحمد الله
دمتي بخير
@@
شكلي سقط سهوا
لو مو سهوا؟؟
الزين :
كل شيئ الا الزين كله
اعتذر لج وبشده العتب على عيونى
عاد تدرين اصغر ما فينى عيونى....هههههه
هاااااا سامحتينى
اللى مخوفنى مو انهم ياخذون منى بعد الموت
احاتى اللى بيغسلنى ويجفنى بعد الموت
شكل الخياط يزوغ القلب
وادرى ان حبايبى هم اللى بيسون هذه العمليه واحاتى قلوبهم الرقيقة
علشانج اعترفت لج بسبب ترددى ورفضى المباشر لهذا التبرع
ترا هذا سر....بس علشان اراضيج
هاااا طاح الحطب..........مشكورة
5roofa :
لا تترددين ولا احد بيقول لج انتج بخيله
هذا جسدج وانت حره فيه
وانا احترم رايج
لانه قرار صعب مو كل من يقدر ياخذه
بس اهنيج على صراحتج
حسافتج يا كويت :
الوعد الاسبوع الياي
الله يعينى
أنا كويتي :
كلامك صحيح...من قراتى الدينيه
يقولون ان الميت يحس ويسمع
بس اكيد بطريقه مختلفه عن الاحياء
رائك وانا احترمه
مُحَسّدْ :
كلامك صحيح
سالفة قلب :
انا الحين عرفت هالنور اللى زايد اليوم
فى مدونتى....حتى انى لبست نظارة شمسيه
لوووووووووووووول
الترع والصدقات متنوعة ومختلفه وكل من يسوى على مقدرته
حياج الله
وردة حب :
لا يقولون مو حرام
خليج بطله ....مثلى
لووووووووول
bass :
مشكورة لدعمج لى ولزوجى
واهنيج على عطائج الغير المحدود
الله يكثر من امثالج وامثال الاخ العزيز نيو....اللى هم سباقين بعمل الخير
عمل عظيم وراه اجر وحسنات ومساعدة محتاجين
بس هم لا تعليق :-S
ميرامار :
هم ما عليه
حياج بيننا
فكرة البني من الخوف ان يشققون بطنه مضحكة
لانه الاكثر هو خوف الحساب
خلينا نسوي خير احسن بالتبرع
ولكن السؤال
هل اعضاءنا تنفع من بعد الهامبورجر والفاست فود والبلاوي المنيلة اللى قاعدين ناكلها؟
طاح الحطب أخيتي
وحلوة الحياة
:**
انتي فريتيها براسي
ولا تحاتين
سرج في بير
:)
راودتني الفكرة خصوصا عندما افكر في طفل عليل او محتاج
لكن لا اعتقد اني سأملك الشجاعة الكافية :(
قرار صعب ..
Mishari :
الخوف يختلف من شخص الى اخر
وخصوصا لان الكثير من الكتب الدينيه تقول ان الميت يحس ويسمع
فمن يخاف لا لوم عليه
بس سؤالك مهم عن مدى صلاحيةو صحة اعضاءنا بعد الوفاة....بس هناك لجنه كلها دكاترة ومتخصصين فى هذا المجال
فلو هناك اى مشكله جان بينوها
الزين :
الحمد لله
~warda :
صحيح القرار جدا صعب
و الله اهو شي زين و مافيها خلاف و حتى الشرع ابدى رايه بالموضوع
بس انا عندي مشكله
بما اني كويتي و امثل شريحة كبيرة من الكويتيين تحمل نفس صفاتي
عندنا السكر و عندنا الضغط
ما ادري هل صالحين حق غيرنا
يرجى تزويدنا بالارقام
خل نصفى على أعضاءنا بحياتنا الاول!!
ادرى وقع هالخبر وقرايته صعبه علينا
بس لما تفكرين فيها ليش لا بنت الشاميه
ارواحنا بتروح للى خلقها رب العالمين
يبقى جسد!
اذا من وراه اجر ومساعده للغير ليش لا!
توكلى على الله
ماكو الا العافيه
وان شاءالله الله يحسن خواتمنا بالعفو والعاافيه ياااارب
تحياتى لبنت الشاميه وزوجها
:*
Enter-Q8 :
كلامك صحيح......هذا سؤال طبي مهم
الاتصال بهم : حطيتها بالبوست
وشكرا لتعليق الكريم
AseeL :
ان شاء الله تصفين على اعضاءك بحياتج
وتبرعين فيهم بعد حياتك
والله يااسيل ياااااابخته اللى بياخذ
منج شيئ محظوظ ......كل شيئ فيج زين
لوووووووووووووووول
===========
شفيها براحة مبارك ....ترا تو الناس على الصكه الغبار والحر....على الابواب....ما بدا
charisma :
شورج وهداية الله
ياحلو هالدعاء بس عسى نلقى حسن القبول....اللهم امين
فكرة قوية ومنطقة
بس تدرين محتاجة الى شجاعه
وثقافة تقبل مثل هذا الامر الجديد علينا فى العالم العربى
وفقك الله وجعله فى ميزانك ان شاء الله
احترامى
بوست حلو ومفيد
وباعث على التفكير
ريحانة مصر
مرحبا .. فكرة رائعة لا تستحق التفكير بل الاقدام و فعل الخير ... فعلا فكرة لا تستحق الرفض . اطلاقا
Post a Comment