من ملاحظاتى للمدونات من تصير أى أزمه
ويحولون أى مدون للتحقيق باقى المدونين
يخمرون جنه كاتيين عليهم ماي حار
والحين .......هالقانون الجديد زاد الطين بله
اللى يبى لعبة السياسه عليه يتحمل مخاطرها
والا يقضب الباب
ما تشوفون السياسين بالدول الظلاميييييه
كل بالسجون
ما لهم مهنة الإ يدخلون و يطلعون منه
بس إنتوا بدولة الأمن و الأمان
تبون تكتبون وتنظرون بالسياسه
دفعوا ثمن أرائكم ومواقفكم السياسيه
علمتكم الدولة بس تأخذون ما تعرفون تدفعون
شهالخوف فيكم...إذا إنتوا ماتحملتوا هالمخاطر
من اللى يتحمل عيل....؟؟؟؟؟
إمشى عدل يحتار عدوك فيك
أمامكم التاريخ الكويتى
شوفوا الشخصيات السياسه كاهى عايشه بينا
واللى ماتوا الله يرحمهم......ماضرهم شيئ
لإن حبهم للكويت كان الهدف الأول والأخير
إكتب باللى تبيه لك مطلق الحريه
بس لا تشتم ولا تسب ولا تجذب
كون موضوعى بنقدك
وحط مصلحة الكويت بين عيونك
النقد البناء محد يقدر يوقف أمامه
أكبر مثال لكم الكاتب محمد الجاسم
كاهو تحول إلى النيابه .....وطلع
بالرغم من اختلافى مع كثير من طرحه السياسي
إحنا دولة قانون....مو دوله ظلاميه مثل سوريا
ولما صار خطأ عند إعتقال بشار
إتصل رئيس الوزراء وهنائهم على سلامتهم
إكتب عدل ........يحتار عدوك فيك
والتغير والتعديل قادم قادم
بس لا تخاااااااااااااااافون
تدرون من اللى يخاف
اللى الكويت مو بقلبه....وله رس خارجى
إن كانت دول أو أحزاب.....وهم هذول قلة بينا
والله يكافينا شرهم وشر افكارهم
هذول لازم يخافووووووووووون
نعم لازم يخافوووووووووووون
لإن الحديده حاره عليهم هالأيااااااااام
39 comments:
أنا أشهد إنك بنت رجال واللة مانتي بنت الشامية
ولاتحاتين محد يخاف الزين بنكتب نمدحة والشين بنقول عنة
وقول المثل حط راسك بين رجليك واشهد على والديك
وأنا شخصيا ما أقدر أعيش في دولة قمعية عشان جذي بقول اللي اشوفة بمصلحة ديرتي ولا شخانت الحر إذا ما قدر يتكلم
وبالنهاية
حسافتج يا كويت
صح لسانج يا بنت الشاميه
وتسلم ايدج على هالبوست
فعلا كل نقد هادف وبناء وفيه مصلحه للكويت والكويتيين
مايقدرون يمنعونه
واللي يبي اثارة الفتنه والمشاكل للكويت خل يتحمل اللي يجي له
الله يحفظ الكويت واهلها من كل شر
صح لسانك نعم أنتقد و تكلم و افضح بس لا تغلط و اتجرح و لا اتسفه ؟
بس السكوت و عدم الحراك و الخوف عمره ما راح يعدل وضع ؟
دمت بخير
والله ما بعد كلامك كلام !!
متفق معاك مئة بالمئة .
الكويتيين ما تعودوا على السكوت على الغلط .
الله يحفظ ديرتنا بنصائح حكمائها لحكامها .
شكراً على هالروح الأصيلة ....
صح لسانج
ترى الناس مو خامرة
الكوس ذبحنا
حر :)
البنت اللي شالت الكاس عجبة
حبة حبة.. ونصير جزء لا يتجزء من الأنظمة العربية الأصيلة
كلام طيب وموزون
بس تدرين شالمشكله
المشكله..ان اللي يُنتقدون.."بعضهم" ضاقت فيهم الوسيعة..وماقمو يتحملون..رجالات اول اللي كانو يُنتقدون كانو يقابلون الانتقاد بكل رحابة صدر الحين صارو ضيجين بال وصدر
لا فض فوك ياعسل
اتعبتي ما بعدك يابنت الشامية
يا بنت الرجال:
بنت الشامية سايقا
إهداء مني لك ولكل الموجودين بالبوست لكي يعرفوا من هم أهل الكويت الحقيقيون اللي مايخافون
http://www.youtube.com/watch?v=Djbhly3-ZWs&feature=related
وحسافتج يا ذيج الأيام :(
اتفق معاج يا بنت الجيران
لا تغلط لا تسب لا تجرح
الكويت بلد حر و اهله احرار
ا
لكن حرية الانسان تنتهي لما يتعدى على الاخرين
الواحد لازم يكون حريص على كلامه و على تصرفاته قبل لا يتكلم علشان لا يتعدى على الناس بالباطل
---
باذن الله ولائنا و حبنا للكويت و رموز
الكويت من بدت لي يوم يبعثون
---
اما بخصوص انقراض المدونين
ترى في وايد مدونات سادت ثم بادت
و طرحها جدا راقي و جميل
اتمنى ان الاسباب خير انشالله
-----
احب الكويت
و احب الشامية
و احب الشويخ
و بحر الشويخ
مانتوفاني
صح لسانج يالغاليه
:)
salamz sweetee..
عجبني الكلام
صح لسانج
والديره يبيلها رجال
بنت الشامية
وين قلتيلي راح ترشحين نفسك انشاء الله
تراني راح اكون عضو فاعل في الحملة الانتخابية
..
واسيل كاهي موجودة بس الظاهر كانت لاهية بافتتاح بلوقها
صاجه والله :)
و احنا طول عمرنا ننتقد الي مايعجبنا و نمدح الي يعجبنا .. و كنا مثال يحتذى به برقي الحوار و الديمقراطيه .. والتفاهم بين السلطات
ماتغيرته هالنظره و تدنى مستوى الحوار الا من دخلوا علينا عوير و زوير و المنكسر و الي مافيه خير .. الي هدفهم بس يزرعون الفتنه و يشتتون صفوفنا
و تسلم ايدج على هالبوست الروعه :)
بنت الشامية
انا عن نفسي فاقد القدرة على الكتابة من فترة ما ادري شفيني .. و الصراحة .. فقدت القدرة على الإبداع
لكن مقالاتي السابقة .. غاسل شراعهم :)
حسافتج يا كويت:
لا تخاف ياخوى الكويت بخير وامان باهلها الطيبيين...ودعوات عيايزها وكرم شيابها...وبالاخير ما يصح الا الصحيح.....ومشكور وايد تفختنى انا مواطنه كويتيه تحب الكويت و كل مافيها..... شينها قبل زينها باخلاص
لان احساسي بالغربه ايام الغزو ما انساه ابد.......الى الممات
الله لايحرمنا من هالنعمه نعمة الامن والامان
بس عندى اعتراض بسيط اسم بنت الشامية عزيز على قلبى ...ما اقدر اغيره
مع انى مو بنت الشاميه بالاصاله
بس بالتزواج....لوووووووووووول
بس هم يران الشاميه
ومشكور على اليوتوب اصلى
اكيد..... احنا الخطاوى الاكيده
وحياك الله
Mamloo7a Q8ia:
مشكوره صج كتبت هالبوست من قلبى
ليش الخوف ....اللى يكتب عدل ليش يخاف
ما نخاف الا من اللى خلقنا سبحانه
والله يحفظ الكويت واهلها
bass:
كلمة الحق عمرها ما تزعل ..تحر شوي بس تنفع فى كل الاحوال
بس مثل ما تفضلتى السكوت والخنوع
لا لا والف لا....ء
حياج الله
bo bader:
الواجب ما ينشكر عليه
هذا حقها فينا حبيبتى الكويت
حياك الله
ولد الديرة:
ادرى عمرنا ما خمرنا على الغلط بس بالطرق المشروعه
====
سافر عندك اجازة طويله وجدد حياتك
وترك الكوس
AseeL
وايد اعجبتنى الفكرة حلوه
====
احنا احسن من الانظمه الاصيله
والله لايقوله
مو كل الناس عيال الشامية شجعان
احنا المساكين شنقول!
ومنو اللي قال ان احنا سكتنا
Krakatoa:
كلامك صحيح من كثرة المنافقين اللى حواليهم .....وبعد هم سادين اذانهم
بس كلمة الحق مثل ما يقولون الكويتين طقة كوع طير القلب..... بس تبرد بسرعه
وبيتحملونها .....غصب طيب بيتحملونها
joy:
الكويت تستاهل
mantovani:
وهم انا
احب الكويت
و احب الشامية
و احب الشويخ
و بحر الشويخ
الواحد مو
بس يكون حريص بكلامه بل ايضا يكون النقد موضوعى خالى من العواطف...والمصالح الشخصيه
وهذا النوع من الكتاب صاروا عمله نادره هالايام
حياك الله
5roofa:
ومن قال
سلاماااااات وايد
Eng_Q8:
ومن قال
الديره فيها رجال وحريم
وااااااااااااااايد....وقلوبهم عليها
بس خل يحسنون الاختيارات
Nachla:
شهالاشاعه قووووويه وايد على
ارشح...... ما فينى حيل ....يالله اقوم فى بيتى...وعيالى
هههههههههههههههههههه
العفو بنت الشامية
وشكرا على الرد
وبالنهاية انتي بنت الشامية ولا ايرانها
مو مهم المهم بنت الكويت الوفية
الخيلاء:
شوفى حبيبتى زوير وعوير ما اقدروا علينا الا لما بعض عيال الكويت
سلموا لهم الخيط والمخيط....بس اعتقد الحين الكل انتبه ليش الغالبيه ساكته
واللى متى بتظل ساكته..؟؟؟؟
ولازم كلنا ما نحيد عن الصح
ولا نستعمل الا الصح.. لنقوم اعوجاجهم
ونحفظ ديرتنا منهم ومن بعض عيالنا
حياج الله
بوصالح:
ان شاء الله فترة وتعدي
لازم من الملل يحوش الانسان فى بعض الاوقات...بس ما نخليه يسيطر علينا
احنا بانتظار جديدك
الحارث بن همّام:
وعليه عليهم عيال الشاميه
الله يعلم بحالهم الصيت ولا السمعه
وكلمة الحق ما ينخاف منها
ترى سجن النسا موجود لا عبالج انتوا في مأمن
صح الكلام
امش عدل يحتار فيك عدوك ولي بغيت تغزّر شوي اعرض مقالتك على قانوني واخذه رايه
فتى الجبل:
عاد اليوم اقول ما ادري وينه فتى الجبل فاقدته...؟؟؟؟
ادرى مو ساكتين ....بس بالحق ...والنقد البناء, الموضوعى....الخالى من الهجوم الشخصي والمصالح الفرديه
كل النقد لصالح الكويت والكويت بس
وقواكم الله
فريج سعود:
ادرى ان فيه سجن للنساء
اللى يبى لعب بالسياسه يتحمل اللى اييه للجنسين
بس الحق ما ينحاف منه...ما خافوا ابهاتنا حتى احنا نخاف
والله يديم علينا هالنعمه اللى دول واااايد محرومين منها
كلامج حلو وكلامج صح
عجبتيني :)
يالله صباح خير
يا بنت الشاميه
توه السوق بادي ...ولا هالوجوه
السياسيه المعتقه جدامي
يبا ...محد يعوض احد ..كل له
شششششششششششششششششخصيته
وهذا سبب هبوط مستوى الكويت
بكل شي ...محنا راضين نعترف
ان مااااعندنا كفاااءت
""""""""""""""
يصير نقول لج هبي فلنتاين
ولا يشيش علينا الجعده !!!1
فمالله
صح لسانك
Post a Comment