تحديث
10:30 pm
خبر عاجل
غرفة الشيخ سالم العلي تتعرص للسرقه فى
مستشفاه بلندن , وشرطة اسكوتلاند يارد
تحقق بالموضوع
والسارق استهدف وثائق خاصة جدا
====
========
صديقتان كانوا يسولفون
وحدة حامل بالشهر الخامس
والثانيه عندها بيبى عمره سنتين
تقولها
عسى حامل بتوم...؟؟؟
الحامل : لا بس واحد
الصديقه : الله يهداج ...ليش ماسويتهم توم
وتفتكين عن حملتين......؟؟؟؟ وبعدها تستريحين
الحامل : بكيفى ....مو بكيفى.......!!!!!!!!ء
الصديقه : ياحليج صج على نياتج
بهالزمن تقدرين تسوين اللى تبينه...بس ضبطى
الدكتور اللى بيولدج وهو يسويلج كل شيئ
تبين إثنيينه أو ثلاثه على كيفج
الحامل : لا ما راح أسوى شيئ اللى إيي
من الله حياه الله
الصديقه :شوفى بقولج سر... أنا سالفتى غير
والثانيه عندها بيبى عمره سنتين
تقولها
عسى حامل بتوم...؟؟؟
الحامل : لا بس واحد
الصديقه : الله يهداج ...ليش ماسويتهم توم
وتفتكين عن حملتين......؟؟؟؟ وبعدها تستريحين
الحامل : بكيفى ....مو بكيفى.......!!!!!!!!ء
الصديقه : ياحليج صج على نياتج
بهالزمن تقدرين تسوين اللى تبينه...بس ضبطى
الدكتور اللى بيولدج وهو يسويلج كل شيئ
تبين إثنيينه أو ثلاثه على كيفج
الحامل : لا ما راح أسوى شيئ اللى إيي
من الله حياه الله
الصديقه :شوفى بقولج سر... أنا سالفتى غير
ما علمت إمى ولا ريلى إلى يومج هذا
خليت دكتورى يولدنى بالشهر السابع فتح بطن
ما كان فينى شيئ وكل شيئ كان طبيعى
بس إتفاقى مع طبيبى كان على شرط
يولدنى بالشهر السابع......!!!!!!!!!!ء
عشان ما أسمن أو يخترب جسمى
ولا يبلشونى أرضع البيبى ويخترب صدري
والبيبى ما راح يضره شيئ بيحطونه بالحَضَانه
وتجابله النيرس بالمستشفى...... أحسن منى
وإذا كمل التسع أشهر يعطونياه
.شوفى جسمى الحين بطنى لاصق بظهرى
لاكرش ولا عيب شرعى فينى
وأهم شيئ اهم شيئ لازم تتفقين مع طبيب تجميل
يسويلج بنفس الوقت عملية تجميل وشد
للبطن ...مع شوية تمارين ما يتخرب جسمج أبد
وتردين أضعف من يوم إنت بنييه
الصديقة الحامل: وااااى من صجج
حرام شنو ذنبه البيبي أولده قبل وقته
وأخاف يصير فيه شيئ....وأصلا أخاف من عقوبة
رب العالمين هذى نعمه لازم أحافظ عليها
وبعدين ليش أحرم البيبي من الرضاعه
برضعه على الأقل سنه كاملة إذا الله قدرنى
الصديقة: يا المينونه يخترب جسمج وبعدين ريليج
بس يعيب عليج وعلى كرشج ويمكن يلعب بذيله
الحامل : لا بالله إنت المينونه اللى تسوي هالسوايا
ما تخافين من ربج ...ما تخافين من العقوبه
هذا حرااااام و الله العظيم حرااااااام
وإن شاء الله مو بس يلعب بذيله ويعيب علي
إن شاء الله حتى يتزوج علي
مااااااااااااااااااااانى
ما ااااانى مسويه هالسوايا لا الله ولا محمد يرضى
الله أكبر........... الله أكبر
و إنتهى الحوار
تفرقوا ..... وكل وحده راحت من طريج
وما تلاقوا بعدها أبد
=======
====
ما أقول الا الله يعين عيال مثل هالإمهات
شتعتقدون نوعية مثل هالأم....؟؟؟؟؟؟؟
هذى........ ينطبق عليها حديث رسولنا الكريم
الجنة تحت أقدام الأمهات....؟؟؟؟؟؟؟؟؟
=======
====
مبروك زواج ساركوزي وكارولا الايطاليه
وانتصر الحب
86 comments:
شلون تقدر
تييب توم ؟
وااااااااااااي هذي ذكرتني بام الي يت المدرسه و كتبت عنها مره بووس
بنت الشاميه الغاليه في ناس مو كفو يصيرون امهات
في منهم يقولون احنا نحمل عشان نربطه فيناا
استغفر الله و بعدين يقولون العيال مسوده الويه و مفشلتهم
نااس تقهر والله
الله لا يبليناا يارب
الاطفال امبي اذا ما حسو بالاهتمام من اول حياتهم انسي يحسون في باخرتها
استغفر الله شبت قولووني هالادميه
مشكوره على الموضوع
salamz sweete...
حاااجه حريمي خالص
ملناش فيها!!!!!!!!1
فمالله
شهالتفاهه..بالتفكير
هاذي ام قيصرية..من النوع اللي مو واثق من نفسها ولا من ريلها
لووول
أعرفه وحده نفس أم الشهر السابع هذي وسودت شد وكله بلبنان ؟
نفسها صاحبتكم ؟؟
أما عن التوم اليتامى و العلي و غيرهم زاهبيين حط فلوسك بالشمس واقعد بالذلال ؟؟
وااااي استغفر الله
الله يهديهم
اللي ايي من الله حياه الله
وهذي اللي تولّد عمرها بالسابع مو صاحية و لا واثقة بنفسها و لا بريلها الحمدلله و الشكر
الله لا يبلينا
انزين ليش ماياخذون من المرا شسمه
ومن الريال شيسمونه
ويحطونهم في بطن الخدامه واهيا تحمل تولده
مو احسن؟ (:
حريم موديل 2008
ساركوزي مبرووك وثقل عاد
وإنشاللة مرتك ما تولد بالسابع
ما قول غير مالت عليها وعلى تفكيرها
أش بيفيدها جسمها إذا صار بالعيالها شي؟
وبعدين في ناس اللة حارمهم من هذي النعمة وهي اتشرط ابي اثنين و ثلاث وبولد بالسابع والسادس؟؟ ولو يحصلها جان ولدت بالأول!!
واللة الحمال حلو وأنا مرتي يوم حملت زانت بعيني أكثر واللة يا حلوها وياحلو حمالها. وكل مرحلة لها حلاة
وبالطقاق الجسم دامنها تعبت ويابت عيال
لكن هذي سفاهة منها
صج بطت جبدي
لكن شقول غير حسافتج يا كويت دام فيج ناس تفكر جذي
خلصوا الحريم
saddening.
لا تعليق
حتى البقر يولدون
حمودي:
علاج بالهرمونات
5roofa:
ابد شفتى اللى كتبتى عنها مل راحت بعيد عنها
ام العيال بس من حمل وولد
ام العيال من ربي واعتنى
اجار الدين كشمش:
اول خل اقعد عدل واتربع علشان ارد عليك
انت اللى مالكشي فيها...الا انت كلها فيها
هذا نتاج عقد بخمس سنيين
هذى المقروده رفيجتها الاوروبيه قايل لها عن العقد ...وهذى عاجبتها الفكره...فلازم تحافظ على جسمها ورشاقتها
لانها تؤمن بالتغير مثلك..وما تبى احد يصك عليها
يمكن رفيجتها زوجة رفيجك الاوروبى
سؤال غير برئ
لو تحوشك وحده مثلها شنو التصرف معاها
====
انت بروحك تدور الشاره ....لوووول
Krakatoa:
هذى اناااااانيه ونرجسيه عاشقة نفسها
وتقول يارض انهدى محدش أاااادي
bass:
هذى مريضه
و مشاكلها وايدة متعدده ومتنوعه
المسكين الريل والعيال الله يعينهم عليها
سدرة العشـــاق:
هذى نوعيه عايشه بينا بالمجتمع
الحمد لله بس تراهم قله
يعقووبوو
لا يبون الامومه والا تصير ناقصه
وبعدين الهنديه تصير ام الجنين البيولوجيه
فتى الجبل:
الله يهداك هذا موديل عتيج مو يديد
حسافتج يا كويت:
تصدق مو نازلى من الزور...جنه طرار
وعسي عاد يثقل ويركد يايهم يوعان
====
هذى مسكينه الله حارمه من نعمه التمتع
بالحمل والانجاب والرضاعة
انانيتها عامية عيونها وقلبها
حالة مرضيه ميؤس من شفائها
Eng_Q8 :
لا باله الحريم السنعه ترس الديره
هذى من الشواذ فى المجتمع وليست القاعدة
Organic Kuwait:
اكيد
على نفسها جنت براقش:
حرااااااااااام
البقرة حنونه من تحط ولدها على الارض تلحسه وتقعد يمه الى ان يرضع منها
لالالااااا ..!! صج هالحجي !!؟؟
:0
أعووذ بالله
أحنااا نقووول : يالله حسن الخلق
وهذي تبي عيال تفصال !!!ء
لا قالت الحامل أبي بنت أو أبي ولد
نقول لها : اللي أيي من الله حياه الله
والمهم الله يقومج بالسلامة أنتي والبيبي
الحمدالله والشكر الله
بنت الشاميييييية؟؟
بنت الشامية؟؟
أي مسكينة؟
هاذي مال خيازرين منقعة بماي و خل
مادي عاد شنو جسمها اللي خايفة علية
اللة لا قال كن فيكون واللة جسمها هذا تطلع مريم الغضبان اللة يرحمها جدامها سمبتيييك بس بمرض واحد (اللة يحفظها)
لا لا لا هذي لو أعرف أعيالها أنطرهم يكبرون وقولهم السالفة
و لو مكان وزير الصحة جان صكيد عيادة دكتورها
أنا لييلحيييين باطة جبدييييي
سوالف حريم
مالي شغل!!!
بنت الشاميه
انا ما اقدر على المزاح ورمي
رماح..وجوابج كله رماح
بعدين انا ااااسف والله نسيتج
بمدة العقد
بعدين حسبتها حتى لو نسوي
العقد 15سنه
ولدج الجعده مقفط العقد
مااالج الا تقضبين بيتج
والله ما كنت اقصد المده
لكن مالج إلا الصبر ..راحت عليج
وعلى ريلج
خلي امهات الاجسام بحالهم
ما بقى على عقدهم الا اشهر
يمكن الريل ما يجدد لها
تلقى واااايد مثلي ..بيده دفتره
ويدور في المحاكم
هههههههههههههههه
لج كل التقدير والاحترام
وزوجك الكريم ...بس الواحد
يحب ان يضحك واكثر من مره اقول للبلوغرز ..لا تأخذون الحياة
كلها جد في جد
او سياسه وهجوم البعض على الاخر
نحن المدونين هذه نا فذتنا
التي نتنفس منها الهواء
الحار والبارد
وفقك الله بعائلتك الكريمه
وعلى فكره انا من المتابعين
لمدونتك واشعر فيها صدق متناهي
وحب لا حدود له للكويت
فمالله
استغفر الله ..
الله لا يبلانا .. ناس اتدور ريحه العيال .. و هذي اتشرط
الله يهديها كلش مو قاعده اتمتع بنعمه الامومه :(
وعلى شرط... لازم تولد في رويال حياة في اللوتس او الاوركيد...والتجميل في لبنان عند عودة وعبدالنور وابي فاضل وربعهم :)
الرضاعة الطبيعية تقلل من نسبة حدوث سرطان الثدي والجسم في أندية وسدي حلجج.. تصيرين وردة
بنت الشامية:
!برافو
زين ما سويتي بأجار ولد كشمش :)
اي بنت الشاميه
هالساااااااااااالفة من زمان اسمعها
بس والله ماكنت اقدر اصدقها لانه محد قريب اعرفه سواها
كنت اقول يبااااالغون
بس دام جهينه اللي اهيه انتي
:)))
قاااالت
لا بالله عيل صج
وبحأ وحئيئيييي
ههههههه
السؤال اللي يطرح نفسه
انا يوم فطمت ولدي حسيت الدنيا صكت فيني
لاني حيل ارتبطت فيه اكثر يمكن من ارتباطه فيني
هالاوادم ماااااكو شعووووووور
يعني قلبها شلووون صاير
؟؟؟
ودي اعرف
بعد اذنج بنت الشاميه
ماني قادره اخش هالكلمه
خاصة انه الشخص المعني مومعطي فرصه للمدونين يقولون رايهم بكلامه في مدونته
---------------
اجار الدين
ليش تضحك مع الناس وتجرحم بكلامك
بس لما احد يضحك معاك تزعل وتقول رماح
اخوي انته عارف انه بسبب كلامك
ثنتين من خواتنه صكوا بلوغاتهم خير شر
خف بالضحك و
وسع صدرك للنقد شوي
وانشر بوستات في بلوغك
عشان تقول كل اللي بخاطرك
من غير ما تزعل اخد
يعني يكون لك مساااحتك الخااااصه
لا تكتفي بالتعليق عند المدونين
خاصه انه تعليقاتك تاخذ طابع البوست
:)))
مشكور على سعة صدرك
وحبيبتي بنت الشاميه لا تواخذيني
يالغاليه
DiLLi O MiLLi:
والله صديقتى الحامل تؤكد لى الكلام
اصلا اهى مو مصدق الى الحين ان اكو ناس انانيه جذى
ما نقول الا لاحول ولا قوة الا بالله العلى العظيم DiLLi O MiLLi
حسافتج يا كويت:
اخوى اول شبئ لا تحتر من هالنوعيه الشاذه وهذول قلة ما يمثلون بنات حواء
والشيئ الثانى....تدرى منهو المسؤل
الزوج ....وطبعا بهذه الحاله فهو لايهش ولا ينش ...مفترسته بانيابها
والمسؤل الاول والاخير الدكتور اللى خان قسمه عند ما استلم شهادة الطب
هذا الدكتور هو اللى يبيله الخيازرين
هذول هم الدكاتره والمستشفيات الخاصه
لاحد يصد او يرد....يبون الفلوس وبس
لو فيها خير خلها تسوى جذى بمستشفى الولاده....جان قضبوها الباب
وحولها لطبيب نفسي يعالجها
هذى مسكينه لانها مريضه نفسيا
وما تقدر على نفسها
يبيلها قرايه قران لمدة اشهر...يمكن تصحا بعدها
====
وطبعا انا كتبت هالبوست مخصوص للشباب
علشان ينتبهون ويعرفون شقاعد يصير
بين بعض الشابات.....ويستعدون لهن
bu saad:
بهذا مو موضوع نسائى بحت
هذا موضوع عام
والرجال لهم دخل اساسي بالموضوع
هذى لو عندها ريل تارس راسها جان ما تجرأت وسوت اللى سوته
بس ما كو ريل.....!!!!!!ء
AseeL:
هذا عاد تكملت العده شيئ مفروق منه
الله يكافينا شر حب النفس
ومبروك على افتتاح براحتنا...
براحة مبارك
=====
اعجبج وايد.....وابرد جبدج بعد
حياج الله
اجار الدين كشمش:
اشوه وصلت رسالتى
وبعدين انا عقدى الى صليبخات
اى عقد ابدى
ان شاءالله يرزقك اللى تغسل جبدك وتعير حياتك فوق تحت وتبصم على العقد الابدي
مو توقعه بس.....لوووووووول
وشكر لحسن ظنك فينى وفى حبى للكويت
=====
اذا امون
ليش مزعل فانكوفر...؟؟؟؟
ترها غاليه علينا.....واذا فى اى سوء فهم بينك وبينها ارجوك ان تتصالحون
كلنا اخوان وخوات
ترا حتى مصارين البطن تتعارك ساعات
وانا مستعدة اتوسط بينكم
حياك الله
الخيلاء:
هذى اصلا محرومه من هالنعمه
وكل زرع على بذره يطلع
ومن زرع حصد
هذى بنبجى دم باجر مو دموع
الله يكافينا الشر
الخيلاء:
هذى اصلا محرومه من هالنعمه
وكل زرع على بذره يطلع
ومن زرع حصد
هذى بنبجى دم باجر مو دموع
الله يكافينا الشر
vancouver:
شكرا لحسن الظن فينى
والله السالفه اقوى من ان تتقبلها
عقولنا...هالمينونه ما تشوف ممثلات
هوليوود كلهم يحملون ويولدون ويربون
عيالهم بروحهم ما سووا مثلها
يعنى هى احسن منهم ..؟؟؟؟
بس هذى ما عندها اصلا قلب ولا احساس او اي شعور بالحب للغير... بس نفسها
الحمد الله والشكر لله
نوعية هالأم؟
حُثالة
للأسف
مسكين الولد والا البنت بينحط في بستوق شهرين
لا حول ولا قوة الا بالله
ساركوزي وكارولا
الله الله
خليـــــــــــط
الــ
Cappuccino
والــ
French Coffee
شيطلـــــع ؟
قبييــــــط
:)
DiLLi O MiLLi
بعد اذنك بنت الشامية
رجاءا
القبيط هم ذرية حليمة و حصة فقط لا غير
:)
اسيل
يووزي ...عن فانكووفر
بسك من الحفار
عندج انتقاد تعالي راسا
فانكووفر حليييوه وعلى
نيتها ..وتعجبني وايد
الي على لسانه تقول ما تحفر
حق احد
يوووووووووووووزي عن تشيش البنات
ههههههههههههههههه
فمالله
و توقلين لي ليش ما اتزوج !!!
بس عاد ترا مصخت .. شفيه مستشفى الولادة ؟
هابين هبة .. يبون يولدون في لندن علشان الياهل يكون عنده جواز إنجليزي
والله حاله
العزوبية .. سكر
ولد الديرة:
الله يكون بعون ريلها وعيالها
وام ريلها ....تروالى تبي تمزعها تمزع
DiLLi O MiLLi:
الله قبيط......لوووووووول
مو خريط احسن
تعرفين شنو الخريط...؟؟؟؟
ههههه
بوصالح:
قايلت لك وين تلقى السنعين
انت طيعنى ما تخسر ابد وانا ازوجك
هالنوعيه قلة قليلة بالمجتمع
ما شفت صديقتى السنعه قامت عنها والى يومك ما تحاجيها...اصلا خافت منها
شقلت بطيعنى...!!!!!!ء
ان شاء الله يهداك
ناقصات عقل و دين
:)
هذا اللي اقدر اقوله بس
من بعد اذنج بنت الشامية... ابتلشتي لج الله
أجار الدين كشمش
بسك تربّط عصاص...واسمع بنصيحة الاخت فانكوفر
ترى انزوجك ثلاثتنا زواج كاثوليكي
انا حبيت اشارك وابارك لساركوزي وعقيلته
وبصراحه هالايام الناس ينّت
بنات وامهات وصبيان وشباب
حبيبه قلبي بنت الشاميه
لا لا ماكو الا العافيه
لا يروح فكرج ذاك الصوب
ما بيني وبين اجار الا كل خير
بس نصيحة من اخت
له
اتمنى يفكر فيها عدل
سباااااقه دايما بالخير
وفض النزاعات
يا بنت الشاميه
هههههههه
------
بعد اذنج بنت الشاميه
اجار الدين كشمش
يووووووووووووووووووز
اسوووووله
ما شيشتني ولا شيء
اللي شيشني انه
بنت عزيزه على قلبي حيل
وموجوده من ضمن لسته
اصدقاء مدونه
بنت الشاميه
سكرت بلوغها
والسبه تعليقاتك الساخره
عندها
البنيه انصصصصصصدمت
بعد عمري
والسبه تنكيتك بالكومنت
اللي ماكان له داعي
انته تضحك انا ادري
بس خف شوي عالناس
:))))
متى بتدشن البوست
الاول في بلوغك
؟؟؟؟
-----
اسوله
ايه والله صدقتي يبيله زواج كاثووووليكي
ابدي للابد
مؤببببببببببببببببد
عشان يعرف ينكت
علينا بالهندي
ولد اللذينه
ههههه
يايايايايايابنتتتتتت الشامييييه
وييييينج ؟؟؟؟؟ شهالصيحه المستجله فى بيتج
صراخ وعياي عسى بعد ماكو مكامش
مانى خابره تصير صيحه جذى في بيوت الشاميه الراقيه
شنو شنو تقولين!!!البنات يتخانقون مع اخوهم العود اجار الدين
ليش ليش ؟؟؟؟ مايستحون على وجوهم!!!!1
مو اجار اخوهم العود
يمون يعفر في هذى ويراضى هذي
هذى طبيعة اجار غشمرته قويه
بس بلاخير اهو .....احن واحد عليهم
واللى ماتبى تتغشمر وياه
خلها تقول له اشكره
ها بس وين؟؟؟؟؟ وين
فى بيتها مو عند بيت بنت الشاميه
الفقيره فضحتوها جدام حمولتها وجيرانها
شوف ياأجار يا ولد الكشمش
ما عليك منهم ولا تحتر
تراهم بلأخير ناقصات عقل
خلك منهم
واحقرهم
وخلك معاى
وقولى اللحين
شنو تبى اطرش لك
مراضاة
مارون جلاسيه
ولا
ياحيل الله !!!!!1
رهش عبود الحلواجى
ومن النيرس لي الخدامة لي الحضانة
متى بتدري عن عيالها ما ادري
وتلقينها بنفس يوم ولادتها بالليل بالصالحية تشرب كوفي
شربوها زحير بجهنم
وااااااااااااااااااااااااي سخييييييييييييفه
سسسسسسسسسسسسطحيه
سااااااااااااااااذجه
مسكييييييييييييييينه
حدهاااااااااااا مسكيييييييينه
هذي محرووووووووومه الله حاررررررررررمها من الاجر
هذذذذذذذذذذذي الله غااااضب عليهااااااااا
هني الحرماااااااااان الصج ان عندج الشي بس مو حاسه في قييييييييمته
مثل هالخبله الواحد يتحسسسسسسر عليها و تكسسسسسر خاطره بخباااالها
حمدلله و الششششششششششكر
حسييييييييت يبيلهااااااا فنقققققققر
يعدلها
والله انا اعرف خياااط شاااطر
ابد اعطيه الشغله اليوم يبها باجر
ختروح له
!!
استغفر الله من صجها؟
شنو هالأمومه اللي مقطعه بعضها؟
واااااااي اشلون يهنا لها قلبها ياهل بالسابع
ولا ترضعه
وبتقطه
واي يا رخصك يا الغالي
!!
حشاشه يوفها
شي من روحها
ولدها
واي بس ترا خنقتني العبره
:((
يعني تخيلي تسوي كل هذا
عشان جسمها وريلها ما يلعب بذيله؟
شنو هالمستوى الواطي بالتفكير
!!
اذا اهي تعتقد بكل غباء ان هذا اهو اللي بيحفظ لها ريلها
وهذا الشي اللي يجملها بعينه
فهذي مصيبه
واي قلبي ذاب من الحرة
قولو لها تعطيني ولدها
عشان ما يوسخ البيت
بعد ياهل يركض يعفس شي اخاف يأذيهم
Pp~
بنت الشاميه
حبيبه قلبي
مسحيها بويهي ها؟
احنا يبا السبب
وفوق هذا ناقصات عقل؟؟؟
واجار اخوي الصغير ترى
:)
مابيني وبينه الا العافيه
بنوته
بعد عمري
فتحتي الصفحة
لفض الخلافات
تعالي فججي الحين
:\
乂♥Not.ViRGo♥乂:
الله يكافينا الشر
Barrak:
والله ما حلمت ان تتزوج بقصر الاليزيه
امها داعيتلها بليلة قمر
بس ما عليك الشعب الفرنسي مو عاجبه هالزواج
فريج سعود:
هذى اصلا ما عندها قلب يعرف يحب قاسيه وانانيه
والقاسى يدوس على الناس ولا يهمه المهم نفسه ومن بعده الطوفان
lawyer:
والله من سمعت هالقصة وانا اقول مسكينه محرومه من نعم كثيره
الله لايبلنا ويحفظنا من كل شر
وهوى بالنفس
esTeKaNa:
اعتقد الانسان من يضعف الايمان بقلبه ينقلب الى سخط....فيسوي اللى يحلاله وينسى او يتناسي ان هناك رب كريم يراقب ويسجل كل شيئ من قول او فعل
وهذى والحمد الله مصلعه وكاشفه راسها
الحين الهم الاول والاخير عندها بس شلون تحافظ على زوجها هذا حد اهتماماتها
والعيال خارج هالاهتمامات...عيل تتبنى عيال احسن واسهل وارخص
البطر بنعم الله حرام ولا يجوز و عسي الله يكافيها عقوبة رب العالميين
vancouver
AseeL
ballerina
والمدونة اللى زعلها اجار
=====
يابنات عبد الغنى شربت
استمتعت فيكم وايد وايد وايد
ياحلو الخلاف الراقى اللى يستخدم فيه الاسلحة المشروعه.....هههههه
طبعا الكلام المشروع الراقى العفيف اللى ما فيه تجريح ولا الم للكل
صج من قلبى اشكركم على ثقتكم فينى
ونقلتوا خلافكم عندى فى بيتى اللى هو بيتكم قبل ما يكون بيتى
وقالت كل وحده فيكم اللى فى قلبها
لان الكلام هو الطريق الناجح لحل الخلافات
علشان الكل يسمعه ويعرف الخطا وين
لان السكوت مامنه فايده
تصدقون ذكرتونى بايام اول اذا تخانقنا مع اخوى اللى اكبر منى انا وخواتى
ونروح عند امى نشتكي لها منه
طبعا امى على طول تصف معاه لانه ولداواحنا بنات والبنت لازم نندقم
هههههههههه
صبر صبر صبر ترا انا مو مثل امى انا مع الحق...وماكو شيئ اسمه بنت وولد
الحق حق
وان شاء الله ان اخونا اجار ولد كشمش سمع وعرف ان البنات حساسات وايد
وما يتحملون الغشمرة الزايده
وهو ما قصر اخذ بكلامى وما رد عليكم
وهذا دليل تعاون ايجابى منه لكم
======
اخوى اجارالدين بن كشمش
طبعا انا كلى املى بسعة صدرك وتحملك لشكاوى بنات عبد الغنى شربت
المصارحه اسهل الطرف للاتفاق
وللصداقة الاخويه
ويوووووز عنهم وخف عليهم
وانت ما تقصر ادرى انهم مثل خواتك تحب المداحر والنجره
بس ليش هالايام زايد المداحر
السوق مو زين ..؟؟؟؟والا محتر ما عندك مشاريع.....نسويلك جمعية ونشتريها لك
كعربون صداقه
وعندى حجوه ثانيه غاصه ببلعومى
ليش مسحت المعزبات والهندي
كان تعليق وايد حلو وما فيه شيئ
======
الحين شصار طاااااااح الحطب
وتم الصلح.....ايبب
هااااا ايبب...؟؟؟؟
علقتونى ما سمعت ردكم
هههههههههه
اسعدتونى كلكم
راعية بيت الشاميه
مششششششششكوره على سعة صدرج
ما اقدر اقول اي شى ثانى غير
ماشاء الله عليج
صج انج كبيره فى المقام
الله يهنى اللى حواليج فيج
@@@@@@@@@@@@@@@@
اخواتى الحبيبات اسيل وفانكوفر
الله يديم المحبه بيننا
هع ارتفاع درجة حرارة النقاش
كان لابد ان اتدخل
بفصله تخفف الجو
كل اللى كتبته تراه غشمره فى غشمره
ولا تعصبون علي تراني مو قليلبه
ولا اقلب على احد
انا صافه معاكم على طول الخط
يالله.... كل واحده تقوم تفج باب بيتهم
ترانى مطرشه حق كل وحده منكم
علبتييييين مارون جلاسيه
ترضايه ومحبه
والسارق استهدف وثائق خاصة جدا
ريال بالمستشفى شحقة معاة وثايق خاصة؟؟
وريال بالمستشفى مايستحي على ويها اللي باقة؟؟
تنبية للناس اللي يحبون يصطادون بالماء العكر
اللي باقة اقصد بها اللي باق الوثايق من المستشفى
أوكيييييييييييييي؟؟
لووووووووووووووووووووول
بنات عبدالغني شربت
خخخخخخ
اوكيه رااااضيه
بس على شرط ما ابي اكون مرايم القشره
!!
حبيبتي بنت الشاميه
عسى بس ما انكسرت اباجوره
والا فازه
والا حشنا الكريستال
واحنا انتحاااااذف
لووووول
بعد قلبي
والله
ايه ايه سمعت اجاااار
احنا يبا حساسات
ونلبس الماسااااات
ههههه
مو متعودين على الضغاط وسوالف
التماسيح
لوووووول
والكومنت اللي حذفه اجار
عقب ما طب فينا
بالهندي لين قال بس
تدرين ليييييش حذفه؟؟
عشاااان يطلع اهوه
الزين الشيخ
اللي ماقال شيء
واحنا الاشرار بنات عبدالغني شربت
اللي نتهاوش مع ذبان اويوهنا
لوووول
باليرينا
صااااااافه معانا
؟؟
اشلون وانتي تبينا نروح له
نتسامح منه
وقعدتي ساااعه تراضينه بالحلو
واحنا حتى بنك ما عطيتينا
لوووول
اسوله
قصدي مرايم
نبي الخطه رقم 7
مالت السمج
لووووووول
-------------------
يالله اشوف كل واحد
يسلم على الثاني
ويلمه بعد
وكل واحد يروح الصف
وليكون تتهاوشون مره ثانيه
بنت الشاميه ما نبي يباااااب
نبي سامري
ودق ورقص
:P
موافق .. لكن عندي شروط
و عن سالم العلي .. الحمدلل يت على سرقة مو شي ثاني
بلرينا وفان كوفر واسيل \مرايم\المخ
صاحبة خطة السمج رقم7
الباقيه لم تنفذ
احولكم الي مخيم دولي
لتقراوا ما كتبت وانا مرتز
في غلوم ...كافيه
بالكويتي قهوة غلومو
للاستفاده
ويابلرينا
كستنكم وديه معاج وخلي
كاظم يشويه حق سهرتكم
فمالله
ياااني الخبر أمس
دام السارق قاصد وثائق خاصة
فالحرامي واحد منهم وفيهم
والأيام اليايه راح تثبت شكوكي
ألا أذا ما طمطموها !؟
احالة محمد عبدالقادر الجاسم
للنيابه
بسبب مقالة..في موقعه
صارت ..هذي البدايه
انا ما عندي بلوغ اشوه
فمالله
اشلون نقدر انحصل رقم الدكتور ؟
حسافتج يا كويت:
يبا هذول شيوخ حاجاتهم الخاصه كل معاهم
مو مثلنا
لووووول
بوصالح:
اشرط على كيف كيفك
بس غير الفكرة اللى براسك
وبعدين عن السرقه.....يخترع الواحد اذا حس ان ماكو امان فى مكانه
DiLLi O MiLLi:
بس اشوه ما عندهم بنغال بالمستشفى جان بلشوهم
هذا حرامى حمر عطر يتكلم الانجليزيه بظلاقه....هههههههههههه
اجار الدين كشمش:
الله يفرج كربه
الرقابه على المدونه والتعليقات
وانت اكو تعليقات باسمك الحركى
مو بس راعى المدونه
نسيت سالفة بشار وجاسم.... صادوا اللى علق عنده بالمدونه
يعنى كلنا بالهوى سوا
Nachla:
بعد فتوى الطبطبائي عن الاختلاط
ما اقدر اقول اسم الطبيب...لان حرام يعالج الطبيب الرجل المراة
بنت الشامية:
ممكن أخذ رايج في موضوع خارج الموضوع؟
بما إنج مؤسسة هذي المدونة لازم أستأذن لأن في موضوع بط مرارتي و ضايقني ولأنك جزء لا يتجزء من بنات حواء فمهم نسمع رايك
قريت اليوم هذا الموضوع ونبي نسمع
رايك فيه بعد إذنك
(((قالت الناشط السياسية عائشة الرشيد ' ان الكويت لم يحكمها الرجال وأن هذه الديره من عمرها لم يحكمها الرجال وأن النساء هن من يحكمن البلد '.
وأضافت الرشيد بأنه 'في الكويت يوجد لدينا ذكور ولكن ليس لدينا رجال' وفي رد على كلام الرشيد قال فهد الهيلم الناطق الرسمي باسم الحركة السلفية أن هذا الكلام الذي تلفظت به الرشيد مؤسف جداً وهو فوق ذلك يعتبر طعناً بالذات الأميرية.
جاء ذلك من خلال تغطية فضائية ' الوطن للمسيرة التي نظمتها الناشطة السياسية عائشة الرشيد مع مجموعة من النسوة صباح اليوم أمام مجلس الأمة لدعم مشروع القانون الذي تقدم به نواب التحالف الوطني محمد الصقر وعلي الراشد وفيصل الشايع لإلغاء قانون منع الاختلاط
the end !!!!!
حسافتج يا كويت:
امس قريت تصريحها ....ومت من الضحك
بس لو هالنوعيه تستريح وتصك حلجها
احنا بخير...محد مودر المراة الكويتيه الا هالنوعيه....وكلبوهم يبون يوصلون على ظهورنا
من جم يوم شفت لها لقاء مع ناشطات سياسيات فى برنامج كافيه رمضان
وكلتهم بلسانها قلت والله زين تسنعت وبدت تتكلم عدل....صج خذتها بالذراع
من موظفه مغمورة بالاعلام الى ان وصلت كناشطه سياسيه
بس بعد تصريحها امس لا ابد هذى ما تمثلنا وهذا رايها الشخصى مع الرجل
عندها مشكله مع الرجال
لاتفهمنى غلط..... مشاكل مو شخصيه
بل بالعمل او بالاحتكاك ايام الانتخابات
لان بعض رجال كيفان حاربوها حرب
شعواء ايام الانتخابات
طبعا هى غلطانه والرجال كثيرون عندنا ولهم فضل كبير بديرتنا سواء اعجبونا او لم يعجبونا
وفى رجال ذكور بس ....وهذول قله موجودين بكل المجتمعات مو بس عندنا
فلازم تنتبه لالفاظها وكلماتها
ولازم ما تلغى رجالنا من الوجود
اصلا مو من حقها...رجالنا لهم الفضل الاول والاخير لما احنا فيه
صج المراة ساهمت وثبتت وجودها وجدارتها
و ا ن نساءنا شقائق الرجال
فهذى مسكينه لا تتصيدون لها لانها تبى الشهرة والنجوميه
بس تبى رايي الشخصى فيها
لو تخلى هالخرابيط عنها وتركز بالسياسه وتدرسها وتفهم لعبتها عدل وتحط لها مستشار سنع يفهم.....صدقنى توصل....بس اول تخلى هالخرابيط عنها
تبى من ينصحها لانها تعلمت من الدنيا بذراعها محد احتضنها وودعمها الى ان توصل..... مثل كثير من السياسيين
عندهم.. مال.. وسمعه طيبه .واسره قويه او قبيله كبيرة تدعمه
اخذت الدنيا بقوة ذراعها
وهذى شهادة لها لا عليها
ولاحظ انزلت بكيفان معقل الاسلاميين
بس لازم اول تتصف بالانصاف والعدل مع رجال بلدها....واطالبها بالاعتذار عنهم فورا....بس ما نأجج الموضوع وايد
ونعطيها اكبر من حجمها
عسى بردت جبدك فيها....حياك الله
لوووووو
شكراعلى سعة الصدر والإجابة
أمبيه فظيعة شنو تخلي الدكتور يولدها بالسابع عشان لا يخترب جسمها!
هذي من قلب مصرقعة و تفكيرها حد التفاهة الصراحة
و فعلا نفس ما قلتي هذي وين والأمومة وين
الله يهدي هالنوعيات من الحريم لأن هالتفكير ما يندرا شنو عواقبه
يعطيج العافية على هالموضوع الحلو
Post a Comment