كثره الدق يفج اللحام

اليوم سمعت سالفه ما أدرى شلون أحكم عليها
الكل قام بواجبه على أكمل وجه ...الإ القانون
هل ممكن تعديل هالقانون

وحده جوازها إنتهى وكانت مستعجله لأنها بتسافر
وقيل لها إذا رحتى بنفسج يخلص الجواز بنفس اليوم
ولإنها مستعجله راحت إدارة الجوازات
تقول

دخلت المبنى وتلفت ما شفت ولا حرمه كلهم رجال
رحت لموظف الإستقبال وقدمت له طلبى
سألها الموظف إنت متزوجه ..؟؟؟
قالت : نعم
الموظف : وين ريلج
قالت : مشغول ما يصير أنا أسوى معاملتى بنفسى

الموظف : لا ما يصير
قالت : الحين شنو الحل....؟؟؟؟؟
الموظف كلمى المدير
دخلت على المدير وقالت له السالفه وإنى مستعجله
على الجواز
المدير ...بكل لطف وأدب : عندج توكيل من زوجج
قالت : لا
المدير: شسم زوجج الرباعى ... تاريخ ميلاده
عدد العيال........الخ ....الخ
اللى أقدر أسويه أكلم زوجج وطبعا هذا
مخالف للقانون ولكن بساعدج
دقت على ريلها وقالت له إن العقيد بيكلمك
المدير قام من مكانه وراح بعيد وكلم ريلها
ورجع لها..... ووقع على الطلب بالموافقه
وراحت تكمل المعامله ......ولما عطتهم صور للجواز
قالت الموظفه لها هذى الصور قديمه نفس الصوره
بالجواز القديم.....وهذا ممنوع لازم صورة جديده
قالت لها : الصوره مخالفة للشروط...؟؟؟؟
وأصلا ما عندى وقت أصور صور ثانيه
قالت الموظفة لا بس قديمه لازم موافقة المدير
قالت خير إن شاء الله أروح حق المدير
ودخلت على المدير مرة ثانيه ووافق لها على نفس الصور
وردت على الموظفه وخلصت المعاملة
وطلعت جواز جديد
إنزين عطونى الجوازالطامه الكبري
لا ما يصير تستلمينه لازم ريلج يستلمه
تقول جان أطالع الموظفه هذيك النظره
وقلت لها إنت من صجج ...؟؟
جان تقول الموظفه هذا القانون.....يا ريلج
أو أى أحد عنده توكيل من ريلج
أو تدخلين على المدير........!!!!!!!ء
تقول الحين شرد عليها لو أتكلم محد يقدر يسكتنى
إنطنييييت وما أقدر أتحمل أكثر من جذى
قالت للموظفه تدرين هونت مانى مسافره
وماأبي الجواز خليه عندكم

وطلعت من الغرفة وصفقت الباب ورجعت البيت
المهم لما رجع ريلها سألته شقالك المديرقال سألنى عن أسم زوجتى الرباعىوإذا أنا موافق لها أن تستخرج جواز جديد لها

وتاريخ ميلادها

طبعا قلت الاسم الرباعى...... وإنى موافق لها
أما تاريخ الميلاد فقلت له السنه أما اليوم والشهرماأعرفه بالضبط....نسيته....!!!!ء
شنوووووو ما تعرف تاريخ ميلادى.......؟؟؟قالت خل أسكت أكرم لى
الظاهر اليوم مو يومى
حرتى من ريلى أكثر من حرتى
من إدارة الجوازات

======

============

سالفه ثانيه

اليوم العصر كنت فى عزا ودخلت علينا

السيده نوريه الصبيح تعزي اهل البيت

أول شيئ كل من يتناقز ويقول شوفى شوفي أم عادل

وبدت الأصوات ترتفع شوى شوى وتصير صيحه

وكل وحده تسلم عليها تحببها وتبارك لها

و الكل يقول لو مو عزا جان شلنها يباب لج

وتيمعوا الحريم عليها مسكينه استحت من أهل العزا

وسلمت علينا وطلعت والحريم زفوها الى سيارتها

مثل زفة ناصر المحمد وجاسم الخرافى لها الى

سيارتها يوم استجوابها

شيسمونها هذه الحفاوة اللى

استقبلوا الحريم السيده الفاضله ام عادل

من جميع الأعمار.....لو بس شايفين عيايزنا شلون

دعولها ....العيايز يفزون لها قبل الصغار

اللى يعرفها و اللى ما يعرفها

.هذا شيسمونه...؟؟؟؟؟ مأدري شسمه

بس رديت من العزا وقلبى منشرح

=====

===========

سالفه ثالثه

خبركم الجعده هنى بالكويت

اليوم شاف بوستى السابق عن بوش

وقال لى : ابي اعلق عليه

إن الشعوب ما لازم تحب رئيس غير رئيس ديرتها

وإن الحكام بالعالم لازم تعرفين ما يحبون شعوب غير شعوبهم

بوقتها ما تذكرت الإ سالفة أخوى فهد العسكر

عن الطوط اللى توها طالعه من البيضه

جان أقوله إذا هذا تعليقك الله يعافيك لا ترد أمريكا

وخل أحول أوراقك وإدرس بالكويت أحسن لك لإن

ما كو فايده منك وضحك وانحااااااااااااش

وما شفت الا غبرته

قبل ما يحوشه شيئ منى

وسلاااااامتكم