هلا فيك إنت وأبوك وأمك
من بعد رب العالمين
فضل أبوك ما ينسي
دين برقابنا طول الدهر
هلا فيك بديرتك وبين أهلك
لو أكو وقت جان عزمتك بديوانا
وجان تهاوشت بالديوان الأميرى
من زمان..... من قبل ما تينا
و خذيت دور وليحددوا لى موعد لزيارتك
ديوانا العــــــــــــــــــــامر
مو اللى انعزموا بالدواويين بأحسن منك
لو قايل لنا أبوك بوقت الغزو
90%
من دخل النفط لأمريكا .......ونحرركم
90%
من دخل النفط لأمريكا .......ونحرركم
جان عطيناكم إياه كله ……. هوا بدون أى تردد
اللى بداخل الديره من الصامدين
من ريايلينا وحريمنا وعيايزنا وشيابنا وعيالنا
وكسرة وجوه شيوخنا وهم لافين عند ابو الفهود
رحمة الله عليه اللى ما قصر لا لهم ولا لنا
ودمعـــــــــــــــــــــــــــة بابا جابــــــــــــــر
أغلى من كل هالنفط بمليون مره
بس تتحرر الكويت
وترد لنا ونشوف أهلنا
بس تتحرر الكويت
وترد لنا ونشوف أهلنا
أدرى لو ما عندنا هالنفط محد التفت علينا
بس الله كريم... رزقنا هالنفط ونفعنا وقت الحاجه
ومثل ما قال شاعرنا
ما نبى النفط ومعاشه
صرنا للعالم طماشه
فأهــــــــلا بولد شيــــــــخ الــريـــــايــــــل
ما نبى النفط ومعاشه
صرنا للعالم طماشه
فأهــــــــلا بولد شيــــــــخ الــريـــــايــــــل
فى دولـــــــــــــــــــة الكويت المحررة
44 comments:
بوست رائع
يثير الاشجان
عسى الله لا يعودها من اياااام
انا وكل عايلتي كنا صامد الحمدلله
وبوقت من الاوقات كان جورج الابو بعيني رجل ولا كل الرجال
كنت احضن الجنود الامريكان بقلبي بشوارع الكويت اول يوم من التحرير
كنا نبجي دموووع واحنا نشكرهم على انهم طلعونا من الايام السودة اللي عشناها
الله يافرحتنا بشوفتهم
:)))))))))))))
بس
وبعدين كبرت
وفهمت
وايقنت
انه كل اللي صار
لهم دور فيه وكبير
ادري ادري وااايد ناس بيقولون ذبحتونا بنظريات المؤامرات والبطيخ
ادري انه ما في شيء بالدنيا ينسينا انه
صدام الجبان وجيشه القذر
اهمه اللي دنسوا ارضنا بوجودهم
بس ماعادت نظرتي للجندي الامريكي
ولا لبوش
مثل ما كانت
ادري بنفطنا وخيرنا تحررنا
مو لسواد عيوننا
بس هم ادري
انهم على كثر ما تحمسوا انهم يحررونا
على كثر فرحتهم باللي صارلنا
لانه بالنهاية كل شيء صب بمصلحتهم
وعلى كثر ما احب جورج الابو
لاني مستحيل انسى انه قاد الجيوش عشان تحريرنا
وهالفضل ما ينسي
ابدااااااااااا
اكره ولده
ترى شوي عبيط
هههههه
الحمدلله اللي سخرهم لنا
بذيك الايام
احلى جمله سمعتها بحياتي
لما جورج الاب
قال
سدااام حووووسين
راح يطلع من الكويييييييييييييت
الله يااااااااا فرحتنا
نرجع نقول
شكرا مستر بووووووووش
يعني حتى لو هذي كانت دوابيركم
حتى لو شفطتوا نفطنا شششفط
بس عسل على قلوبنا
ولا عيال الكواوله
يقعدون
وعدنا بوش الأب بتحرير الكويت و قد أوفى بوعده
فأهلا و سهلا بإبنه في أرض الكويت ضيفا كريم لتجديد العلاقات مع الولايات المتحده الأمريكية التي تعتبر لنا حليف و داعم لقضايانا في المنطقة
حللت أهلا و سهلا يا مستر بوش :)
يا هلا ومرحبا بمن حبا ودبا وركب القوليلبا
بإسم الكويت وشعبها وين ماكـان
يامرحبا يا بوش من قلـب ولسـان
يابوش أحيي فيك قايـد وفهمـان
يحق للديرة تضمـك بالأحضـان
من مجلس الأمة إلى قصر دسمان
تقدير لأفعالك وشكـرٍ وعرفـان
في صفحة التاريخ مكتوب عنـوان
عاداتنا يا بوش من عبر الأزمـان
إنجازي الأحسان حنـا بالأحسـان
يا بوش ما اسمك بوش إسمك كحيلان
يا بوش ما قصَرت يا ذرب الأيمـان
يا جورج بوشٍ يا ذرى كل بلشـان
قصيدة طلال السعيد للرئيس جورج بوش عند زيارتة الكويت بعد التحرير
:)
مو اللى انعزموا بالدواويين بأحسن منك
واو.....قويه
جنى اشم ريحة
غمز ولمز
*********************
حده البرداللى يانا البارحه تحفه
ناسينا من زمان ما استمتعنا
بوست قمه..بالوفاء
اكيدين النفط كله مايعادل الارض وشعبها ..وخاصة يوم اعلن النذل صدام ..ابن النطفه القذره
يجب دمج الشعبين ..وترحيل الكواته الى..شويه بكركوك وشويه بالرمادي وشويه بالكوت
وخل اهلنا يطلعون من الكويت من الخوف
مما اضطرت المقاومه الكويتيه
تهدأ من روعنا وتبث انها اشاعه
لا تهدون بيوتكم
ولو ما الله وبوش الاب جان
الربع شويه كواوله وشويه اشوريين وشويه اكراد ..والتجمع
العائلي الكويتي
بالعيدين.. في سوق الشورجه ببغداد..ولا بسين بدل مقلمه والبعض لابس شروال كردي و الي امه شايله بيض فوق راسها
والي شايل قفص دياي
هدايا حق بعضهم بعض
وانتي صاجه يا بنت الشاميه
الفضل لله وبوش الاسد
""""""""""""
لكن الان ..هناك جيل لا يحس بهالمشاعر ابدا ..وخاصة الي كان عمره من7الي 11
الان اعمارهم من24 الي28
ولا يتفاعل مع العداء الذي نكنه الي كل من وقف ضد تحرير الكويت بالغمز واللمز ..او مباشر كالنذل الاكبر ياسر عرفات
والجربوع الاوصخ على الكره الارضيه ..الملك حسسسسسسسسينوه الهاشمي
امريكا واجهة نفس الشئ من شعبها بعد الحرب العالميه الاولى ..وخاصة التعاطف مع الشعب الياباني
ولكن امريكا سهل عليها ان توصل المعلومه الحقيقيه لشعبها
الذي لم يولد وقت الحرب
فكان القرار هو ..هوليود..الافلام
ونجحت
ولكن احنا اشلون نقنع الشعب الكويتي الذي لم يولد وقت الحرب
وكيف نقنعه ان لابد ان نتحالف مع الامريكان
الي ..ان يقضي الله امرا
الصراحه ماني لا قي حل الا
مسرحية عبدالحسين عبدالرضا
هي الوحيده ..ولكن ما يصدقونها
كلهم يعتقدون انها كوميديا فقط
مع العلم انها حقيقيه
وتجسد الاسره الكويتيه بالغزو
فتحتي جروح يابنت الشاميه
الي الان لم تلتئم
لو اقولكم اشلون انا بالغزو خواف ديايه ..تموتون من الضحك
الي اذكره اني الي الحين ما شفت جندي عراقي ..مع العلم ان
امي قبل ما تنجب تقول
نجبوا حق الجنود الي نايمين تحت
الطوف من الشمس حرام
لان الشيخ بن جراح افتى
اذا الجندي مسالم وقاعد يؤدي واجبه ..ويحرسكم بنفس الوقت ..لا تقتلونه وقتله حرام وقتله حرام
اعيدها عليكم اخاف ما تصدقون
الله يرحمك يا بن جراح
صج ان الجنود حموا المنطقه من الحراميه
سسسسسسسسسسسامحيني
على التنفيس
فمالله
اسفرت و نورت و استهلت و مطرة .. يستاهل مستر بوش :)..
لو ما اهما بعد الله جان لي الحين جار السو دايس بمردانا و العرب يتطمشون ..
لا تعليــــــــــــــق
:)
VimtO:
شكرا وحمد الله على السلامه
vancouver:
كل هذا من تدبير الحكيم وليس من تدبير البشر.....وحنا بقضائه راضين وشاكرينه وحامدينه
والوفاء من طبع الكريم
واحنا ان شاء الله شعب كريم
عتيج الصوف"
صج حللت اهلا ورحلت سهلا
يا مستر بوش
فريج سعود:
اخاف بوش يخاف من القوليلبا
لازم نسال بوعسكر هو صديقه
DiLLi O MiLLi:
صج كانت قصيده من القلب لضيف كريم
صح لسانه
ballerina:
لا والله لاهى قويه ولا شيئ
واقولها مره ثانيه
هو احسن من اللى انعزموا بالدواوين
=========
والبرد عجبه اموت على البرد
استغرب لما ألقى احد وبالذات كويتي يهلي ويرحب ببوش وكونداريسا .. ليش منو اهمااااا؟ ملائكة نازيلين من السما ؟؟
كلها سوالف مطبوخة بوش اهوا اللي سوا صدام ويانا يحررنا مو عشان سواد عيونا كل عشان النفط ومصلحته العليا
اشيايبه هالبوش على قولة العراقيين بوش الصغير !! شعنده ؟؟ خلصت فلوووسه وياي يتسلف
اجار الدين كشمش:
معلومات قيمه
بس عيالنا بدوا ينسونها
لازم نذكرهم طول الوقت
لازم ما ينسون
======
والله يهنيك لى هالام عسى الله يطول بعمرها
والله يرحم الشيخ ابن الجراح
شيخ علماء الدين بالكويت
موهالشيوخ اليدد....يتقاتلون للبروز بالقنوات الفضائيه
ليتهم بس يتعلمون منه تواضعه وزهده بالدنيا وقوة ايمانه
رحمة الله عليه
bu saad:
اكيد لا تعليق
اقرا تاريخ بلادك
او برشمه لان بالتبرشم نوع من الدراسه
Sara:
يوم الغزو كان عمرج اعتقد كان خمس سنوات
ما تذكرين شيئ
بس بتكبرين وبتفهمين بعدين لما تقرين كتب التاريخ.... ليش صدام غزانا....وليش بوش والعالم ساعدنا.....مشكلة الوطن العربى
يحب يعيش جو المؤامرات....يجد نفسه فيها.....لاحول الله
وتندمين وتقولين الله وانا كنت الوم كل كويتى يفرح بزياتهم للكويت
تكبرين وتفهمين ان شاء الله
بنت الشامية:
مو زاير مكان غريب... زاير الولاية الواحد وخمسين الملقبة بالحليف الرئيسي بكل فخر
لازم ما ننسى ان النفط الكويتي له سعره!!
مو شرط اللي مصالحنا الفردية كدولة تتماشي ومصالحه بلعبة سياسية قذرة ومحبوكة..."نحبه" ونهلل فيه
* * * * * * *
أجار الدين كشمش:
صج اني ما كنت بالغزو في الكويت ولكني مو من فئة لبيسة الحفاظات على قولة اللي ما يحبونه... بس ماني مع الفاشية الامريكية
السياسة اقذر لعبة عرفها التاريخ
..سيدها المصلحة
..وعبدها الانسان
..وميتها العاطفة
البرد شكله مأثر على الشعب الكويتي.. مو عارف يفصل بين المصالح والعواطف.. باجر يخلص نفطنا يعطينا مقفّاه.. عاملوه على قد الحاجة والمصلحة
.وبس
بنت الشامية.. أهديج قصيدة تميم البرغوثي في مدونتي
ماني مع القومية العربية لانها صارت ثوب مهترئ ومشقق لكن هم ماني مع خلط المصالح بالعواطف
السياسة.. افهم مصلحتك وين ومع منو بس لا تنسى اللي جدامك منو وليش
بس هذرت عليج وايد :)
AseeL
والله والنعم صح لسانج
صج الكويت الولايه
51
بعد ما تحررنا صارت العمليه قذره
ومحبوكه والذى منه
كله صج بسهم افضل من الكاوليه اللى احتلونا....وهم اللى حررووووووووووونا
قلت ببوستى ما نبي نفطنا.....نبي ارضنا
خو النفط مو مطول بيخلص
بس ارضنا لنا و ردت لنا
خل ياخذون كل النفط عليهم بالف عافيه
الارص هى الاهم
واللعب السياسيه احنا ما نقدر عليها واكبر من حجمنا ....ما نقدر عليهم
كنت متوقعه انج اكثر وحده فاهمه الواقع
================
واحنا مو احسن من اليابان والمانيا
لازالت القواعد الامريكيه موجوده عندهم من الحرب العالميه الثانيه
بل زادتهم استقرارا سياسيا واقتصاديا
وتعتبران من الدول الاقتصاديه القويه
اشوف ما ضرتهم امريكا بشئ
التاريخ كله عبر....بس لازم نحسن قراته وفهمه
AseeL:
الله يهداج اسيل...حاطتلى شاعر فلسطينى
ماني مع القومية العربية لانها صارت ثوب مهترئ ومشقق لكن هم ماني مع خلط المصالح بالعواطف
لو فيه خير نفع نفسه واهله مو هو اللى يعلمنى....عن خلط المصالح
مصلحتى ان امريكا ترد لى ديرتى وتحمينى من كل جيرانى
ومصلحه امريكا نفطى وقواعد عسكريه
بعد اكو اكثر من معرفتنا بمصالحنا
اعتقد كافى خمسين سنه واحنا مقدمين مصالح الاخرين على مصلحتنا الحين مصلحتنا اول شيئ
وسامحينى طولت عليج
لانى اكثر ما اكره بعد الغزو هم الفلسطينيين....ولن اسامحهم طول العمر...تصدقين اكرهم اكثر من العراقيين
زين سهرتينى اليوم
تصبحين على حب تحت ضوء القمر
حشينا فيج ذاك اليوم أنا وياها وإحنا بالسيارة
ويتشكر منك ويقولك إنه من المتابعين بس لا تشيلين بخاطرك على مسلم لأنه ما يسوى
هذا كلام بوش
لا يروح بالك بعيد لا أنتي ولا الأخوة القراء
قصدي وياه بالسيارة، طلعت معاي أيه مالها داعي
اليابان والمانيا من الدول الكبار والمتقدمة ما اتقارن فينا لا اقتصاديا ولا سياسيا ولا جغرافيا أو تاريخيا
كل دولة لها ظروفها وبعدين انا قلت اني مع مصلحة الكويت اي.. بس علينا نتوعى ان السياسة مجرد مصالح
انا مو ضد التعامل مع امريكا لكن ضد شبك المصالح بالعواطف
هني نقطة الخلاف بيني وبينج مع بعض الاخوة المدونين
السياسة تنحسب بالمسطرة والقلم مو ابـ بوسة وكلمة حلوة
سياسة امريكا البقاء للأصلح وامور كثيرة اخرى كما الفاشية والنازية وان اختلفت الصورة في بعض الجوانب... السياسة مثل البيزنس ما فيها حب ويمه ارحميني وهلا فيه ونحبه..الخ
وبعدين تنتقدين الفلسطينيين...الامثلة شفتها بعيني من جيراننا الفلسطينيين لما رحنا مصر مصر وقت الغزو مافي داعى اهذر على راسج بقصص... الدنيا ما تخلى واصابعج مو سوى ولا تاخذين شعب بأكمله بجريرة أغلبه أو بعضه... هذي مشكلة الكويتيين يوقفون في منتصف المربع وينظرون لزاوية واحدة فقط... النظرة الشمولية منعدمة
عموما هذي وجهة نظر واللي فتح ليوانه لازم يرحب بضيوفه ولا تعصبين الدنيا ما تسوى
:)
واي يوم قلتي دمعة الشيخ جابر خنقتني العبره
!!
الله يرحمه وعساه بجنات النعيم
عسى الرحمن يغفر له يارب
والله يا بنت الشامية كل ما اشوف هاللقطة لي يومج ابجي
الحمدلله اللي ربي عزه وبلغنا بشوفة ذل من ذلنا
وحيالله بوش واهله
:)
Sorry Bent al sahmiya but you have no understanding of American Politics. It was not Bush Sr or Jr that freed Kuwait, it was an entire administration along with backup from congress that led to liberation of Kuwait. It was not like Bush said "Lets free Kuwait" and the troops magically appeared. That sort of stuff only happens on our side of the world.
If we can stop thinking in our little Kuwaitosphere and look at the region, Bush Jr. and his administration are possibly the worst president ever! Even though his father "helped" us, his son's administration hurt the region much more than he helped it. They increased the support to Israel by $30 billion, completely destroyed Iraq plunging it into civil war and only caused more violence and extremism. Now obviously you are going to reply "who cares about the region, aham shay el kuwait!" Well I have news for you, it is only through a strong a stable region will Kuwait ever fully develop. So speaking purely from a Kuwait self-interest point of view, Bush Jr. was bad, and I can back this with economic proof.
Final word: What happened in 1990 was horrible, but its over, now please PLEASE stop living in the past and start looking into the future!!
الله يرحمك يا بابا جابر
ما انسى هاللقطه جنى اشوفها الحين
:/
والله لا يعود الشر
وولكم بوش
:)
شنقدر نقول غير ولكم
:))
اخت اسيل
انا ما شفت تعليقج علي الا الحين ..وصفج الامريكان فشيست
ووهو وصف لم يطلقه عليهم 191دوله في الامم المتحده
انا قرات رايك كله..وانا معك ان الالمان واليابانين دول عظمى الان بعد ان تحالفوا مع الامريكان
وبينهم نديه صناعيه ومع ذلك
لم يفكوا التحالف
كيف نحن دوله لا شرطة مخافر لديها ..كيف لها ان تحمي
نفسها من ذئاب حواليها
ماذا تريدين للكويت ان تعمل ؟
العرب مجتمعين لم يستطيعوا
تحرير لبنان من السورين و
بكلمتين من امريكا غادر الجيش السوري لبنان مدحورا بعد 17 سنه
كوني واقعيه اكثر
نحن نعلم ان النفط زائل
وانت تعيدين الاسطوانيه
لولا النفط ولولا النفط
كأنك عبدالباري عطوان
وليث شبيلات الفلسطينين
والاخوه الفلسطينين بجميع
منظماتهم الاسلاميه والليبرالي ترددين نفس منطقهم
وانت عمرك 13سنه
عجيب اندفاعك الغير مبرر
العاطفه والمصالح منطق
ياسر عرفات حتى دمر الشعب الفلسطيني وشرده وجوعه اكثر مما هو جائع
لو النذل عرفات كان واقعيا
وجلس مع السادات لاخذ حدود 67
ولكنه اخذ منطقك انتي الان ..ومات و
تركهم يشحتون 40 بالمائه من ارضهم
انا عندي لك نصيحه
ما يصير فاتن حمامه
تصير مطربه ..هي ممثله
انتي تركي السياسه
لانك فاتن حمامه بالشعر والنثر الرومانسي
فقط
فمالله
Fahad Al Askr:
انا زعلانه عليك
شدعوه ما دقيت على ...؟؟؟
يا حافظ لو بس اسمع حسه واعزمه لو بمول الجمعية وناكل عند زيت وزعتر
واعلمه اخبارى .....ياحافظ صكيت عليه
ولا خليت احد يشوفه
ما طلعت على سميك
واذا عزمت بتروح له ...مرنى
مو تنسى
aseel:
هلا بالشيخه
ابد مو عصبه ولا شيئ ياحافظ شدعوه الاختلاف لا يفسد للود قضيه
المهم الفلسطنيين كلهم قياداتهم واحزابهم الدينيه وشعبهم....خل يحبون انفسهم اول وبعدين يحبون غيرهم
الله غاضب عليهم من 1948
ما نفعوا روحهم بينفعون غيرهم
وبعدين لا يمكن ان اسامحهم على مواقفهم معنا ابدا....ترا موقفهم منا ما تغير من الغزو الى الحين
واللى تقولين عنهم هذول قله قليله جدا من الشعب الفلسطييني
وهم هذول ما ابيهم
سامحينى هذا موقفى منهم..... اسامح العراقيين ولا اسامح الفلسطنيين
الى متى قلوبنا طيبه ونسامح ونغفر
متى تقعد قلوبنا
قلبك ابيض
esTeKaNa:
الله لايعيد هذيك الايام
ويقولون لنا لاتعيشون بالماضي
اللى ما له اول ما له تالى
والحمدلله اللي ربي عزنا وبلغنا بشوفة ذل من ذلنا
وانت صاجه
charisma:
والله ولكم بوش
ما نقدر نقول الا جذى
الله يرحم الجميع
Abdullah:
الولايات المتحده دوله ديمقراطيه
تحكمها مؤسساتها.....وبوش رئيس الولايات
هم وما قصر حرر الكويت بنغير المسميات نغير الالفاظ الامريكان حررونا
نعم يبون نفطنا مادام نملكه
عليهم بالف عافيه وحلال عليهم
وبنعيش بالماضى لان من لاماضى له لا مستقبل له
واحسن ما سوى كسر العراق
وبس امريكا اللى تساعد اسرائيل..؟؟؟
كل الدول الاوروبيه تساعدها
ولازم يساعدونها ...مصالحهم تفرض عليهم مساعدتها
لا تخلطون الاوراق
Seriously, "who has no past has no future" is that ur response. Cliches, vague expression and unbacked claims are a Kuwaiti speciality. All I can say is good luck with you beloved Americans and try to be a little less naive when it comes to political analysis. A little depth never did any harm
بنت الشامية:
اشوة اللي كنت باقوله لج سبقتيني فيه.. كنت باعزمج على عصير ليمون بنعناع :)
اقول يا ربي بنت الشامية مشالله دايما تتقبل الراي الاخر وغير متطرفة وتؤمن بمبدأ التعايش بس يمكن زبارة عمهم بوش أججت المشاعر :)
كلامج صح انا معاج بخصوص الفلسطينيين بس انا كنت اتكلم من ناحية المبدأ بشكل عام والقصيدة عجبتني ادبيا وموضوعا بعيدا عن هوية الشاعر
زين فكيتينا من صورة عمكم وحطيتي بوست يديد :P
بنت الشامية
مابي أفهم شي ياي من بوش وأهله لان نصاب وقاعد يلعب فيكم وانتوا مستانسين وتصفقوله .. اذا كنت ياهل وقتها فانا كبرت الحين ما ظليت ياهل ..
بوش وصدام وبن لادن هذيل كلهم ربع شلة وحدة .. بس يمثلون العداء على بعض عشان احنا نصدق ونحب بوش
ماقول إلا لا هلا ولا مسهلا فيك يا بوش لا إنت ولا الكونداريزا
Sara:
اختى الصغيره اعتقد 23 سنه سن الشباب وعنفوانه......والسياسه تبيلها قراءات وفهم عميق لمعرفة دهاليزها ا وربط المعلومات لكى نصل الى النتائج الصحيحه اما المعلومات البسيطه ما تعطيج نتائج واضحه
لا اطول عليك كل شيئ يصب بالاخير لمصلحة الكويت نبيه ونايده
واى شيئ خارجى يضر بمصالح الكويت نرفضه رفض بات ولا نقاش فيه
الهم الاول مصلحة الكوووووووووووووووووويت
مو المصالح الخارجيه
خلينافى حب الكويت هذا فى مصلحة الجميع =====
وباجر تكبرين وتفهمين ان كلامى عدل يمكن مو صح بس عدل....حسافه عليج لا تندفعين وايد....الكويت هى البقاء ونحن زائلون
مو جنج قسيتي علي بالرد!!
على العموم ببرشم مني لي باجر ذي المناصب مو احسن مني.....ولا اقول مره وحده بشتري شهاده مزوره
وعلى طاري التاريخ .....
ما يهمني غير ان الكويت تحررت بفضل ربي وحده و بس
ولا ترجعون الفضل لبوش
والايام اكشفت حقيقة اللعبه ....والله يستر من الجاي
فانا اقووووول
لا هلا و لا مسهلا بوش و ربعه
وتحيا الكويت 3 مرات
وعاش الامير 3 مرات
و تحيا الامه العربيه 3 مرات
وتحيا الامه العربيه عند محبي بوش صارت جمله تررد فقط
والسلام عليكم و الرحمه
bu saad:
سامحنى اذا قسيت عليك
الصديق مو من ضكنى الصديق من بجانى وصحا قلبى من غفلته
لان البراشيم عمرها ما تنفع صاحبها وطريج العلم طويل طويل وانت اللى بتدفع الثمن غالى بعدين
فنصيحتى لك ادرس ادرس وتعلم
العلم منفعته لك....ومستقبلك
ومن زرع حصد
ومن سهر العالى ..نال الامانى
ومن جد وجد
صدقنى هذه نصايح غاليه لك ولاربعك
اعمل فيها وسوف تحصد المنفعة بالمستقبل
ما عليك من غيرك.....عليك بنفسك
======
طبعا الفضل الاول والاخير لرب العالميين
ورب العالميين سخر لنا بوش
كل شيئ بارادة رب العالمين
والرب يقول اسعى ياعبد وانا اعينك
مو تتكل على وما تسوى شيئ
والامه العربيه عفطت فينا وشاتتنا
فما كو الا وطنى الكويت سلمت للمجد
وعاش الامير
وحياك الله
Post a Comment